王牌冰室 (南豐紗廠) (已結業)

本來見佢貼唒香港人一齊抗疫，以為應該都係一間用心做，同聲同氣嘅好嘢，點知我地見無位，喺門口等下啦，等左大概15分鐘都無人黎招呼下，咁啱有人走，我哋就自己行埋去坐，等左5分鐘，終於有人見到我遞手，麻煩佢地執枱，點知佢地嘅執枱只限拎走d餐具，枱面仲有上一手留底嘅紙巾，菜汁，係無清理過，我哋再遞手，示意清理，佢地竟然講左聲哦，就無再理我地，我哋見勢色唔對，緊係走人啦，十分不愉快的經歷

1間茶餐廳要做得好除咗食物嘅質素之外服務員嘅質素都好緊要，有一啲咁嘅服務員真係自己服務自己好過！啲嘢食又一般，價錢又唔係平！(總之一句，唔使花時間去試食，去其他地方試好過）！

蕃茄湯午餐肉粒通粉配牛乳炒蛋，蒜蓉多士蕃茄湯底夠濃，但略嫌有d太‘杰’嘅感覺，加返多少少水會好d，會貼近返佢叫做蕃茄湯。但蕃茄味係好充足嘅，亦都夠甜。午餐肉粒應該係煎過，但好似煎過龍，面頭有d硬而且乾身左，我個人傾向午餐肉粒唔煎會更好。牛乳炒蛋係滑身嘅，蛋都夠香。加兩蚊轉左要蒜蓉多士，都覺得合理，因為個蒜蓉多士蒜味足，好香，麵包都好食。王牌特濃沙嗲牛肉公仔麵沙嗲湯底個沙嗲味亦都係好香濃，但係同蕃茄湯底有同一個通病，就係太‘杰’，不過味道係好嘅。

今次真系搵到王牌。。。差上次食過已經覺得吾掂，今次另一個朋友吾信我，話要去試。都系早上8點幾去到，得一台客，同下面新大光X坐滿比較，就應該知道客戶的眼光是雪亮咖。坐低首先提供的吾系茶水，而係有兩三把由水吧裡面傳出來不斷和大聲的粗口，整個早餐都無停過。王牌濃湯沙爹牛肉麵餐（$36）1分-本來以為王牌無衰啦，點知道衰到貼地，牛肉系好多，但又鞋又無牛肉味，最大獲系好多根，所以廚房切吾斷，客人亦咬吾爛，有相為證咖，個湯底系超濃，但吾覺得需要嘍。-油多超多牛油但系一D牛油香味都無-炒蛋合格啦雪菜叉燒米單點（$31）1分。-本來D叉燒肉質系OK咖，但應該系隔夜，最慘系吾知道點解個雪菜無鹹味但系有D奇怪味道，可能系變左。

今(1-1-2020 Wed)朝同老公帶爸爸買波鞋,買完帶佢去11月尾,我哋去過南豐紗廠,嘅Labels Cafe + Bar食晏當慶祝元旦,去到想坐低時,店員話開12:30pm,不過可以坐住先,但熱食要1:00pm至有,餐牌有寫明.我再睇多次,冇咁寫喎.由於爸爸唔會等,咁我哋唯有唔食,就嚟對面呢間,我哋坐一張6人卡位,睇完menu,我要$47.00嘅紫薯汁雞扒拼香茅魚餅意粉,要熱好立克.爸爸原本想叫香煎肉餅蛋飯,但侍應話2:00pm至有,佢就要$49.00嘅鹹魚蒸肉餅飯,飲熱檸水.老公要$62.00嘅叉燒蝦仁炒滑蛋飯,都係飲熱檸水.飲品先到嚟,我杯好立克好甜味道:1.5分然後鹹魚蒸肉餅飯即刻到嚟,見到肉餅係薄薄一層,老公同爸爸話咁係快熟但乾同嚡.我覺得味道正常,但好黐碟.味道:2.3分老公既叉燒蝦仁炒滑蛋飯到嚟,叉燒鬆軟,蝦仁大隻同爽口,蛋係好滑嘅.味道:4.3分我嘅紫薯汁雞扒拼香茅魚餅意粉呢?除咗香茅魚餅嘅味道唔太好,同另一面係煎過龍外,其他嘢都正常;但甜紫薯汁做鹹食,感覺麻麻.味道:2.5分服務:我哋三個人,每人一袋嘢,想坐卡位,但四人嗰啲已經坐晒,唯有坐六人,但年老侍應好緊張咁

星期六8點幾去食早餐，有D復古味道，枱距離幾寬鬆，去到得2臺客，有兩個waiter，但都要叫三次至來，服務差D。早餐都幾多選擇，叫了兩個餐，大概6,7分鐘就來齊。豬扒公仔麵餐（$36）3分- 豬扒帶骨都幾厚，系炸得燶D同趕D，油好似有D”益”味，湯底味道吾吸引，牛乳炒蛋（2分）-睇落幾靚，深黃色帶半熟蛋，但食落就吾滑同比較實，無蛋香或者牛乳味，同樣帶油”益”味油多（3分）-只有好薄好薄的牛油，無味，麵包幾鬆。

對這間餐廳實在太失望了⋯移民了八年，剛從美國回來，經朋友介紹了這間餐廳，味道還不錯，但份量很少，加上服務態度不佳，侍應態度冷淡，order咗一份跟餐任食雞翼，每次只來兩隻，不知道是否成本問題，re-order等候的時間超長，當每次詢問侍應時，他們總會有不同的解釋，這樣就是應有的服務態度嗎！？我只覺得若你能在order前和顧客解釋等候時間，再由顧客決定是否order，問題不就解決了嗎？若是遊客，他們真的會以為香港的飲食業就是如此，我希望這餐廳的上司能教導員工最基本的服務態度。

王牌冰室無心食野，但行過被佢裝修吸引左去試試咩料？是是旦旦🥚义燒蛋飯如果唔係飽都想食下🤔一般冰室野但睇真啲，啲三文字好似幾正👍本身我係奶茶控，所以難得食下冰室，減肥中都要飲返個茶走少甜😚就咁我就叫左個芝士咸牛肉蛋治係爆💥，係爆晒料仲用厚方包，口感豐富再黎奶醬(花生醬)厚多士奶醬搽得均勻，睇得出有🥰心機搽的。最後埋單，2個有質下午茶$70唔駛🤭行到攰坐下，嘆下奶茶都好好。I will be back!(明嘅，就會明😂)

讚1. 味道好噃，黎左幾次都無失準，湯底超濃，午餐肉炸得香口，多士烘得唔即過乾，連奶茶都唔錯，有茶味，出色彈1. 要執得乾淨少少，檯面同地下都有啲黐立立2. 服務真係要好笑容啲噃，大佬我唔係要求酒店級，都唔係個個黑口黑面卦

呢度都系平時我放lunch既飯堂，常餐平得黎味道唔錯，奶蓋都幾好飲，不過個收銀既態度都幾差下，成日會用D呼喝既語氣叫人企開D個收銀位；有次無為意拒聽緊電話落單，拒用一個好凌厲既眼神同手勢指住電話話唔得閒...搞到無曬胃口。

開初湊熱鬧過後, 已有好一陣子沒跟她逛南豐紗廠. 再次踏足這地, 喝咖啡是必然的, 同時想試試王牌冰室. 人氣產品滑蛋蝦仁叉燒飯, 外表挺好, 然而人和食物一樣不可以貌相, 炒蛋雖滑, 叉燒卻好硬, 最慘係無豉油, 越吃越乾, 苦榮懷疑廚師忘記放豉油, 吃了一半無奈放款. 吃得健康的她, 也說薑汁雞湯豬潤通只是普通, 相信是薑味唔夠重. 受她熏陶, 苦榮已習慣奶茶不放糖, 與那苦澀的感覺並存. 縱然嘢食強差人意, 能跟她閒逛商場, 喝杯咖啡, 苦榮已樂透了

之前經過呢間餐廳，覺得裝修唔錯，滿心期待今日黎食，一入去，好多枱食完都未清，求其搵過位坐，叫左個常餐加熱奶茶，牛麵既牛肉凍，味道一般，個蛋跟多士食完都唔肯黎，追左侍應2次都冇理會，繼續係度傾計，不知所謂，冇下次

星期日同朋友去咗南豐紗廠行街，感受下啲文化氣色都要衣飽個肚！今次就揀咗呢間王牌冰室嚟抖陣食返餐飯啦掙扎左好耐食乜嘢好，見到餐牌上面寫住呢個肉絲炒麵係佢哋嘅招牌菜，一於叫嚟試吓，抵讚嘅係佢嘅肉絲炒麵形狀做到一粒粒，唔會好似平時街邊嗰啲咁難切開！新鮮熱辣炸出嚟上碟確實係好吸引！入口脆卜卜！食冰室就當然急不及待叫返個常餐啦！先讚下佢個滑蛋炒得好滑好香！塊多士都係新鮮熱辣出嚟，配合起上嚟真係冇得彈！另外仲有個瑞士汁嘅雞髀，諗都唔諗就加出前一丁麵，係童年回憶呀！見到可以加錢有瑞士汁雞翼，見頭先個雞髀咁出色就梗係加多隻啦！

1.樓面員工很懶散，我今天一個人在2:30pm去吃下午茶，你舉手落單，D樓面好似當你透明！2.枱面放置的餐具也十分亂3.竟然用發酶的紙杯裝住D糖包，見到反胃！因為近工作地點，才會去，但今天的待遇令我短期內不會光顧！

中午第二次去南豐紗廠搵食，今次選位於三樓嘅王牌冰室，12點8個字去到已經要排隊了，大約等10分鐘左右有位。我揀咗個常餐試， 牛乳炒滑蛋配厚半件多士+ 仿鮑片火腿通粉。有瑞士餐室嘅影子，好味👍牛乳滑蛋如其名，放上牛油多士上一齊進食，正👍同事試午餐， 咖哩豬頸肉飯。 咖哩偏甜，唔係想像中傳統咖哩，但都唔錯，起碼唔會辣，易入口可送飯。另一位選咗只限堂食的肉絲炒麵，賣相好得。味道都有水準，因為分開上，所以保持到炒麵脆卜卜，但要快食，因肉絲炒麵汁會變稀。整體都滿意，價錢都算合理