王家沙 (已搬遷) 新店位置

昨晚剛巧到了王家沙睇下大家有冇評論錯！果然大排長龍，而鼎泰豐則成為極大對比，跟往日真係...唉!本人試食了member推介的蟹粉生煎，真的不錯，鮮肉小籠包又熱又多汁，上海粗炒夠味但料不夠好，酸辣湯都ok,一窩夠6碗,炒双菇及賽螃蟹一般啦,但蒜泥白肉就麻麻地,因肉太乾味唔夠.豆沙窩餅好正!! 4大1小童@$380. 差不多啦!!

上星期和媽媽到王家沙吃午飯, 發現午市有特價, 28元可選三款點心, 每款有兩件,二人去吃相當便宜。我們吃了以下食物:小湯包:味道不錯, 內裏有很多湯, 肉鮮。綠豆湯丸:不太甜, 所謂綠豆應是毛豆, 很香。芝麻餅:香口, 有很多芝麻,很不錯。凍餃子:不太好吃。蘿蔔絲餅:比較油, 蘿蔔好像不夠香甜。麵:普通。

昨晚兩個人來到都要等左15分鐘，仲要係搭檯。叫了擔擔水餃、馬蘭頭、肉絲兩面黃同八寶飯。食物普遍有水準，但要稱得上正宗如老正興就不能，當然價錢亦平少少。選了大辣的擔擔水餃，唔係太勁辣，都幾得別，28蚊8隻都幾平。馬蘭頭唔錯，兩面黃亦夠香口，但標榜唔太甜的八寶飯就似乎係甜D好食D，但都OK。連兩杯豆漿160蚊有找都算合理。似乎呢度開左以來，隔離鼎泰豐就真係無咁多人排隊。始終菜色種類較多，價錢又好似平少少。不過我還是覺得坊間的上海舖好少少，起碼價錢平又無咁多人。又係果句，未試過的可以一試，要排大隊就米搞！

星期六六點幾去已經要等位啦，等o左半個鐘先至有位，仲要搭台個隻，如果吾係等得耐，反而隔離鼎泰豐唔係好多人等位喎。一落order後5分鐘後已經有得食，心諗d野咁快上，好似快左速度，好食有限啦。點知唔係喎，先來個酸辣湯算ok，然後食蔥油腰果酥，要d似蘿蔔絲酥餅，不過裏面是腰果蓉，甜甜地幾特別；再食個芝麻蔥油餅，唔似一般的蔥油餅，入面有d肉餡的。另外叫o左個燻魚味道都不錯，仲有一個蕃茄炒莧菜，是完全未食過，其他酒家亦都唔會有的，不過出奇地好好味。最後係甜品青豆蓉湯丸，清清地唔算太甜。overall都幾好食，見到其他人食既麵同兩面黃好吸引，而且價錢又唔算貴，所以下次一定再o黎過。

之前食過隔離果間...名氣更大..."頂"泰"風"已經失望啦...因為兩間拍住, 上一次已經諗緊食邊間o勒!!!呢間其實只係一間"有d名氣"o既上海舖, 侍應培訓應該加強, 問佢地d小菜名係咩, 佢竟然話"咪係d咩囉..."然後行左去, 嘩, 大佬, 咩態度呀! o野食叫o左五六樣只有錦江肴肉顯示到一d功夫係有心機做o既, 另外蘿蔔酥餅又唔係好似其他食評講得咁差, 可能真係凍o左都未定, 好多o野凍o左都唔好食o架啦, 睇您地好唔好彩啦, 事實上, 人多起上o黎就整定晒d"飽點"...死梗, 攤凍晒.另外"蟹粉生煎"只係ok, 比隔離檔好d, 其他煎餃唔駛食o勒, 整到同街邊o既一樣, 諷刺o既係, d清茶幾好飲, 有香味, 另外食o左賽螃蟹, 酸辣湯, "炒冷飯", 皮蛋豆腐, 普通到暈, 慳返.總結係唔駛再去啦...我, 我肯定有其他同類型舖頭仲抵食.

好耐之前同男朋友去食過. 我地2個人都唔係太餓, 叫左4樣野食. 小籠包, 唔係好掂喎, d皮又厚過乜, d餡又冇乜汁, 同翡翠冇得比啦. 雪菜肉絲麵, 幾好, 唔會太咸, 但係冇乜湯. 我食麵唔可以少湯架!! 蘿蔔絲酥餅, 一般啦. 唔係好夠熱. 仲有個乜乜雙面黃. 一d都唔好食, d雜誌勁讚0既!! 我都唔知點形容. 一d 炸左0既麵上面有d蝦咁啦, 我都唔知有乜好食. 貴就唔係好貴, 2個人食左百零蚊. 但係味道好一般, 一d驚喜都冇.

一心諗住咁多人排,應該好過隔離X X 豐<br />蟹粉湯包味道幾好,不過幾大個,一咬就流哂O的汁出O黎,食起O黎好狼狽。<br />蘿蔔絲酥餅好難食,好乾又凍。<br />擔擔面又係唔好食, 好咸,面又稔。

推介有:1. 蟹粉湯包(湯汁蟹味濃, 皮夠薄)2. 清炒蝦仁(唔油好爽口)3. 擔擔(湯底夠濃,質靚)4. 酸辣湯(多料.味道好)下次再去過. 試多幾味再番黎寫過~!

昨日專程同老公去食, 下午成兩點半才到, 但很少客, 仲以為熱潮已過, 原來是因為三點至五點中場休息, 所以各位要注意開門時間呀! 好彩三點才截單, 之後都不會迫你走, 服務不算差喎, 可能人少啦.我叫了招牌湯包同生煎包, 真係未試過咁好食, 好多湯汁, 值得一讚. 另外是蝦仁兩面黃, 好脆好香, 幾特別, 其他地方無得食, 都值得一試. 最後叫了不太甜八寶飯, 寫明不太甜, 真係喎, 好味呀. 總之, 我試了四樣都覺得好好味, 尤其是湯包, 所以值得推介, 當然人客少質素可能比較好啦, 至於價錢算比較貴, 四樣小食要$140.

超多人，唔可以訂位，伙計態度麻麻la... 無特別.湯丸味道好, I love it~

蟹粉應該係真材實料但不太好味，有Ｄ過咸，唔知係唔係我唔識得欣賞。蟹粉還是以老正興和大上海的較好，但價錢又會貴D，始終一分錢一分貨。而食物味道方面亦麻麻地，無什特別。我就話同鼎泰豐差不多，因為兩間都係一般水準。如果好想試就邊間無人去邊間，要排隊就梗係慳番啦！試過就唔使再去lou！

蟹粉湯丸味道幾好, 又得意.<br>蟹粉菜飯都幾好食, 不過鹹左小小.<br>整體來說不差, 起碼好過鼎泰豐.

蟹粉菜粒湯飯用最細飯碗，得三湯匙飯，冇蟹粉少菜粒，食十碗都唔飽，賣３８大洋一碗，勁呃錢蟹粉兩面黃冇落鹽，全冇味生煎包和甜品都幾好味，要搭臺，冇癮

蟹粉湯包超好食，比隔離鼎泰豐好食萬倍，完全可以媲美台北o既鼎泰豐！<br>生煎包都好正，除左上海之外我未食過o甘多湯嚮入面o既生煎包！<br>其他菜色就不過不失啦，不過剩係呢兩味已食過番尋味啦！<br>超多人，又唔可以訂位，伙計態度認真麻麻，上次我食生煎包「必」左Ｄ湯出黎「辣」親個咀，佢竟然笑到架架聲，真係好罄！