珍寶王國 (已結業)

對這裡, 係有一個揮之不去的感情, 或許是與家人的早期回憶. 那張珍貴的四大天王合照, 正是係珍寶的大門口拍下. 當然, 張照片拍下的時間係樂壇那四大天王仲未出現的遠古年代. 小弟所講的四大天王並只係我跟三位堂姊/兄/表兄.記憶已經好模糊, 這次再來係因為工事, 同外賓來這裡. 唔係的話, 基本上係無乜機會來的. 象徵式地搭完船, 來到這艘海鮮舫, 係完全無郁的感覺. 本來想坐出面, 但係實在太熱, 換了係入面坐, 感覺上其實係無乜特別, 又無乜景, 同一般餐廳好像無分別.環境係幾好的, 都算見得人, 係那種好老土的中式格局, 仲有人幫你影龍袍照, 遊客相信係好高興的, 當然, 唔係本地人的玩意. 看看全場, 都係鬼比人多好多.正常.坐低飲了幾支啤酒, 跟著就落了去揀海鮮, 環境係相當一般, 沿路係經過廚房, 望落去都係不太整潔. 似乎不太適合帶外賓落去揀海鮮. 加上服務係好差, 行了一大輪都無人招呼我們, 一眾侍應只顧自己打牙跤.宴客關係, 當然要了不少食物. 海鮮為主, 再加碟菜同雞.椒鹽大瀨尿蝦17両 $476: 6分, 要了兩隻大的瀨尿蝦, 差不多$240一隻, 認真貴. 瀨尿

我好少帶珍寶,個日帶客來珍寶,真來俾嚇死人,人又多,招呼同出品認真麻麻,好像趕客咁,D客話食得辛苦。但係見到一樣嘢認真攪笑,佢話自己係大廚喔,見到靚女就話要影相,好像係度自我宣傳咁,我真來未見過酒樓同酒店D大廚係咁樣,D客根本唔鍾意又唔好意思唔影，D客人好驚咁話,會唔會係咸濕老,哈哈............後來我聽行家講,原來來珍寶係梗易投訴下,果個大廚就煮D好嘢俾導遊食，表示安撫咁話喔..............真來一個公關大廚,笑死人真來未見過..哈哈.........

Last Saturday afternoon I brought my colleague from UK to Jumbo and we order some seafood and dim sum as well. Dim Sum is so-so and not worth mentioning it.We did order the steamed "East Star" garoupa fish , "Fried prawn in Jumbo style" and baked rice with seafood. Needless to say, all three dishes are excellent and fresh. The ambience is however quite noisy as there are many other tourists from China. The price was astonishingly high even without wine. Will do next time only it could be claimed

今日老世請食lunch，o黎呢度食，原來呢度有個廳叫‘龍軒’，個feel好似皇帝式招待。因為以前o黎食都係上三樓個又嘈又街市feel廳，估唔到今日咁正！食物方面，蝦餃燒賣無出邊的咁多味精，唔錯！另外，食o左個皮蛋炸蝦卷，味道好特別，係鍾意食皮蛋o既人先鍾意食。其餘，叫o左福建炒飯，楊枝金露，不外如事。所以，o黎呢度食，都係食名氣呢！不過唔緊要啦！老世請o者！

印象中只來過這兒兩次，第一次是大學時讀一個何生贊助的暑期交換生課程，完成課程後校方請同學們來這兒食晚飯(因為老闆是何生嘛，請客當然是在自己的地方，生意人即使捐錢也識賣廣告)。雖然說是免費，但其實羊毛出自羊身上，個課程咁貴，一餐只不過是小恩小惠。由於是包房食飯，服務同食物都不過不失。第二次來是去深灣探望一個朋友，由於那區都算吊腳，要食個晏都不容易，因此最後去了那兒。由於是次目的是敍舊，所以都只是隨便叫些點心，大致上都是可以接受的，埋單每人約五十，都不算太貴。從兩次的經驗，我得出的結論是一試無妨，但如果是自掏腰包，最好去午市；若果有外地朋友來，而且又是他請客的，那麼晚上的觀光價值會大些。

今年復活節冇外遊，留消費，去D平時唔會去地方。本來想去珍寶海鮮舫，但係去維修唯有上太白。果然係遊客區，好多鬼佬幫襯，兩點鐘去到仲要等幾個字至有位。食6碟點心，味道唔錯，用料都好新鮮，其實唔係遊客都可以去試，幾有風味。

事先聲明，我是來「學是非」的，不是親身經驗。我爸媽昨日（6/2/2007 星期二）有朋友請去珍寶海鮮舫食晚飯，本來起初聽到時我都好“恨”一齊去，因為從來未去過。最終沒有去，所以在他們吃飯中途打電話去問問什麼環境，是否好吃，媽媽在電話中有點難言之隱，又話回家再講…唔，有問題囉~~回到家中，爸媽立即力數珍寶的不是之處：> 一行10人6時前已經到達酒樓門前，當時場內只得一、兩客，但不明為何侍應不安排他們入坐，結果10人在門前罰企5-10分鐘。> 菜到時叫了4碗白飯，等了15-20分鐘都凍了還未到。主人家開口追問，第一次侍應說「咁早無人食飯既，廚房未煮飯」（！），第二次追問侍應說「“畢”飯係燒味部做既，唔關我地事」（！！）> 其中一味“片皮鴨兩吃”中的鴨鬆生菜包，生菜是“生鏽的”，不新鮮。主人家開口叫部長更換那碟生菜，部長黑面說不能換！後來都有再送兩碟生菜來，不過那時席間都沒有人想吃了…> 今餐點了白灼蝦（HK$20/兩）、片皮鴨兩吃、大海班兩吃，就只是五味菜，加4碗飯，沒有糖水和生果送，結帳HK$3,6XX 大洋…嘩！連我媽媽都識講，在香港仔搭船入南丫島索罟灣

又是N年未來過的地方，今次有人擺婚宴，才會山長水遠的過來，我今次真是非常俾面。每次什麼的婚宴、壽酒來來去去都是由乳豬全身，食到最後一打大鮮橙的飯後果。今次我最欣賞係老虎班，在喜慶宴會中鮮有食到咁嫩滑的。乳豬切了個pat pat位置，少了三份一，感覺上唔夠大體。燒雞都唔錯，皮夠脆。第一次飲婚宴有白灼蝦，都ok，蝦肉都算爽，但沒有蝦膏。蟹黃翅，我食唔到蟹肉，竟然食到好多蝦肉。冬菇鮑片-鮑片細細塊，又瘀瘀黑黑；冬菇雖厚身，但完全冇冬菇香味。美點雙輝又凍又硬的煎堆仔及合桃酥，好像是過期隔夜的。糖水不是普通的紅豆沙，是花生西米露，冇花生香味，質地好浠。我唔知每席多少錢，如果係最低價的，真係冇話可說，可能將貨就價、一分價錢一份貨。不過服務就非常唔掂，負責我個圍的侍應唔得醒目、做野又慢，眼見其他的都唔係好好。而且出菜次序好混亂，仲差過一般的酒樓。

自從大改革後,首度中午去嘆茶,係2樓ge龍軒,叫了一堆「點心」,相當不錯,新鮮好味,尤其對我久違了的「鳳爪」,即頭打孖上!又order左星州炒米,辣得好味!乾炒牛河都唔錯,牛肉稍嫌「處理」過,夠晒淋~炒飯則好有水準,既乾身又有咬口,絕不油膩!九個大人一齊嘆!約$720(又係無得我找數)如果係門窗遮光方面改善下更好,都係坐番三樓最理想。

似乎係遊客必到o既地方, 但本地人就好少o黎, 我都係因為朋友擺酒而第一次o黎.宴會場地確係幾好, 可以自己決定氣氛情調(一般酒樓只有開晒大白燈或者熄晒燈兩個選擇), 飯席場地同麻雀耍樂完全分隔於左右兩邊, 一o的都唔覺嘈, 絕對抵讚.服務都算係咁, 幫你分埋菜, 但就唔會見到原碟上, 開頭乳豬拼盤仲ok, 愈食愈覺得有呃秤之嫌, 魚翅得半碗(已經係酒樓用o個種細碗), 雞每人得兩舊, 埋尾飯麵又係得一半, 糖水唔足料. 主人家喜慶日子特登擺幾圍大宴親朋, 你就搞到人地好似好寒酸咁, 真係唔要得.分龍蝦夠膽死一舊肉搭多四塊淨殼上碟, 仲有o的為兼顧儀態而不能入口o既蝦身蝦腳. 蒸魚o鞋口. 唯一叫好o既係炸芋丸包帶子, 帶子爽口大減油膩滯口感覺, 幾有特色.

星期日, 成兩點幾先去到, 都仲要先位wo!! 心諗...唔通呢度真係咁好食?等陣就有位啦, 仲俾張窗口位我tim. view 幾好呀,望住對面clubhouse 同d 遊艇...唔知係咪已經過茶市, 呢度無下午茶, 但可以叫點心只得廿款左右, 碟碟都係十幾蚊碟, 唔算貴呀! 不過d 點心就無咩特別, 同出面酒樓差唔多, 比較鐘意馬拉卷lor, 幾鬆軟好味!最唔好係d 服務, d 伙計懶懶閒咁, 叫佢追下d未點心, 最終無影!!!雖然主要係做遊客生意, 但都唔洗咁ga!!!入面都幾靚, 保留d 舊擺設, 有d 古色古鄉feel, 但條樓梯又翻新過, 都幾match, 同埋始終都係係隻船上面食, 又要搭船來往, 幾好玩幾得意!自己咪當自己係遊客, 都影唔少相ga!!!

睇左雜誌介紹呢度好似好正咁,0係海中心,陽光下嘆返個buffet.本來我都係book左sunshine area,但去到真係太曬,坐返去入shelter位.總括0黎講,食物味道okey,我最鍾意食白酒煮青口,忌廉浸晒入青口入面+埋青口0既鮮味,正呀!!同行老公就最鍾意食翡翠螺,平時Citysuper賣$12一隻,佢一共食左20隻左有啦!真係咩本都比佢唯返晒!乳酪海鮮咯嗲–面頭有芒果醬+尤魚/蟹肉,味道酸酸甜甜,又有咬口,好特別鮮蝦伴青瓜/海鮮菠菜凍批(唔覺有菠菜0既?!!?)/中式蒸魚,都okey啦,冇咩特別雜誌介紹0既阿拉斯加蟹肉蛋卷/軟殼蟹炒飯,點解冇左0既?呃鬼!!西班牙海鮮飯-食過ELD SPANISH RESTARUANT0既西班牙海鮮焗飯同呢度0既,都係唔鍾意食,可能係我唔鍾意果陣味啦!!長腳蟹,唔好食,好”鞋",好似好唔新鮮咁,我平時咁鍾意食,今次都係食左一兩隻就冇再食喇!D甜品超甜,好難食!!$298加一,包有氣葡萄酒(當然係cheap0野啦)及茶/咖啡,(D葡萄酒,你唔飲當裝飾擺0係度,又別有一番風味,),如果唔係食個View/Feel,係唔係咁值0既,款真係好少!服

以前聽過珍寶食物用最新鮮既物料做成，但係上個星期我地叫左籠燒賣，嘩！～真係好唔新鮮囉～好似雪左好耐既味道咁！成十蚊食碟咁既野諗住好好，但原來比出面果ｄ酒樓仲差！～環境唔差，但係ｄ船就好似好舊～仲有，入面都好殘～係咪應該裝潢下？咁都算～我地ｄ茶飲晒叫人黎加，叫左話轉頭黎但又唔記得左！～等左好耐先有人黎囉！～

兩口子於秋高氣爽日子同嗲地、媽咪一家四口落珍寶海鮮舫食晏，一來佢地搬離南區已久，二來珍寶裝修後都未過，三來一家人又可到附近影生活照。一點入坐於三樓太龢殿，撰了幾款點心及飯類，首先出場係-1)芝麻炸蝦筒:蝦膠餡料被外層用威化紙包住再油炸，外貌似春卷不過係白色；炸得乾身唔油"立立"食落O.K.(2)蛋蓮蓉包& (3)波菜餃O.K.黑面故事開始（一）:~~~~~~~~~~~~~~~~~~~~~~~~~~~~~~~~~~~~~~~~~~~~~~~~~(4)金栗百花球:翻蒸栗米砧住無味蝦球，嚼多兩啖都唔想!(5)鮮菇素腸:一句講曬唔多掂!腸粉皮唔夠滑，粉皮用多油去搭夠佢不促之處!(6)山竹牛肉:以為簡單不過之點心，誰知係最唔簡單之作(難食)，打個比預如果24小時供應點心之點心皇山竹牛肉同珍寶比較，點估都估唔到係點心皇勝出，聰明食家知我講緊"物"!黑面故事（二）:~~~~~~~~~~~~~~~~~~~~~~~~~~~~~~~~~~~~~~~~~~~~~~~~~(7)帶子X X 餃:由撰點心至食緊點心全程半粒鐘未見過"Lee"款點心報到過，老公都feel到我唔多起快加上眼神不悅仲唔"哪哪聲"叫身邊部

有一個星期日，朋友相約到這裹喝午茶，因為較為遙遠，所以翻新後很久也沒有來過，裝修後跟以前完全不同了，一下從香港仔的駁艇後，沒有留意就直上二樓，内裹很少人，裝修較豪，後來才知道二樓的定位是專做高級商務客的，所以收費和食品跟包裝都跟三樓大廳有分别，點心的質素高但價格更高，只吃了幾款點心跟泡飯，大概三百元找數，午茶來說不能說不貴，而且缺少一些較大路的點心，而裝修和燈光較暗淡。走時我到褸上看看，有很多點心車推賣，就像一般粤菜酒樓一般，但座位也很疏落，也不會太擠湧，而且有很闊大的玻璃窗，景觀較開揚且較陽光氣，沒有二樓的侷促感，感覺更好，下次有機會跟爸媽一道來，但他們可能伯長途跋涉而拒絕。