玉葉甜品

營業中

休息中

唔值得去的所謂懷舊店。晚上9點到店。未坐低就無限次大聲講要掃「安心出行」，未坐好又大大聲叫:喂，掃「安心出行」。食芝麻糊糖水超甜又水，想食雲吞麵話無雲呑，想食水餃麵話無水餃，問多一句就話無就無，跟住就只好食魚蛋魚片麵，唉，麵質超硬，未熟感覺。跟老闆講兩句，好似要殺人咁，成條街都聽到佢把聲，兼發脾氣。要不是帶外地朋友逛中環，都唔想再坐低及立即起身走。食食下台頭一望，原來有葉劉姐姐張海報，可能有姐姐關照就咁惡？香港有這種食店，嚇怕遊客兼壞印象。我比錢食嘢仲要受氣，唔會再去幫襯。。。

芝麻糊(熱) $14芝麻味聞落淡，食落更淡，味道怪怪地，質地好稀，似杏仁杏霜味多過似芝麻糊，收14蚊係呢個質素，我只可以話我傷心糖不甩(熱) $14睇落好吸引，但湯圓好冧好冧，冇咬口，冇糯米味，上面係糖粉，芝麻得幾粒，冇花生碎，食落好甜。椰汁西米露(冷) $15以為椰西實冇死，但其實佢最差，西米少夾生，外面好冧，一pat野，中間嗰心硬，椰汁冇椰汁味，超級淡味，好失望。真心係食舊香港氣氛，綠色嘅帳篷，摺枱摺凳，大大把風扇，食，係食成個氣氛同埋佢喺中環嚟講夠平，而且中環冇咩中式糖水。

經典斜路鐵皮屋甜品舖一定要坐D枱枱凳凳永遠都唔喺平地嗰邊，個人斜斜地，碗糖水就永遠好似就黎瀉出黎咁，正。野食就必叫凍海帶綠豆同糖不甩，味道咁多年黎都係差不多，我就覺得好好食嘞，而且出面好少食到，尤其是海帶綠豆，D海帶真係大大片架。至於麵食，其實就唔係佢嘅專長，只係當年喺佢隔離間民園因為鐵皮屋持牌人走咗之後唔再續牌，於是被迫搬入舖，而玉葉就開始賣麵，等D人以為佢地係鐵皮屋麵店，傻下傻下幫襯咗，仲以為自己好勁。去玉葉，專心食中式糖水啦。

竟然見到玉葉甜品仲有營業咁難得就坐落食碗糖水要小心嘅係因為佢哋舖頭喺斜路所以當個碗放上張枱其實係會斜落去．玉葉甜品係而家買少見少嘅鐵皮大排檔除咗又做傳統中式糖水之外仲有粉麵賣熱陳皮紅豆沙（$14）紅豆粒粒都煮到綿滑未去到非常起沙但係唔會水豆分離凍海帶綠豆沙（$15）唔好以為碗仔細細份量好少其實配料豐富有唔少海帶、薏米、綠豆煮成入口順滑清甜食完之後有透心涼嘅感覺．不過老闆娘脾氣麻麻態度都幾惡之後上網發現原來我俾佢鬧都唔係唯一嘅例子不過唔緊要啦最主要都係食佢地嘅傳統糖水黎之前最好有少少心理準備

經過見到這間超懷舊大排檔，好奇心驅使便看看食什麼。。。原來除甜啊還有粉麵。。。餐牌上數目字，很久無見過了！在斜路開餐感覺特別。。猶豫坐那個位會無咁斜呢😆！見隔離枱有位女士食豬手麵。。賣相吾錯！好。。就叫個豬手撈麵吧。麵到了，先飲一口湯，湯味道就是兒時食雲吞麵湯嘅味道。。大地魚湯底加點蔥花，不過有點咸！忍不住先食口豬手。。不是一般用南乳炆，非常入味，豬手口感QQ, 軟糯適中。。連筋都可以輕易咬到又能保持質感，好食👍😋！同樣有驚喜的是麵。。麵咬落彈牙有蛋香，掛上豬手汁。。非常夾！這類大排檔在香港已經買少見少，難得還能保持了準！而食物質數遠勝很多粉麵舖頭，$38一碟豬手撈麵。。還有何所求。。感恩跟玉葉遇上了🤗🙏！會再去的。。期待😊！

係中環打工嘅小編其實一直都對呢間甜品店非常好奇。友人午飯後突然想食甜品，咁啱想食嗰間執咗笠，於是就趁機試吓呢間中式甜品店。坐低之後發現原來有粉面賣，而且見到隔離枱食緊嘅豬手麵、牛腩麵、雲吞麵全部都好吸引，而且頗大碗，好抵食咁我同友人一齊分享芝麻糊同糖不甩。湯圓糖不甩大大粒好飽肚，但味道一般般。芝麻糊入面有好重杏仁味(唔鍾意杏仁味嘅食家要留意啦)，入口順滑，質感偏稀，甜度適中，還可以接受的呢間甜品店嘅重點係見識到老闆娘鬧人嘅情況。從坐低到買單，有人同我都見識唔少老闆娘樓顧客嘅情況，有人本身想叫碗牛腩麵外賣晚上食，但驚咗老闆娘，最後決定唔買，笑死我過咗一星期後，剛好到同一條街食飯，再次經過呢間甜品店又聽到老闆娘鬧人。小編覺得老闆娘嘅態度一如既往都仲做到生意，感到佩服而且覺得頗有趣之後再睇返開飯啦平台嘅評價覺得仲有趣。原來好多食家都有同感，而且遇到千其百趣俾人鬧嘅情況，真係笑死我

在香港近乎消失嘅糖不甩，竟然喺呢度搵到，糖不甩嘅糯米整得好軟熟，非常煙銀，面頭略帶薑味，似有驅寒嘅感覺，正呀😋芝麻糊比較甜一點，因為裏頭加咗杏仁霜嘅味道，較適合兩者都喜歡嘅人士！👍環境實在非常特別，是70，80年的街檔特色，對於新一代的我們，應該十分新鮮吧！❤️❤️⭐️⭐️除咗有甜品之外，仲有函式，面色可以食，喺車斜嘅斜路上，坐住懷舊木枱，同小凳，確是風味十足，本人至愛。打卡一流，非常有感覺！😊👹

綠色嘅車仔排檔響香港買小見小，仲要係做飲食嘅就更加罕有，佢響一個好不起眼的角落，仲要響條斜路上面，無豪華嘅裝飾，高檔嘅食物，而係一個車仔檔，加幾張枱椅，一對年老嘅夫婦，一個煮，一個招乎客人，而餐牌上只有幾款野食，沒有華麗嘅包裝，只有簡單，樸素，務實同人情味，同時亦希望呢份情可以靜靜地保留響呢個繁華嘅香港入面叫咗個豬手麪，份量好多，而且唔貴，收38蚊，仲要好好食，個豬手同出面個D好唔同，出面個D好多淨係得D色，塊皮仲係爽口咬唔入，佢呢度明顯炆咗好奈，入面D骨膠出黎，唔旦只入味，個皮彈下彈下，入口Q彈，軟化即溶，好好味，而個麪爽口彈牙，十分好味，簡直一試忘返。

大家可以睇下呢度啲review 個老闆娘脾氣好臭 見到人影相就係咁鬧 仲要咒人死 講晒粗口咁 如果佢唔鍾意人哋影相嘅話 點解唔喺鋪頭前面寫住嚴禁影相 啲嘢又好難食 大家唔好見到佢個樣似古色古香就去幫襯 香港仲有其他咁嘅鋪頭 唔好攞嚟犯賤 以佢咁嘅口吻都唔會似係黃嘅 大家諗諗下啦

剛剛想到中環玉葉甜品買糖水，凶惡的老闆娘正在高聲鬧今天僅有來港的遊客在其大排檔前拍照。勸她對遊客好一點，反而被罵！身為香港人也覺得佢過份!  不是所有本土地道老字號也值得我們支持。Just went to this HK style dessert stall.  The owner of the stall was scolding tourists/visitors for taking photos in front of her stall.  I really doubt why she is that rude to tourists/visitors at this kind of environment in Hong Kong.  I was trying to advise her to be polite to the tourists/visitors and i was being the one scolded by her.  I won't support this local dessert stall anymore.  I am very asha

中環呢個高尚地方，係一條斜路上面有一間港式糖水舖：玉葉甜品。舖面細細，全場用摺枱摺櫈，賣嘅糖水款式唔多，就係普普通通嘅綠豆沙、紅豆沙、糖不甩、西米露等未食之前已經知道玉葉有種特別嘅「風味」，黎到果然無失望坐低一陣間，心大心細，諗緊食咩好嘅時候，就已經比店員催落單，基本上每個人都要叫一款，因為有每位最低消費。味道都正常，係屋企嘅味道，賣相都普普通通。係你差唔多食曬之際，店員都會開始催你走傢啦。或者呢種就係中環急速嘅節奏，連食碗簡單糖水都要比人催。如果大家想感受下「玉葉風味」都可以去試一試嘅，但正常黎講就真係只此一次🤭

老板娘好大脾气，但是食物也硬气得很。过了这么多年，14块一份的糖不甩，杏仁露黑芝麻糊和浓浓的陈皮红豆沙，实属不易。秋冬好天气疼应该光顾一下。毕竟这样的大排档在香港已经很难得了。

I usually food hunting in central with my friends! This dessert shop we have tried around 6 years ago! What I like the most is the environment to be honest! Haha!! It is so HK style! We sit outdoor and in a house made of metal! Although it’s hot, it’s worth to try the old HK style!We ordered a 糖不甩and green bean soup! 糖不甩is a must-try item for me! I like chewy and sweet things eg pearlsss~ the糖不甩serves in hot with some nuts 🥜 and sugar melting on it! The green bean soup is relatively poor! I expe

之前都聽朋友講過哩間嘢態度差，今晚終於幫親，唔係差，係極差！ 首先，食物質素中下水平，芝麻糊水汪汪，糖不甩一般般。對大排檔嘅環境同服務已經冇太大期望，本以為食物質素會有驚喜，但係冇。 最重要係，服務態度極差，又唔係多人等翻枱，凳都未坐低就係咁吹你叫嘢食。 碗糖水嚟到成個碗外面又倒瀉唒。 另外食食吓仲有個小插曲： 話說有個國內女仔唸著堂食，因爲同老闆有小小語言不通，俾老闆指咗去令一邊買外賣， 然後無奈地接上一碗已包好嘅糖水。 正當嗰位女仔想同老闆講唔好意思其實佢係想堂食，攞著碗湯水坐低打開食咗兩啖時，老闆娘突然衝出黎，指著個女仔係咁潑婦罵街咁話佢係外賣做咩坐係度食，跟著係咁粗聲粗氣鬧咗人地成分鐘，最後仲要叫人同佢即刻起身走。相信在座所有客人都聽到O哂嘴... 姑勿論誰對誰錯，就算話大排檔唔好期望有好嘅服務，老闆娘咁嘅做人處事態度真係好有問題，同埋好冇禮貌。 你話你啲嘢好食，你要寸，Fine. 你寸得起。但係唔好意思，你啲嘢食真係唔好食🙄

叫了牛腩河+香草绿豆沙。牛腩不错，河粉一般。绿豆沙完全没起沙。当薄款绿豆粥喝也是可以接受的。或者厚点的绿豆汤。反正不是粤式绿豆沙阿姐态度没有特别差，和一般大排档、茶餐厅的差不多。耐心不好而已。对游客态度是差点儿，先下单再拍照会比较好。