珍香園 (已結業)

細個果陣，因為舅公住o係附近既木屋，所以每次探完佢，我同媽咪都會去呢度食豆腐花，仲有蔥油餅，大個左，又因為要o係西灣河文娛中心教畫，晏晝果餐好多時都會o係呢度食豆腐花同三寶，教完畫，又會買蔥油餅同鍋貼返屋企比媽咪食，呢間舖頭其實都改變左好多，由以前著底衫既叔叔到之後有圍裙既嬸嬸，仲有舖面都有裝修過下（雖然都仲係好似好舊咁），而且，佢Ｄ食物種類都多左，以前只有豆腐花，煎豆腐，三寶，蔥油餅同鍋貼~~豆腐花同以前一樣整得咁好食，嬸嬸仍然一樣咁好笑容，呢Ｄ咁舊式既傳統，我地真係要好好學習同保存

我從小已跟阿媽常常幫襯呢間豆腐店。阿媽話，佢細個時已經係常客! 上次見到外國人去幫襯，那個外國朋友熟練地要了豆腐花，並推介給他的朋友。如此西灣河小店，連外國人也識貨呢!呢度d豆花好有豆味而且夠滑，凍豆漿夠冰涼但偏甜，不過也加貼了很多海報提醒客人可要求少甜。最近一次去，留意到餐牌項目增加了，多了很多以前沒有的糖水和煎、炸、蒸小食(許久以前只有煎、浸豆腐、煎釀三寶及煎牛肉包，此數項現時仍是必試之選) 並可作不同配搭。我通常會點凍豆花或豆漿、煎釀豆腐及牛肉包或蔥油餅。阿媽就最中意食鍋貼。 店員好像從我細細個幫襯一直都是那班人(也有一兩個新人啦)，非常有親切感之餘，也保持水準不變。

n年都去唔到一次西灣河!琴日有幸一遊，仲試到好滑既豆花我食果個係奶露豆花超級滑!佢地既豆花，係用石磨磨出o黎!!比起上次專登食義香，真係超幾班, 由於好耐都冇食過好滑既豆花...所以好感動!!滑度同澳門豆腐麵果間(都係唔記得個名) 差唔多!可惜十年都唔去一次呢區....下次再o黎一定會幫襯

不嬲知道西灣河筲箕灣一帶勁多嘢食。今次刻意來訪，响同一兩條街附近，連下三城，食到人仰馬翻...來這裏，目的只係為咗個蘿蔔絲餅...O 味嘢有個別名叫做炸油池。淨係睇張相就知點解la..食落的確相當油，師傅味亦相當重，食完後不久就馬上喉嚨痕，而且仲有D痛添。不過蘿蔔絲份量十分多，亦有少許蝦米粒吊味。食起來比响太子弼街街邊檔都係較出色嘅...呢款街頭小食並唔係度度有得食，不過亦唔係個個都啱食(因太油la)。但係呢D小食若唔夠油，就已經失去原有風味la...

見為食奴隸獸0係上一篇comment 形容呢度的「炸油池」形容到好似好好食咁, 今日2:30pm 人在西灣河又未食lunch, 摸了0黎呢度試試. 叫了碗熱豆花, 一個牛肉包, 當然仲有一個「炸油池」(炸蘿白絲餅).熱豆花($7) 先0黎, 賣相好靚好滑, 食落都好滑, 不過無乜豆香, 糖水又落得太重手, 甜0左d, 令我諗起上兩個星期的大澳車站豆腐花. 講來講去都係0個句, 豆花呢d 0野, 都係食九龍城義香/南丫島阿婆出品好了, 呢度的叫做試過咁啦.牛肉包($3.50) 即牛肉餡的生煎包, 個包幾軟熟, 唔油; 入面除0左碎牛乜都無, 不過唔寡, 因為佢d 碎牛肉味香濃, 好好食. $3.50 一隻, 好食又飽肚, 好抵!炸蘿白絲餅($6) 即叫即炸熱辣辣, 食落香口, 蘿白絲好多又清甜, 好食! 件0野認真油, 一路食d 油係一路drip drip drip 滴到成隻碟都係, 不過間中食一件無所謂啦.環境衛生麻麻, 我逗留的10 分鐘內成日有烏蠅0係食客頭頂飛來飛去, 都幾困擾; 招呼就無特別.埋單$16.50, 夠晒抵食. 明顯豆花唔係主角, 不過鹹食幾掂, 0黎開呢

主人與奴隸獸去魚涌公園散步後（可以幫助消化啊！），又折返西灣河搵食，想起了豆腐花，於是去了『珍香園』：1. 豆腐花配馬來咋喳（HK$8.0）：豆腐花夠滑，只是豆味給咋喳蓋過了。其實兩者配合起來味道唔錯，不太甜。2. 小欖公鯪魚球／蝦膠釀荔芋／蝦膠釀雲吞／蝦膠釀茄子（HK$6.0）：除了荔芋夠粉外，其他的味道都是普普通通。3. 蘿蔔絲餅（HK$6.0）：以前我們稱呼這種炸物為『炸油池』，已經很久沒有食喇！這件『炸油池』，不會在白蘿蔔內混入太多麵粉，有香甜白蘿蔔味，不會食到一口油。確是好味。如果我們再光顧此食店都是為了那件『炸油池』。

聽朋友講西灣河間豆腐花鋪D豆花好食!之後今日放假米去下囉****果然^0^好滑好好味~下次再幫襯!

6.16 (sat) 半個晚餐-下食完太安樓雞蛋仔，就過對面繼續食，去左朋友highly recommend的地方食豆腐花。佢話每次行完太古一定黎食豆花同牛肉包。我地around 7:50pm先到，間舖已經洗緊地（收8pm），但都仲可以入去食。食左凍豆花（$7）加牛肉包（$3.5），豆花比想像中普通，滑但係冇咩豆味，反而牛肉包幾得！一向都唔太鍾意食有肉o既中式包（生煎包o個ｄ），但個牛肉包ｄ肉好香，個包表面仲有少少脆！食完個清甜地o既豆花食個少咸o既牛肉包就fit晒！朋友話，呢度以前o既包係即叫即煎，宜家係「即叫即叮」，仲俾我聽到好大聲「叮」！－,－今次冇位食朋友介紹o既滷水豆腐（好少地方有呢樣野），有機會再黎就試啦。p.s. 地方唔係咁乾淨，不過冇肚痛就算喇！

初中時已經開始食呢度嘅豆花,食咗十幾年質素都無變過,仍然係勁滑、勁香!而家仲有埋星洲豆花(即用無糖豆漿代替豆花),清淡之餘又有豆香,啱曬我呢D唔鐘意食咁甜嘅人!至於小食方面, 本人覺得鍋貼同釀豆腐都值得一試!!!

似足深水步既公和都係街市內..就算係地方環境都似足公和一樣咁舊唯一比公和乾淨一點點啦...因為未到上堂時間, 所以就走左去此店食個豆花坐下7蚊一碗都唔算貴啦..都算滑唔錯唔錯..下次都算試下其他既食物如蝦膠豆腐, 炸豆腐等都好似好吸引我這名炸物怪

又喺係西灣河既呢..佢d豆腐花ok滑架..好好味..之前未裝修好鬼死污糟架..不過我由細到大已經食好多街邊既, 所以應該有好多抗體..呵呵.^-^有時屋企人會買d"三寶"做餸..ok架, 真係鯪魚肉囉,冇話厄你淨係得d粉好過魚..正..

上次想來此店食佢地既豆腐花, 但最終食左閉門羹..今次終於食到啦不過係蔥油餅..佢地既蔥油餅真係好正新鮮熱辣又唔會太油, 不過我就覺得就咸左少少..下次先試埋佢地其他野食

是招牌當然好吃不在話下外賣是比較抵的十碗大大碗豆類的製品都是吃得過的

兩個人嚟食啲嘢當早餐，要咗碗熱豆腐花($6)、熱豆漿($6)同蔥油餅($3.5)。豆腐花最正，夠哂滑。豆漿就稍嫌甜咗啲。蔥油餅幾大塊，但係唔係新鮮整出嚟嘅，食落普普通通。

都講過，每個舊街市都有間舖頭賣自家製豆腐花。馬寶道街市有德興隆，深水步有公和，旺角有人和及廖同合，西灣河街市就是這裡~珍香園。是日去探舊朋友，在利東村行下來，途經此地，見天時涼涼地，食碗熱豆腐花都正路，就叫了熱豆花加碟炸釀豆腐。這裡比一般老式豆腐舖光鮮，眼見幫襯的都是街坊居多。豆腐花非常之滑，但豆香淡薄，如渴加了黃糖的熱水，不過如果喜歡滑身豆腐花的必定滿意；炸釀豆腐炸得脆口，豆腐夠滑，鯪魚肉還隱有果皮香味，有水準，一碟四件，只需五蚊，實在超值。埋單十一蚊，經濟抵食。