王牌冰室 (友邦香港大樓) (已結業)

因為係公司樓下，所以成日都會食。用openrice外賣自取order, 等10分鐘落樓下便有得拎，好方便！最愛食佢個菜遠排骨炒河, 佢個河粉係炒過先再加汁，所以好惹味，菜心好爽脆，排骨都幾多下，好味道！！

外賣買咗個晚市嘅牛柳餐飯配湯有青椒紅椒同埋薯仔配搭柔嫩嘅牛柳粒菜色甜甜地 有啲黑胡椒辣辣地咁 食落肚有種驅寒嘅感覺 幾得意！啲青椒同紅椒好清甜爽口！不過得幾粒 份量可以多d😆😆另外個湯都ok 有海底椰係入面tim都係如果分量再多返d就好啦！飲曬都未夠飽😆😆最後整體都OK啦由外賣落單嘅過程 再打去問有味係咪成功落到單最後去到門市拎大致上都好順利 並且員工都好Nice我話想要多飯佢哋真係裝到成碗都係飯就好似張圖咁樣咁多飯！

商業旺區打工仔難得平民美食店 - 王牌冰室(友邦香港大樓)🏣呢排去開北角總公司開工，開工第一日除左處理大量文件外，已經繼續不停去見客！今次黎到北角七姊妹道附近，上次經過果時已經好想試下公司樓下間王牌冰室！店舖門面好大，濃烈懷舊風格，而且喺正大馬路，遠遠都已經被懷舊霓虹燈牌吸引住！今次夾啱時間係見客前可以去食個lunch ! Go Go go ! 王牌冰室我來了！😁😁😁店員好有禮貌又親切！當我睇左餐牌好耐都揀唔到食咩果時，店員都好耐心介紹餐廳一D特式食物俾我，只係呢份態度都已經值得再來！😍😍😍唔咁多廢話啦，就直接講我叫左D咩野食啦 !😆牛骨湯香茅豬扒船麵 : 湯底以大量芫荽、玉桂、八角及等，加上豬皮、豬骨同豬血熬製，色澤深沉，濃濃的肉味又富層次，入口後回味無窮。😋飲品方面飲左杯凍檸水, 就唔覺有咩咁特別，我就唔介紹啦~😂王牌冰室 (友邦香港大樓) 地址 : 鰂魚涌英皇道734號友邦香港大樓地舖電話 : 9298 7072營業時間 : 07:00 - 22:00

其實係幾好食，就算跟餐嘅包都唔錯嘅 真心。炒蛋夠滑，面頭見到多蛋汁。個包軟脆啱啱好，唔太甜。熱食特別好味😋但⋯⋯⋯唯一少幫親無疑原因 確實係因為支付方式得現金😆🤔

好耐冇食過咁難食啲嘢。生牛肉船麵，啲牛肉熟到咬不烂，而且完全冇味.. 煎蛋叉燒飯都係好似冇落盐，自己落咗鹽都仲係唔好食冇得救。服務又好差，仲未食完就嚟收碟。唔會再嚟啦！大家千其唔食！

軟件硬件一樣差早餐時段，點了雞湯香煎豬扒麵及雞湯仿鮑魚火腿絲通粉，全部均配牛乳炒蛋併奶油豬。雞湯香煎豬扒麵 （$38）劣評一：豬扒成塊柴皮咁，過火，沒有肉汁劣評二：麵的質感差，似熟非熟，淋得嚟，個心又生生地劣評三：湯底淡而無味雞湯仿鮑魚火腿絲通粉 （$32）劣評一：通粉質感不好，過火，發脹劣評二：湯底淡而無味牛乳炒蛋併奶油豬劣評一：奶油豬個包完全唔掂，奶油味不甜又不香劣評二：炒蛋好油膩，用油過多硬件：又無餐具，又無人手，堂食要用外賣餐具，待應三催四請先嚟落單總結：早餐呢個價位，質素真的非常差，可一不可再

頭先落兩個早A，阿姐間我地有問嘢轉，我話冇，睇佢餐牌梗係諗住係奶油豬 。點知佢印張單出嚟時係多士，我話唔係奶油豬咩？阿姐話我冇講，我話我頭先答你冇嘢改，你餐牌寫奶油豬，咪即係奶油豬囉。佢話個餐牌今日先改，我唔講佢哋就比番牛油多士 😓我叫佢即刻改單，佢問咗話落咗單改唔到。我後尾叫咗個睇落高級D嘅阿叔，其實佢都解釋唔到，佢話餐牌話‘可轉牛油多士嘛‘，我話我冇講轉咪即係唔轉囉！佢講我唔掂就話多士已經烘咗所以唔改得我話我唔係一定要食奶油豬，不過我唔係日日嚟我唔會知你幾時改餐牌，唔該你第日同客落單時講清楚 😡佢話唔好意思，不過多士都好食，試吓喇 ！試你個死人頭，我決定唔會食佢塊多士死罪1 ： 改咗餐牌但落單照跟舊餐牌死罪2 ：即刻改番比我有幾難呢，當時D食物都仲未送到過嚟！

因為公司係附近，又可以用Openrice落單外賣自取，慳返d時間，王牌冰室差唔到變成我嘅飯堂。（利申，不是收錢廣告）睇得出佢嘅裝修係有俾心機，想突出香港特色呢個主題。佢最出名應該係“特濃牛乳滑蛋叉燒蝦仁飯”，平時我d同事多數都係叫呢款飯，大部份都會讚好食。我本身唔太鍾意食滑蛋，平時大多叫常餐或者麵餐，麵餐都幾多選擇。佢嘅多士比較特別，用咗丹麥多士。粉麵嘅湯底偏淡，無乜味，鍾意濃味d嘅朋友，建議選擇蕃茄湯底。佢都有炒粉麵，其中肉絲炒麵最特別，汁同麵會分開上，d麵整成一個個細麵餅，非常脆口，同一般有d脆麵有d濕麵嘅整法好唔同。鍾意食脆麵嘅朋友，可以試下。

落單時其中一個男侍應已經好唔耐煩 餐具唔夠同餐具污糟想要杯水洗 分別叫左3次先有人應 第一個經理係好遠問咩事 要嗌要乜嘢 之後有個便服女人行過黎放餐具 我哋即時話仲要水唔該 幾次都係好聲好氣唔該前唔該後 個女人唔記得左 行返黎附近 我地再提一提 佢即刻黑面話有咩一次過講 仲要話自己落單一定會俾水 但其實我哋係後尾叫佢 其他侍應都好惡 好驚既一餐

一行十二人20:45入去食嘢，已經問清楚21:00截單，21:30要離開。我哋話ok,但矮小男侍應不斷呼喝催落單。限聚四人一枱，我哋分枱坐，佢就呼喝話呢度唔坐得，嗰度唔坐得。安排嘅座位冷氣極大，隔離殯儀館都冇咁凍。家人起身問水係咪出面斟，佢大喝「你坐低」。嘢食難食，菜遠排骨炒河一碟漿糊咁，啲河粉完全分唔開。食食下催埋單，侍應唔知點解要拆開五、六張單，搞到好難對，好在家人有睇清楚。叫咗四個海南雞飯落咗六個，冇叫常餐又落咗常餐。前後來回四、五次先冇搞錯，唔知係咪搏亂。女侍應雖然有道歉，但話啲單只係重複咗，唔係錯。冇叫常餐張單有都叫重複？來回四、五次都錯都好意思唔認？家人搞一大輪對好單比埋錢已經21:30，男侍應就趕人走，成餐飯只係受氣、對單、捱凍，慘過乞食。唔係咁夜帶住長輩一早轉身走咗。垃圾鋪頭千祈咪幫襯！

下午茶啦係鰂魚涌見完客，我哋諗住去食個tea啦😍就入佐去王牌餐廳，因為地方夠大坐得舒服呢！見到佢有好靚嘅海南雞飯，好想食海南雞飯嗰啲黃油飯喎😋所以咪叫咗個海南雞飯囉🤣😂我朋友就叫咗個下午茶餐炸雞髀配奄列好抵食呀！海南雞飯五十零蚊，啲雞好滑好弹，woo啲黃油飯呢簡直係勁好味道呀！配番杯檸檬茶走甜檸檬茶大大杯抵飲 👍炸雞髀奄列，個奄列就細咗少少😅但係個炸雞髀好好味喎👍椒鹽炸雞髀正呀😋我朋友分咗啲畀我食添👍👍脆卜卜ok呀❤行過鰂魚涌如果你哋肚餓又想快啲食嘢嘅話❤我諗呢一間幫到你啦🤣😂呢一間快靚正呀👍同埋地方又大👍👍👍#katkatfoodies

入到去有個男人幫我落單，十分鐘後有過女嘅問我地食咩，同佢講落咗單，點知轉頭話電腦無記錄，可能之前個同事掛住出餐唔記得咗，聽完都o晒咀好啦，再落單，d嘢嚟到細份到爆，以為自己食緊兒童餐而且d待應鍾意自己圍埋一齊玩，叫十年都唔會有人應你枱都無人抹，痴立立，同個女樓面講，佢竟然答「係咁嫁啦，朝早七點開到而家，d細路食嘢搞到咁」抹一抹真係咁難？野食就值一星，價錢就四星，唔係附近無嘢好食都唔會去，上次就廚房漏單，今次就樓面漏單，唔會再有下次最慘係出餐勁慢，你要有勁多時間先好去

中午lunch time叫外賣 前後叫5個常餐一打到去 我叫左第二個餐時落單呀姐已表現唔耐煩講左句: 仲有？然後我無理佢 繼續落單去到第三個餐嘅時候 佢態度好差咁講: 叫咁多究竟你要叫幾多個餐我當下真係十萬個問號？ 完全係唔想做生意咁嘅態度叫哂所有餐後 佢收線時補左句: *真係麻鬼煩*!!!!!!!!!!!!!!!!!我叫餐 你話我麻煩 真係好嬲又好無奈食物一般 豬扒又乾成個餐又細份加埋凍飲要$54 性價比低

#sataynoodle + #eggbbqpork + #brunch = #pefectday 港式茶餐廳嘅... 特濃沙嗲牛肉公仔麵... 再加個... 超滑蛋叉燒飯... 完全冇得輸！Satay noodle is one of the favorite breakfast in Hong Kong food culture! #王牌冰室 serve this most #rich satay noodles in Hong Kong, plus egg BBQ pork, delicious!!!#foodporn #foodiehk #hkfood #hk

我今天好心幫同事訂左2個海南雞飯, 因為我有apps, 點知2條友仔食完好嬲 ：“飯無飯味，雞冇雞味，熱啡個杯爛嘅（即係唔使飲囉)” 係咁要求我寫食評，唔寫就比多啲野我做，所以都無奈要本小姐出手。 P.S: 睇住佢地個樣，好好笑，好在我今日無一齊叫✌🏼