瑞士咖啡室

營業中

休息中

最近我在瑞士咖啡室嘗試了他們的日式咖哩牛柳粒飯，真是一次令人驚喜的美食體驗！這道菜的牛柳粒非常夠多，讓人吃得相當滿足，而價格僅為 $53，實在是非常抵食。牛柳粒煮得恰到好處，外焦裡嫩，搭配上濃郁的日式咖哩，味道十分豐富。咖哩的香氣四溢，與牛柳的鮮嫩相得益彰，每一口都是享受。而且，這份量絕對不會讓你失望，讓人有飽腹感。總的來說，瑞士咖啡室的日式咖哩牛柳粒飯是一道性價比極高的美食選擇，如果你正尋找美味又實惠的餐點，絕對值得一試！

呢間位於葵興貴盛工業大廈嘅瑞士咖啡室 已經喺葵興好多年 入面寫住只招待大廈員工 但其實佢都只係一間普通茶餐廳 任何人都可以入去 一推開門 就會發覺入面嘅地方非常之大 而且佈置都幾特別 幾有懷舊嘅特色 座位就好似一般茶餐廳咁 係有少少迫但係還可以啦 我幾喜歡佢嘅早餐 早餐嘅種類有好多 你想得出嘅都有 無論係正常嘅港式早餐 三文治 還有啲特色嘅多士 我最鍾意食佢嘅 吞拿魚撒蛋多士 再配杯 熱奶茶 真係一絕 另外佢嘅午餐亦都有好多唔同嘅選擇 例如會有粉麵啦 會有一般嘅 炒粉麵飯啦 又會有一啲特色嘅咖哩 其中有一個叫牛魔王咖哩飯 辣辣地 幾特別幾好味㗎 佢嘅價錢唔貴 我自己覺得佢畀茶餐廳略為平一啲添 但係食嘅種類就有好多 味道亦都唔錯 喺葵興返工 食呢一間 係一個唔錯嘅選擇

之前食佢嘅瑞士雞全翼撈公仔麵好好食，今次想試吓其他，食清淡少少就叫咗個// 美麗之最. 意式雜菜火腿通粉 配烚蛋沙律 加雙拼三文治冇諗過個火腿通粉係用羅宋湯做湯底，超抌本，超好食！！！啲通粉完全唔係平價貨，係會有咬口同好掛到湯、廚師仲煮得勁完美，唔會太腍，食到最尾都唔會吸晒水發脹。嚟到俾個雙拼三文治嚇親勁大份但係個三文治勁有誠意，係厚切麵包再加超多餡料！叫咗鹹牛肉同蛋沙律兩個唔同料強烈推介大家要+$2 烘底，完全係會食到外脆內軟！(圖中今次我係冇加烘底，但食唔晒攞咗返屋企焗返=烘底，係爆炸好食！下次一定+$2)另外想講佢杯熱杏霜少甜花奶，超 好 飲！！！必定encore!!!Ps 特別想讚吓個女侍應，我見沙律入邊有好多炭屎黑點，相信係師傅切蛋嘅時候把刀冇抹乾淨而導致，所以叫侍應換過新嘅，佢真係繁忙時間都認真處理，態度良好，換咗新、乾淨嘅蛋沙律謝謝你

工廠大廈餐廳沙漠中，竟然有一間好出名嘅茶餐廳分店，一嚟到門口就已經好多人不斷進出，中午十分繁忙，過咗12:30基本上都要等位。入邊啲姐姐好似打仗咁，腎上腺極高，好繃緊，但令到啲座位去得好快，好快就可以入座。食物種類選擇多，份量正常多，招牌瑞士汁雞翼超級入味，必食！其餘餐水準都不錯，可以分幾次輪流試食。// 瑞士雞全翼撈公仔麵瑞士汁雞真係招牌，見到佢嘅顏色，就知道啲雞全部都浸得好耐、超級入味。味道唔鹹偏甜，瑞士汁用嚟撈公仔麵真係好好食。啲公仔麵煮得剛剛好，唔會太淋、滰得乾身，完全俾你用原汁原味嘅瑞士汁去撈公仔麵，呢點超加分。加上仲有丹麥多士同埋炒得好靚嘅炒蛋、火腿，食完超圓滿。// 碎蛋牛角包牛角包嘅賣相可能會勉強，但係食落都係好鬆化，有空氣感。合格啦！碎蛋中冇加入沙律醬，完全原汁原味地放上牛角包，令到邪惡感減少！

每次星期六瞓晏左又想食早餐, 就會去 瑞士冰室，早餐由7:00am-12:00pm, 去邊到搵呀！當brunch超值今次點了雪菜肉絲米, 奶醬多士(加4元)及熱奶茶熱飲是比一般茶記大杯, 奶茶合我口味 雪米唔會鞋口,煎蛋正常不油終於發現自助點餐好處, 這系統可選多湯,少湯, 奶茶可選茶味濃啲..等,減少人手出錯 雖然地點較隱瞞, 但環境整潔, 唔會擠迫感,早餐選擇多跟餐有丹麥多士, 另可追加小食, 味道不錯, 出餐又快, 職員態度ok, 整體感覺良好, 會再來

4點幾先放飯,近近哋,去咗瑞士咖啡室,因為職員要埋數,所以先埋單,之後放低電話喺櫈,返到公司搵唔到電話,最後記憶喺餐廳用過,再打自己電話係冇人聽而唔係唔通,第二朝打去餐廳問,收銀姐姐話經理見部電話,感激你幫我先收起,我相信你不會要報酬,我已經代你捐款,功德回向你🙏🏻

第一次去這間懷舊香港特色茶餐廳，我哋五點幾去，好彩去到有位坐，唔使等。我哋諗住簡簡單單食個下午茶，所以兩個人叫咗腸仔麵🍜、火腿奄列配多士、凍咖啡🥤、西多士配瑞士雞髀🍗😋！講真，其他食物都係正正常常，冇乜特別。我最欣賞個西多士配瑞士雞髀！！瑞士雞髀熱辣辣，鮮嫩多汁，又好入味🥰yummy好耐冇食過西多士，覺得零舍好食😆聽講間餐廳都好多年，我第一次嚟。其實我好少食茶餐廳，覺得都唔錯呀！就寫個食報同大家分享吓

今日一大清早同另一半出到去葵興去搞證件，所以就喺附近食埋早餐。今次嚟到瑞士咖啡室嗌佢地嘅：1）沙嗲牛麵，炒蛋丹麥多士，熱鴛鴦 ⭐️⭐️⭐️⭐️ / ⭐️⭐️⭐️⭐️⭐️2）吞拿魚烚蛋多士，雪菜肉絲米粉，熱奶茶 ⭐️⭐️⭐️⭐️ / ⭐️⭐️⭐️⭐️⭐️早餐俾坊間嘅平，但唔代表冇質素，沙嗲牛麵嘅牛肉有口感，雖然沙嗲味唔係特別濃烈，但個人而言朝早食得淡味啲反而唔錯，丹麥多士比起紅茶嘅來得出色，無烤過龍。多士亦都炒得唔錯，唔會因為太生而有啲水。本身係叫咗鴦走少甜，但黎到嘅係鴛鴦🥲因為另一半唔舒服嘅關係，所以就嗌咗吞拿魚烚蛋多士加個雪菜肉絲米粉，烚蛋有少少過咗火候而令到個蛋黃有少少黑邊，但整體配上吞拿魚醬都好多色，好多時出面嘅雪菜肉絲都係基本上無肉絲，但起碼今次呢個細細碗都食得出肉絲嘅口感同埋雪菜嘅香味，因為都食到好飽，所以佢都飲唔晒杯奶茶。埋單兩個餐$68，我同另一半都覺得性價比好高，始終呢間茶餐廳定位係附近工廠大廈嘅人士，所以定價都比出面偏低少少。環境方面係啲開咗幾年冰室嘅容貌，feel到有啲歲月，而服務我個人嚟講覺得唔錯，問佢地攞杯水同紙巾等，都唔會因為朝早就西口西面，比起紅茶已經好好多，所以經開附近可以去試吓。😉

First time to visit Kwai Hing and I will be stay for a week for business reason. My first impression of Kwai Hing was a food desert😂 but after few days of my trip, I have found these local feature style Cha Chaan Tang which is quite representative in Kwai Hing industrial area. FOOD- I have ordered the signature dish for lunch. The regular meal set portion has absolutely surprised me! And I love how flavourful the juicy chicken wing with the strong taste “Swiss Sauce”. Omelette is really good, I

中午時間好多人下，瑞士咖啡室出名瑞士汁，自己就鍾意食雞髀🍗多過雞翼，鍾意佢啖啖肉，所以決定食經典瑞士雞髀通粉配火腿奄列+牛油多士$57，見佢有得免費轉雜菜湯，為咗均衡飲食，當然要轉啦，嘢食好快上枱，火腿奄列啲蛋比較薄身，多士都酥脆，雜菜湯底嘅通粉幾正，份量也不少，湯底少少辣，但唔會搶喉，幾惹味，溫度又夠熱，至於隻雞髀肉質鮮嫩，唔‘鞋’口，瑞士汁入味，的確係好味的，服務就一般正常茶餐廳水準服務，冇咩特別，整體來講係不錯.#瑞士汁#午餐#lunch#雞髀#🍗#chickenleg#蛋#奄列#通粉

中午比較多嘢做，你說落公司樓下簡簡單單買個星洲炒米，呢間野度食咩我通常都唔會行常餐/午餐，我比較鍾意嗌啲炒麵食，因為佢係即叫即炒，雖然等得耐少少，但係起碼啲嘢食熱辣辣係好食既。 外賣份量適中，但通常堂食就會多啲嘅同埋大份好多，但要趕住做嘢所以都外賣算了😂

好有懷舊特色嘅茶餐廳，裝飾融合港式文化，店內設計幾吸引我～由麻雀🀄️拼成嘅店名招牌，好特別😆⭐️陳皮鴨腿湯飯🍗 $55上枱時熱辣辣，鴨腿比想像大隻，鴨肉嫩滑😍湯有冬瓜、冬菇、杞子、陳皮等等。材料養生，湯好清甜，帶有少少陳皮香味，好正👍🏻⭐️鰻魚炒滑蛋大碗飯🐟 $52鰻魚好大條，魚肉質好滑～蛋口感綿滑，蛋香味突出。醬汁偏甜。整體質素高😋⭐️熱奶茶☕️奶茶香濃細滑，鐘意佢唔會有苦澀味。整體食物質素有誠意，性價比高😋👍🏻

係工廠區入面，一個不顯眼的入口，一入去見到懷舊的茶餐廳風格，好似返左去廿年前的香港！今次想食返佢最著名的瑞士雞翼餐！ 但可惜原來呢間無瑞士雞翼撈麵餐。 今次就食佢的瑞士雞翼公仔麵餐啦上餐速度好快，落左單後五分鐘內上齊曬所有野原全係高效率的荃餐廳！瑞士雞翼入味，肉質軟滑，一個餐仲有四隻雞翼，絕不弧寒公仔面湯底好味，令人會想食曬所有雞翼同麵個常餐仲有埋炒蛋同多士，炒蛋香滑👍🏻 凍檸茶都好飲，檸檬新鮮。55元(凍飲加左3元)可食到個高質常餐，絕對係性價比高的茶餐廳！有機會會多常來。

而家周圍食嘢都貴有時想平平哋食個晏晝下午茶都起碼五六十 今日去開葵涌區工廠大廈附近攞嘢 見到之前都有食過嘅連鎖茶餐廳印象中呢度係抵食夾質素好 所以入去食個晏晝慳下錢印象最深刻係佢杯凍奶茶好好飲所以今次唔例外都叫咗杯凍奶茶奶味好濃經典港式奶茶味道嚟到一定要試吓值得一提嘅係過咗晏晝時段嚟呢度有下午茶 價錢可以話非常之抵 XO醬豬扒炒公仔麵 🍜 $45因為下午茶食啲原價$55仲減咗$10 價錢都可以接受食落去豬扒份量好多而且吵到好香脆 加埋公仔麵吸晒豬扒味 唔怕邪惡嘅話都真係幾惹味！鮮茄焗芝士豬扒飯 $50嚟到豬扒嘅份量都幾大 值得一讚嘅係佢嘅豬扒全部都剪到細細舊一啖一舊好貼心鰻魚炒滑蛋大碗飯 $42因為下午茶時段減咗$10變咗$42其實都幾抵食 鰻魚一大塊來講出邊餐廳都起碼六70 鰻魚飯表面鋪滿左鰻魚汁 用嚟送飯都幾開胃 總括嚟講呢間茶餐廳都幾有港式味道地道得來價錢唔算貴而且食物質素幾好都推薦大家多啲嚟幫襯支持下本地文化

今日去葵興果邊報名上堂，附近都係工廠區，以為星期六冇咩餐廳開，估唔到有間瑞士咖啡室，可以食個brunch，飲番杯茶餐廳奶茶。見到Menu 有新推出白椰菜花飯系列，感覺幾新鮮，零澱粉質，決定試吓龍蝦汁海鮮燴白椰菜花飯。雖然賣相普通，但椰菜花嘅口感真係好似白飯，有飽肚感，食哂成碟都冇罪惡感。加埋青口、鮮蝦、蟹柳，好豐富。另外叫左All day breakfast, 個牛角包鬆脆，滿滿牛油香，配埋大大塊Juicy香煎雞扒、香滑奄列同法蘭克福腸，大滿足！仲可以加$8 有兩隻招牌瑞士雞翼， 超入味。