瑞士咖啡室 (已結業)

今日再一次踏進呢間茶餐廳， 人客熙來攘往， 繁忙感覺依舊。食早餐我一向貫徹宗旨， 就係要食得飽。 所以我好執著早餐一定要一碗碳水化合物充足嘅麵類， 今次亦都唔例外。平時食開五香肉丁公仔麵 或者沙爹牛肉公仔麵嘅我， 今次早餐決定落重本， 食咗個名為（極品）嘅早餐。 咁到底呢個極品有幾極品呢？ 就係佢個粉麵多咗塊鮑片， 平時食開罐頭撈麵嘅， 今次有塊鮑片梗係升華十倍啦！唔止tim喎， 隨餐附送嘅並唔係炒蛋多， 而係需要手工製作嘅火腿奄列， 同埋 一個新鮮嘅菠蘿油。 呢個組合完全唔係普通早餐能夠比擬的， 極品當之無愧！ 一日之計在於晨， 有如此極品早餐， 夫復何求！

基本上我只會係返工嘅日子食早餐，早餐對我嚟講 最緊要夠飽。所以配有一碗含有豐富碳水化合物嘅麵類絕不可少。食厭咗公司canteen ，於是就喺公司附近嘅瑞士咖啡廳買咗個外賣試下係咩質數。今次買咗個早餐f ，係我個人比較喜歡嘅五香肉丁公仔麵 ，搭配牛油多士烘底 ，加上煎蛋腸仔 ，仲送一杯嘢飲。公仔麵外賣到返公司路程大約十分鐘， 麵質仍然爽口彈牙 ，店舖亦絕不吝嗇五香肉丁分量， 喺一碗湯面裏面 ，你完全可以感受到五香肉丁嘅精髓 ；多士烘底亦做得出色，口感外脆內軟，塗上一層薄牛油， 瞬間便成為一件令人唾涎欲滴嘅美食。腸仔蛋就普通質素。熱奶茶冇澀味，搭配花奶更見幼滑。以食物質素同飽肚程度計 呢間絕對係唔錯嘅選擇。

今日同爸爸去醫院 之後就去搵個地方食早餐叫左個雪菜米 加$3可以飲鮮奶個粉唔會太咸 又多雪菜 個方包勁厚 好好味 佢本身係多士 但我鐘意食方包腸仔其實可以改其他野例如司華力腸咁好食過上次果個川味酸菜魚

原先諗住嚟食茶餐 點知發現佢新出左依個川味酸辣米線 $59 我揀咗酸菜魚 嚟咗之後佢個湯底係魚湯嚟嘅但係呢我覺得一啲酸辣味道都冇佢入邊有啲酸菜但係冇乜味反而覺得啲魚幾滑幾好食下次都係食返茶餐

一起床，突然心血來潮，打算出門吃個早餐，拖拖拉拉之下，硬是弄到十一點才出門，來到了「瑞士咖啡室」。雖然時間有點晚，但店門外還有十餘人在排隊，幸好實際等候時間不長。早餐來來去去也是那些配搭，這次試了雪菜肉絲米，轉雜菜湯底，配奶醬多。「瑞士咖啡室」最大的吸引之處，是可以加錢轉樽裝的維記鮮奶，而且竟然和其他凍飲同價。不愧是港式茶餐廳，落單後一分鐘不到，整份早餐就到齊了。雜菜湯就是一般茶餐廳的羅宋湯，加入了大量紅蘿蔔和薯仔等的雜菜，雖然足料，但味道沒什麼特別之處，而且偏深色的湯底看起來有點倒胃口。烘底的奶醬多，下面還有一片火腿和半熟煎蛋，表現中規中矩。以食物水準來說，味道沒有特色，難以令人留下印象。如果住附近的話，偶爾吃吃也無礙，若要排隊就不了。

營養餐 HKD48 + 雙拼 HKD2；不專業評級：6.5/10意式雜菜火腿通粉｜烚蛋沙律🥗｜芝士吞拿魚三文治🥪次次叫親呢個餐都係為左食佢既沙律🥗 佢既沙律並非平時食開有沙律菜既沙律 而係有好多雜果加沙律醬😆雖然好唔健康 但好有兒時的味道🙆🏻‍♀️火腿通味道其實就係羅宋湯啲朋友🤪 三文治就用左厚多士加一塊厚身既芝士同埋海量級既吞拿魚醬😍 無得輸.干炒牛河 HKD51；不專業評級：6.5/10足料💗真係有好多牛柳片 牛柳片唔鞋口唔韌😋 河粉亦條條分明 唔會太濕痴埋哂一patpat👍🏻 著色同調味亦好均勻 完全無一啲有味 一啲有色的問題☺️.推薦度：🌕🌕🌕🌕🌕🌕🌗（滿分十分）

想嘆下午茶，有乜豪得過飛去瑞士，將軍澳 近近哋，明德邨就有間啦，提起以前嗰班夥記就真係火都嚟埋，不過呢次去呀竟然有驚喜喎!服務唔錯壹壹介紹，下午茶即刻條氣乜都順番曬，今次畀返個好感like班夥記啦。 坐低一人揀番個餐先，都係啲下午茶b餐我就改食，麵個friend就改食米粉，都係加番茄湯，一個蛋治烘底，一個就咸牛肉蛋烘底，加身加料唔加銀，咖啡奶茶各一杯都係60皮落嚟，算係咁啦!大大招牌，睇唔見都好叻!下午茶餐牌，清楚列明。套餐可加可減，銀兩無有變。仲有啲腸粉餐，可以試一上。麵同米粉都係火腿加番茄湯。蛋治蛋牛治，麵包家後烘底，食埋都夠飽啦。咖啡奶茶各有千秋，加埋就鴛鴦下午茶。找數冇難度。

今日 難得一家三口完全體 當然要一起落街食野la樓下首選--瑞士咖啡室可能打風落雨關係無咩人食見到檯面呢個 洋蔥豬扒包 好吸引(我覺得 $40仲正 但可惜我唔食辣野) 呢個瑞士雞翼撈麵 +黑白涼粉冰呢個招牌菜 一定咁會差而且好入味 骨肉都易分離而且d麵都啱啱好 份量至於鮮辣爆炒腸粉好辣 但我個蝦子餅話好惹味有鑊氣 好好味 雖然$40 有d貴至於我個包 and炸薯條個洋蔥唔錯 夠淋豬扒都好軟熟 都相當不錯至於飲品 都不過不失la...+$5 都ok ge

食厚德商場嘅野食，食到有d悶，決定遠遠地去到明德商場食野，🤣其實都係坑口範圍。明德商場唔係咩大商場，但係有人龍，實在令我非常震驚。望望個menu，d 野所算平同抵食，唔怪得咁多人食啦，望左一輪終於簡左個早餐A，柞菜肉絲通粉-司華力腸、煎蛋同牛油多士（$32），呢個組合非常吸引，我仲將個牛油多士升級，變左做奶醬多，仲要係免費轉，開心。嘩嘩嘩，d野好快上檯，望落就覺得滿足，事關d奶醬流q哂出黎，司華力腸又煎到脹開哂，junk food ，I like it。而且奶茶非常香滑，可能因為用左黑白奶，甜到又剛好。 唔怪得茶餐廳都有人排隊啦！

上星期去將軍澳醫院, 途經這間瑞士咖啡室入去食下午茶, 本來食物唔錯都幾好味, 但係... 事源係我自己不小心打瀉了飲品, 潑到了成身濕哂, 我枱近5、6步位置有個中年男人waiter 和1個嬸嬸waitress完全冇發現我打瀉了飲品, 當我企起身問個waiter攞d餐巾, 個waiter揸住塊抹枱布望下我後大聲同我講“你出嚟啦”我出去後, 佢行入我個卡位指住我個已經俾飲品整濕嘅電話“你攞番個電話”可能佢要抹枱, 正當我手足無措時隔壁枱有個食客大叔幫我出聲“你咃攞d紙巾俾人抹下先啦”跟住大叔在佢枱攞疊紙巾俾我, 個waiter見有個人申出"正義之手"時就走返入去, 另外個嬸嬸waitress即刻沖番杯飲品俾我, 但係果一刻我係要紙巾而唔係飲品.打瀉飲品係隨時都會發生, 但從來沒有試過會咁樣, 如果不是隔壁枱大叔幫我, 我諗我會更加狼狽. 雖然後來個經理追住講 sorry, 但都無補於事, 這間餐廳我應該唔會再去...

由於響坑口附近返工，平時都會到明德商場吃午餐，這裏有兩間食肆，但由於另一間餐廳裝修，我們就揀左食瑞士茶餐廳，他午餐的價錢要＄46 ,比一般茶餐廳的價格要高，但味道卻十分普通，份量不多，這次我點了一個午餐印尼炒飯，飯粒不夠乾爽，裏面的餸又不多，食完冇飽嘅感覺另外點了一杯凍美綠恐龍，完全唔夠凍，美綠粉又唔夠多，十分淡口。

瑞士呢間態度是最差的一間😔都幾個月無幫襯了，老公今日有點趕時間就是旦啦！坐下唔名3分鐘又係講果句，兩個人坐埋一行一陣有人來留比人坐，因為我們2個人是坐4坐位，食個早餐姐唔想頂住架，不過老公今次EQ很好，回了她一句不失禮的說話，哈哈！開始叫早餐了！其實呢度嘅早餐係幾好食架！乍菜肉C米加羅宋湯加羅宋湯係唔洗加錢架👍每次食我都要加嘅！因為配搭味道是好味。雙雞蛋同多士雙蛋必叫，件多士今次細件咗！熱奶茶沙爹牛肉麵老公多數食佢😁雙太陽雞蛋老公喜愛食生蛋😂

去到人生路不熟的明德村, 商場不大, 故食肆不多。見到這茶餐廳, 聽說其在灣仔的分店經常擠滿客人, 想必不錯吧, 即管試試。這店推介其瑞士汁炒河, 所以點了干炒牛河配熱奶茶。奶茶先送上, 心想此食珒有多間分店, 質素理應不俗。立即嘗了一口, 可惜! 雖然這一杯奶茶質感厚, 但不香, 亦只可用一個字形容"嚡"。干炒牛河送到, 第一眼見到的是整碟食物都是很深色的, 可能是瑞士汁的緣故吧。吃下去只是有微微的甜味, 但鑊氣不夠, 牛肉亦没什麼味道, 比預期的失色。以$42套餐價來說, 應該可有其他更好的選擇。 今次對這間食肆的感覺是"好一般的茶餐廳"。

話說呢幾排附近間百分百裝修緊，勁多人都轉投去瑞士食早午餐，人頭湧湧都算啦，佢根本就做唔切，平時早餐都算係唔錯，起碼有個熱多士，煎雙蛋食下，呢兩次去親， 多士凍冰冰，硬繃繃 又散開，擺明係整定晒等人叫。煎雙蛋本身係有蛋黃，juicy, 而家次次都係熟到變左全熟蛋，仲要係濃既，見到都反胃。食早餐係全日最幸福既事，而家做多少少客就攪成咁，退步晒。我寧願等多5分鐘，等你烘多士煎隻熱蛋黎，仲開心過我叫完1分鐘就上菜囉～

3點3黎個下午茶初嚐瑞士咖啡室其實一直都好中意食冰室類既餐廳，但我都係事後先知道原來瑞士咖啡室都係連鎖店，有好多分店，所以吃貨如果真係想食都可以去其他地方試，因為呢間位於屋院範圍，夏天行入黎亦會有啲熱。環境衛生乾淨企理 帶點裝潢，有一幅牆係用麻雀拼砌餐廳名字，令人大為驚嘆，十分有特色！黎食個下午茶，聽到佢茶記個名叫得「瑞士」，專業既吃貨相信「瑞士汁」既食物當然走唔甩，最後叫咗個下午茶粉麵 - 瑞士汁牛河奉送熱飲一杯，而我就叫咗熱朱古力先講佢既熱朱古力：夠味，唔會有溝得太多水而淡咗，正常，加上佢用既係black&white cup set，令飲品更地道於瑞士汁牛河，佢一上枱，我只見到深啡色一碟，其實都有啲搞笑，因為我唔係好見到有牛，點知佢地有保護色！不過牛肉確實係有啲少。瑞士汁香濃，能夠引起食慾；可惜食落口更帶有更大既落差感，因為佢食落唔係好有味道，食到有炒過既味道，但瑞士汁唔算入味我朋友就嗌咗佢地既瑞士汁雞脾食，有食過一啖。雞脾上既瑞士汁同炒河既瑞士汁味道確實有點分別，而雞脾上既瑞士汁比較好，肉同皮都好入味 加上肉質鬆軟，美味整體黎講佢下午茶比普通茶記貴，可能因為連鎖店既關係，建議大家