琪琪海鮮泡飯專門店 (已結業)

📌 琪琪海鮮泡飯專門店 - 紅磡民裕街17號地下🗓(15/10) 星期六 ⏰ 晚上8左右 🌐網址: https://s.openrice.com/QrbS05mS900~ueeoDBA 💈特式：呢間小店主打泡飯同新鮮海鮮，例如龍蝦/鮑魚等，仲有一些香辣菜式，特式小食，季節限定仲會有特別野，例如羊腩等。🥩🍔🌭🌮🥗🥯🥘🍲🍝🍣🥟🍤🍱食物：因為住得唔遠，所以都時不時會去幫襯，主力當然都係食佢嘅泡飯同小食啦，等我再同大家講下味道先......螺片蝦球泡飯🦐🍚 - 呢個係用龍蝦湯做底湯，龍蝦味好重，一上枱已聞到陣陣龍蝦香，螺片就係普通罐頭螺片嘅質素，蝦球雖然食落唔似係新鮮蝦，但勝在都有蝦味同好爽口，餸嘅份量都唔少，對得起佢$71呢個價錢。瓜粒豬肉眼片泡飯 - 上次就食過呢個湯飯，瓜粒我揀左翠肉瓜粒，豬肉眼片佢做到好淋好滑，只係收$46，認真抵食。小食 - 今次叫左個醉豬手，上次就叫左個薑蔥牛柏葉，2個都一流，好食到一個點，首先醉豬手好入味，花雕酒味好香，炆到d肉好淋好易咬，但豬皮就仍然做到爽口，美中不足係有少少豬毛未清乾淨；薑蔥牛柏葉就看似係好普通嘅小食，但佢d 牛柏葉應該係選用

民裕街好多美食平時經過都幫襯了鄰舍呢間一來唔顯眼二來感覺上龍蝦湯泡飯應該會好貴但今日仔細一看，原來咁抵！唔洗$50埋單！有位就入去啦叫了個5號 蠔仔肉碎泡飯 $46 only!!大大碗！不論係湯、飯、蠔仔、肉碎全部都好多！泡飯 我鍾意倒晒啲飯入碗湯到食入味啲吹咗全日冷氣，飲返碗暖湯好舒服！雖然冇原隻龍蝦，不過龍蝦湯好濃味，食完又冇味精反應！蠔仔🦪都大隻，唔係細細隻，都有鮮味，份量多肉碎又多附帶生菜、菇好抵食又美味 可以encore

已經好耐冇過嚟紅磡做嘢，記得以前返工成日喺呢邊搵嘢食，橋底都幾多選擇，今日經過見到呢間有得食湯粉絲比較特別，所以就去試吓！餐牌選擇都幾多，有法式龍蝦湯或蟲草花雞湯泡飯、湯粉麵等等….我今日就叫咗一碗龍蝦湯口水雞湯粉絲，呢度嘅口水雞係自家秘製！嚟到即刻先試吓個湯，呢間標榜係用新鮮波士頓龍蝦煲既湯..飲落係比較清嘅龍蝦湯口味，而粉絲煮到啱啱好唔會過淋或硬！口水雞冷盤食落啖啖肉但唔係滑嫩嗰種感覺！可能俾咗雞胸我唔係好鍾意既雞胸部份！口水雞係少少微辣帶咸！

店舖唔算太大，座位有點迫，但乾淨企理。點了店裡出名的花膠雞煲翅及雲吞雞煲。另點了一客滷水拼盤（雞腎，牛展），拼盤下面有牙菜底，上菜時剛翻熱完，熱辣辣的，味道唔會太咸，牛展夠淋。主角花膠雞煲翅同雲吞雞煲都是用砂鍋裝住，兩個既湯底應該都係一樣，鮮甜雞味濃郁，帶有金華火腿既香味。雞煲翅得一束魚翅，但花膠份量都多（當然不是好貴價嗰種，呢個價錢有呢個級數同份量可以接受）。雲吞雞既雲吞似係出面買現成的，不過不失。兩個煲入面都有半隻雞，如果加$10轉餐，一個餐已經夠兩個人食。龍蝦湯泡飯都係呢間鋪推介的，下次要黎試試。

又係要支持下街坊家庭式經營小店嘅時候💪🏻💪🏻💪🏻，間鋪睇住佢開張直至到而家，有一班熟客嘅支持食物水準一定不錯。老闆話由於近期政局問題，少咗好多跨區客，所以就支持下佢啦！海鮮🦞迷一定要試吓呢個性價比高嘅新鮮嘅波士頓龍蝦泡飯！簡直媲美好多價錢好高嘅餐廳👍🏼👍🏼龍蝦新鮮爽口，湯底原汁原味而且沒有加味精配合白飯青菜又健康又唔覺得口渴。食完超滿足😁另外一碗花膠雞，係我嘅愛人自己去「獨食」之後強力推介！好少聽見佢講「有啲乜嘢好味」，我好好奇，所以跟住佢去試吓.....嘩！不得了！勁多花膠，隻雞柔軟一定係浸熟，湯底沒有加味精;一個唔小心居然成碗飯食晒！😅😅😅有一次外賣返屋企，飲晒成大碗湯，本人燥底由於太補身，夜晚居然瞓唔着🤣🤣🤣🤣由於太好味，已經返「啅」咗好多次，但係都未有機會試吓其他美食，因為太沉醉嗰兩個泡飯啦！

這個店應該開了不夠半年吧！經過很多次都是過門不入，見今天有空就帶外甥和侄仔去試下，外甥告知想食龍蝦，侄仔就喜歡牛肉，就點了一個蒜蓉開邊蒸龍蝦和一個牛尾飯，先叫老板攞隻龍蝦睇睇，都吾算細隻，蝦肉好爽和彈牙，攞啲蝦膏連汁加些蒜蓉撈飯起碼食兩碗，至於個牛尾飯就不過不失了。

成日想去村爺爺再食龍蝦泡飯，依家唔洗啦，俾我搵到依間，真材實料的龍蝦泡飯🍚。當我諗住跟係村爺爺普通泡飯咁，半隻龍蝦加其他配菜，但老闆即刻推薦，咁加法都百幾蚊，不如試下成隻啦🤑【生猛波士頓活龍蝦泡飯】。當我一話好，即刻係我後面拎左隻，超大隻仲郁緊的龍蝦，老闆話今日抵食呀，d龍蝦有成斤重，但唔加價，隻龍蝦同我揮手講再見之後，就聽到啪啪聲啦😢。🦞未食龍蝦前，飲下超鮮的湯，如果唔係再三強調無味精，我會覺得有雞汁，好爽快索完個湯飯。重頭戲的波士頓龍蝦🦞，原全無失望，肉感飽滿彈牙，蝦味鮮甜，立刻心心眼俾左個老闆，由心講左聲，真係掂喎。

什菇肉眼片龍蝦湯泡飯，觀念上泡飯是湯、材料和飯一齊滚出來的，可上枱才知是湯和材料，而飯是分開上的。龍蝦湯底亦令人很懷疑，目測相當清澈，同一般上湯無疑，便問了是否弄錯其他湯底。答案是中式煮法，用龍蝦殼煮成的湯底。咁就喝龍蝦湯底先，第一啖嚐到的也是清湯帶清甜的味道。可是多喝幾啖，味道變得濃一些，嚐到淡淡的龍蝦海鮮味。吃到最後見底部有微細的紅色碎粒，應是類似蝦殻的碎片。湯中除什菇片、豬肉眼片外，薄薄的一片片鬆軟淋滑，吃多了也不覺滯。亦有生菜，湯與飯分開，令你能喝到湯的鮮味。不過，你要有心理準備，如你只好濃味的美食，這個可能會覺得淡味的。另一款套餐：砂𦍑雞套飯，配有鮮雞湯，據說用很多雞一起煑出來的，與龍蝦湯一樣，不含味精。而正與龍蝦湯相反，雞湯明顯無論味道、顏色都濃很多，喝得出有雞味。雞肉都嫰滑，而且分量不少。蠔油生菜如果想吃原味、健康的，這裏也是一個不錯的選擇。

呢間店其實想來食好耐，今日終於過來試下，哇😉真系好好好味，足料正，剛剛到店無咩人，坐一陣越來越多人入來食，個個食完都贊不絕口，坐系我後面臺客系天水圍出來架下次要帶多幾個朋友過來食，可以叫多d野食

經過琪琪海鮮泡飯專門店，又忍唔住貢左入去。今晚決意拋棄濃湯雞煲翅，要食原隻生猛龍蝦！龍蝦鮮甜彈牙，配埋雜菇龍蝦湯本來已經無與倫比，不過今晚要再貪心啲，叫老闆加碼魷魚鬚蝦球，務求要食到行唔郁為止！哈哈哈！(魷魚鬚蝦球龍蝦湯泡飯+原隻新鮮龍蝦) 話說幫襯"琪琪"已經幾個月，餐牌有嘅都差唔多食勻，大膽講句響紅磡有佢咁平肯定無佢咁正！有佢咁正嘅又無佢咁平！$45一個足料濃湯泡飯食到你飽一飽真係快餐店都唔得啦，想食得豐富啲又可以加$45整多半隻龍蝦。花膠雞煲翅，半隻雞﹑花膠﹑翅加埋超濃雞湯，真係諗起都流口水。比起X爺爺嗰啲真係不知高幾多倍，哈哈哈！再加埋老闆同老闆娘殷勤嘅款待，仲去食乜鬼嘢排隊排兩粒鐘嘅垃圾麵吖，黎食湯泡飯啦喂！

我工作到有點攰喇，要飲個靚燉湯補一補去。琪琪主打龍蝦湯泡飯、波士頓龍蝦、花膠雞湯，而且可以加排翅添。不過龍蝦湯配及弟豬雜或蠔仔肉碎硬係怪怪的，菜色諗頭特別，非常創新。老闆推出新蟲草花菜色喎，對我來說不怎吸引。炸魚皮，外購無特別，咸咸脆脆，浸湯較可口。北菇花膠湯粗麵，滿滿的湯、大大的菇、厚厚的花膠、多多的麵，還有幾片菜，交足貨無手軟無欺場。彈滑花菇爽爽多汁，菇味香濃甜美。粗麵充滿蛋香並不是廉價貨，彈彈滑滑拖著特濃雞湯夾綿綿花膠啜晒入口，熱辣辣暢快無比！花膠雞煲翅，足料半隻雞、約 2 片排翅加約 6 片花膠，落足本錢不計成本喎。不過花膠極期量只係高質魚肚，未有耐到達花膠級別。砂鍋滾熱辣香噴噴，使得我涶延欲滴。忍不住急急灌啖滾湯品嚐，燙死我喇﹗不過越熱越好飲喎，還好沒有甩皮起水泡乍。味道堅得無得頂，雞湯味嗆爆霸道，甜美出眾黏黏的。花膠厚厚綿綿少少黏少少膠，靚魚肚類吸盡雞湯精華，回味無窮！一入口就使我陶醉萬分。還以為會比火鍋花膠桶灼到綣埋趙到爽爽聲既低級貨，老闆無搵笨，靚貨食得過！排翅同樣吸湯一流，微量爽脆翅針，跟濃湯一起灌到嘴仔脹卜卜，幸福滿足開心晒！波士頓龍蝦海鮮龍蝦湯，珍珠蜆鮮甜肥美海水

羊腩煲開始涼涼地老婆好想食 早幾日去左同區某餐廳 $16X一份既試試 真係麻麻地 份量又細今晚又話想食 突然醒起隔離檔車仔麵老細介紹過來試試對上果次因係星期日佢地無開 今晚就來試下 仲撞到個街坊老友特登走過來食佢地碗花膠翅 仲話食過幾次佢地野都絕對收貨$268一份羊腩煲滾起身一打開都聞到好香大蔥 蒜 同肉味開波食落係少少肉較淡少少 又唔係淡得好誇張但愈食愈濃 愈食愈過癮 佢D肉夠淋 而且肉靚 成煲野愈食愈膠 骨頭入面都唔少D膠同骨髓👍肉靚👍 同老婆2個人食到成肚脹都食唔哂 份野夠3個男人左右食 除人頭先幾十 絕對抵食 45個既可以加加其他料打邊來滾添 絕對介紹得過試得過 食剩打包埋今晚做宵夜添 良心餐廳 讚得過

紅磡見工後，周圍逛逛，見到一間龍蝦湯專門店，望望門口招牌寫住八十幾蚊就可品賞龍蝦湯麵或湯飯，咁平真係要入去幫襯下。二個人叫咗一份豬雜湯飯加45蚊有半隻龍蝦，另外叫咗個沙薑雞飯。龍蝦豬什湯飯內嘅半隻龍蝦喺有手掌咁大，豬雜料有各款豬內臟，并有菇菌，龍蝦湯底好鮮味， 材料真是估唔到咁平嘅價錢可以食到真材實料龍蝦湯飯 。沙薑雞飯$45雞肉嫩滑，沙薑汁又冇蓋著雞肉，有雞味，嗰雞湯幾濃郁，碟油菜細細碟，不過算是超值抵食。紅磡工廠區真的驚喜餐膳

試左龍蝦湯飯，唔太咸，有淡淡龍蝦味，食得出係真材實料，唔係味精野加$30有原隻龍蝦，大過手掌，絕對有驚喜！仲有花膠丶雞湯等，下次試下先Bonus係老闆＆老闆娘好好人一定會再幫襯