珍姐泰國菜館

營業中

休息中

聽好多人話珍姐回歸匯景，講到好好食咁，平日行過都有人等，今日埋去試吓啦。六點前去到，好彩仲有兩三張枱，所以可以即入。 入到去裝修都光猛，坐得都舒服。但等放低碗筷時，見到啲碗筷真係失望，一碗一杯無洗過😰 為有一隻一隻洗😰咁嘅情況，真係唔諗太多，就叫住個二人餐。頭盤泰式鳳爪唉，鳳爪唔入味，基本上唔似有浸過，只係放入盤，加料加汁，撈好上碟😰蝦餅唯一似番啲泰式蝦餅，有少少咬口青咖喱雞青咖喱應該無打芡，汁稀掛唔到上雞，最重要係個汁係熱，但啲雞就只有微溫😰 咁你話佢係點煮😰蝦醬通菜我食得偏濃味，但我都覺得有啲鹹。😰珍多冰基本上可以，只是彩粒比較散，無乜咬口。可能呢幾個餸唔係佢地主力，但真係唔似啲人講到咁好食，所以試過就算，番食🤔 no way😅

疫情其間wfh除左屋企做「煮」婦，珍姐係經常幫襯。Lunch 即叫即炒，唔駛60蚊就有大大盒炒粉，細食既女仔可以share食都夠飽菠蘿炒飯炒飯炒得乾身，加上有雞肉、菠蘿、提子乾好開胃，好香口！如果加埋肉鬆就100分炒金邊金邊會微微偏甜，但炒得都幾香口，但個人認為蝦比較削比較唔新鮮，如果可以轉雞肉會更好馬拉盞雞肉炒飯飯炒得幾香口乾身，帶有少少香辣，有雞肉、三色椒，都幾足料Overall, lunch 大盒好抵食，勝價比過

因為疫情五敢出去食飯，於是三個月都無食過泰國菜，終於忍五住喺某外賣平台搵到呢間泰國餐廳，真係好正!1. 柚子蝦沙律 8/10柚子好清甜，落左炸紅蔥頭，蝦米干，腰果，椰絲，魚露，糖，蝦，成個沙律甜中帶點鹹香，唯獨蝦仁無蝦味，亦不夠有彈性，呢度要摳少少分2. 香辣肉碎煎蛋飯 7/10辣度十足的一個餸菜，分量夠大，米夠粒粒分明，糖心蛋破開，撈埋d肉碎飯一齊食，五錯!不過我個人口味希望多d香料，會更惹味3. 炸蝦餅 8.5/10呢個五洗講，啖啖肉彈牙，有蝦味，調味都適中，好滿足4. 冬陰功香茅豬扒金邊粉 8/10呢個混合左本餐最佳同最差冬陰功湯底真係好正，夠香料味，夠酸，好香濃椰汁味，但係個豬扒炸粉經過外賣後霖曬，豬扒剌過龍，肉太霖，醃既味都怪怪地，下次會叫其他餸既冬陰功粉5. 芒果糯米飯 8.5/10芒果好甜，糯米飯煙韌，椰汁好香，好滿足以後想食泰國菜又五想出街，絕對會encore呢間既外賣，平價又好食

第一次光顧珍姐泰菜，果然有驚喜，點咗咁多款外賣都只係$368菠蘿雞粒炒飯 ($55) 堅大份，又香又足料，份量有成2-3碗，夾埋菠蘿、提子、粟米、甘筍、臘腸、雞肉、腰果、肉鬆，好味到暈香茅雞翼湯河 $45 雞翼好入味又香口，一啲都唔油膩，必吃泰式香茅豬扒湯河粉 $45豬扒夠淋，外皮夠好香脆，大份夾抵食招牌海南雞(半隻)$100雞好滑嫩，點埋個醬汁好惹味，仲有豬紅送豬紅 $20豬紅夠滑夠新鮮，夾埋個湯汁好正冬陰功大頭蝦湯 (2-3人份量) $70湯底夠香，帶微微酸辣，用料十足芒果糯米飯 $50芒果份外香甜，夾埋椰汁糯米飯，大滿足

聽聞係好多年前呢間餐廳已經喺藍田到開檔，後來又搬走咗，近幾個月搬返返嚟匯景！咁啱行過運輸處拎少少野，咁就上嚟試一試！果然冇令小編失望！是次用餐小編向選擇嘅係海南雞飯！佢係一個午餐（set lunch)包埋個湯仲有野飲，都唔錯㗎啦！海南雞飯，啲雞都唔錯嘅！唔算太孩既！而且仲要有雞翼！而且都煮得熟嘅！嗰醬都花咗少少心思！雖然1分鐘點菜，1分鐘出餐！但係絕對唔會馬虎了事！出過嚟嗰餐都係熱嘅！佢有個冬瓜湯俾咗我！都算幾好飲！唔會話太鹹既！至於個米飯就硬咗少少，但可以接受！佢仲要送咗幾件豬紅！都唔錯嘅！整體來講我都滿意！

呢間泰國餐廳之前係藍田經營多年，之後取名「珍意」搬左去筲箕灣東大街，最近以「珍姐」之名強勢回歸藍田啦，真係藍田街坊既好消息位置係匯景商場既深深處，都唔太易搵，沒有多餘既擺設，就係屋邨商場餐廳既格局，餐廳入面好光猛，感覺乾淨衛生生蝦刺身每次都必食，生蝦新鮮爽甜，泰式辣汁好辣但好好味，泰國的味道蝦餅蝦餅外層炸到金黃色，咬落彈牙，蘸泰式辣醬更加惹味招牌海南雞(半隻)雞件好滑，成碟海南雞都無咩骨，啖啖肉，仲有幾舊雞血，青瓜作配菜，好味爐邊海鮮粉絲湯個湯唔油咸咸地咁，粉絲索晒d湯，仲有海鮮、菜、咸肉，清得黎又幾豐富泰式鹽燒鰂魚條魚燒得岩岩好，鹽燒味蓋過左鰂魚本身既泥味，又香又嫩，唔鍾意食淡水魚既我都覺得好出色泰式香芒糯米飯每次必叫的甜品，不過今次既芒果唔夠熟，好酸，有點失望食物高質，價錢親民，加上有珍姐親自坐陣，信心保證👍🏼

外賣自取叫左個咖哩炒大頭蝦、鹹豬肉炒飯同冬蔭公大頭蝦湯個咖哩炒大頭蝦真係好鬼大份好多汁食唔哂🤣🤣🤣個汁好食，蝦頭又有啲膏。食剩啲汁留到第2日再食個冬蔭公湯幾好飲，不過真係幾辣好滿意，會繼續食

在中學同學群組得知，珍姐重返藍田，仲話係佢親自出山，落舖打點。初時都半信半疑，叫住附近嘅娘親去打聽下，最終確實無誤，仲話珍姐都認得佢，同佢打招呼星期六，終於返娘家諗住一齊去食珍姐，搵返啲童年回憶，可惜撞正夜晚禁堂食，最終只能買外賣。夜晚約7點去買外賣，門口企左好多人，落單時話因為單多，要等耐少少，店員細心問我地介唔介意留低電話，話攪掂call我黎拎，梗係唔介意啦，落完order就喺滙景商場行住等。大概過左30分鐘，收到電話話攞得，都唔算等得太耐。講返食物，我地叫左：海南雞半隻：啲雞好滑，肉質都，伴盒有幾粒豬紅送，好好味。串燒：我地要左一半豬一半雞，醃得好入味，又大串，抵食。蝦餅：蝦肉彈牙，不過始終係外賣，外皮已經唔太脆口，堂食嘅話應該會好好多。咖喱炒大頭蝦：本身諗住叫咖哩蟹，但店員話蟹要預訂，叫我地試下大頭蝦。又真係無介紹錯，一份有5邊大頭蝦，蝦有啲膏，唔錯唔錯，啲咖喱汁又好正，用黎撈白飯無得頂。泰式炒什菜：普通蒜蓉炒，無咩特別。滷水豬手：豬手起晒骨，啖啖肉，炆得夠焾又入味，配菜個酸菜都好好味。酸辣無骨鳳爪：娘親好like呢個，不過我就覺得辣得滯。招牌鹹豬肉炒飯：呢個真係無得輸，菜粒炒

呢一間珍姐泰國菜係以前開喺啟田嘅珍意盞，難得開返梗係要嚟試下佢！.今日試咗個雜燴金邊粉配泰式辣茄汁湯底，貪佢咩都有！湯底方面✨有微微嘅辣同酸味，無蕃茄茸或者蕃茄味，要加$5先有嘅我就唔會再試...配料方面✨魚蛋有一粒白魚蛋、一粒炸魚蛋。白魚蛋彈牙有魚味，炸魚蛋紮實夠香口，兩樣都唔錯~✨蝦卷有蝦味，食落質地係實淨，都不錯~✨札肉有好香嘅香茅味，肉質正常~✨豬紅彈牙，食落無腥味，帶小小胡椒味~✨炸豬皮夠晒脆，但唔會好油，又無油膉味，好食~.個人感覺相比榶意同珍意，呢度嘅粉麵較為遜色，希望日後可以更進步～