王林記潮州魚蛋粉麵

營業中

休息中

每逢週末的筲箕灣東大街，都人山人海，水洩不通，警察通常都會來趕車和抄牌，因為太多架車人士泊在路邊。今天試了這間也是以以魚蛋作招徠的粉麵店，人龍較短，價錢看來也較便宜。香蔥魚蛋湯河，河粉幼滑，有五粒魚蛋，大大粒，爽彈，$39，在現今物價高企的時代，這個價錢很合理。朋友點了牛坑腩香蔥魚蛋雙拼，這裏的坑腩比較特別，肉質很滑，雖然有別一般清湯腩的感覺，但也不錯。單併牛坑腩米粉$50，但雙併加$9，即$59。整體來說，味道不錯，人龍又較短，絕對是東大街的另一選擇。

平時多數食早餐—豬手麵，熱奶茶，今日轉口味，點了坑切腩片頭河，凍奶茶。滿心期待之下坑腩河粉嚟到，同普通腩一樣，或者可以講係似煲湯肉多點，即時問店員是否坑腩，她當然好肯定咁回覆。。係，咁唯有硬食，不過真係好一般，所以2啖就無再食。另外，凍奶茶細味下淡而無味，平時多數叫熱奶茶，一向中規中矩，今日因為天氣比較熱，諗住解下熱，所以叫了凍的，可惜。。。😔估不到曾經喜愛的小店，變成這樣水準，放棄。。。。。了。

吾掂大部分食評話安X吾得，話哩間魚蛋好好多喔，今日早餐時間去開附近，見到餐牌又有魚蛋得食，眯想試下。九點幾無乜人，服務員可能都系做開街坊生意，第一句就問要吾要睇餐牌，裝修只是一般魚蛋粉鋪頭，吾知道系眯香港區，早餐價錢比較高。加三蚊叫左魚蛋改伊麵早餐（$48）3分- 有三粒魚蛋同三塊魚片，魚蛋同魚片都比其他鋪頭黑，吾彈口，無魚味,- 伊麵系煮得剛剛好，吾系好似其他茶餐廳比個統一伊麵，QQ地，- 最好味同摟到分系個湯，好清甜檸檬水比足4片，OK。

因為隔離食開果間餐廳星期四無開，所以就食呢間，反正都係食差不多嘅野。好多年前買過外賣，印象中佢都幾好食，入到去見到坐滿晒人，諗住應該唔會太難食。但今次食完之後，我好肯定我以後唔會再返黎幫襯。首先片頭牛腩粗麵，牛腩好乾粗麵偏硬。然後杯茶走，茶澀無煉奶，其實應同叫普通奶茶無分別。侍應對侍熟客好熱情，對生客態度好差。第一次問佢攞杯水，佢唔比我，再問佢多一次等咗好耐，然後仲要比佢鬧。絕對唔會再幫襯，貼錢買難受。

咁啱經過筲箕灣 就試吓佢好出名嘅切腩撈粗 睇吓係咪真係咁好食🤣🌟切腩撈粗加魚片頭 $63 （7.5/10)佢個牛腩真係好淋😋牛腩嘅份量都算多 如果鍾意食牛腩推薦呢一間☺️ 豉油撈粗個味道都OK 但係食得多就會乾乾地 所以加埋魚片頭嗰湯就好正😉 小編就鍾意落多少少湯🌟鮮奶牛多 $16 （8/10）小編就最鍾意食啲好肥嘅嘢🤪 牛油加煉奶絕對冇得輸🤣 煉奶同牛油多到唔使錢咁～整體：7.5/10好多人排隊 小編係中午12點喺門口排咗10分鐘已經熱到溶咗🥵 茶餐廳嚟講環境都算OK 冷氣都夠☺️

小弟乃區內街坊, 王林記都食左好多年, 由佢柴灣開分店前已經食, 以前都so far so good但係呢一兩年真係忍唔住要寫呢個食評......區內計埋佢有三間魚蛋檔, 有間改左名, 有間好出名, 而王林記的賣點就係跟餐包野飲, 所以比前兩間有競爭力而我就貪平以前就成日幫襯王林記, 但係疫情同工作關係少左, 起碼都兩年冇食過了最近有機會再光臨, 一望, 嘩D人事變晒以前廚房果班阿叔唔知走晒定退休定去晒柴灣, 變晒人唯獨班侍應仲係度好啦幾年冇食, 叫個蛋麵同奶茶, 一食...唔識講中肯D講啦:魚蛋同以前比, 冇咩分別, OK既湯都係, 唔會太重味精而口乾但係個麵...完全唔熟既喂? 硬到唔識講 (直頭係滾水六兩六就俾你果款...真係生麵呀!)杯奶茶...跟餐特價就冇咩要求, 點知, 對於冇要求的我飲完後就變左有要求好唔掂wor老細...溝水茶黎...直頭係跌晒watt跟住望下我自已前後左右, 又唔係好多客 (如果你話好多客還可以體諒)同以前比, 真係渣左其後我食完呢碗麵的下午, 我專登去其餘兩檔的其中一檔食同一樣野做下午茶, 去驗證下係咪我自已要求高定係D野真係渣左點知出黎人地麵係熟,

切牛腩捞粗+鱼蛋汤 HK$63相比牛坑腩，切牛腩全是瘦肉，但这家处理得很好，肉质鲜嫩，粗面有劲道，鱼蛋如果扔到地上估计能弹起来1米高度，鱼汤清而鱼味浓！芽菜也是刚过水变捞起来，没有生味，咬一口声音清脆，厨师用心了。食物用心与否，一试便吃。分量好足夠，食完整份已經非常飽，但個麵確實太好味。不過下次都會想食返牛坑腩！有少少肥好食d。魚蛋加蔥款亦好好味。好抵食，基本上個個星期都會與同事一起坐mtr過來。推薦。

路經東大街，居然咁多嘢食。打開OpenRice，已經鎖定咗安利或王林記，途中遇大雨，就入咗去近啲嘅王林記。「切腩撈粗。」「賣晒！」「咁牛腩撈粗。」「仲有冇呀？」「有咩汔水？」「我點知你飲咩呀？」「忌廉。」應該唔知幾時得罪咗阿姐⋯⋯忌廉 - 居然係室溫，仲冇乜汔，極度懷疑已經擺咗一輪至拎過嚟⋯⋯牛腩撈粗 - 粗麵ok，但牛腩真係”鞋”到無倫，而且一啲都唔入味，曾經諗過同阿姐反映，但係見佢之前個態度，算把啦，硬食⋯⋯

🔹五香牛腩撈麵五香牛腩夠腍身夠入味，中上發揮👍🏼 撈麵調味啱啱好唔會太鹹，份量好多🤭 朋友話平時話好多人排隊同埋切腩會更加好食，可惜今次食唔到🫣🔹奶油多正常發揮🤭 個面包可以焗燶少少🙈如果行過食都可以，但係唔洗特登去排隊🙈📍王林記潮州魚蛋粉麵 | 筲箕灣東大街10號東寶大廈地下A號舖#hkfood #hkfoodies #香港美食 #牛腩撈 #奶油多 #王林記 #筲箕灣美食

因為朋友介紹所以去咗試試依間食牛腩麵嘅老字號。假日大概五點幾到唔洗等位，不過就要搭枱，環境都乾淨衛生。本身想叫切腩但已經冇晒🥲所以叫咗五香牛腩湯麵同撈麵，再加魚蛋魚片頭麵。五香牛腩都夠腍身，撈麵調味啱啱好唔會太鹹，份量亦都唔少，不過朋友話佢嘅切腩會更加好食，可惜今次食唔到🫣🫣魚蛋魚片頭麵個湯底夠魚味，魚蛋同魚片頭亦都非常彈牙，唔係嗰啲好硬好實嘅魚蛋👍🏻不過份量唔算太多，一個女仔食晒但都唔係話好飽😂

早幾日夜晚黎左東大街一心想食安利，點知原來收7點；甘就一於去隔離另一間老字號王林記食啦，但呢間食完係無下次！🐷香蔥魚蛋粗麵 $38🐷魚片頭粗麵 $38🐷五香牛腩幼麵 $38香蔥魚蛋無魚味，而且係好腍身，唔係彈牙既口感。魚片頭同樣食唔到魚味，淨係食到好咸。本來想叫切腩但可惜賣晒，叫左牛腩係大錯特錯；牛腩好韌，感覺似湯渣既肉。至於麵無論粗麵幼麵都好重鹼水味，同樣係令人失望；仲有湯底超咸，味精湯令人食完好口渴，3碗麵都絕對唔合格👎🏻👎🏻👎🏻🐷炸雲吞(5粒) $32呢個5粒細細粒反而幾有驚喜，每一隻都食到有蝦，蝦係爽口彈牙既；而雲吞皮咬落去幾脆，呢個幾好食🐷樽裝維他奶 $12呢個都好特別，而家好少地方有玻璃樽既版本，通常都係汽水有玻璃樽；唔知點解硬係覺得係玻璃樽既係好飲d

喺口排隊攞飛,嗰阿姐skip咗我地個號碼,我行埋去問返,嗰阿姐聲大夾惡話佢叫咗,咁我地全程冇離開,只係佢跳咗個號碼。跟住,我地心平氣靜同佢解釋返,個老闆話補返張枱,個阿姐竟然話唔好俾枱我地!好離譜!我而家係幫襯佢地,唔係求佢地俾我入去間舖。個員工自己做錯仲要發洩落個客度!勁嬲!無下次!請我都唔食!一間食肆,食物當然重要啦,但係員工咁嘅服務態度,無人想貼錢買難受。如果佢地繼續係咁,只會得來更多，唔該改善下啦!

平時間野普通料，如果唔係星期四安利無開王林記都唔會咁多人排。排隊都無所謂，但係個毫無禮貌嘅女人真係令人嬲到噴火😡 多數去嘅都係1、2人，我哋2位手拎48號飛，個女人叫咗三次46號飛都冇人應，然後佢叫50號飛有2個人入咗去，我同朋友見到怕佢係睇漏左我哋個number就入去詢問，點知個女人話自己叫咗48號幾次都無人應！！我哋無離開過門口，一聽佢叫46號就已經standby 等佢叫，兩對耳100%肯定唔會聽錯！但個女人仲堅持自己已經叫過48號仲十分之無禮貌！其實等多一張枱絕對唔係問題，但個女人態度惡劣又堅持自己無錯（出面有班等緊7人枱都聽到佢只係不斷叫46號）真係非常之過分！其實食王林記都只係一種情懷，食物唔係特別出色，只係咁多年有感情，間唔中會想去幫襯下。今日因為呢一粒老鼠屎，我哋都決定以後都唔會再幫襯王林記，可惜被抹煞了一段美好嘅回憶。

以前住大坑經常幫襯王林記，可惜小店年前結業。今日路過筲箕灣，終於可重嚐昔日的滋味。王林記必吃一定係潮洲牛丸同蝦子撈麵😍牛丸超彈牙，碗湯仲好好味；佢嘅撈麵味道香濃，其他地方真係食唔到👍🏻

提起魚蛋粉，一定要講及筲箕灣東大街的安利和王林記。兩間也是老字號，當中王林記以新鮮手打魚蛋作生招牌，很多人慕名而來。食店早前裝修過，門面更富潮聖感，感覺已由地方名店升格為旅客打卡地。 內裡裝修跟以往大同小異，環境清潔整齊，沒有傳統魚蛋粉店的街巷感。除魚蛋粉雲吞麵外，還有炸水餃等油炸小食提供，都是坊間小有的。今次點吃炸雲吞和香蔥魚蛋粉，留意下混入香蔥後有何分別。 河粉是較幼那種，烹調時有用心弄散，吃下去不論口感和味道都會更平均，反之地方小店常見到部分黏在一起便送給食客。對得起魚蛋粉名店的招牌。魚蛋的口感較軟，魚味因為用多種魚肉混製所以食味層次豐富。香蔥的角色是為魚肉的味道添加新鮮感，顯得更惹味。 炸雲吞亦不錯，麵皮很薄油炸時間較短，令口感不至太硬太脆，吃下去有酥香的鬆化感。每粒雲吞用蝦一隻，生熟度剛剛好，非常爽口。 餐廳另有樽裝汽水，大家可留意一下！