瑞士咖啡室 (已結業)

瑞士雞翼撈公仔麵🍜 $42雖然見到都覺得肥 但係真係好值得去試下😂🙈有兩隻雞全翼 包保你一定飽😝瑞士雞翼好入味 甜甜地😋😋倒埋啲瑞士汁去撈公仔麵 好邪惡但係好好味😍😍呢到仲佈置到好似舊式茶餐廳甘 好特別😚

瑞士咖啡室... 當然先試有瑞士汁的食物。瑞士常餐 (有瑞士雞翼意、火腿奄列加多士)：瑞士汁超級麻麻，雞翼煮到骨肉分離，買相幾多分不用多講。雖則煮到爛晒，但居然唔入味，只有個皮有些微瑞士汁的味道....知道不應與太平館的相比，但我覺得自己用「撑艇仔」牌加冰糖加酒整都要比他好吃！瑞士炒牛河： 個汁真的too sweet，只得甜味，牛肉被鬆肉粉「醃」肉無肉味，係全無肉味。有超強的中伏感！要數一分錢一分貨嗎？ 新蒲崗區有許多價廉物美的餐飲小店，這間咖啡室...失色！

啲態度差到不得了，我打電話外賣自取，要腸仔熟旦，點知俾左火腿旦，諗住要佢換啦，幾個職員都係咁眼啤啤，黑口黑面，激到我差啲想吾要，恰我大肚婆無下次！俾錢買難受！！

走咗去瑞士咖啡室食個靚午餐，例牌就叫咗佢個 瑞士汁牛肉炒河，d汁味好濃郁,又炒得好香勁好味。我朋友就叫左個瑞士汁雞肶，同埋西多士，水準都好平均，唔錯唔錯，啲奶茶都幾滑。

今日早上先去新蒲崗開工，沿大有街匯豐銀行側邊條橫街行，就見到有間瑞士咖啡室，就係呢度醫肚先。店內冷氣足夠，估唔到星期日都甘多人食早餐，我還是選擇外賣自取回公司食。我揀左(E) 牛油多士，司華力腸，太陽蛋，榨菜肉絲米粉，飲熱檸茶牛油多士夠厚，可惜唔脆。因可能自取焗林左，多士烘烤不會過濃，牛油搽得比較少，冇左牛油香味，但亦較為健康。太陽蛋還暖暖地，不會油淋淋。司華力腸已切成三舊，都是暖暖地，外表唔覺似有煎過，切開左較易咀嚼，不會好鹹。炸菜肉絲米粉都算大碗，炸菜幾多，肉絲比較小，米粉爽身，不會浸到漲大，湯底小小鹹，嫌唔夠辣，加左一包辣椒油，現在夠辣和惹味。熱檸檬茶，檸檬片有3片，檸檬片浸耐左有苦澀味，茶味還可以，最後要加糖中和苦澀味道。

在等小友興趣班下課期間百無聊賴之際，口痕走進去這所所謂的"咖啡室"內消磨一下時間...."咖啡室"走的是近年極流行的彷懷舊冰室的裝潢路線。但說實在，其餘的一切一切，包括食物及擺設的陣容，都是和一間尋常的街坊茶記無異....很快不久之後便要吃晚飯，能點能吃當然不會太多。簡簡單單的來一份油占多，加上一杯熱鴛鴦，份量就剛剛好....油占多最大的問題是烘得不夠鬆脆，包身內部也是死實實的；其次是無論牛油以至果占醬的量也是太過溫吞完全有到喉唔到肺的感覺。一片"油"至到"占"也塗得不多的多士，基本上是可以不理的....呷一口熱鴛鴦，熱度未夠之外最重要是存在著一股小弟一向在咖啡類中很怕遇到的酸味....這一杯東西，跟前述的多士一樣，同樣亦要被foul出局....又進到一間只得軀殼而全沒內涵的所謂冰室，今天的食運真是不濟....

星期日的假期早上, 一定選擇自然醒, 真是最好不過! 剛剛發現還可以趕上在十二點前到瑞士咖啡廳吃過早餐, 這是我認識中難得的一間茶餐廳 早餐可以售至中午12時! 非常適合我這類香港人😜。來瑞士咖啡室當然要喝學咖啡, 選擇了菠蘿包的早餐, 而這個菠蘿包並不是我喜愛非常脆的那一種, 但他是小時候常吃鬆軟的那一款! 也應該有很多捧場客!至於火腿鮑片通粉, 就是我喜愛那種煙韌鮑片 通粉也軟硬適中, 主要夠熱是我的喜愛!一邊歎著晚到還來得及的早餐,一邊看著餐廳內特別的裝修擺設,彷彿進了童年的香港, 就是一個假期的開始, 正!

今次係我既同事帶我去食午餐，我叫了一個咕嚕雞球飯，一杯凍檸茶，價錢係39+3蚊，可能價錢唔算高，所以質素唔好，雞球炸既生粉好厚而且硬，啲配菜(青琡)係好爛，凍檸茶加到3蚊都係好細杯，冰多水唔滿，13:00去食都好似想趕你快啲走咁，坐既空間和通道係足夠，應該可坐100人，佢個門口係常開，可想而之空氣質素有幾差，坐近門既位一定食塵，個老細用“瑞士咖啡室“非常之唔配，應該改用飯堂

一行12人星期六下午5時10分進入， 店鋪大， 那個時段約有6張枱有客，非煩忙時間， 很多空位，不用等待。店内只有4人卡位及小型4人圓枱， 那就希望合拼2張小圓枱加一張卡位。可惜店主大聲說一句話「唔合得」。那我們就算了， 各自各坐點餐。首先下單一碗雪菜內絲麵，侍應回答冇， 再點肉丁麵， 又話冇， 侍應就話冇炸菜， 冇豬扒， 最後唯有點了餐腸麵，味道正常! 另下單3柸凍檸茶，一柸少冰少甜。首來兩柸正常凍檸茶，一分鐘後待應拿著柸少冰少甜。 那柸凍檸茶與正常一樣冰量甜度，跟本沒有分別。 另一張台點了招牌瑞士雞翼及雞脾($34/隻)，味度不錯，色澤可以。我門點了油占多，奶油多奶醬多。份量可以， 唯烘底時間不足， 太軟身。食了約20分鐘， 侍應就話5時半截單， 唔收order,但餐牌寫明至6點, 沒有機會再點單。 食到5點35分右， 收銀直接來走來收單收錢，食物還未食完。總結:招牌雞翼雞脾可以，其他食物較一般茶餐廳差，價錢中等, 唯服務態度甚差。

現在天氣開始轉涼，相信好多客人都會選擇熱飲，呢間茶記落單跟餐飲，一定要同一時間落埋，講明要熱飲，轉頭落單，唔得；叫理飲咩，遲啲先起，唔得；間嘢冷氣又唔係細，食得餐杯嘢凍鬼曬。

早前看到超過2千人團購了這家店, 所以便跟著人潮而買了4張團購卷, 決定找個有空的週末跟家人一起去嘗試看看:-)首先, 大門口真的很不顯眼, 而且門又一直關著, 真的很容易就走過頭@-@;; 因為大門沒什麼特別, 所以就沒拍了^^;;進到店內, 第一時間吸引到我的, 正是牆上很大個白底綠字的店名" 瑞士咖啡室 "。走近一點看才發現原來是用麻雀拼湊出來的。感覺很有趣, 但也同時覺得應該很重, 萬一不小心掉下來, 坐在這邊的客人真的有麻煩了。為當天是買團購票的, 所以不用特別點餐, 只需要給到團購列印紙就好了。但在等待餐點出來之前, 我跟家人還是有拿起他們的餐牌細看了一下下。價錢和款式方面跟一般茶餐廳真的是沒兩樣。研究完餐牌後發現餐點還沒有上桌呢, 所以就到處看看這家佈置得像香港舊式的茶餐廳, 冰室之類, 牆上還貼著很多大大小小的茶餐廳用語標語牌作裝飾, 希望多點有趣和有種懷舊風味。可能現在不少茶餐廳都走這種懷舊復古風, 所以這到這一家店時就覺得還好了, 沒什麼特別的大驚喜了。但我個人對這種復古的店有不錯的印象了, 因為可以保留香港舊有茶餐廳是一些特色和文化, 但又改善了從前舊式冰室給人們

獨自去開餐，呢間食店門口有點懷舊味道，入到去望望，70年代嘅裝潢，環境都好舒適，牆上掛左D70年代廣告設計嘅畫同埋其他特色掛畫，可以算係呢區比較見得人嘅餐廳．過左LUNCH時間都依然有好多人，我叫左芙蓉蛋飯，味道一般，反而咖啡比較好飲．

是日公司就要搬家了，最後一次係新蒲崗吃的係瑞士咖啡室，其實到打食評先知，新公司附近都有一間，滴汗...好啦，都既然要告別，就試試他們的午餐，今次叫左個午餐，是茄汁既牛肉粒飯，味道真係OK，份量對女仔黎講真係大左少少，D茄汁唔酸，有點甜，而牛柳粒唔韌，幾有嚼口，仲要有D菜送，有顧及我們的健康，又可以中和下汁濃的咸感。我諗下次去新公司附近間瑞士都可以再試下吃唔吃得番呢個味道，不錯。

囡囡興趣班下課剛巧下好大 ... 好大雨唯有去食個下人午茶避雨星期日都有下午茶餐 ... so good 囡囡點了份好高卡的下午茶餐 ... 瑞士汁雞肶配金磚金磚就是西多士，裡面還夾了花生醬這個組合好正呀!!!雞肶和西多士都是下午茶想食的，真是好難揀 ... 這份餐就可以一次食哂兩款喇飲品揀了熱檸蜜 ... 因為這兒的檸蜜不須額外加費，其它食店都要加費，好抵飲的而我揀了豬扒包配薯條 + 熱奶茶豬扒包都不錯，如果加多點洋蒽仲好味囡囡今日好好胃口，連我份薯條都食埋 ...** 以上分享以我的口味、喜好和情況作分享，一試 / 合用與否請自行決定

有一日見到團購有優惠，咪用信用卡買黎食，呢間瑞士咖啡室係公司附近，大概行10分鐘就到，好近而下午的時候個個番緊工都好忙，而我們公司食飯時間比較自由，所以我們就下午的時間去吃都無問題。已經唔係第一次食呢個雞翼餐，因為係之前有少少不同，除左價錢平左之外，今次D雞翼比起上次來說，用瑞士汁滷得比較入味，用叉輕輕力一推一拉，就可以起到肉出黎，一點都失儀態，而且味道更濃左，甜甜咸咸的衝激，整個口腔總是瑞士汁味道，要吃兩口雞翼加一口公仔麵去中和咸味。個蛋也煎得不錯，能保持水準也很難得，火腿的份量也沒有減少到，整個餐團購22蚊，實在抵食！