玉桃軒酒家 (利舞臺廣場)

營業中

休息中

平時晚飯好少揀中菜，不過有日同事話我知玉桃軒嘅片皮鴨唔錯，而且做緊特價，另外，晚飯都可以order古法千層糕，所以決定一試。7點去到銅鑼灣玉桃軒，環境寬敞舒適。片皮鴨嘅鴨皮好香好好食，兩個人食份量都幾多，餅皮望落少但其實岩岩好。皮和肉的比例岩岩好，鴨皮酥脆，唔太肥，食落每一啖都充滿鴨油香，配上青瓜絲、京蔥絲及醬汁和餅皮一起吃，真係好好味！開頭諗住食個片皮鴨未必夠飽，所以order左一個小食，蒜片牛柳粒。呢份牛柳粒煮得幾香口，而且蒜片嘅味道都好香，令到全碟嘅小食都變到好惹味。我係為左古法千層糕而黎食，以前細個飲茶時必叫，但宜家已經好少地方可以食到。難得比我搵到，當然一定要叫喇。蛋黃千層糕令人滿意，甜而不膩，就算吃飽也忍不到口。最後再加左個椰汁百合燉雪蛤，雪蛤本身冇味，椰汁味道清香，有蓮子同多舊雪蛤夠多料。

秋冬皮膚容易出問題，今早到銅鑼灣覆診後，就帶媽媽到酒樓開餐。玉桃軒就在利舞臺20樓，地點就腳，離地鐵站不到半分鐘路程。點心紙上的食物選擇極多，蒸點、甜品、合時蔬菜、精選小食、鑊氣小炒 及粥粉麵飯，各適其適，應有盡有。鳳爪排骨蒸飯皮膚不好，只能忍忍口，點心全都以蒸點為主。鳳爪排骨蒸飯挺大盅，排骨嫩滑不韌，鳳爪軟淋入味。煎蛋牛肉餅蒸飯牛肉餅口感超細滑，帶有牛肉香，非常適合佐飯，唯一美中不足是煎蛋有點偏乾，如果是半生熟的話，蛋汁留在牛肉餅及飯內，會更好吃。羅漢齋腸粉腸粉口感細滑，內裏加了大量香脆餡料，如:木耳絲及紅蘿蔔絲，口感豐富。蠔皇叉燒包叉燒包非常鬆軟，入裏叉燒餡料足，味道香甜，推介。醬汁豆豉蒸鳳爪由於吃鳳爪排骨飯，分了一隻鳳爪給媽媽，有點意猶未盡，所以特別點了豉汁蒸鳳爪，這裏的鳳爪味道不錯， 不會過鹹，而且煮得淋滑入味。芝麻卷甜品時間，點了芝麻卷，味道香香甜甜， 芝麻味濃，讚。

銅鑼灣利舞臺二十樓的玉桃軒是我第一次光顧，原來這酒樓的一側是裝上落地玻璃窗，非常光猛和開揚，感覺舒適。午市擠迫時間還未到，所以我們二人也被安排了一張寛敞的四人枱，比較舒適。～豉椒斑腩炒麵炸過的蛋麵特別好吃，一口咬下極為鬆脆，其他沾了獻汁的麵軟滑，味道又恰到好處，再加紅醋吃的話，味道便即時提升。豆豉青椒惹味，炸過的斑頭腩一點也不會腥，魚肉亦鮮美可口。～四式點心四式點心（各式兩件）應該是最受二為單位的客人歡迎，既可嚐多幾款點心，又不需擔心吃不完。蝦餃和鮮蝦菜苗餃同樣晶瑩爽口、蟹籽燒賣的豬肉和蝦肉的份量不少，乾蒸牛肉沾上浙醋來吃，味道更好。～懷舊千層糕現今不是很多酒樓肯花時間製作的點心，這裏的千層糕賣相不俗，鹹蛋味較特出，饀料豐富，最重要的是不會過甜。～鳳梨叉燒酥酥皮鬆脆，饀料味適中，叉燒粒和鳳梨粒切得很細，吃起來外脆內軟。我們對今天的午餐非常滿意。

收工後來到利舞台同家人一齊食晚飯，餐廳樓底好高，侍應服務態度很好招呼我們坐下。有很多一家大細來食餐飯。餐廳很大，位與位之間相隔很遠，唔驚講嘢太大聲。頭蒜虎皮椒爆牛肉材料很重手，好多牛肉。牛肉炒到岩岩好，熟度適中。另外唔小心中伏，虎皮椒超級辣。翡翠炒龍躉球 - 顏色鮮艷，好多西芹，西芹好新鮮，咬落去卜卜脆，有口感，而配菜仲有紅蘿蔔🥕。龍躉魚味濃郁，肉質鮮嫩，好新鮮。紅炆龍躉頭腩 一餸兩味再叫左紅炆龍躉頭腩， 龍躉頭腩肉，肉質鮮嫩，好滑。而配菜則有豆腐同火腩。豆腐炆到好入味，配上火腩，男人的浪漫。最後仲叫咗椰汁百合燉雪蛤，遠處已經聞到好香椰汁味。另外在叫咗呂宋香芒布甸，布甸好厚實，酸酸甜甜，口感一流。

再次嚟到銅鑼灣玉桃軒食晚餐，位於利舞台廣場的20樓。環境優美，人流不錯，好多一家大細來食餐飯。本來想叫北京填鴨，點知侍應話賣晒，跟住就叫咗個沙巴大龍躉兩味。翡翠炒龍躉球 - 西芹好新鮮，色澤翡翠增添左道菜的美感，龍躉煮的時岩岩好，肉質厚實，魚味濃郁。紅炆龍躉頭腩 好多材料，有豆腐/火腩/蒜頭和龍躉。龍躉肉鮮嫩，好多火腩，配上蒜頭炆得好入味。XO醬野菌炒花枝好少係香港食呢道菜，好多花枝，而花枝煮到好爽口，另外仲有好多野菌，時間煮得岩岩好，口感一流。最後仲叫左紅豆沙，椰汁紅豆榚同埋紅豆沙作總結。

最近去得太多連鎖快餐店食飯，有啲掛住傳統酒樓嘅一盅兩件，於是就拉埋家人去啲傳統酒樓飲早茶。呢間酒樓十分寬躺，可以容下大約一百人左右，對食客來講，就是人多時不用等位，當日是閒日上午大約11時，酒樓人數半滿，位於樓上店而言，算是很不錯的成績。首先點的是香滑奶皇包，奶皇包大約用了10分鐘便到了，鬆軟的外皮配上香甜流心的奶黃餡料，可說是絕配。然後點的是鮮蝦菜苗餃，一般的鮮蝦餃雖然好食但過於平凡，這酒樓的推介點心便是鮮蝦菜苗餃，除了香口彈牙的鮮蝦外，更有比較健康的菜苗混和在一起，多了一層口感，正呀。另外亦有點些小菜及其他點心，四人大約食了$500左右，以銅鑼灣地區來說十分化算。

玉桃軒在時代廣場的時候，已經是經常光顧。由於工作地點搬了到土瓜灣，所以很少在銅鑼灣，不過今晚專程來吃晚飯。香芋油鴨臘味煲$108，內有油鴨件、臘肉、潤腸、臘腸、芋頭和冬菇，由於芋頭吸收油脂的能力相對很高，所以不覺臘味的油膩，反而覺得芋頭又香又粉，這個配搭果然是很匹配。樓上樓糯米蒸走地雞$138，走地雞帶點紅棗的甜味和一些油香，而肉質嫩滑，最重要糯米吸收雞肉、荷葉、酒香和紅棗的甜，變得軟腍，更加吸引。金牌脆皮燒腩仔$78，燒腩的皮很香脆，而且肥瘦均勻，點些芥茉醬，更可以減少油膩感。

Lunch time想舒服啲慢慢嘆唔想同人迫枱仔 於是決定黎飲茶～四個人叫左好多點心，分別有：蝦餃，鮮蝦菜苗餃，蝦腸，叉燒腸，菜苗，牛展，蛋撻仔，鳳爪排骨飯，叉燒河粉，燒鴨米粉等等落完order大約等5-10分鐘已經送到，非常快！而且staff態度好好值得一讚！個人認為腸粉系列不錯👍🏻皮薄餡料多，另外蛋撻仔，牛展，鮮蝦菜苗蝦，鳳爪排骨飯也是不錯選擇！最後想特別highlight係茶葉，沖左好幾次茶味依然濃厚，唔似普通大型連鎖酒樓沖第二次已經無味！

銅鑼灣也有不少美食 這次去到利舞臺覓食🤤🤤我們去了食點心的專門店 挻有名氣的中菜酒樓環境挻大裝修不錯 我們坐在窗邊高空嘆點心🙈🙈挻賞心悅目的事情啊 我們點了幾個點心小菜食·醬汁豆豉蒸鳳爪 HKD$20·懷舊千層糕 HKD$29·招牌瑞士雞翼 HKD$60·花鵰醉嫰雞 HKD$55食物素質不錯 價錢中等 令我最有驚喜的有兩款食物懷舊千層糕:與一般不同 裡面的咸蛋黃很滑身有咬感花鵰醉嫰雞:打開傳來強烈酒香味 雞肉肉質不會太韌

終於去飲茶啦！今次仲係同鼠妹一齊去架🥰1️⃣花雕醉嫩雞 $55花雕酒好香濃，嫩雞質感嫩滑可口。🙆🏻‍♀️美味指數:7.25/102️⃣懷舊千層糕 $29師傅將奶黃同鹹蛋黃嘅配搭發揮得淋漓盡致，千層糕煙靭有𡁻口！尤其是鹹蛋黃嘅鹹香味，令人欲罷不能！🙆🏻‍♀️美味指數:7.35/103️⃣招牌瑞士雞翼 $60瑞士雞翼食落去唔知點解覺得有少少似可樂雞翼，不過價錢就較為貴啦！🙆🏻‍♀️美味指數:7.02/104️⃣醬汁豆豉蒸鳳爪 $20醬汁味道令鳳爪嘅味道昇華，鳳爪嘅骨膠原好重，簡直係女士們嘅恩物。🙆🏻‍♀️美味指數:7.14/10💡整體來講，環境好舒適，而且懷舊千層糕真係好特別!玉桃軒酒家 地址🐾: 銅鑼灣波斯富街99號利舞臺廣場20樓

好早前以經食過呢間玉桃軒今次想講返佢呢間酒樓比我印象吾錯 環境優美 景觀一流位於銅鑼灣利舞台廣場 樓下已經係購物之都我係上網search 位於咁繁忙地方 都有一間酒樓 非常適合旅行朋友 或者家人來食 門口開揚 簡潔企理 坐底後同一般酒樓一樣 係點心紙上面點菜 服務上比一般嘅酒樓快 又禮貌 不同時段也有不同優惠 早茶 午市 下午茶 晚市 等 我點了 蒸腸粉熱辣辣出爐 食落口 香口嫩滑 個人喜好可以點麻醬或者甜醬 芝麻膏係酒樓好少見有這樣芝麻膏 口感不算好濃 但幾特別 從未試過 又貪新鮮可以一嘗 魷魚鬚煎釀茄子不能盡講 每款都可以稱得上比一般酒樓高質 總括這一間酒樓 新鮮食物 廚房師傅也別有用心 環境優美得來食物也高質

舊朋友相約多時，終於夾到時間出來食飯。我是最早到的ㄧ位，等我看看有什麼好食。看過餐牌後，决定點大家都想食的片皮鴨兩食，作為今日晚餐的重點，再點多兩三個小菜，應該足夠。首先上檯是小食素鵝，外層腐皮炸得香脆，內層夾住雜菇，再淋上喼汁食用真係ㄧ道不錯小食。整隻烤鴨都除除送上，見鴨皮色澤均勻脹卜卜，侍應生用純熟的刀法，片成ㄧ大碟皮肉均稱的鴨肉和完片的鴨皮任君品嚐。我們亦急不及待拿起熱騰騰的薄麵皮，放片鴨肉、青瓜條、京葱絲、甜麵醬包好放入口中。咀嚼過程中，鴨的油香和清爽的青瓜條再配上甜麵醬ㄧ起食，真是口福不淺。另外片皮鴨兩食，我們選了鴨鬆生菜包， 將餘下的鴨肉切粒，加入爽口的馬蹄、筍粒ㄧ起炒香，再用爽脆的生菜 包起食用，口感清爽又不油膩。蔬菜我們點了雙冬扒豆苗，份量都好大，厚肉冬茹和爽脆冬筍鋪在翠嫩的豆苗上，再淋上芡汁，冇得輸。柚子杏片煎雞脯，雞脯外鋪上杏仁片ㄧ起炸，火喉恰到好處，雞肉嫩滑，杏仁片金黃香脆，再配上清香微酸的柚子汁，真領人食指大動。相信下次我想食片皮鴨，ㄧ定會想起這間「玉桃軒」。

朋友話好想食片皮鴨，提議去玉桃軒，因為早前品嚐過那裏的出品都唔錯，所以又想食多次。最初睇廚帥推介餐牌時，着實有點迷茫，不是太睇明白， 經朋友解釋後，便清晰了~ 標價或菜式後均有一組4位數字，即每一組數字等於一款菜式，客人說出那4位數字，侍應便清楚你點那一款餸。北京片皮鴨可以兩食，原價 $288 隻 ， 優惠價$188 ( 星期1-4 ) ，我們另外加 $ 78 將餘下的鴨殼煮成鴨崧配生菜。原隻片皮鴨在侍應巧手的刀法下，瞬間已切成一片片比例均等的薄片，鴨皮油潤、肉質飽滿鮮嫩，肥瘦適中，非常吸引，在侍應片鴨的同時，用來包片皮鴨的薄餅亦已送上，熱騰騰，上面還有點芝麻，好薄身，用筷子一夾， 已覺得質感非常有彈性，配合甜甜地的京醬、青瓜、京葱與片皮鴨一起包着吃，簡直回味無窮，我個人都吃了四、五件呢。鴨崧除了有鴨肉碎外, 還用上筍粒、松子仁一起炒，將新鮮生菜包裹著熱辣辣炒香了的鴨崧，不但嚐到鮮新多汁的生菜味，同時亦淡化了鴨崧的油膩感。其實鴨崧炒得十分惹味，配白飯亦相當適合。芡汁非常彭湃，鋪滿豆腐粒、海蝦、菇粒、菜粒、帶子粒等，底層是滑滑的蒸豆腐，質感似蒸水蛋，入口幼滑，帶蛋白味，大人與小朋友同樣適

上次同朋友食過玉桃軒既片皮鴨覺得唔錯所以今次又返嚟encore片皮鴨$188 1隻仲可以見到廚師即切好新鮮！片皮鴨外皮酥脆帶着小小肥膏即使係就咁食 或者包住外皮同醬料一齊食都好好食除咗片皮鴨外 我哋仲叫咗海皇豆腐煲裏面有唔少海鮮加上豆腐索左唔少醬汁好入味食咗咁多肉就想要啲清淡D嘅主食所以我哋叫咗賽螃蟹炆伊麵裏面有唔少蟹肉加上餐廳會配上一碟醋酸酸地好開胃最後啲嘢食多到食唔晒仲要打包走呢個價錢食到成隻片皮鴨真係好抵食🥰🥰🥰

我要食千層糕，滿滿咸蛋黃，糖冬瓜，椰絲，夾白色軟粉，想都好滿足，今次要來，雖然唔係最好，但都有80分，只要俾我見一見，咬一口，軟軟綿綿，夾着蛋香，咸甜適中，正！山東桂魚餃$37，在這裏都算貴價點心，餡料飽滿，富有佳魚味，粉少魚肉多，皮厚像上海餃子， 烚熟，幾健康，不用蝦或帶子，無膽固醇，無敏感。鮮人參淮杞燉雞湯$48，人參貴嘢，甘香，不用味精，以此價梗要飲，秋天補補氣。鳳梨义燒稣$34，無期待有鳳梨，好似上似酒店嗰次，菠蘿义燒穌，無菠蘿，但今次有，但係丁點，但無香味，經驗話俾我聽，肉類與菠蘿一齊耐咗，係會將肉質醃淋，無彈性。講回質數，真差些，無蜜味，皮唔夠鬆香，無洋葱，又想起戲曲中心滿樂、永利軒义燒穌，我都幾貪心，剛剛先滿足千層糕，又想别，慾念不止，要念經！