瑞士咖啡室

營業中

休息中

今日往葵涌瑞士咖啡室食下午茶, 我點了芝士火腿西多士配凍奶茶。芝士火腿西多士, 多士好厚, 炸得金黃, 食落香脆, 入口不會感到太乾和太硬, 口感軟綿, 西多士配上牛油食落香滑, 糖漿甜度濃郁, 火腿咸度適中, 食落惹味, 整份芝士火腿西多士份量十足, 口感豐富, 每一口都食得感覺飽滿, 而不會感到油膩；最後凍奶茶茶味香濃, 奶味香滑。餐廳座位闊落, 食物份量十足, 價錢合理, 食了一頓好味下午茶。

同朋友食lunch大家都叫常餐 一個瑞士雞髀 一個瑞士雞翼配米粉 出前一丁瑞士雞翼同雞髀 好入味 但肉質完全唔老👍🏻👍🏻試左朋友既米粉 好後悔叫左出前一丁呀下次再食要叫米粉牛油多士 係厚麵包 再加火腿奄列

今日係公司吾係好肚餓冇食到晏就就求其叫左啲野食，見瑞士下午茶幾平就叫喇，我叫左份芝士沙律蛋多士，好似好正甘，等左一陣先到，我滿心歡喜以為好正，點知原來佢得半份 ，我以前會有兩件，佢蛋沙律又小，以前會多好多，縮哂水，勁失望，雖然味道正常，都好食，但分量小d，如果想食兩件米要40幾蚊，好吾化算啊

越做越無心機做，服務越黎越差。沙律蛋芝士多士我諗住都穩陣，會用芝士舖面焗，點知。。。。上次食沙爹牛肉潛艇已中伏，諗住今次既多士穩陣，點知。多一次機會變成多一次失望。同最初既瑞士真係差太遠。

今日早左起身，有時間食個靚早餐，悠閑經過瑞士咖啡室，叫左個五香肉丁米粉，腸仔煎蛋多士好多五香肉丁呀，米粉又夠滑，唔會好硬不過好多油奶茶幾香同滑飲完唔會鞋口！腸仔蛋多士，多士唔夠脆林既不過算啦！埋單$34 好抵食！

瑞士茶餐廳完全就係我哋返工嘅蛇竇今日想同大家介紹嘅係..差唔多每個禮拜都會食一次嘅瑞士雞髀加炒蛋因為呢個餐我覺得真係好好食，價錢亦都好合理首先因為瑞士茶餐廳唔係好近地鐵站，所以我諗嚟得呢度食嘅都會係喺附近返工嘅人：）唯一嘅唔好處就係每次食完個身都會好大油味尤其是如果你坐近得廚房嘅話講返呢個茶餐先，佢嘅雞髀係瑞士汁雞髀做到好林好入味，大細亦啱啱好！另外個炒蛋因為係我走咗火腿。都炒得好香滑，不過油左少少。但係咁嘅價錢我覺得呢個質素嘅茶餐廳已經好值得返轉頭啦！

平時食lunch，好多時都會去食哩間冰室，變左我既飯堂👍 咁鐘意食既原因之一係12點前仲可以食到早餐~ 早餐超大份 - 極品一號 都只係36蚊，見到周圍好多人都有嗌！早餐有大湯碗火腿鮑魚片粉麵，可以揀通粉、米粉、麵等等，仲有得揀清湯或羅宋湯，食完碗粉麵都已經飽左8成😅😅 我每次都食唔哂啲粉麵，真係有少少浪費！另外，仲有火腿絲奄列同巨型大熱狗，火腿奄列有蛋汁幾creamy，熱狗有有一半手臂咁長，真係好誇張，食哂成個餐真係飽到上心口😅😋😋

同朋友係附近睇工作室，順便傾計～見到尼間茶餐廳個名好似唔錯，就入去試下。一入到去間店，覺得好大，但見到又冇咩人，總覺得係伏。。。之後，我地選左個隱閉位～朋友選左黑淑牛柳飯，賣相唔吸引～但食落Ｄ牛肉，又幾好食呀～唔錯，好淋～好入味。另外兩個朋友都叫左蝦芝士伊麵（好似係咁叫），都好入味同不錯～不過食食下會覺得好流～份量都很多（忘記影相）由於我之前食左野，咁我唯有再叫小小野食下～我叫左個奶油多，和我平時食既唔一樣～都係果句，賣相差Ｄ，但食落去好好食啊～望落去多士好像是軟，但食落去是脆的，再加埋練奶，很好食啊～我超喜歡～～而且都飽肚～（唔想食正餐，又想食少少野，我推介食這個）話說有侍應落錯一杯野飲，佢地原本覺得有Ｄ不可思議，但之後佢地都肯比番岩我地～ＰＳ。果然食野係唔好睇表面，味道才是重要～這間會再幫襯～加油～

可能係全葵涌甚至全港服務態度最差的食肆，店員態度極差，全部黑口黑面，暴力派餐具，好似客人殺佢全家一樣，特別係收銀個兩個女人，又串又冇禮貌，多謝都冇句都算，問佢少少野直頭當客人係仇人一樣！堂食冷氣超大，等人食完好快啲走，啲食物一陣就凍晒，點好食都冇用啦！坐多陣隨時感冒！仲有，要客人調位搭枱，直接搬走客人餐具強制轉移，問都冇問，唔該又冇！間野本身已經貴，俾錢食飯仲要成肚火，講真，係香港我真係未見過服務態度咁差既食肆！Fine，反正我唔食大把人食，不過我肯定唔會幫襯。我覺得呢間野簡直係香港服務業之恥！服務一分我都嫌多，應該負分！

之前食過早餐唔錯，好大份好飽，今日黎食晚餐，平日時間，唔多人，叫左豉椒牛肉炒麵，等大約二十分鐘有得食。碟野一見到已經覺得好食，食落真係脆卜卜，好好食👍🏻👍🏻👍🏻👍🏻👍🏻 下次都會再黎，仲見到原來可以打邊爐。

想有美好的一天，最重要食個“正”中餐。呢個早餐我已食了N次，每次入到去，好自然就叫左，大腦小腦都無用到多士，可以任意選2款醫。奶醫多，對我黎講是天長地久。還要是厚切的多士，口感更佳。腿通粉改為意粉，最重要是湯底。識食一定要改，我推介羅宋湯底或蕃茄湯底。兩款都好好味，今次叫了羅宋湯底，超多料。see給了多多的洋葱，紅蘿荀，菜。湯底味道濃郁。可能只是做湯底，食不到有牛肉。飲品叫了熱華田。大大個早餐$28不得不提呢到的裝修，是懷舊feel 冰室，有時電視台會借黎拍野。係咪有d熟口熟面呢瑞士咖啡室, 差不多十年前已係長沙灣幫襯。茶記當中，算是出色和有heart因為是工廠區所以星期日和紅日都休息，平日也没有做晚市。

閒來經過位於葵涌分店，一試招牌食品之一瑞士汁牛河，先被賣相及香味吸引。一放入口，牛肉雖有點韌，但勝在有肉汁，而每一條河粉到滲透了瑞士汁，味道剛剛好，十分味美，要讚

要食一個合格的基本早餐，真的不容易。瑞士呢度可以講係標準，好好食就唔敢講，始終不能相比高級的食材，但比起好多工廠區的茶記，已經係超班。多士係暖嘅，餐肉煎過，炒蛋都可以，不過可以多半隻蛋就更好啦，沙嗲牛肉都唔太差，有D味又未致於太咸，飲品正常。

簡單的東西永遠好難做得好食??公司下午茶，order 過幾十間餐廳，我常常都要同一款食物，蕃茄芝士多士烘底，試過不同餐廳同一款食物都不錯，只有這間做得最難食，包不但不脆，芝士冇味，整個包濕, 對比之前係其他餐廳 order 今次令人超級失望既下午茶個餐仲要成27蚊, 不再回頭再試

吸引我來瑞士咖啡室下午茶的原因, 正正是其懷舊茶餐廳的裝潢。很大的一個蛇竇每個角落也做足, 很有懷舊 feel。懷舊地磚2:00pm 開始有下午茶供應餐牌上大部分食物分正價及下午茶價, 就啱時間就梗系食下午茶抵。餐飲 ~ 奶茶奶茶香濃滑口, 茶膽夠濃, 飲完有掛杯情況出現。瑞士雞全翼茶餐 ($31/連飲品)瑞士雞翼浸得剛剛熟, 非常滑溜, 瑞士汁偏少許鹹, 如能減少鹹味增加加點甜味, 平衡番味道就更加正。枝竹火腩飯茶餐 ($35/連飲品)男人的浪漫, 枝竹火腩飯。枝竹火腩比飯還要多, 火腩香口唔太肥, 啖啖肉, 幾好食, 個飯汁就好一般, 寡寡的, 不是我愛那味兒, 真系唔明點解男人咁鍾意食呢啲碟頭飯?