瑪麗醫院職員餐廳

營業中

休息中

好味多料 保持水準的大理米線中午遇如常黎到瑪麗醫院嘅職員餐廳。等位需要職員證，但依然都有好多人嚟食。出名嘅一定係米線！但是，因為香港天氣濕熱，所以我慣咗唔食辣。叫咗碗大理米線。材料豐富，同大型連鎖店譚x米線吾同，美膳閣既米線有有酸菜，非常開胃。主菜有3隻雞翼，外加香菇片同肉碎，好滿足啊。米線非常彈牙，食既過程，一啖米線，一啖清湯，非常潤喉。

其實queen marry hospital 職員餐廳嘅tea我覺得係幾正，一黎唔係好貴，二黎味道又唔錯。我點左一份蜜味腸配蘿蔔糕下午茶餐，加左1個炸菜肉絲米粉，再加左一隻炸雞肶都唔洗50蚊。蘿蔔糕係蒸嘅，都幾健康，不過我就中意點啲辣椒醬，蜜味腸就有3條，份量又唔算好多，不過幾脆皮同埋幾多蜜糖。至於炸雞肶，就真係比我想像中好好多。雖然望落去好似炸得好老咁，但係食落外脆內軟，肉汁都幾多，係新鮮岩岩炸岀黎，真係好抵食！

難得放假就去左瑪麗醫院等家姐放工😛因為早到左，所以就搵個位食下野飲下野等因為本身係約左家姐接收工之後會再去食飯，所以好求其叫左個豬扒包頂下肚餓就算諗住叫個豬扒包大路d伏極有限。。。點知係伏到痴線個包就好鬼厚，但係件豬扒就好薄，個豬仔包亦好乾😞豬扒個汁又唔夠，塊豬扒又唔juice，見到坐隔離嗰個人食緊沙律，好似好鬼正咁，就有d後悔叫錯伏野下次都係叫沙律穩陣d

這個職員専用餐廳，是大家樂之外的選擇。裝修得很豪華，用的食具也常常換款。唯獨是餐牌實在是十年如一日，對於我們在這裏工作了十多年的朋友來說看見都算很悶。不過有人serve，味道也可以，也有點欣慰。

玩味西多士:簡單d講就姐係西多士加d朱古力醬上面, 塊野厚就夠厚但係真係好細件, 食4啖就食晒。朱古力醬冇乜朱古力味, 但係我問counter攞牛油同煉奶, 佢都話冇, 咁當一件本身冇味既西多士, 加左d冇乜味既朱古力醬, 咁就梗係唔係幾夠味啦。但係好彩塊西多都算麵包多過炸粉, 咁加埋杯野飲20蚊度, 作為一個小食既下午茶, 都算合格既。

This is a classic dish that originated from the canton regions of China and is consumed by a number of people even today in Hong Kong. It is a very fulfilling dish that eaten by many for lunch or dinner. Whilst I did not find it a fascinating dish, it was very satisfying and deeply enjoyed it. The classic dish is a perfect blend of perfectly steamed chicken with the delicate seasoning of soy sauce and spring onion- ginger oil on top of a moist bowl of rice. I do not feel like this dish reached t

今次寫的是K2瑪麗軒職員餐廳, 今年裝修後門面靚左好多, 扮水晶燈, 大班椅, 有枱叠, 枱上有枝花, 但內裏仍然是大XX飲食集團包辦, 連侍應有時也會兩面互用的.返九五的同事平日午飯時可以先訂坐, 夠鐘就入去食, 可是前線的醫護人員有幾多可以話準時放食飯? 金科玉律是有得食好食, 千祈唔好覺得唔餓就唔食, 因為下一分鐘不知會發生甚麼事.本人星期日也要返P, 才會落得清閒在開工前來食個午餐, 只有星期日公眾假期才不用等位.坐低先會有個包, 然後有四個餐選擇, 今次叫了甚麼雞柳配意粉, 可以選餐湯或沙律, 熱飲.由於假日的同事不太多, 雞柳是即煎的, 明顯好食過K1快餐部那些硬的, 意粉也硬度適中.最重要的兜沙律, 平日自己裝沙律吧, 假日已裝定幾碟, 一個餐配一碟不用自己裝. 話沙律最重要, 因為周時返兩三日工係醫院訓埋, 帶唔得咁多生果返工, 蔬菜纖維就得要在這裏攝取了.

覆診後下午茶油占多&雪糕紅豆冰油占多即叫即整,醬還算足夠,牛油配上多士吃下口感覺是軟軟的雪糕紅豆冰不俗,奶足夠又不過甜但紅豆雖多卻不夠淋- 3-覆診醫肚--媽媽餐不過職員餐廳平過平民餐廳

QMH K 座一樓的食堂, 我們的同事簡稱它做”K one”, 大部份同事都選擇它作午飯的好去處, 因它位置方便, 食物選擇多; 但壞處是人流極繁忙, 經常”人滿為患”,就像醫院的急症室/病房一樣。在擠迫的環境看了看餐牌, 我選了是日的即炒牛肉鳥冬配羅宋湯, 收銀員熟練地操作收銀機; 我付了款, 拿了票, 在櫃台前等候;即炒的粉麵飯須等候約10分鐘, 我拿了食物, 便到職員區找個位置坐下職員區約於3年前重新裝修, 換掉了舊式快餐店的裝潢; 現時, 這裡有舒適的沙發卡座配襯較為昏暗的光線, 感覺有點兒像 café ; 但不變的是食客, 以教授, 醫生及護士為主, 繁忙時間和其他職員”搭枱”是必然的事說回食物: 鳥冬的麵粉質感強, 份量多, 很飽肚;牛肉軟腍但肉汁一般; 羅宋湯顏色鮮紅, 配料豐富, 包括紅蘿蔔, 西芹, 棷菜及蕃茄等, 茄膏香味濃烈, 酸甜開胃, 但味道偏辣和其他職員一樣, 我急速完成午膳便趕回工作崗位, 沒有閒情逸緻欣賞餐廳外薄扶林一帶的海景