理大美食坊

營業中

休息中

自小喺香港長大， 唔會唔習慣急速嘅生活節奏，wok hard 然後 play hard， 將每一分秒用到盡， 追求各自理想的生活， 不過講到"爭奪文化"， 心中只有慨嘆... 香港人多資源少， 好似咩都要同人爭咁， 爭床位生仔, 爭奶粉,爭幼稚園學位,爭中小學名校學位, 爭大學學位, 爭平價機票, 爭荀工,爭上位,爭買樓... 香港人不累的嗎？講咁耐其實係因為望到舊can紅豆包有感而發， 次次喺下午茶時段已買曬，難得有機會拎到最後一個試下。以$5.5 第一個包來說，質素已經不錯，唔會期望一個平價包麵粉質素有幾好， 唔會一pat pat 成口粉就合格啦。紅豆蓉嘅份量都唔少， 一口咬落去麵包同餡料比例差唔多各佔一半， 算係幾滿意， 特別欣賞紅豆蓉都幾滑，又唔太甜， 平平地做下午茶幾好。

今日午餐淨係食咗少少生果， 去到下晝四點幾五點梗係好肚餓啦， 所以就去咗舊can買個包頂下肚， 諗起係下午時段，本身想試下poly嘅蛋撻， 不過已經買曬了， 唯有等下次。其實買得包食都唔會有太大期望， 只希望餡料唔會太少， 麵粉唔會一pat pat。平價包咬落去密度低， 麵粉質地一般般， 咬到三分一 先食到有吞拿魚，睇嚟係餡料側埋喺一邊。食到後面吞拿魚餡料份量都足夠嘅， 不過調味方面多少少酸瓜碎會好啲， 很好嘅係都幾多真正吞拿魚碎， 唔會食到成口忌廉。呢種質素嘅吞拿魚包埋六個半，勉強ok啦...

邊個話平嘢冇好嘢， 有時候食得其他好西多， 就發現唔其實價錢同食物質素唔係成正比嘅， 有啲餐廳價錢貴， 但食物質素同服務態度可以一樣咁馬虎了事， 所以有時返到係校canteen食， 食到平平哋簡單一碗河粉， 雖然用料唔會高級， 亦冇咩特別服務， 但平凡有平凡快樂， 簡簡單單上完堂 飽足嘅感覺都可以好滿足。我知我好長氣，講番碗河粉先， 同上次食 最明顯嘅分別係個湯底濃咗好多， 有陣陣柱侯牛腩湯味， 雖然咁樣已經談唔上係乜嘢越式風味， 但以一碗麵嚟講係好食嘅， 畀嘅餸份量都幾多， 魚片頭同牛丸各三粒， 特別想講下蘿蔔， 蘿蔔煮得好淋好甜， 索曬啲湯好juicy， 真係好想食多幾舊， 我唔介意減啲麵換白蘿蔔架😆💕

今日有QUIZ驚太飽飯氣攻心，去舊CAN食$10.5一份嘅三文治~係一麥一白嘅方包夾埋，食其實唔覺有乜分別，但肯咁整都算唔錯~~~~~~呢個位好難有新鮮生菜嘅三文治，通常只有蕃茄。沙律醬唔會太多，最重要係你自己拎，想要多菜定少醬都可以目測咁揀。吞拿魚份量合理，一定食到見到唔會慳。方包仲搽咗少量牛油，真係幾認真吓~~生菜爽脆，唔會好大草青味。份量還可以~~~比同價嘅蕃茄蛋治我會覺得吞拿魚生菜抵啲。以前淨菜係大份啲都好抵，而家唔同喇，縮到去同呢份一樣，就冇咁吸引。

今日同朋友喺shaw打完羽毛球, 1045咁啱可以食個早餐。早餐: 平, 飽, 腸仔火腿無限組合出n個餐午餐: 有變化+飽下午茶: 平, 飽, 有變化早餐其實相對唔吸引...睇你想幾飽啫, 款式都大同小異相比下, 下午茶有飯有麵有湯底, 可惜好難就時間食...多士唔會脆, 有色都算好彩...蛋比較油, 但仲生生地有蛋汁算係咁想健康只能食麥皮, 其他都係醃製嘢...食早餐都係為咗杯飲品啫其實我...寫到頹頹地.........

誰人說 。。。平嘢一定冇好? 大學裏面就不能食好西嗎? 我覺得理工大學 飯堂的燒味部。。。 把這個定律都改寫了 。價廉物美。。。 這四個字， 再一次得到了肯定。我很喜歡吃它的叉燒。 又香又軟 ，微溫的叉燒肉片， 放在熱辣辣的白飯上， 簡直是人間美味。 燒鴨的皮， 雖然不是太脆， 但是它的肉保持很鮮嫩。 鴨肉不是太肥膩，但有一陣油香 ，令人愈吃愈想吃， 有一種 。。。欲罷不能 的衝動。另外， 我的同學 叫了 超抵吃的 兩餸飯，還附送例湯 ，吃得飽飽的才20元 。 在這個百物騰貴的年代 ，幸好還有大學canteen，以負擔得起的價錢 ，把性價比高， 又有營養的 飯餐 提供給學生享用。值得一讚， 另外 poly的canteen 景觀不錯 還附送窗外靚景 游游游 吃吃吃 簡直一樂也。

返嚟喇~~~~~湯底真係有誠意, 唔係純味精, 香葉香草辣椒自己加, 超級香~魚蛋彈牙但冇乜魚味, 扎肉都係咁架喇, 冇乜特別。但對長期摺can人士已經係affordable 嘅小確幸~而且人龍仲冇雙餸同燒味咁長~~~$23有香芧雞翼、辣豬肉或肥牛揀，肉量比叫扎肉呢款多很誇張。不過始終懷念上年$21 嘅扎肉勁量雞絲河多啲。呢個應該令舊CAN蝕錢，所以好快CUT咗今年都唔出T^T可以揀河粉或米粉, 份量大。

咕嚕肉一向係新can專利。礙於嗰度人多, 微波爐少(朋友叮飯), 單餸飯貴過舊can2蚊, 我冇乜機會食到咕嚕肉······新can係豬, 呢度係雞。粉係多, 但雞球都大, 而且粉仲係少少脆。canteen嚟講算高質。汁都夠酸甜~讚~~呢個sem特別請個人去派飯。服務係好, 但冇快到。而且裝飯嘅員工會唔理少飯要求, 派飯嘅滿面笑容咁塞大碗飯比我, 都唔好意思換...提倡惜食, 不如由我哋自己揀飯啦......最近雙餸質素參差, 唔係日日有好餸架

一個月內第二次食理大美食坊的三寶米線， 原因只有一個: 太 抵 食鍾意食poly燒味部嘅午膳主要有幾個原因1. 多肉多菜， 差唔多食餸都夠飽2. 燒味優質，特別欣賞叉燒肥瘦適中，肉質嫩滑， 醃製濃度恰當3. 叫少米粉/少飯真係有少到，可以支持環保4. 湯底清清哋唔太鹹5. 通常唔使排長龍6. 服務態度比雙餸飯部門良好7. 食完夠曬飽，又平過雙餸飯8. 雜菜煮得夠熟，唔會有生蔬菜的腥味9. 可以行過去越式湯河嗰邊加蔥粒同辣椒油作額外調味10. 米線軟硬適中，爽口有米香

在接近午飯時間尾段路過大學，襯開放比外人入內 在大學canteen 食lunch係不二之選相信無咩人會覺得canteen 食物質素可以媲美米芝蓮 所以食canteen前 要自動調整expectation 再看看價錢和份量 自然食得好開心 這天 有越式湯河 有幾款配菜揀 魚蛋扎肉 牛丸 肥牛 雞翼 腩肉 或 雜菜我選了雞翼 yeah 竟然有4隻 不是油淋淋的 ok吧就咁河粉都佔了2/3個碗 加埋大量芽菜和一大磚蘿蔔 絕對夠晒飽 最重要係$23 非常平 夠晒抵

開sem 好想食炸脾薯條🍟 有炸脾薯條/炸脾薯仔沙拉簡 （$19 包汽水or 熱飲/凍低糖綠茶）之前食開炸脾薯仔沙拉 但好想食薯條 所以唔怕熱氣咁叫左但有d 失望 因為薯條好喊 又硬🙈🙈 冇m記咁好食（個人鍾意m記多d） 炸脾就幾好食 不過皮好肥 最後唔敢食🙈 但可以過我口隱😛

做咗polyu學生三年， 大部分日子都係帶飯， 好少會食學校canteen嘅嘢， 今日終於有機會食下啦！呢個湯河係越式湯河系列其中一款， 呢個系列價錢又21至23蚊， 已分量和質素來說非常抵食， 如下圖所見碗湯河好多餸， 三粒牛丸三見魚片頭，仲有一大碌白蘿蔔， 三樣嘢都幾高質， 牛丸絕不是粉團， 白蘿蔔亦好清甜， 今次特登叫阿嬸加多啲芽菜， 咁就更加豐富喇~另外湯河嘅湯底都唔錯， 本人本身唔太鐘意味精湯， 呢個湯底香濃有肉味， 雖然唔覺係越南風味， 但絕對可以媲美茶餐廳質素， 加上湯河分量十分多 (細食嘅同學們可以叫少粉， 唔好浪費)， 整體來說幾滿意😋 抵食過雙餸飯， 因為有時啲餸其實都麻麻哋好食... 仲要23蚊...

又開sem喇...尋日食新can叉燒,今日舊can三寶舊can食燒味嘅人比較多, 所以多數新鮮好味啲咁多樣入面叉燒最好, poly叉燒都係比較瘦, 舊can會稔啲,多蜜汁啲三寶係紅腸3片+油雞4件+叉燒4-5塊+半隻鹹蛋&烚椰菜唔開聲就冇薑蓉喇而家肉都幾大件冇縮水不過雞一貫地好多血塊, 相信生前/煮前有closed fracture...瘀血位食咗反胃但豉油味足嘅開sem師傅唔熟手, 手腳好慢...不過都未想食2餸住, 因為開sem質素會有所參差冇乜油水, 鹹到入黃$19冇嘢飲, 舊can單餸外嘅最平選擇

讀大學果陣都好少係學校食早餐, 好大O既原因都係未起身, 同埋冇揀朝早O既堂黎上, 難得朝早去開果頭, 就入去試試佢個早餐ABCDE 啦早餐O既配答, 門口個MENU 都 SHOW 唔哂! 開頭都唔明點解排之面果個麻甩佬可以亂咁嗌, 又雞排,又哩樣果樣, 嗌到好似好豐富咁難得一次食早餐, 都係唔好食咁豐富, 是但嗌個餐肉腸仔多士, 配個腿通就算,加埋野飲都係$18.5, 哩個時勢應該算係平掛?普普通通O既腸仔餐肉都唔會難食得去邊O既...係凍左D, 同埋油左D O者, 不過個腿通都幾好味, D 通粉塞滿左成個碗, 好充實! 飲埋杯熱檸茶就O岩O岩好了

16少奶已經大學畢業咗好耐，今次重臨校園發現而家ｄ大學生真係冇啖好食！ 響呢個校園裏面最具規模嘅飯堂買嘅麻婆豆腐飯，完全無味無温度，可幸食完無肚痛！學生飯堂買野，無服務絕對無問題！但係個飯真係太頹！！整熱ｄ都好啦！覺得自己好似食監躉飯咁樣！可憐莘莘學子苦中作樂！為左下一代好心整啲好食啲嘅嘢畀啲學生食啦！加多五蚊一碟飯，整好食ｄ，我諗冇人會反對囉！唉！