王家沙．花樣年華 (太古城中心)

營業中

休息中

Happy holiday+父親節提早今晚要食上海菜！揀左太古城中心嘅花樣年華.王家沙網上訂左枱 所以去到唔洗等入到餐廳環境舒適，座位闊落前菜叫左精選滬式涼菜拼盤，入面有皮蛋豆腐，醉嘉美雞，鎮江餚肉，蒜蓉青瓜同四喜烤麩，當中醉嘉美雞十分出色，雞肉唔肥，夠嫩滑，夠曬酒香味；鎮江餚肉，清涼爽口，夏日必食；四喜烤麩，鹹甜適中且夠入味食上海菜點少得小籠包，最後兩款都叫曬招牌蟹粉小籠包，一籠有5件，熱辣辣的小籠包咬落去有鮮甜的湯汁同蟹粉相當滋味蘇式鮮肉小籠包，湯汁鮮甜，肉餡鮮美；兩者對比蟹粉小籠包更勝一籌溫泉蛋賽螃蟹，雪白嘅蛋白炒得十分嫩滑，加埋元瑤柱絲同溫泉蛋，層次再昇華左京蔥爆牛肉，京蔥牛肉➕薄餅，食法新穎，猶如食緊片皮鴨的感覺咸肉津白，津白清甜配上薄薄嘅半肥瘦咸腩片，味道👍👍流沙奶皇包，唔知係賣我放耐左少少先食，感覺唔夠流沙，但蛋黃味夠香濃最後甜品高力豆沙球，表皮鬆軟有蛋香味，豆沙餡唔太甜，整體感覺甜而不膩😋😋滿足！滿足！滿足！

今晚提前預祝父親節，係OpeRice book左太古城中心嘅花樣年華王家沙食上海菜入到去環境舒適，座位寬敞頭盤精選滬式涼菜拼盤（皮蛋豆腐，醉嘉美雞，鎮江餚肉，蒜蓉拍青瓜，四喜烤麩）最愛鎮江餚肉，不肥不膩，爽口開胃，配上姜絲同香醋一齊食，另有一翻滋味！醉嘉美雞，雞肉嫩滑，食落有啖啖酒香食上海菜當然唔可以少左小籠包，今次叫左蘇式鮮肉小籠包，皮唔會太厚，咬落去鮮甜爆汁😋😋老壇酸菜魚，魚塊嫩滑，入面還有我最中意嘅紅薯粉，酸辣滑爽，十分開胃👍👍招牌炒飯，炒到粒粒分明，加上菜粒，蝦仁，肉鬆，味道不錯最後甜品高力豆沙球，入口軟綿加上不太甜嘅豆沙，甜而不膩，為今日嘅晚餐畫上完美的句號下次黎要食埋其他菜式，總括黎講環境好味道好服務好

忽然想試上海野～小編就搵左依間王家沙一試·經朋友介紹有幾味餸菜唔錯～非常期待😋帶大家一齊去試試先😜精選滬式涼菜拼盤醉雞嫩滑酒味唔算好濃·啖啖肉加上微微酒香👍皮蛋豆腐食落好滑流·皮蛋粒好夠味加埋豆腐同肉鬆入口有多個層次唔會單調肴肉肥瘦平均唔會偏向一邊口感·不過味道唔算突出·正正常常咁😅青瓜入口好爽口好新鮮·啖啖咬落清新帶微微蒜香味·小編幾鐘意😍烤麩咬落好爽·小編第一次聽依個菜名🤣心諗咩黎🤣食落幾有咬口又入味～正—————————————————☻非專業食評·純個人口味☻**拼盤多字打返係度等大家好睇😊**

幫襯開小店，間唔中都幫襯下大集團名下。食物係中規中矩，服務質素調高下會比較完美。💎 四川麻辣水煮牛肉 $198有牛肉，幼薯粉，芽菜，雲耳，芫荽。份量比例正常。牛肉肉質尚算可以，唔會鞋口，幼薯粉偏軟，吸收辣湯後進食仍然可口。雲耳及芽菜爽口，整碗水煮牛肉不算辣。💎 脆皮素鵝 $78有腐皮，冬菇絲。素鵝餡料不多，有少量冬菇絲，腐皮包著冬菇煎炸後，外皮脆口。💎 紅油炒手 $68炒手皮薄多餡，醋味略淡，紅油不多。💎 乾煸四季豆 $98四季豆炒得香口，醬汁調味適中。人均消費💰 ： ＄ 263總結✍ ： 室內環境優美，食物中規中矩，服務質素仍需努力。

好耐無食上海菜，想食啖啖面就黎王家沙食個lunch。係得太古城食，價錢都唔平，牛腩啖啖面大約$108+1；煨雞湯麵$88+1。佢地會有小吃花生放係枱，唔食可以cancel係收據，所以埋單要睇清楚。茶水又$12 一位，食野又加一，花生又加好似$20🙄🙄 無奈，講緊閒日lunch time。晚市同假日可能仲收得多。叫左碗紅燒牛腩啖啖面同煨雞湯面。牛腩有埋牛根，牛都好林唔會痴牙，面份量都多但啖啖面個湯唔得，唔入味同d面煮得太熟太林，口感唔好。煨雞湯麵既麵分量足但好似完全見唔到雞咁，淨面😅。但見其他枱叫小菜，包類，炒飯賣相都幾靚好似幾好食咁。建議大家試下小菜同炒飯，唔建議點湯面或啖啖面。

初次係王家沙買外賣，意想不到就有失望既體驗……一打開外賣，見到既只有菜、湯同麵，咁d雞呢？我就心諗會唔會係王家沙既嫩雞煨麵本身係冇雞呢，咁我就google下睇係係點，睇完之後就發現係應該有好多雞。雖然我買既係一個特價下午茶，都唔會係連材料都特價掛，雞都可以俾返少少掛…公道d講，個湯都好味，麵都唔錯但叫嫩雞煨麵最後變左青菜煨麵真係有被俾人呃既感覺因為返工食飯關係，真係冇時間再返去講返有件咁既事，希望王家沙睇到，注意下出菜究竟係出緊d咩

疫情嚴重，想買下外賣煮少餐。冇想過食物水準可以差到咁。樟茶鴨，有骨又肥，醬又少。排骨菜飯啲飯好似係冷飯，硬到只可吃到1/3盒。鍋貼同胡椒餅個閰應該係同出一轍，味道一模一樣。蔥爆牛肉尚可，但跟餐的薄餅又乾又裂，好似紙面膜咁，眼界大開。冇下次，貼錢買難受。

從電話叫外賣取餐，備注了湯年糕要分湯。到餐廳取餐時，阿姨態度已經有點不友善，一來就問你’幾號’，遞上了外賣後他說我們沒有分湯服務，熱湯不會浸軟年糕。我詢問如果不能分湯的話，為什麼做食物前不打電話告知客人一聲。由於距離回家的路程還有一個多小時，如果先前得知的話，我可能可以選擇一些比較適合的食物。阿姨不停堅持說我們就是沒有分湯服務。最後走時謝謝也沒說。真的蠻像茶餐廳的服務，不過食物是可以的。

前晚叫外賣，唔知食乜，諗吓未試過太古城王家沙，即管試一試。叫咗一個清炒蝦仁，重叫咗一個葱爆牛肉，(1) 蔥爆牛肉……賣相、份量、味道都一般，同茶餐廳冇分別(2)清炒蝦仁…....就中伏了！份量極細，超咸，超重梳打粉味，結果成家人都唔食，成盒冇食到，以後唔會再幫襯

難得屋企人放半晝，今日帶佢地黎飲茶。中午十二點入座，唔使排隊，四人坐六人枱，仲有位擺袋，算坐得ok先來頭盤鎮江餚肉，夠曬凍，肉地正常。之後都係招牌既鮮肉小籠包、生煎包，好香又有熱湯入口唔錯。鮮肉胡椒餅感覺同生煎包差唔多，個餅扁扁地面頭有芝麻都好香口。上海咸粢飯，成條原裝上，四個人每人半條啱啱好。再來招牌炒飯，冇寫明材料，略帶鹹味，不過不失啦總括食物嚟得幾快，夠熱夠香。唯一挑剔係煎既食物比較多油，其餘都唔錯！

愈來愈多人既餐廳閒日晚上爆滿了，可能係臨近聖誕所以大家都出外聚下。一坐低有茶水同小菜，我地今晚點左幾款食物，覺得呢間氣氛唔錯，夠安靜。上海粗抄：有d似烏冬，夠多料，不過係要有d油先入味。炸饅頭：太鍾意食炸饅頭了，脆脆既好正。生煎包： 呢個夠新鮮，不過不失。黑松露蝦仁： 蝦仁好爽，黑松露夠香麻婆豆腐： 呢個時候好想要碗飯，但點得太多包包食唔落飯了。好滑既豆腐！豆漿： 香濃綿滑，我地n call左次。不過望落有d細杯。靚裝修，加美食。係個太古唔錯既選擇。

難得閒日放假，到太古城中心逛逛，經過見到有下午茶menu，有主食、點心、飲品，很久沒有吃上海菜，於是入去開餐。平日人流不多，要求不高，食物、服務都不錯。酸辣湯麵 - 酸辣度適中，幾開胃蘇式鮮肉小籠包(2隻) - 湯汁夠熱，本身餡料調味很足，豆漿 - 正常，幸好不是很甜家鄉金腿上海炒飯 - 炒飯夠乾身，金華火腿的鹹香，令這道炒飯更美味王家沙牛肉餅 (1個) - 酥脆的外皮，包著充滿肉汁的牛肉餡，不錯

好日都唔食中菜嘅我突然間想食下中菜，經過見到裝修幾靚所以不如行入去試吓今次我哋嗌左：✨陳醋海蜇頭：口味偏酸，但海蜇頭彈牙，都幾好味的。✨招牌蟹粉小籠包：對呢個有少少失望，覺得個皮有少少厚，冇咩特別。✨紅油抄手：抄手入面足料，啖啖肉✨蟲草花螺頭燉雞湯：個人來講成餐飯最鍾意就係呢個！！！個湯好足料超濃味，冇味精，好清甜！！！✨蜜汁火方：我知道蜜汁係會甜，但我覺得呢個偏甜左少少😂 但其實火腿口感好好，同埋個包好好食！✨酸辣湯麵：酸辣湯出色，酸同埋辣好平衡。麵條都不會太淋，幾好。✨貴妃紅棗糕：佢有三件，但係唔記得影相食得太快出來嘅時候暖暖地，紅棗味濃但又唔太甜，口感好煙韌，好味！另外想提及下就係店員服務態度好好，十分主動，又會不斷幫我哋refill茶！！整體來講用餐體驗好滿意~~

位於太古城中心嘅花樣年華王家沙分店喺地鐵站行5至10分鐘就會到。歺廳空間都幾大下有一部分仲有櫻花做裝飾好靚我哋喺梳化位坐好後揀左以下幾款食蘇式鮮肉小籠包小籠包皮唔算話好薄厚薄適中但佢入面嘅湯汁夠熱油份同甜度剛剛好點埋醋係好食嘅椒鹽鮮魷外皮炸得剛好，乾得薄脆，咬落脆卜卜，魷魚新鮮入囗柔軟奶油津白味道較為清甜，菜煮得夠腍身，亦索哂啲鮮奶。鍋仔梅菜扣肉飯味道香濃，鍋仔將梅菜扣肉的香甜味逼哂入啲飯度，愈食愈滋味。招牌擔擔麵濃底濃郁偏杰身，每條麵條都掛滿左花生湯汁。高力豆沙高力豆沙中規中距，豆沙味不是一味死甜。

假日同朋友係太古城行完街～ 諗下食咩既時候發現左王家沙門口既小籠包～ 於是就排隊拎位啦，我地見到餐廳有2個大廳我地好好彩咁坐左係入面個個大廳到～ 個大廳好寛闊～ 我地3個大人一個小朋友（坐BB車）都擺得岩岩好～ 好岩一家大細去我地叫左一層冷冷jelly包住既紅色肉，其實幾好味架但感覺都會肥😅仲有蔥爆牛肉配薄餅，個薄餅係超級簿既北京烤鴨個種薄餅，薄餅很4片真心好小呀…比多2片黎夠6片個人認為標準一點…個蔥爆牛肉咸左小小，唔夠薄餅真係食唔到…個蔥就同d汁一齊好好味既我地仲叫左蟹粉小籠包同炸饅頭 配煉奶～蟹粉小籠包比普通小籠包貴20, 但無咩蟹粉味+佢個肉餡都唔係好好味，小失望同埋貴…$78 5粒同supermarket 買既差唔多😂不過不失味道炸饅頭叫得就唔會係因為價值係因為想食，但都唔失望既～ 炸得都叫外脆內軟～ 同普通酒樓一樣前菜$12蚊既係花生🥜😂都香脆既…