珠江酒家

營業中

休息中

約咗一大班朋友食飯，原本去另一間餐廳，但經同事介紹話呢間好食就即刻轉場啦。首先叫個豬肚湯，個湯有啲辣，但真係好好飲。仲叫咗黃金鮮魷，蠔爽，涼伴花蛤，避風塘准山，沙拉骨，仲有另外兩個菜都唔記叫咩名喇。呢間野啲小菜真係好好食，重點價錢完全唔貴。雖然佢叫酒家，但其實佢唔係一間酒家，以後佢中午時段會做點心，點個原來都只係開夜晚。但略嫌上菜有啲慢，我地八個人八個餸，都要等一段時間先上得齊哂啲餸，不過如果有飯聚又想交通方便都係唔差嘅選擇

表弟遠赴澳洲尋找佢理想👍🏻💪🏻，將有段時間見唔到佢，臨行前食個晚飯祝佢一路順風，今晚表弟話事選擇中菜，我哋係太子友梗係嚟呢度食啦，大家記住記住訂位呀……好爆㗎， 訂咗兩枱我哋呢圍後生仔女，基本叫香口嘢飲吓🍷👍🏻👍🏻，食完喉嚨痛呀🤣凉拌花甲~份量好足，花甲大粒👍🏻👍🏻👍🏻，隻隻有肉唔似出面食一半係殼🤣椒鹽墨魚咀~平時少食，粒粒脆卜卜又幾好味👍🏻避風塘九肚魚~炸過火太乾lu😏蠔爽~👍🏻👍🏻👍🏻蒜香寸骨~ 炸到外脆肉嫩，食落有肉汁👍🏻👍🏻豉油皇鵝腸~肥美好大碟，但唔夠夾口剁椒蒸鉗魚~魚身滑蒸得剛好👍🏻👍🏻，但略嫌棄辣椒唔夠多

今次美食團遇到小小意外，原本期待已久既餐廳無開，誤打誤撞去左呢間珠江酒家。聽個名都知有一定既歷史，舊式裝潢，連餐牌都感覺好有故事性。除左d雞煲豬頭煲外，其餘小菜都係大約$100左右。黃金墨魚咀，幾多咸蛋黃，但略嫌唔夠乾身。椒鹽9兔魚，外型同樓上墨魚咀好似，味道還好。鼓油王鵝腸好似唔記得左落鼓油，同埋呢條腸好肥，好多固體油粒痴住，外貌同味道都麻麻。蠔爽偏咸，要準備多d白飯先好嗌～芥末牛柳粒，可能真係食得太多煎炸野，呢個雖然有刺激既wasabi，但反而有潤喉既感覺，味道都不錯！可能因為我地有adhoc加單，所以有一兩碟食物黎得比較慢，價錢一位$130到都算合理。惟店內比較嘈吵，要好大聲講野先得:）

趁今個星期未出差，約幾個朋友出嚟吹吓水。老友介紹嚟呢度，因為食過話正。响舊區兼舊樓，環境比較迫夾，冇得投訴！好在搭張大枱又唔滿，所以都未算迫！裝修，格局都幾六七十年代，仲啱我地幾個老餅！食物都係以鑊氣小炒為火，大路嘅豉油皇鵝腸，酥炸大腸當然有（不過冇叫），另外都有啲外面唔常見嘅例如鴨下巴，魚尖（係乜嚟呢？都唔知！）三個人，叫咗：1）冰梅金沙骨 - 個汁酸酸甜甜幾好味，金沙骨大舊又好肉，啲豬肉落過發粉就冇計，同埋有幾件未熟透，炸好在都噁過份。2）潮洲蠔爽 - 蠔仔炸得外脆內嫩，炸粉又有少少魚露味，真係食得好爽，絕對係全晚精點！3）蝦醬通菜 - 佢一碟做得人地兩碟！蝦醬味唔夠，可能炒得太耐，而且碟菜有啲暗（黑），但之後見第二枱嗰碟炒得幾靚，可能師傅偶有失手！4）紅酒汁煎豬潤 - 先點但嚟得最後，嚟到都飽咗八成，結果食唔哂打包。可能切得太厚，豬潤炒得略生但唔老，不過個汁冇乜紅酒味，同埋太濕。不過夾生菜食幾好。5）避風塘九肚魚 - 我本人不太好避風堂菜式，兼且粉漿有點厚，尚幸新鮮熱棘，不過不失！整體嚟食物價錢唔平，但份量足，味道好（偏濃），絕對可以翻啅！

這間小店仍然保持舊有裝修，我諗現在香港冇幾多間店內貼滿手寫小菜名稱價目，菜式種類同數目繁多，來二三次都未必食得完。這張告示應該係70年代的金沙墨魚嘴這菜式在外面比較少有酥炸大腸係我的至愛芹菜炒豬肺有點失望蜆蚧焗魚尖九菜花咸肉生炒骨椒鹽鮮魷略嫌過咸芥末牛仔粒裡面的青瓜配上芥末感覺清爽好式合夏日炎炎的日子本來想試涼拌花甲，白灼鵝腸，紅酒煎豬肝，可惜我們約太夜11點先開始，已經賣晒冇得試，下次要預訂或早點去先得。

菜式大江南北，包羅萬有的大牌檔，話明大牌檔，環境就正常地麻麻地，不過黎得都不是想食環境吧 （溫馨提示：洗手間又濕又滑，女仕最好不要去）講返食物，小炒正常地好有鑊氣，價錢ok, 由於份量很大，每碟夠一圍枱吃，建議5 人以上才去吃，才可試多幾個菜式。金沙黃金墨魚咀 （$118），鹹香四溢，炸得夠香脆。冰梅金沙骨（$98），比較普通，稍微做得乾了一點。胡椒豬肚湯（例牌$98 ，中size 的是$108，例牌已經可分6-8 碗了），今天想要飲湯，可惜這個胡椒豬肚湯很失敗，非常淡，像飲胡椒水一樣....真是美中不足的一餐。

想食小菜，經過呢間酒家就入去試下，全部小菜都好有穫氣，喜歡重口味人仕必食。其中炸墨魚好好味，好鮮甜。友人叫左碟避風塘鴨下巴，起初見到奇型怪狀，原來係鴨舌，好惹味香口，配啤酒一流！

傳統舊式酒家，主打小炒、海鮮、香口小食，菜式夠特別。黃金墨魚咀 外層蛋黃很香脆，墨魚咀爽口 潮州蠔爽 入口外層香脆，內裡蠔肉不乾身，加青蔥拌炒，估唔到蠔都好鮮甜 炒花甲 醬料好惹味，花甲非常新鮮 山東流亭豬手 白雲豬手配帶酒香嘅蒜醬油，豬手夠爽口 冰梅金沙骨 金沙骨骨少肉多，鬆軟入味，啖啖肉，醬汁帶微酸香梅味，不錯 金銀蛋莧菜夠大碟，菜又多，金銀蛋又多。味道不錯。 潮陽來不及 拔絲炸香蕉，香蕉夠甜，炸粉唔厚，非常好味

這間餐會真係百食不厭，是心中top3中菜館之一。簡約舊式的裝潢，格仔磁磚地板配大圓枱珠紅色皮餐椅，正是港式傳統風味的感覺。惟一是桌椅衛生也較一般，用膠枱布還得過且過，現在環保不用膠枱布了，潔癖怪就得心理上預先接受。不以門面為賣點，整間餐廳的focus就是食物。想當年住這附近，已聽說這老板娘每天一早就親自去街市選購食材，風雨不改。而新唔新鮮，食海鮮一食就知！來這裡，涼拌花甲、蠔爽是必選。這兩款菜，耐無食無有心癮架！今天另試了蒜蓉蒸斑球，新鮮、蒜味夠、唔會太熟、唔會癬，最緊要係去骨去得干淨，大人細路都喜歡，唔錯！

e間酒家賣ga從來都唔係門面裝修（因為佢根本都冇🙈），佢賣ga係一碟又一碟令你食唔停口ga餸菜。e碟炸蠔爽，我毎次黎都必定會叫，大大粒ga蠔仔炸得岩岩好，令你食到停唔到口。冰梅金沙骨，炸得金黃ga肉排，再配上酸酸甜甜ga醬汁，咬落肉排個陣重充滿肉汁，火喉控制得岩岩好👍🏻👍🏻👍🏻金沙脆涼瓜，真係五星推介，涼瓜食落一D都唔苦，配上咸蛋黃，又係完全食到停唔到口！！！三杯雞煲，由雞件變成雞扒肉，岩哂鍾意啖啖肉ga朋友。椒鹽九肚魚，表面炸到脆朴朴，但內𥚃重係軟棉棉。總括黎講，如果你係要食環境ga,唔好意思，佢比唔到你；但如果你係要食好味ga餸菜，我會推介你黎幫襯佢👍🏻👍🏻👍🏻

呢間餐廳係我哋喺大角咀讀書年代的集體回憶，記得那時呀sir們特別鐘意夜晚到此麻甩一聚，可惜當時我們尚未學會欣賞懷舊中菜的滋味。到而家我們都差不多去到當年呀sir們的年紀，估唔到這餐廳竟成為我們現在最常來飯聚的地方，除左情懷，地道的滋味都是吸引我們常常回來的原因。星期五夜晚，記得一定要book定枱。在此特別推薦一道小菜：鄉村菜干豬肺煲（$88）店家用上大量酸菜，胡椒，豬油渣做配菜，豬肺分量亦非常驚人，配搭非常合拍，每次來到必encore。其他小菜亦非常出色，如宮廷柚子茶骨($98) 豉油皇鵝腸 （$88）。

第二次來到了珠江酒家，環境格局依舊，人物依舊，來這裏懷舊一下，正好。        中式懷舊的酒家在香港已買少見少，我們點了蠔爽、黃金墨魚咀、胡椒豬肚湯、椒鹽鵝腸、涼拌花甲，都是這裏的招牌菜。    花甲肥美，鵝腸惹味。胡椒豬肚湯夠暖身，黒魚咀香口、蠔爽飽滿，每樣都保持水準。也許因為這裏不近地鐵站，所以閒日晚上人不多，我們可以坐好耐。            點了可樂和啤酒，這樣一坐便坐了3個多小時，大家食得盡興又開心。這裏，還是會再來的！  

第二次再來到珠江酒家，牆上仍然寫有很多手寫的餐牌菜式眼花撩亂、目不暇給。這個胡椒豬肚湯，本人一向不算太喜歡喝湯，於是就吃下湯內的豬肚，柔軟又林，份量都不少。花甲青瓜，想不到，平日的拍青瓜竟然可以配合花甲一起吃。因為拍青瓜的味道，偏向酸辣，因此配合起花甲，令到花甲肉的味道都挺香辣，吃到有點面坦冰梅骨，冰梅好像已經很久沒有見過這個名稱，其實都是好像話梅骨的東西，豬肉大大件、黏著骨的地方就會比較好吃，但是這件肉未免太大，吃上來難免有少許膩。這個是蠔，其實都是將一些蠔粒與雞蛋混在一起，但是吃上來，亦都因為外表的粉比較多。這就是黃金墨魚咀，但是墨魚咀，只是外邊的黃金炸粉內裏的極之細粒，外邊的金沙以及炸粉比較厚，而內裏只有細小的墨魚咀度起上來不太過癮，感覺上吃了很多炸物，但只是得細細粒墨魚咀。韭菜花鮮魷，這碟比較清淡，韭菜花的份量不算太多，但是味道夠清，相對起其他油煎油炸又辣的，就會比較清新。第二次再來珠江酒家，發現很多菜式都偏向油膩，而且內裏座位編號狹窄而有嘈雜，如果不是很多人可以分享各種菜式的話，即使四至五名朋友來，也不太好。

如此美味極致，讓我們始料不及，很簡陋的一家小餐館，分上下兩層，做得也不舒服，環境可以說真心不怎麼樣，但是當你吃過蠔爽、涼拌花甲，魚尖等美食，就是站著吃，你也願意，地帶夠味，包你喜歡！

開心星期五同同事聚下舊，最鍾意麻甩飲下啤酒食小菜。同事介紹下去試呢間老字號懷舊風味既酒家。因為係星期五，所以我地預早訂定檯。一行7人叫左8個餸7點半去到已經全場爆滿。雖然已經到左三月，但我地依然叫左枝竹羊腩煲。另外仲有豬雜蝴蝶腩煲，四季豆鹹肉，蠔爽，炸鮮鱿，炸鮮淮山，炸芋頭扣肉，菇生菜，同埋大量啤酒。羊腩煲份量好足，同埋整得好入味同唔會太騷，就算唔用腐乳醬點黎食都已經夠味。最期待係炸芋頭扣肉，唔係度度地方都有既懷舊菜，半肥瘦腩再加兩片芋頭夾住炸，咬落去唔會令你成口油同肥膩既感覺。埋單只係每人2百零蚊，個人覺得份量同味道係值得既。唯獨係坐上層樓底較矮，全場既人一齊講野時，好似係酒樓咁好嘈。