珠記冰室

營業中

休息中

良心小店《珠記》近觀塘碼頭，上落船口痕的話，食少少野都無問題吧平日午飯套餐近五十元搞掂，睇落好抵食。一見喜樂餐，就估到老闆是基督徒，這就一定要大力懲戒如此良心小店最後，小弟點了一客套餐B - 西檸雞飯配熱檸水 $52這餐飯太大碗了吧！食完飽到肚仔漲卜卜，配一件件淋滿西檸汁的炸雞件，份外開胃。西檸汁酸酸甜甜，用作撈飯就一流但由於檸檬切得太細片，令人容易吃下了那小片檸檬，就酸到爆粗了至於炸雞件則不油膩，香脆可口，雞肉算是嫩滑的$52 真的食到飽肚。飲多杯熱檸水，個肚仔都頂住頂住，但為了懲戒良心小店，性價比如此高，又有何所謂呢？

半個鐘冇食物到，但同枱同事已經食完，追三個伙記都吾理，尤其攣毛四眼阿姐，直頭聽完但完全吾理你，又吾幫你追；嗰四眼短髮呀姐好似智障咁，由落單寫餐都追嘢都可以全錯；個呀叔print 完張單俾我就好似跟左咁！垃圾餐廳，完全零尊重客人！！完全貼錢員難受，浪費大家寶貴既lunch time 除非你大把時間，或常俾人吾尊重，除此之外都是可以不用去。其實我都等到半個鐘先出聲，乜我好過份咩？！難道我食霸王餐或用粗口追你咩？

今日冇食早餐，放lunch餓到暈，所以想食個飽啲既，呢個時候去茶餐廳就啱哂。沿住觀塘開源道行到最尾有呢間茶餐廳，入去坐低就叫左個焗豬扒飯，佢話明即叫即焗。等左10分左右就有得食，佢個焗豬炒飯底，好夠汁，啖啖都食到蕃茄味。豬扒都幾林，已經切好哂，刀都唔洗用，啖啖肉，食得好方便。杯奶茶就正常茶餐廳水準啦。同事就叫左個咖哩飯，聞落好香咁，下次會試下。呢間茶餐廳地方都幾闊落，地下同埋餐具都好乾淨，值得一讚，污糟既啲野幾好食都冇用。冷氣唔會太凍，但又幾涼爽。啲阿姐服務都OK，幾親切咁。

今日去食 已經冇以前咁人山人海 一個蕃茄牛肉烏冬都要$50 我覺得定價太高。野勁多味精 餐牌好次好多野食 但好多lunch time 都係唔比叫 最重要係杯奶茶唔得茶底唔夠熱 好失望同事叫個咖哩牛腩撈丁 汁勁杰 麵是勁淋的 佢食到最後都頂唔順 話冇下次食到尾 明明冇人等 佢都好似想趕我地走 其實我地都係最盡坐到2點啫門口個女人 大大聲 又沒禮貌 拎位又好似乞咁又沒well organised 坐位 人人亂入收錢大聲吆喝不值得再去幫襯。 排華嫂都冇咁嬲！

叫咗一碟「叉燒餐肉腸仔火腿煎蛋飯」、「焗豬扒飯」，最得意係冰室有得飲果汁😂，價錢唔算貴，幾抵食！焗豬扒飯好好食，重點係個炒飯底，好香、調味調得啱啱好，茄汁都唔係出面罐頭嗰隻，係自己秘製嘅味道，同個炒飯底係啱啱好好襯！😍😍個煎蛋飯都係用佢哋秘製嘅豉油，有脆皮腸！仲有就係，好少冰室會包埋果汁，我哋就叫咗一杯西柚汁同埋一杯凍檸茶，西柚汁酸酸甜甜仲有果肉㖭😍，凍檸茶就個茶底都唔錯！😂😂呢間一定會再去幫襯！支持小店！

朋友幾日前見到呢間觀塘冰室既介紹，聽講廚房有澳牛班底坐陣，滑蛋好出名，仲有得獎既炒出前一丁。咁梗係要黎試下啦🤤大概十二點幾黎到，未算多人，冰室比我預期中更闊落，卡位坐落都幾舒服。研究左menu一輪之後，我叫左冰室滑蛋叉燒飯，朋友就試香蒜雞扒炒出前一丁。Menu，佢有好多選擇，不過部分係要13:30之後先可以叫，所以今次冇緣試。Menu其中一樣我想試既，可惜時間唔啱。等待時間唔長，好快就上菜。冰室滑蛋叉燒飯：個蛋真係炒得好滑，而且蛋既份量都唔少，應該用左兩至三隻蛋。叉燒雖然唔係我最鍾意既半肥瘦，但係都幾腍，唔算好甜。飯底有d汁可以撈飯，唔會好乾身，飯既份量都ok。香蒜雞扒炒出前一丁：蒜味唔算好濃，份量比叉燒飯少。雞扒炸得香脆，咸咸地幾好食。順帶一提，叉燒飯隔黎果杯係蘋果汁，雖然好似茶。果汁都ok，正常果汁。唔會係得個甜字果種好假既果汁。總括黎講，環境幾好幾舒適。伙記好有禮貌，食物水準都唔失禮，價錢黎講絕對係抵食，weekend黎講50蚊有一碟足料既飯，仲有野飲，唔錯。

珠記係我地經常黎嘅餐廳，主要係因為近同方便😙呢度嘅環境都算不錯、企理，只係服務一般。今次我點嘅係雞扒蛋出錢一丁麵，雞扒都煎得好香脆，出錢一丁麵就林左少少。今日可能太多單，其他同事都差唔多食完，我同另一個同事嘅餐，最後要催兩次先到😪

成日喺觀塘返工嘅我，食得外賣多都要搵下新野，今日見到呢一間珠記冰室咁多人排，我就過咗嚟試下，仲排左10幾分鐘添！推薦咖喱雞飯，咖喱非常香濃，但又唔係太辣，啱晒唔食得辣嘅我，雞都非常滑，仲要唔係好貴添！可惜坐得唔係好舒服，因為太多人排，食完就要快快走

第一次接觸珠記🐷係岩岩入黎新公司做野個陣，同事們都推介珠記既椒鹽豬扒飯，我決定都試一試佢，佢既椒鹽豬扒十分之香脆，同埋佢嘅味道十分惹味，撈埋啲飯食確實一流，但美中不足既係，餐廳員工態度可更加好😭

又話係出名既茶餐廳搬過黎，但兩次去食都有啲失望，炒出前一丁痴埋晒，雞柳都炸到好干。唯一凍奶茶不錯，有茶味但唔會澀。撈公仔麵好食過炒，但牛腩好韌又痴牙，滑蛋唔算滑，只是炒蛋口感，真係冇咩野出色，係只少少有位坐。#test_kwuntong______________________________🏠 珠記冰室📍觀塘開源道46-48號威利廣場地下2-3號舖💸 58‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾‾

大家對佬野都有份執著 🤤 有人肯一齊食佬野係難得嘅，成日問觀塘有乜好食有乜好介紹，今次就同豬隊友去到呢間歷史悠久嘅珠記，窮豬遊珠記，哈哈哈哈哈，好好笑呀 🤤 指到明話其他野全部唔洗諗，只係需要食呢個 #香蒜雞扒炒出前一丁 $48，包野飲，以炒麵嘅做法炒一丁，的確係幾香，雞扒係炸到脆脆聲，中意食佬野嘅重口味人士一定要 try try，除左蘭芳園之外，呢到都係一個好選擇，而且份量都係一個佬嘅份量，係正嘅 ❤️-珠記冰室觀塘開源道 46-48 號威利廣場地下 2-3 號舖

做人跟搵好的餐廳一樣，有陣時，外邊的花花世界看多了，就懂得珍惜簡單的美好。在觀塘工作多年，眼見韓國餐廳、心機西餐、個性咖啡室，紛紛落戶，不少朋友羨慕我這觀塘友，出外食飯無難度，其實有苦自己知，特色餐廳，偶爾幫襯無妨，但任由味道多好，有時就是只想來個常餐、歎杯奶茶，滿足就係咁簡單。觀塘茶記不少，但有質素的不多。最近開源道尾，有這家新開的珠記，設在大路旁，但無招牌、門面亦不起眼，要不是聽同事介紹，也很難知道這裡靜悄悄開了冰室。每次入來，店員總示意裡面設有卡座位，不過我反而覺得這邊的摺枱圓椅更啱Feel。試了好幾次，食物都給人感覺有誠意。冰室特餐，三十多元，十分豐富。沙嗲牛肉腸仔通，湯底有淡淡豬骨味，不會下太多味精，沙嗲牛肉軟腍不韌、香腸炸過，合格有餘；炒蛋配多士，用芝麻包開邊代替，烘得外脆內軟，有牛油香，包面的芝麻味突出，是我吃過最好的多士之一。可惜吃過三次，炒蛋其中兩次夠嫩滑，另一次可能師傅放假，又乾又嚡，有時食飯都要講運氣。靚靚豬扒炒出前一丁，麵身均勻沾滿豉油，炒得乾身，條條分明不會黏在一起，是師傅的功架。豬扒不會過腍，反而有點點嚼勁，個人來說挺喜歡。其他配料也不馬夫，葱段、銀芽也下得

未試過食一餐飯係可以憤怒嘅因為趕時間，所以12:50兩個人去搵三個位先，仲叫定嘢食等佢一坐低食得。到12:55亞老闆娘已經問我朋友到未，我話叫咗嘢食唔係白坐啦！亞老闆娘同我講佢都要交租喎！轉個頭另一個人又問我朋友到未比人喝、比錢人歧視你都算，你咪比垃圾我食吖！我唔食肉唔代表係食廚餘架！$50一碟嘅冬菇炆節瓜，有相你自己睇，兩粒開邊鮮冬菇（係鮮冬菇唔係乾菇浸完再煮），五嚿節瓜件再加幾條娃娃菜，皇恩浩蕩比多兩片甘荀你，飯係硬嘅，味道係還可以嘅，呢碟嘢加杯凍飲盛惠$50。其他快餐味道同賣相係OK嘅！睇返其他食評話炒公仔麵好食，都係勸喻大家，食返D大路嘢穩陣。最緊要係，預備好光速食飯咀同胃至好嚟食，仲要齊人至好入門口，如果唔係，比錢你都有排受呀！

觀塘作為商貿地帶，餐廳一如既往，過了office hour就會收工，好彩今日早放，下午茶時間急急腳去珠記醫肚。這家位於開源道鴻道交界的工廈冰室，質素一向超水準，豬扒金鑲銀炒飯是珠記冰室的名菜，很有避風塘的感覺，椒蒜十分惹味，炒蛋與咸蛋的配合亦十分出色。另外值得一讚的是奶茶，茶底香濃，奶夠滑，有驚喜。同行友人叫左杯奶茶紅豆冰，試飲一啖，發現凍奶茶依然keep到茶香，如此認真的製作，實在是工廈茶記難得的事。

香蒜雞扒炒出前一丁($52)呢間冰室門口完全唔顯眼比較殘舊 反而入面裝修新淨坐得都幾舒服平時我哋出街食炒出前一丁通常都會食到好多油但係呢碟竟然唔油膩而且仲有有蛋同芽菜做配料香蒜雞扒即叫即做味道濃郁加上好香口份量都唔少 不同既時段價錢都唔同最抵食就係3:00-5:30 pm ($48)