瑞士咖啡室 (已結業)

今日放假做下運動踩單車，竟然俾我發現呢度有間瑞士茶餐廳，下午茶時間大家都踩到又攰又肚餓，就即刻放低架車入去食番餐!瑞士雞脾薯條瑞士汁一定係呢度既招牌，於是叫左tea set瑞士雞脾薯條，一睇賣相就知隻雞脾夠哂入味，深啡色既外表勁吸引，咬落啖啖肉，成隻拎起黎扯好過癮! 薯條係波浪薯條，同樣熱辣辣炸起!呢個組合大人細路都一定鍾意!咖央西多見到隔離叫個西多咁厚於是加單叫埋，通常餐廳都只係提供花生醬多士，呢度有得揀咖央西多，就梗係試d特別d既!一黎到見到又厚又金黃色既外表已經流哂口水，上面既牛油一大塊，俾得完全唔孤寒!落埋糖漿切開，急不及待食一口，感覺非常超班! 咖央係中間食到甜甜地，好好味~絕對值得叫，下次黎一定encore!瑞士牛河因為太肚餓所以叫多個飯同牛河食，疫情期間餐廳仲將將茶餐份量調到同午餐一樣，性價比超高!味道方面瑞士汁炒得非常香，牛肉又多又唔韌，非常高質!至尊豬扒焗飯焗豬扒飯係既汁係平時茶餐廳既汁，份量好多，每口飯都會食到醬汁，鍾意撈汁食飯的朋友一定滿意!豬扒份量都好多但唔係厚切，所以焗到有d燶邊，又香又脆卜卜，超吸引!

這天因為工作的關係到達了將軍澳，餐廳位於 屋邨之內的商場，距離鄰近地鐵站路程約需十分鐘左右，地理上還算方便，快捷，可以接受。 餐廳主打的食物是港式美食， 餐廳座位方面，還算寬闊，加上冷氣充足，十分舒適。食物方面， 我點選的就是蝦仁炒蛋，沒想到竟有如此神奇的感覺，蝦仁彈牙爽口， 炒蛋蛋味香濃，十分香滑， 最重要新鮮即叫即做， 熱辣辣送到客人的面前，果然又有另一番體會。飲品方面 ，我點算了 熱檸檬水， 今次簡單沒什麼特別。

抗疫期間要抖抖氣、大多時間都留在屋苑附近搵食。今晚來到明德邨的瑞士冰室、貫徹懷舊風格、以綠白磚牆佈置。為著瑞士汁炒牛河而來、果然沒令我們失望。牛河炒得好有鑊氣、瑞士汁惹味略帶少許甜、河粉爽身沒有黏在一起、完全是大排檔風味啊！另外時令的鴨腿湯飯、湯底以雞和豬骨熬製伴以冬瓜粒比較清、鴨腿好大隻、炆得好淋、夠我們兩個人吃、夏日消暑之選。套餐加$5可轉咸檸七瑤柱金菇扒時蔬、墊底的是小棠菜、味道還好、若然用上生菜應該會更加夾。

疫情期間，瑞士咖啡室營業至晚上8點半，8點last order，去到差點無得食，要食真係要早點去🤪臨近收檔時間好多野都無，都要花啲時間點餐之前已經想食米線，見到有米線就嗌左，同行朋友就食小菜川味酸菜豬扒米線 $59米線餐包一杯特飲，可以叫紅豆冰個啲，不過我唔飲凍野就叫左熱華田至於碗米線，送到嚟嘅時候嚇左一跳，好大碗!!好多酸菜好多辣椒仔，湯底都幾清，酸酸辣辣幾開胃，不過對於唔食得辣嘅我嚟講就太辣，因為又辣又大碗，只係食到三份二碗，放棄🏳️豬扒都好大塊!! 豬扒好淋，不過鬆肉粉太多了，味道有點怪怪的西檸雞 $68小菜加$12有中湯、白飯同餐飲西檸雞其實係西檸雞扒，外皮炸得脆脆，西檸味都好夠，不錯😋中湯都唔差，飲到蘿蔔味，無咩味精👍🏻清炒時蔬 $62時菜揀左白菜仔，真係幾清，少少咸，合我胃口🤭

瑞士咖啡室開咗咁多分店，而且都幾馳名，不過一路都係幫襯過。咁啱今日喺將軍澳收工，又食搵啲嘢食，所以去試一試依間，親民嘅茶記。入到去冰室，好有地道茶記嘅感覺，而且四周圍佈置丶環境格局都都有本土嘅舊式情懷。一如既往，同其他茶記一樣，有是日精選嘅餐牌，為一個人嚟食嘅顧客，推薦最優惠嘅晚餐。餐牌上嘅食物種類都幾多，不過今日無焗飯嘅嘢，所以叫咗一個西炒飯丶一個非一般乾炒牛河同蕃茄牛肉炒蛋，一杯凍檸水同凍檸水。西炒飯火候幾好，炒飯唔會乾身同唔會太濕，蕃茄切到一粒粒，容易入口，飯中帶有濃郁嘅蕃茄香。 非一般乾炒牛河牛河炒得好有鑊氣，牛肉份量都好多，油嘅比例都拿捏得到，唔會食到成口都係油。 蕃茄牛肉炒蛋炒蛋順滑，而蕃茄份量都幾多。喺茶記嚟講，價錢同份量好親民，街坊價錢。

今日去探朋友，順便到附近餐廳醫肚仔。呢間餐廳個裝修好懷舊，好有老香港嘅風味。最特別應該係餐廳有一個用麻雀砌成嘅招牌！望下個餐牌，啲選擇都幾豐富，有啲菜式個名仲好盞鬼，有男人浪漫同傷風感冒餐。另外佢哋亦都為素食人士提供一啲全素嘅餐點。睇到眼花撩亂，最後我地揀咗金菇肥牛炒公仔麵同埋公司三文治。個炒公仔麵幾香口，有鑊氣之餘但又唔會好油膩，味道幾好！鍾意食炒公仔麵嘅人可以試吓。公司三文治方面，一上碟嘅時候就幫你切成四份，方便我哋拎住嚟咬。呢份公司三文治份量好大，我相信好多女仔一啖都咬唔哂，三文治入邊夾左好多蕃茄同午餐肉，好有滿足嘅飽腹感！題外話～呢度啲職員真係好nice，我地唔小心倒瀉左杯嘢飲都冇唔耐煩，仲反而係咁問我哋有冇事，明明係我哋唔啱😭真係勁好人

疫症時期 都要拍拖 都要食飯架！咁既環境梗係要實際D .揾 d 經濟兼平靚正好野食架😚👍🏻黎到呢間瑞士架啡室.梗係要叫佢地個招牌貨 "瑞士雞翼" 呢碟瑞士雞翼一碟三隻雞全翼.入味😍肉質Juice有水準 😆瑤柱上湯菜膽雞套餐$78. 仲配埋白飯同中湯 。一湯碟內有半隻雞 .雞肉仲滑過我塊面.配上小唐菜 仲有瑤柱埋個上湯獻嚮面. 濕濕潤潤夏天更好入口.佢既菜同飯係分開上. 絕無欺場 大隻男友食得肚仔飽飽又滿足.都係幾十蚊一客。餵飽男友唔容易 呢個餐梗係要推介大家啦！💕非一般乾炒牛河$54牛肉嫩滑 .配上洋蔥.河粉一齊炒.炒得乾身得唔油膩 賣相巳經好吸引.食到唔停得口.加幾蚊仲有野飲🤩呢間餐廳廚藝術品制作味道好 夠份量 街坊價錢 唔使慳住叫喔😘

We came here for dinner tonight as we were craving some local Chinese food. We were greeted by the staffs politely and also got our temperature checked. We ordered two main dishes - Our type of all time favorite comfort food - baked tomatoes 🍅 pork chop rice. It definitely had satisfied our cravings. Filled with lots of fried egg rice, tomatoes, onions and pork chop. This one is on the sweeter side. This place is actually more well known for their Swiss sauce chicken wings - definitely a must t

趁住疫情稍為緩和，今晚有事要去坑口，經過明徳商場，內部好多圍板裝修，見到郵局隔離有間茶餐廳燈火通明，非常掛住茶記嘅美食，二話不說就入去醫肚。首先要經過量體溫，然後安排入座。被安排坐上卡位，四圍用白板加高圍住阻擋隔離，令食客食得安心打開餐牌，見到瑞士雞翼好吸引，而且仲可以配炒公仔麵添同行嘅朋友就話勁肚餓，叫了焗豬扒飯.並包一杯咖啡或茶。另外，每人都只雖加多$5，便可以柯打一杯咸檸七，正啊首先嚟杯凍咸檸七，解下渴先然後，瑞士雞翼撈公仔麵便到。一碟有兩隻雞全翼，瑞士汁味道濃淡適中，雞翼好入味。再配埋炒公仔麵，口感一流而且份糧也不少。焗豬扒飯，上面層芝士有拉絲，而豬扒夠鬆軟入味值得一提，茶記夠衞生，枱面乾淨並用盒放置餐具，姐姐服務態度良好有禮貌

夜晚唔想煮同屋企人出咗去食，嚟到呢間㗎啡室，裝修好有心思，有個麻雀砌嘅招牌，好有特色瑞士常餐A$51-嚟到必食瑞士雞翼/脾，呢個set有火腿奄列、牛油多士、瑞士雞翼米粉火腿奄列火腿超多，入面仲有少少蛋汁，好正牛油多士超邪惡，烘到剛好瑞士雞翼個瑞士汁甜甜地雞肉夠滑西蘭花炒龍脷球$78-龍脷外面整到脆脆地，魚肉好嫩滑入口即溶，有少少酒味好香口，西蘭花炒到熟度啱啱好夠爽脆枝竹火腩煲$65-有Kiwi我至愛嘅枝竹，好入味黃金梨桂圓紅棗茶+$5-飲到梨嘅香甜加上桂圓紅棗好滋潤

今日專登揸車入嚟食呢間餐廳，因為知道呢間餐廳出名食瑞士汁雞翼雞髀🍗突然好想食所以就入咗嚟，點知勁失望囉！首先嗌咗兩個下午茶，呢個係瑞士汁雞髀拼火腿奄列，另一個係瑞士汁雞翼拼黃金磚！首先個瑞士汁雞髀同蛋奄列上枱先，一睇就知個雞髀勁乾身，一啲汁都冇囉，最失望嘅係凍冰冰，於是硬着頭皮叫侍應可唔可以幫我整返熱佢😆😆😆佢哋都幾好咁幫我拎返入廚房，點知拎返出嚟嘅都係凍冰冰🧐🧐究竟有冇整返熱呢？咬一啖試吓味先！點知啲肉鞋口到不得了，好硬，又無味，真係好失望！至於個蛋都係凍冰冰，其實係咪所有嘢都一早整定左？至於個瑞士汁雞全翼都係一模一樣，一樣冇味，唔同嘅事瑞士汁雞翼啲肉同啲骨係比較容易分離，但係整體感覺勁差，完全冇味，感覺啲肉好似好梅好爛好唔新鮮！

假日訓到自然醒，岩岩好係下午茶時間，要抵食又飽肚，首選就係瑞士咖啡室！等位唔洗5分鐘，卡位答檯，職員落單快，野食又好味大份，十級滿意呀！黑椒牛扒飯+羅宋湯羅宋湯超濃勁足料而且大大碗黑椒牛扒飯，飯料軟熟唔乾，牛扒大大份無overcooked不會韌！黑椒汁惹味！唔夠汁問店員拎佢地都好樂意幫你茄汁鴛鴦扒飯老公叫左個鴛鴦扒飯，鴛鴦扒係豬扒同雞扒，其實下午茶價錢尼個份量真心抵！個茄汁好好味，好有童年回憶嘅味道！

因為今日要去郵局寄信，坑口個郵政局去左明德後好麻煩。只好去食餐好既安慰返自己，附近有間瑞士茶餐廳，其實呢間連鎖茶記，係出面已經食過兩三次，不過坑口好少茶記，所以一場黎到走左入左去食。其實都係普通咁食個早餐，呢度早餐去到1200，好啱瞓晏左既人食。不過不失，但我就係喜歡食呢種港式早餐，對於女仔黎講夠飽既，但男就差少少，但樣樣都有啲同比我可以坐係度慢慢食個早餐就好開心，平時忙只可以一路行一路食住早餐返學。呢度仲有維記支裝朱奶飲，都係加$3咋。$35一個早餐唔算最貴但其實就比較起我平常食個包就Ko一餐，呢餐係貴既，都推介大家黎食

非一般干炒牛河 HKD51；不專業評級：6/10其實所謂的非一般干炒牛河就係辣炒🤣 辣度適中 唔會太辣 非常惹味🤤 河粉著色均勻入味☺️ 唔會過濕過腍斷開哂 牛肉方面平平 無咩特別.蒜茸西蘭花🥦 HKD62；不專業評級：6/10🙈西蘭花最佳拍檔就係蒜茸炒 呢個配搭清淡又唔會難食得去邊.推薦度：🌕🌕🌕🌕🌕🌕（滿分十分）

💁🏻‍♀️瑞士咖啡室 (將軍澳)🍴-點解將軍澳啲物價可以咁貴🥴🤦🏻‍♀️食個茶記都要50蚊瑞士雞脾撈公仔麵餐（$49）雖然煮到好淋，但雞脾唔太多肉。不過啲汁唔會好重口味，都算ok，公仔麵都軟硬適中，不過如果大食啲呢個餐一定唔夠飽🙈🙈如果要食瑞士雞脾建議大家都係去返樓下冰室啦，價錢平啲質素又好勁多-📍瑞士咖啡室 (將軍澳)#將軍澳 培成里10號明德邨明德商場地下14B號舖#小丸子搵食記 #小丸子將軍澳-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #素食