理大美食坊

營業中

休息中

嘿！我最近試咗一碗雜菌腐皮拉麵，想同你分享下呢個食物經歷。總括黎講，我覺得呢碗拉麵係中規中矩嘅水平。首先，我留意到個湯底。佢嘅湯底係以雜菌為主，有啲濃郁嘅菇香味。唔講唔得，啲湯底係幾滋味嘅，但係我覺得係咁多拉麵選擇入面，佢嘅味道係唔夠突出嘅。可能啲雜菌味太濃，啲其他味道有啲掩蓋咗。然後係啲拉麵同埋配料。啲麵條煮得啱啱好，有啲彈牙，個質地都幾唔錯。不過，有啲人可能會覺得份量唔夠多。啲雜菌同腐皮係湯中配料，啲雜菌令湯底更加香濃，而腐皮就帶咗啲嚼勁，加入啲層次。不過，啲腐皮有啲淋濕，唔太脆口，我個人比較鍾意脆口啲嘅。最後，就係整體印象。呢碗拉麵係一碗中規中矩嘅麵食，無特別驚喜，但亦都無令人太失望。湯底味道算係平衡，但係我覺得如果啲雜菌味可以更加突出，可能會更好。不過，啲拉麵同配料嘅質素都係不錯，唔會讓人感到嚴重失望。總之，如果你想試下唔同嘅味道，雜菌腐皮拉麵係一個可以考慮嘅選擇。唔算特別特出，但都算係一個中規中矩、可口嘅選擇。

#搞串個pantry傳說每一間大學都會有一個比較劣🙈嘅canteen🥤，究竟係咪真嘅呢🧐？今日就嚟咗#理工大學 一間canteen試吓啦🥳。一入到canteen就知係典型大學canteen格局😚，買「飛」之後去唔同嘅位拎餐👏🏻。今次我哋就嗌咗油雞燒鴨飯🦆、自選兩餸飯(南乳羅漢粗齋🥙、章魚肉餅蒸豆腐🍛)，個燒味飯望上去都幾好，雞同鴨嘅數量都各有4-5件😍。但係嗰兩餸飯因為有個鐵盆，所以望落就好似監獄嘅午餐啦😂。油雞燒鴨飯食落同外面大部分燒味舖啲燒味冇乜分別🙂，而且呢個canteen應該係大家樂承包，所以同外面大家樂嘅燒味飯都冇乜分別。兩餸飯就唔多得啦🙁，章魚肉餅蒸豆腐，同埋南乳醬羅漢齋。對於個賣相有啲失望，係中小學飯商派飯嘅感覺🙈。飯粒偏乾硬，豆腐亦都硬到似豆乾嘅質感🪨，唯一可以接受到嘅係章魚同埋肉味道正常。南乳羅漢齋就味道太鹹🤯。今次食嘅兩餸飯，同以往食嘅感覺相差太遠，唔推薦。不過以大學典型canteen嚟講，都算係咁啦，有興趣大家可以試吓🕺🏻！

今日嚟Polytechnic University搵朋友，就嚟咗Polyu嘅canteen試下佢地嘅Lunch la🍥入到嚟發現食物價錢都好親民，$20幾$30就有一個大大份嘅lunch,仲要包埋飲品，都唔錯啦！我就2點幾嚟到試下佢地嘅下午茶（雙拼湯粉麵茶餐）$23凍飲加$2（奶茶🥤）雙拼粉麵可以有好多餸嘅選擇，我就揀咗蜜糖雞扒拼牛腩米粉🤓🤓味道不過不失啦～勝在價錢夠抵食(◐‿◑)，份量都好足夠！

💁🏻‍♀️💁🏻💁🏻‍♂️💁🏿‍♀️💁🏿💁🏿‍♂️理大美食坊 #PolyU燒味雙拼飯 $24叉燒唔會乾 啲雞好似鬧緊交咁分開企個飯汁有啲咸 下次要叫少汁師傅見條人龍水蛇春咁長 都仲好淡定咁切雞然後 我等左20分鐘真心建議大家可以嘅話早啲去排隊話曬都係canteen飯 夠曬抵食由於當日夜晚要出去食 同埋唔太肚餓 為左響應環保 叫左少飯 所以圖中睇落飯量可能唔多如果冇叫到少飯 相信晚餐都可以慳反Encore?必需的

呢度嘅飯堂係由泛亞飲食有限公司（Asia Pacific Catering）主理，其實即大家樂集團， 基本上好多大學或者醫院都係由Asia pacific catering營運。環境就係一個普通飯堂咁，座位都幾逼夾，而且一放飯時間，都幾多人，要自己搵位坐。近泳池嗰邊就有單排高椅，望泳池景。食物唔好預計會有驚喜啦，不過都尚算不過不失，有雙餸飯、燒味、西餐、焗飯、中式炒粉麵、湯粉麵……多樣嘅選擇，對學生嚟講，最緊要係咩？價錢平！又抵食夾大件！😂😄

疫情之下兩餸飯殺出一條新血路, 但要講到平靚正就唔可以唔提喺大學飯堂嗰啲兩餸飯啦。我喺飯堂點咗個兩餸飯揀咗兩個餸分別係咖哩雞同翠玉瓜, 驟眼睇落去啲飯餸嘅份量都相當令人滿意。啲咖哩相當入味, 雞吸收曬咖哩嘅精華, 翠玉瓜嗰邊, 翠玉瓜爽脆可口, 肉嘅份量亦相當多 最值得一讚嘅係而家啲蔬菜價攀升得相當驚人,而呢個飯啲菜竟然都畀到咁多, 相當值得一讚。跟餐例湯方面, 我就稍稍嫌佢味道偏向 濃烈 飲完有啲口渴, 可能係落多咗味精嘅緣故啦

平時諗唔到食啲乜嘢午餐就去食呢度嘅燒味飯！因為價錢平又分量多～最鍾意叫佢嘅叉燒燒鵝飯🥰永遠嗰個哥哥都會比瘦嘅叉燒我🙈同埋嗰度嘅叉燒味道都真係唔錯～再叫埋一個例湯就Perfect！

係到讀左咁耐書先第一次食舊can既拉麵 係要好好咁紀錄低次次黎親都係食兩餸飯 今次同學話想試拉麵所以我都想試埋一份😂食得canteen 20幾蚊既貨色都唔會expect太多🍄🍄🥠🍜雜菌腐皮拉麵拉麵入面配左粟米 紫菜 大蔥 菇 同腐皮我自己就另外加左d七味粉上去 希望佢會好食d😋🤣🌶🌶🌶🌶🌶🌶飲左啖湯已經feel到係味精湯但麵都唔係話煮得太淋 反而岩岩好 好彈牙 幾有蛋香幾滿意但係絕對唔係係出面既拉麵鋪食得既質素 但以30蚊都唔洗既情況底下 都算食得落 過得去😂

週末懶懶閒一起身已經兩點幾 刷埋牙洗埋面已經三點幾岩岩好可以食下午茶餐個look咁hea唔想去都會咁多人 就走左去理大食，呢度勝在夠曬平夠曬快又一定食得飽食物質素都唔差嫁，同埋有其他餐廳都未必有既低糖綠茶飲今次叫左蕃茄通心粉同肉醬意粉下午茶餐，有埋多士，腸仔同炒旦，個人覺得同一個午餐既份量係冇咩分別。兩個人埋單都係42蚊！最正最正係呢度真係好free，我地拎埋電腦去煲劇都得，然後見到隔離幾枱既人都係咁唔洗怕尷尬，好寫意呀。記得食完野要自己汁番走啲野唔好留手尾比人！

Poly舊can真心正😂平靚正，讀左四你差不多日日都係食舊can😂😂😂兩餸飯有無數既選擇，下午茶炸脾薯條😂😂再加上有日本拉麵食極唔厭。不過四年黎啲飯菜口味都一模一樣真心食到不行了😂同埋 canteen以油同重口味出名，兩餸飯雖然睇唔到但其實超油，食左四年真心身體都差左，但勝在超平🤤炸脾加完價都係19蚊仲有沙律同野飲，真心無地方做到依個價錢🤑 大學canteen真係無得輸。一食就食左四年都要畢業啦，就為學校canteen打篇文宣傳下😂

又到下午茶時段， 溫書溫到悶悶地， 又係時候要去canteen補充下能量啦理大校園唔夠中大港大咁 闊落，但好在去邊都咁就腳，行幾步就到canteen lu~諗咗一陣下午茶食咩，好本來想要個紅豆沙茶餐配咖哩魚蛋， 但諗諗下已經五點幾，都係下午茶當晚飯算啦，都係正正當當食碗粉，咁夜晚就唔使捱餓!細食嘅朋友要注意啦， 雖然碗粉只賣19蚊，但份量一啲都唔少，如果驚食唔曬會浪費食物嘅話，記得同嬸嬸講叫少啲米粉！好鍾意食美心出品嘅叉燒，肥瘦適中之餘，味道唔會太鹹，保持肉汁， 又幾有蜜汁叉燒應有嘅甜味不過雞肉就太少啦， 每件雞都好瘦， 剝埋層皮都唔知有幾多肉... 仲有好多碎骨... 真係有唔少改進空間...

今日午餐食得唔多， 晏晝五點幾就好肚餓， 所以立刻去canteen食番個靚靚下午茶， 當係溫下書時充下電！喺poly讀咗三年都冇試過花生扭紋包 ，見佢淨番最後一個，把心一橫試一次！一咬落去...驚現無底深淵!! 不得了，又係空心包， 心諗今次又買空氣送麵包啦... 點知食落去有冇咁失望喎， 餡料味道幾特別， 食落好似雞尾包餡加入粗粒花生醬， 估唔到都ok夾， 算係幾香口。原來餡料都幾多食下食下... 好飽... 好彩佢係空心包如果唔係飽到想嘔。淨係食一個包又點會夠，跟住額外買咗隻豉油皇雞髀， 平時係屋企食嘢偏向 清淡，所以今次決定做下食肉獸，自己一個人KO一隻雞脾！豉油味唔係好出，不過好在肉多肥膏少，$12 尚可接受啦...

日式嘢食係舊can另一個ecosystem, 用八達通畀錢，要等15min，仲冇得叫多菜少菜但對於長摺canteen 嘅人都係好難得嘅另類選擇比兩餸飯連飲品貴菜量唔夠多，款式同燒味飯一樣係椰菜，菇類得好少不過啲葱幾正，用大葱有少少辛味麵唔夠彈牙。豬骨湯底當然係濃縮液開稀。腐皮好難有咩錯漏，因為唔係佢整。整體嚟講質素就一般，但當坊間拉麵漲價到百多元，廿幾蚊碗嘅舊can拉麵真係算抵架喇...百物騰貴，學生想食有肉拉麵都要諗諗。

我作為一個理大人，生活係度多年講真，poly 舊can 只有雞脾、下午茶餐先係正常野其他就真係好伏下午茶性價比極高，我每次都會去食大家讀poly既一定要試早兩年佢突然取消，換左D垃圾食物，令我好失望但雞比佢依家返黎啦，我又再可以見佢啦

最近夜晚成日出街食， 食食埋埋唔少肥膩野， 肚腩開始現形， 所以今天決定食個簡單午餐好了。 最喜歡poly canteen嘅地方係可以單買一個餸， 因為餐餐食一大碗飯都咪話唔肥， 而且餸既選擇都唔少， 雖然唔係樣樣都咁高質(特別係排骨，次次都係買骨送肉， 肉質仲好乾好硬...)， 但起碼會有幾個幾好食嘅餸， 以下呢個薯仔炆雞就係好例子。$8.5 就買到咁嘅份量嘅雞肉同薯仔真係好抵幾鍾意個雞唔太鹹， 肉質唔係最嫩滑，但都OK， 如果多啲醬汁就好啦。薯仔反而幾有驚喜，好粉好香甜！大部分雞件都冇雞皮，零零舍舍啲一舊有， 好彩啫如果唔係成碟餸都應該會好油。整體質素唔錯，喺餘下既大學生涯裏面應該會無限loop😂😂