班蘭小館 (已結業)

因為計劃緊去新加坡旅行的關係，在網上看到很多新加坡美食，忍唔住想喺香港先食返一餐止下癮！見到「班蘭小館」食評唔錯，於是早一日前訂左二人枱，兼訂左一隻黑胡椒蟹。黑胡椒蟹 $420 - 上枱聞到陣陣胡椒味，氣味已經好吸引，呢隻蟹蟹糕不算多，大部分蟹糕喺蟹殼𥚃面，連黑椒汁一齊食好惹味！另外蟹鉗都幾有有肉地，入口啖啖肉，不過蟹腳就冇乜肉。我地2個人仲叫左：燒魔鬼魚 $98 - 魔鬼魚係兔仔至愛之一，魚肉好滑，一梳梳的，好容易食，加上個燒魚醬汁，唔會太咸，好味！喇沙 - 呢款係兔女喜愛食物之一，仲要係有獅㶰嗰款，碗內有2－3粒獅㶰，我地仲額外加多5粒，$2一粒湯底較其他店的淡味，連湯飲都唔會太漏，唔錯。如果突然間想食魔鬼魚，「班蘭小館」會係我地既選擇！

食生日飯,一行有8大一小因為無訂位要等店員見我地抱住小朋友又有位有左BB就叫我地入去個卡位到坐住等其中有幾樣好值得推介海南雞無雪味好滑又無骨 (連雞胸都好滑) 胡椒蟹大大隻好好肉地又鮮甜 (D蔥好惹味)芝士大虎蝦實肉有鮮味 (個汁好好味)新加坡炒蘿白糕好香口一啖一粒 (LO飯一流)蝦餅炸到岩岩好鬆趣好彈牙蠔餅炸到好鬆但一D都唔油 (蠔仲好多又大粒) 

This place serves Singaporean food hence it is called Pandan something in Chinese.Went here for lunch but there was only one Singaporean dish on the menu.It is so sad that non-Cantonese restaurants have to serve a majority of Cantonese dishes during lunch to get more customers because the locals are just too conservative on their food choices.On the wall were some interesting dishes because the combination of ingredients were weird but this place has some hard core fans who have opened an accoun

公司放飯時間就試試依一間既新開既星加坡菜 lunch set 海南雞飯包野飲連湯 $52係西灣河舊區真係唔算平附近既食店都係30幾40蚊不過依個海南雞飯真係好好味 好味過泰安樓果間 份量都多泰安樓果間好多首先佢既油飯唔會太多油，份量岩岩好雞又滑又冇雪味 果d汁都好岩我口味!!所以佢雖然係貴過同區既食店。。。但係我都會繼續幫襯!!!好開心開左間好味既野食係公司附近。不用成日外賣百利冰室啦!搵日試下其他野食先!佢有下午茶都好似好抵食tim!!希望依間既食店愈做愈好啦!!之前好多依個位既食店都經營唔到

一行8人專登揸車黎食。附近雖然有太安樓，但不能阻擋到我地去向。餐廳外表平凡，內涵先係所在！我地預先order菜色。黎到坐定定就有得食。望落去 可能覺得 '普通野姐，有無咁好食啊'食落去你就會知'拿，無介紹錯嫁'

上兩星期睇完某周刊報導的胡椒蟹比試後，已急不及待約朋友一齊去試試。當日係星期六晚，我地7點半到餐廳已爆滿，好彩老公早一日訂蟹時訂埋位，唔使等即時入座 ^^ 餐廳唔算大，十多張枱，好彩都唔會好逼。我地一行5人都是蟹精，所以叫了兩隻胡椒蟹($380一隻)。大廚親自拎碟蟹上枱的一刻，真係忍唔住「嘩!」左一聲!　Ｄ蟹又肥又新鮮，胡椒味好香，少少辣好惹味！呢個價錢真係抵食，無介紹錯！海南雞($168一隻)　－　好滑無雪味，沾汁好好味，最欣賞佢起哂骨，岩哂我呢Ｄ懶人。男士們點了巴東辣牛肉($78) 　－　我唔食牛俾唔到意見。見老公食得津津有味，話D牛夠淋夠入味，應該不差吧 ^^蠔餅($62)　－　從來都唔知原來蠔餅是新加坡食品，都幾足料，有好多蠔，不過煎炸野始終唔係我杯茶炒貴刁 ($52) － 賣相不大討好，黑黝黝。大廚解釋是用了新加坡的黑醬油，又幾香幾好味噃除了一般汽水之內，餐廳有自家制的薏米水同圓肉羅漢果茶，食D濃味食物，飲返杯薏米水好舒服啊! 值得一讚!

朋友一早定了位，所以無需等候。因為是平日所以只有二、三檯客人。有3張長檯可坐6人，我們8位，所以是兩張圓檯併在一起。侍應生是全女班，加滿水杯及換碟速度都可以接受。訂了3隻蚧，師傅說是來自菲律賓，很肥大及新鮮，分兩碟。黑椒汁的濃稠度剛好，不是水汪汪，是剛可以每份蚧件都沾滿醬汁，而且好好味，有辣的感覺，但又可以接受，像錦上添花。招牌海南雞已去骨，沾點醬料吃，好味。新加坡炒蘿白糕，上檯時看不出是甚麼，蘿白糕索了汁料，根本食不到是蘿白糕，而且糕實了一點。新加坡燒魔鬼魚超好味，無魚腥味，真係連骨都好食。炒貴刁又是估佢唔到，以為是乾炒牛河，入口才知是貴刁。參峇炒芥蘭，期望好大，但參峇醬太少，不能嚐到真味，但以價錢計是超值。菜炒到軟食，好味。馬拉盞炒通菜也是一樣，但菜比較有咬口。招牌新加坡喇沙買相一流，畧嫌椰汁味不香，蝦湯不夠蝦味。初看找不到獅蚶，原來太細，留在碗底。可以加重椰汁味及咖哩味。河粉有小小硬身。汽水 10元一支整體是豐富好味的一餐，會再嘗試其他菜式。

小弟居於九龍區，平日甚少涉獵港島，這天因緣際會下至港島東覓食，從來只聽說筲箕灣只有泰安樓，誰料老友竟找我陪試新菜，只有試試筲箕灣星馬菜有何奇妙。踏入班蘭小館，印象不過是一般的茶餐廳格局，但從翻開餐牌，卻又完全是星馬餐廳。既然稱上試菜，也不妨把餐牌主菜都叫上試試。海南雞(例)海南雞全去骨及附上三款醬是基本吧。然而每件肉質鮮嫩，油份足夠但不油膩，如此吃下方算滿足，這店也的確做到。招牌叻沙自問對叻沙沒有甚麼心得。味道配料足夠，是合格之作吧。特別一講是師父特別加了螄蚶在叻沙中，喜歡與否因人而異。串燒也許吃慣了港式街頭的味濃串燒，對星馬的串燒都不帶好感。倒是汁料挺惹味。蝦餅賣相不俗，師父特意選用草蝦，果然有心思。吃下去啖啖蝦肉，唔粉。正~星洲黑胡椒蟹師父說必須早一天預訂，才能保證質素，這話是沒錯的。捧上桌面的是不需要400元的巨蟹，肉質甜美飽滿，配上辛口的黑椒汁及洋葱，實在顧不上儀態去品嚐如此美食。抵食到爆廠~~~此店稱得上平民區中的珍珠，若此店開在大型商場裏，價錢必上一個檔次。 

食友問小妹有否光顧西灣河新開張的「班蘭小館」，一看Openrice，始知該舖位又轉手了。該舖位對正電車路，內部間格四四方方的，不解何以總是速速結業收場。但願，新店主可以打破宿命，創出奇蹟﹗午時候，店內客人並不多，阿姐熱情地招呼，於卡位坐下。小店裝潢簡潔質樸，以白色為主，襯以柔和的綠色，洋溢著東南亞的熱帶風情。午市套餐有4款，感覺蠻港式的，分別是江魚仔蒸肉餅飯、臘腸雞粒炒飯、香醋肉排飯和海南鯇魚飯，索價由$48-$58不等，包熱飲一杯。另一張散點餐牌則羅列了各式各樣東南亞的小炒菜式，海南雞和新加坡喇沙更被列為招牌菜式。跟餐配凍飲品，須另加$8，凍檸茶入口茶紅檸味均得宜，水準之作。招牌海南雞飯套餐$52，包海南雞一碟、雞油飯一碗、雞湯一碗，以及薑蓉、辣醬和黑醬油三款醬汁。白飯和雞湯的碗邊，更畫上彩色水墨畫的公雞圖案，煞是可愛﹗小店的雞油飯，真的頂呱呱﹗尖且長身的飯粒粒粒分明，乾爽且毫不油膩，入口油潤清香，略帶雞油香和香茅的幽香，煞是美味﹗奶白冬瓜雞湯入口甘甜鮮美，沒有多餘的油花，簡單而味清。 海南雞雞肉很嫩滑，約有7-8小件，雞味不算濃烈，幸沒有雪藏味或血腥味。海南雞頗入味的，中間幾件肉質

經同事極力推介，約左兩位朋友黎試呢間新開小館，雖然係唔顯眼既西灣河區，不過係港鐵B出口附近，行幾分鐘就到，都好方便。店舖大約有十幾張枱，唔係好大，但係環境乾淨企理，侍應姐姐態度，服務都幾好，所以都坐得食得都舒服最重要當然係食物味道，叫左重點推介既海南雞 & 喇沙，仲有炒蘿蔔糕，串燒，炒芥菜，葱油餅，再加只預先訂定嘅特大胡椒蟹。。一食果然好驚喜，完全冇失望：海南雞好滑，喇沙味道濃郁，胡椒蟹甜甜地又小小辣，蟹肉又多又鮮甜，蘿蔔糕炒到香脆帶小辣。樣樣都好味。。無論賣相定係味道都似足正宗新加坡菜，而且足料，份量夠，食到停唔到口。最後不得不提嘅仲有佢地自制嘅班蘭薏米水/圓肉羅漢果茶，味道好濃，解渴又好飲，絕對可以一試！！