珠記冰室

營業中

休息中

係公司附近但聽講味道麻麻所以一直冇去食，今次就專登去試試係咪咁差。點了常餐，沙爹牛公仔麵既牛肉好少，沙爹醬亦比其他茶記少，牛油方包做得麻麻，凍而且唔香，炒蛋就唔錯。其他同事叫的碟頭飯似乎麻麻，大家話味道好麻麻，紅燒豆腐有D差

今日有8位同事lunch, 由於有兩位女仔需要share一個餐, 所以只點了7個餐, 期間, 一位侍應姐姐走過來問, "咦, 8個人7個餐?!"兩位女同事聽後, 冷靜回應," 對呀 可唔可以呀?", 姐姐聽日沒有作聲,一走了之.午飯過後, 離開了餐廳, 到我們自己找數時, 發現收多了一個餐價錢.立刻打電話到餐廳理論, 負責人盧小姐態度惡劣, 話我地冇根冇據, 話我地點完餐就要對一對, 係我地責任. 話同事唔會落錯單.重點: 無啦啦屈9我地食左個意粉, 明明成檯都冇人食意粉, 但個負責人就話我地食左個意粉. 最後, 我地當然收唔返錢.奉勸各位, 如非必要, 都唔好去珠記受氣.......

聽同事講左好耐，公司附近有間冰室，一直想去都未起行，今日心血來潮就黎左呢間冰室試一試其實都唔平架，我就打算叫個清仔常餐$47奉送熱飲/果汁/汽水/凍飲+$3蚊雞！其實觀塘黎講一個雙拼麵，又真係貴了點要試試係咪真係咁好食先啦！我就叫左個清仔雞扒、煎蛋賣相唔差，煎蛋例牌半生熟一丁麵質唔會太硬，煮得岩岩好，係我滿意既軟硬度！不過真係要讚一讚佢個雞扒，煎得香口又入味，仲有點脆卜卜，唔會係hea煎，大大舊都算係厚切架

尼到環境ok，有懷舊既feel，都唔會話坐得好迫。Lunch 冇乜胃口，所以想食沙律，於是叫左炸雞脾薯條沙律餐連飲品$50，正常價錢。一黎到，好似兒童餐既感覺😂雞脾炸得香口既，而且嫩滑。但薯條麻麻，唔脆之餘仲好油既感覺😭而沙律就係我都要既雜果沙律啊😍但太多沙律醬，有啲漏。。。飲品要左奶茶紅豆冰：飲落冇奶茶味，而且唔夠甜。。唯一好處係大杯，而且紅豆都多既。要攪勻先好飲，唔係既話真係冇乜味偷試左友人既滑蛋叉燒飯，又唔錯喎！一上碟覺得賣相麻麻，啲蛋都唔似滑蛋既。但食落ok，蛋都滑，而且多叉燒！下次再黎我會叫尼樣！不過留意番，午飯時間尼款飯係冇set($55)，飲品要散叫咖！

珠記冰室既肥仔喜樂餐！咖喱牛腩出前一丁配大凍檸樂！食完真係夠半日既熱量。。。總覺得玻璃瓶可樂特別好飲好夠氣！爽大約夠針兩杯幾好多牛腩啊！七舊八舊都有！個汁幾濃，夠野味

每次同同事們諗唔到食咩都會去食珠記，今日又黎到，平時都鐘意食佢個特餐，簡簡單單沙嗲牛肉腸仔米，可以揀雙蛋或者滑蛋滑蛋堅滑，唔錯同事今日就揀左個喜樂餐咖哩牛腩撈一丁 咖哩味夠濃，但牛腩就老得濟唔係好咬得開

觀塘茶記不少，但有質素的不多。最近開源道尾，有這家新開的珠記，設在大路旁，但無招牌、門面亦不起眼，要不是聽同事介紹，也很難知道這裡靜悄悄開了冰室。每次入來，店員總示意裡面設有卡座位，不過我反而覺得這邊的摺枱圓椅更啱Feel。沙嗲牛肉腸仔通，湯底有淡淡豬骨味，不會下太多味精，沙嗲牛肉軟腍不韌、香腸炸過，合格有餘；炒蛋配多士，用芝麻包開邊代替，烘得外脆內軟，有牛油香，包面的芝麻味突出，是我吃過最好的多士之一。靚靚豬扒炒出前一丁，麵身均勻沾滿豉油，炒得乾身，條條分明不會黏在一起，是師傅的功架。豬扒不會過腍，反而有點點嚼勁，個人來說挺喜歡。其他配料也不馬夫，葱段、銀芽也下得足，上桌前還灑上芝麻。以為這裡只賣傳統冰室食品，誰知老闆也跟潮流，推出周末全日早餐，十足English Breakfast，用料豐富到不能，英式腸、漢堡扒、煙肉、薯餅、茄汁豆、炒蛋、磨菇、多士及沙律，還包果汁及咖啡，不過老實說，試過一次，最大驚喜是漢堡扒是自家做的，煎得挺脆，有肉汁，不過老實說，我還是鍾情老老土土的茶餐多一點。

想同同事平平地、快快地食個lunch，試下呢間茶記，都唔錯。夠多位，坐得都鬆動唔太迫，冷氣好夠👍🏻食物好多元化，我叫咗<港式豉油飯>，好有以前學校d飯，回憶番哂黎。有叉燒、餐肉、腸仔、火腿、煎蛋，d餸好豐富！蜜汁叉燒好香，夠入味，自家製豉油撈飯好正！食完呢個飯令我好治癒☺️😍好滿足😍送餐非常有效率，環境好有懷舊感覺👍🏻好中意佢幅畫😆太可愛了~~~~

見到網絡上有好多推介所以特登黎試 由地鐵站行過去都有一段距離 好彩入到去冷氣夠涼下午一點幾 又未等下午二點半既下午茶就叫左個特餐食沙嗲牛肉腸仔米粉配煎雙蛋加厚多士 再飲埋杯凍檸茶盛惠＄47 係同區黎講都係比較貴 一口試下個沙嗲牛肉米 不過不失 我始終都係掛住隔幾條街個碗沙嗲牛麵多d個厚多士雖然唔係特別厚 但係就意想不到咁脆 有少少驚喜 枱面冇豉油 叫侍應拎 都幾快手 態度唔錯豬排炒出前一丁 叫埋杯凍奶茶 豬扒比較硬 唔夠香口 個面底都一般般小店係一般茶記既裝修多加多少少懷舊嘅味道

由開張到依家，食過幾次，啲嘢越黎越細份，叫個咖哩雞啲汁/菜多過雞，有雞都係得雞皮，觀塘區都唔算平，食物質素一般，唯一好嘅就係上菜快。真係越黎越差。有得揀唔會再去。。。。。。。。。。。。。。。。。。。。。。。。。。。。。。

中伏，唔對辦到唔想影相之前珠記初開，打住澳牛炒旦既招徠早餐貴少少都抵既炒蛋正，多士鬆軟，粉麵一般對辦啦幾個月無食，今日外賣返到公司一打開炒蛋?? 咁都叫炒蛋? 完全唔係炒滑蛋，係一塊實定定既煎蛋己經覺得中中哋伏點知打開碗麵沙牛就同以前無乜分別但個麵底轉咗，係一隻又淋又扁既公仔麵，唔駛咬，用條利一頂就斷果隻如果大家食過搭船果啲餐蛋麵或者試過將媽咪麵用熱水浸嚟食exactly係果種feel....性價比大跌希望老闆能盡快改善

門口沒有招牌，只見放著餐牌的架子。早上經過這好像有點神秘感。剛剛經過，就看看有甚麼吃，特餐感覺不錯就被吸入去。珠記冰室入內有點懷舊味的裝修。特餐味道中等偏上，沙爹牛肉面和多士好味，煎蛋就有點乾，凍檸檬茶少甜就有點甜。75分吧。44元。不過不失，可再光顧的。 ​​​

即叫即整既吉列豬排飯(滑蛋汁)好香好吸晴 估唔到茶餐廳既吉列豬排飯會咁有誠意！豬排酥脆得黎唔厚粉唔乾 仲幾入味幾有肉汁 滑蛋汁其實唔應該叫做汁 估計都用上兩三隻蛋加大量牛油炒到非常滑 仲加入少量蔬菜令顏色同口感更加豐富食完個lunch罪惡感好高 但依個真係個高級滑蛋吉列豬排飯😍 (除左滑蛋汁仲有咖哩汁 應該會冇咁溜 下次試！)

黑白淡奶今個夏天又搞搞新意思，去指定茶記飲黑白淡奶指定特飲可以儲印仔換禮品。乜都鍾意儲一餐嘅我當然唔會錯過上次嚟珠記無緣試紫冰，今次即試～呢款紫薯紅豆冰夠晒夢幻～只要你唔怕肥，可謂港女至愛！皆因有啖啖紫薯粒，加上甜蜜蜜紅豆粒同滑滑淡奶，口感很好而撈勻後果種淡紫色很夢幻視覺效果一流！惠顧套餐加$8有得試！下午茶餐豬扒飽，豬仔飽夠脆，而豬扒較薄身，勝在夠軟稔唔駛搫大個口，食到無晒儀態份量一般，但飲埋紫冰就肯定夠晒飽！

最近落雨，觀塘人多車多落到個人都好炆陣。適逢今日要出去見客要食一個快飯，就同同事落咗去食珠記茶餐室。呢度可以話係我哋嘅飯堂。又平又靚又正想食乜都有。今日我就嗌咗一個雞扒餐肉公仔麵。雞扒係即炸嘅好香口熱辣辣，我最鍾意食呢度嘅雞扒，餐肉好入味唔會過焾，而公仔麵煮得啱啱好。由上枱到食完我只係用咗15分鐘🤣🤣而我同事就叫左一個手打漢堡配炸薯條。有幾多間茶餐廳會用手打漢堡先，佢形容返比我聽話個手打漢堡幾肉質爽口，真係幾有誠意， 炸薯條睇張相都覺得好味，分量中唔細添！20分鐘！完！埋單🤣🤣