瑞士咖啡室 (已結業)

當年附近反工，睇住佢開，雖然價錢比出面街貴，但環境ok,又幾好坐同幾好食都周不時幫襯。特別佢個早餐，應該全港得佢咁做，菠蘿油/鮑魚絲通粉/火腿奄列，放假都試過特登去食。N年後，我做左個錯誤決定，就係帶朋友去食lunch . 坐低過廚房無廚師得番碟頭飯。ok,照落單，飯又一舊舊，汁又麻麻，然後扒一塊，成碟野又唔係特別熱…總之後悔。直到今日，食埋曾經迷戀過既早餐，徹底失望。入到間鋪大把位，但淨係開一邊，聲稱另一邊要做清潔，再問多句又話一陣好多人…大姐，朝早1030咋…實情呀姐侍應唔想行多步，weekend想坐下卡位chill 個早餐都唔得。落單又遇著另一個態度差既侍應……終於到左主角早餐上台，兜粉加左肉丁都可以無黎味道，d肉丁又難食，菠蘿油走哂樣，以前叮完都脹卜卜，牛油亦無咁快溶哂，而家見丁都無希望。最後附上收碗碟餐車，離遠見到都唔開胃。工廠區似終都係工廠區，幾靚裝修都無用，可惜！

原來而家好先進，佢哋有手機app可以叫外賣喎～ 叫完外賣可以等手機通知先至落去攞，唔使迫人，最近仲有九折 🤑攞完餐，仲原來儲咗分可以換現金券 😂

成日都聽到佢個名，所以今次就嚟試吓啦！瑞士咖啡廳，果然係有招牌菜如其名嘅瑞士汁雞翼同雞髀，難得嚟到梗係要試吓佢嘅招牌菜啦！🙊😍 佢個瑞士雞翼同雞髀係常餐咁樣叫，好開心佢個面可以免費轉羅宋湯底，開胃好多！當然唔少得佢個瑞士汁雞髀啦！一睇個食水就知道醃得好夠味，個雞髀好Juice，瑞士汁都好夠味！！必試必試！！！尤其是雞翼同雞髀愛好者！佢個羅宋湯通粉都好夠味，直頭可以飲埋啲湯！🙊🙊 另外朋友叫嘅咖喱牛腩飯，味道都不錯👍！佢有得加$8一個小食，但個小食就覺得麻麻地，個雞串個味道有點兒怪不過整體來講都係一間好味同抵食嘅茶記♥️

甘岩係新蒲崗同朋友一齊做野，晏晝唔知食咩好，朋友都唔想諗，甘岩經過呢間茶記，諗住茶記點都唔會伏，就入左去。餐廳環境同衛生情況都比一般工廠區既茶記好，侍應姐姐都有禮貌。由於我非常肚餓，就點左個芙蓉蛋飯，朋友就唔太餓，就揀左常餐—美麗之最，名稱非常搞笑😂芙蓉蛋飯都係一般茶餐廳質素，比較特別既係用左豬頸肉代替叉燒，另外仲有芽菜同火腿，蛋就有少少過左火喉，54蚊係工廠區黎講就唔算好抵食。而朋友叫既常餐就相對抵食d，52蚊包一個火腿通粉、三文治同沙律。

呢幾日早左醒，就同朋友出左去揾早餐食，黎到新蒲崗工廠區附近揾野食，朋友帶我去左一間隱閉茶餐廳，入面既裝修好有懷舊氣息，用麻雀砌成既餐廳名，又幾搶眼我地坐左响卡位，早餐選擇好多，叫左一個全日早餐，有火腿奄列，牛角包好鬆脆，腸仔，豬扒都好大塊，仲有蕃茄同茄汁豆，如果有薯餅就更好，份量都幾多幾豐富，而且價錢唔貴另外，叫左一個雞扒公仔麵餐配奄列，仲有個沙嗲牛肉包，叫左杯奶茶茶走，茶味香濃，煉奶底配香濃茶葉既奶茶，另一杯正常就有少少澀味，沙嗲牛肉包幾大個，之後再叫左碗意大利菜湯既(自家制)通粉，配厚厚既吞拿魚芝士多士，杏霜也不錯。

今日到新蒲崗雙喜工業大廈穩朋友，朋友帶我到一間隱世餐廳，佢話好鍾意來呢間餐廳，夠晒懷舊且抵食。餐廳裝飾好復古，夠晒寬敞。呢度餐牌好特別，光看著介紹都唔記得點餐😂嗌佐一份喇沙肥牛拉麵：喇沙湯底有濃郁啲咖喱和椰子香味，同時帶有淡淡啲甜味，仲有微微辣，好多肥牛，細嫩多汁，入口綿潤，配上湯底好惹味！另一份係茶餐份量都十足，回鍋肉出前一丁配火腿奄列+牛油多士。嗌佐套餐+$8有份小食，招牌瑞士雞翼必不可少，香甜嫩滑多汁。意式香草肉丸：肉丸配番茄醬，肉汁滿溢，香氣滑嫩。

開始左低醣飲食一段時間，都有自己整椰菜花🥦飯食，但出街食椰菜花🥦飯就真係第一次，經朋友介紹，知邊上瑜珈🧘‍♂️課附近有間工廠飯堂有得食，一於順道去試吓瑞士咖啡☕️室係工廠大廈地下，問左地下保安先搵到個正門入口😅好大既一間茶餐廳，枱與枱之間好寬敞，地下又乾淨，第一感覺良好😃坐低就見到好sharp 既餐牌，推介3款椰菜花🥦飯同全日早餐🥣set, 🤣所謂題全早日餐其實即係大份啲多料啲既早餐3款椰菜花🥦飯我揀左最清個款 - 蛋白炒椰菜花飯配雞扒，無揀另外兩款有汁既椰菜花飯，想試下佢清炒係咩味個椰菜花飯來到真心surprise, 想像中既飯係細細碗，但實物係好大碗，比平常既飯更大碗，食落去亦好好味😋，椰菜花無草青味，打得夠細夠碎，真係好似食飯，食得好安樂，塊雞扒就中規中矩瑞士全日早餐又係食肉獸既朋友，有大大塊豬扒，法蘭克福腸，火腿炒蛋，茄汁豆，兩大塊多士，食完可能真係夠頂全日😆追加左兩枝炸蝦🍤棒同意式肉丸🍡，又係幾有驚喜炸蝦🍤棒一定係即炸，食得出脆脆的，粉漿厚薄適中，來貨唔錯☺️☺️意式肉丸🍡既肉丸好juicy, 個意式汁漿亦好惹味去茶餐廳點少得叫杯茶走，呢度既茶走令人眼前一亮🤩無量溫度，滑度，茶味都配

同阿女去完興趣班，轉入雙喜街，門口細細有間裝修懷舊，地方闊落，光亮又乾淨。服務員勁好禮貌。最近的健康飲食節目都有介紹低碳飲食， 以白椰菜花切碎當飯粒，變成「飯非飯」。估唔到依間餐廳都有。👑龍蝦汁海鮮燉白椰菜花飯🤩白椰菜花，本身只含很低嘅碳水化合物，同時具有大量的維他命B同埋礦物質，口感喇就有少少似白飯🍚，但係又無澱粉喎，會算係非常適合係控制吸收碳水期間用嚟做替代🍚😉🙌，對我黎講簡直係一大喜事。🦞大大啖海鮮， 大蝦碌，蟹柳粒 ，小帶子，青口🦐配上椰菜花飯，味道極佳之餘，仲含有多種維生素、鈣、鐵質等等。午餐有三個選擇,($49-53), 凍飲加3蚊選擇了葡汁燴雞扒飯或意粉($50)

餐廳入口轉左係巷仔後面, 有指示帶路, 都唔算難搵, 平時係隔離打完波就可以過黎呢度醫下肚, 今次就叫左個xo雞扒炒公仔麵, 一黎到已經聞到好香既xo味, 雞扒都算多, 而d麵唔會太淋身, 我個人鐘意食比較硬食少少既麵!

呢間位於新蒲崗嘅🇨🇭瑞士咖啡室🧐入口極之隱蔽😂，要朋友仔帶路先至知點樣入到去🤣！今次下晝來係食下午茶🫖，下午茶餐款式十分之多🤩，呢度最出名嘅係瑞士汁🤤我就梗係要試吓佢嘅瑞士汁雞髀🍗再配迷你西多士😋。瑞士汁好香甜，係一貫嘅美味👍，不過雞髀🍗肉質就比較腍同霉，唔夠爽口彈牙🙈。至於西多士，外皮🔥炸得好香脆😍，加上大大塊牛油🧈同埋糖漿，真係又肥又好味🙈！

Lunch time 同同事鬆一鬆，決定一行三人去一轉瑞士咁話！呢間餐廳係同事既飯堂，我係新丁當然一齊要去食好西啦！原來招牌菜係瑞士雞翼，等我試下先！呢個好邪惡😎個XO醬味都幾出，而且個麵夠香口，雞翼都無令我失望

2020年開工第一餐，食餐好嘅~第一次去搵呢間，個門口都幾隱蔽，但入到去就知內有乾坤雖然呢度出名食瑞士汁，但同同事揀咗午餐“蒜茸汁西冷牛扒飯”，同埋“男人浪漫” ，聽個名都知勁同事食“蒜茸汁西冷牛扒飯”($47)，可揀意粉的~(目測是幼身意粉)。佢話個蒜茸汁好味，塊牛扒都好大塊，我食咗少少都覺得唔錯👍🏻，整體係好評。我就揀“男人浪漫”($52)，跟菠蘿油(可選熱狗)，實在比個名吸引住就試一試🤣果然無改錯名，真係啱男人，份量好大，除咗個菠蘿包唔夠鬆軟，同埋豬扒太淋之外，其實係抵食夾大件。至於飲品就叫熱奶茶同熱阿華田，正正常常吧～今年嘅開工第一餐總算安全，平穩渡過今年要繼續順利!

懷舊咖啡室，係裝修好特別，好有舊時咖啡室嘅氣息牆上面掛咗好多特別嘅畫，有白飯=靚仔，好鍾意依種風格。每次黎都會食佢嘅金磚，又厚又高嘅金磚加埋煉奶糖漿，超好味！金磚入面花生醬均勻，唔會淨係得面包！配埋杯熱奶茶，美好的配搭😋

黎到呢到,無理由唔食佢既招牌呀麻。瑞士雞髀配一丁。雞髀真係掂當!夠香之餘入味,D肉一咬就開,又夠嫩口。岩晒老虎心水。其他野食中規中矩,唔算係好特別。火腿奄列﹑肉丁通粉 + 沙嗲牛肉潛艇。沙嗲牛肉潛食左兩啖唔多想再放入口,個麵包就微溫,頂你個沙嗲牛肉凍嫁,明係整好'不'落去,真的不了。環境幾舒服,唔洗同人迫。一大班人都唔怕無位坐,大檯細檯卡位咩都有。瑞士咖啡室整體評分 7.0 /10推介:瑞士雞髀👍👍👍👍👍(五分滿)老虎回頭率：🐯🐯🐯🐯

【美味的熱狗】$25 大大件熱狗飽, 即磨咖啡, 可能係最理想的早餐組合 香港人公事繁忙, 作為奴工的我們每天都要為3餐勞動, 然後, 早餐吃什麼? 又不想太熱氣, 又想有菜果, 【可能是理想的早餐, 熱狗包餐上線了 】熱狗由長條型的包組成, 微烤, 腸仔是比較長的, 裡面有少菜, 蕃茄,少少的腸包, 菜肉都有, 再配以香港人最喜愛的 即磨咖啡, 香濃的咖啡味, 面有一層薄厚的咖啡油, 最重要是, 上餐快, 也鄰近地鐵站, 方便上班族.全圖文詳閱：   聯絡我們 ： chinchichia@yahoo.com.tw吃貨人 : 子哥哥 @ https://www.facebook.com/PHOTOPPPPP