珍味泉越南粉 (已結業)

與同事食午餐。叫左豬扒河但豬扒太肥一啲肉都冇，之後同老闆投訴，老闆態度非常串咁同廚房講 ：人地豬扒好肥喎，豬扒係咁肥嫁啦！然後店主重複以上2句4,5次。。仲話 食個幾十蚊面啫，洗唔洗咁高要求！態度非常差，我地沒要求換豬扒，只是叫佢留意下，洗唔洗咁既態度！？如果店主認為幾十蚊面比乜垃圾食客都可，咁店主為何要開舖做生意？食到好嬲，以後唔會再黎食！

三點三下午茶時間，越南癮發作。就近試試珍味泉，這個細小的葵涌中心地下有好幾間食堂，星期一至五午餐時間都堆滿了人，有中學生，附近工廈上班的職員，工人，很熱鬧。下午茶時間整條走廊水靜鵝飛，恰成一大對比。下午茶粉麵$34 包熱飲。為了迎合香港客人口味，餐牌上會有茶餐廳的多士三文治。點了招牌生牛，配金邊粉。本來對港式越南餐廳不太有期望，喝一口湯，不錯喔! 不是淡如清水，牛肉份量也不少辣椒浸湯後散發陣陣辣味，很過癮，可惜竟然沒有芽菜我也不喜歡青檸直接放在麵上的做法。餐飲檸蜜好喝這個價錢這個質素不錯了。

牛肉飯，牛肉不新鮮，更荒謬的是提供一塊未經烹調的牛肉，飯生冷降，很難吃！有圖為證，"生"牛肉飯 (原本是烤牛肉飯)，食完反胃，希望這個店快點倒閉。另外，店內環境十分污糟，有小蟲飛到飲品，不敢再飲。坐得不舒服，店員服務態度差，毫無悔意，寫此食評是希望各位慎重挑選食店，以免危害健康。!!!!!!!!!!!!!!!!!!!!!!!!!!!!!!

公司喺葵興，今日一早番去計數，路過珍味泉，食個早餐先！通常一返公司都會喺呢間食肆食個晏又或者整個下午茶，食番個越式粉麵飯，而我叫得最多嘅一定係下面嘅生牛肉河粉早餐: 生牛肉河粉+凍檸茶走甜 (HK$35)佢地雖然係up dup 巷仔鋪，但係出品一啲都唔馬虎，湯係用牛骨煲嘅，加入左一啲我估計係桂皮、八角及胡椒之類嘅香料，仲有就係佢地呢個湯好重魚露味，我問過佢地呢度事頭婆，佢地呢個越式湯底係唔加鹽，只係用一啲幾十蚊支嘅魚露調味，真係好揼本！唔似有啲叫話什麼東南亞菜館，用埋啲垃圾雞湯嚟做生牛河湯底。牛肉同埋配料都好正宗，牛肉好焾滑，事頭婆話佢呢隻貨要四十幾蚊一磅，一睇就知係肉眼，應該係澳紐貨，因為美國肉眼一般都比較肥，做生牛河太肥膩！配料一啲唔馬虎，金不煥、洋蔥、青蔥、辣椒樣樣齊，冇偷工減料！河粉係行貨，但唔差，相當軟滑！至於杯檸茶，真係合理濃茶再加三塊有2-3mm厚嘅檸檬，唔似得有啲早餐賣到懶係平嘅地方咁，茶無茶味，檸檬薄過張紙！總結： 呢度係一間好有誠意嘅食肆，食物價錢大眾化得嚟又一啲都唔差！仲要特別一提佢地事頭婆，非常親切健談，同佢傾計，絶對冇話收收埋埋，食物材料配方、佢以前做生意經歷