瓜破 (非門市)

營業中

休息中

由朋友介紹認識這網店蛋糕。已光顧3 次了！第一次是時結婚前，諗住送一些特別的餅給同事，想起瓜破。看到有獨立包裝的蛋糕仔！就決定要了。他們是西尾抹茶金磚及朱古力金磚，太耐之前無影低，上網自己睇啦。同事個個都話好味，味道好真，甜味剛好。第二次慶祝朋友生日，這是「茶」！味道口感很豐富，朱古力，紅豆，抹茶。我們十個人分，一人一份西餅般大，剛好不會太飽！因為已食飽晚餐。第三次就是訂了蛋糕慶祝老公生日！「豆」！很正很正很正，老公想食豆腐味好耐，我偷偷訂了，把另上的濃濃芝麻醬自己畫上。豆腐及芝麻慕絲，仲有黑豆！真的好像食豆腐的口感。好好味！我倆分了幾餐食都唔悶！他的蛋糕外表靚，切開食落就看到試到那細緻😊

之前前買過幾次都好滿意。今次姨仔生日。老婆訂左個芝士蛋糕絹。好滑又唔會太甜的忌廉配上一點紅莓醬。溝埋個細滑香濃嘅芝士蛋糕一齊食。真係好好味。成家人都好啱食。會再encore價錢方面唔算貴。

又到了小弟的生日日子, 這幾年自從認識了瓜破後, 已經好少再在外面甚麼酒店試訂新野, 一來太過貴二來唔一定係自己杯茶, 始終出咗名嘅餅師又加埋貴租金,人工燈油火爉樣樣都係成本, 平平地約四百鬆D一磅的蛋糕唔算貴, 只是物超所值啫, 太座同我都欣賞瓜破的味道, 手法, 甚至做型, 做型方面一半簡潔一半繽紛, 而今次揀的就是這個裝飾得繽紛奪目的”M”, 傳統的配搭: 黑巧克力配覆盆子,青檸慕思夾於杏仁蛋糕之上薄薄的一層, 只能單獨吃那青檸慕思才感覺它的存在, 杏仁蛋糕亦是通常那種薄至一張咭紙的厚度, 層次好分明亦睇得出每一層刎得很平均, 手工相當精緻, 餅面的裝飾跟相片一模一樣, 完全沒有失真, 味道方面因為係巧克力慕思即使係黑巧克力做的慕思也不會吃得太膩, 覆盆子的酸亦剛剛好配合到黑巧克力的少甜, 整體很溫和, 配一杯手沖咖啡將會感覺寧靜

今次買了名叫「奏」嘅蛋糕。（伯爵紅茶朱古力 x 牛油忌廉 x 朱古力杏仁蛋糕）這是送給父親來慶祝生日的。一擺入口，紅茶味就向口腔曠散，感覺好似置身花田咁...苦中帶甜，有少少酸，又有少少苦得濟...........總之味道好複雜!如果要我比喻嘅話，食完嘅心情就好似蝴蝶向蒲公英叢入面.要比喻呢種心情真係好難啊，再講，個蛋糕真係好好食，我好鐘意呢種味道。尤其係啲香味四溢嘅伯爵紅茶，同其他配料都配合得天衣無縫。D杏仁蛋糕同埋最上面層Cream，滑中帶脆，脆中帶滑。好評!

知道這個蛋糕店，是老媽介紹的，之前屋企人生日，買左個綠茶味嘅蛋糕, 我覺得幾好味, 但係媽咪就話太甜. 到今年媽咪生日, 就特登揀個應該岩佢口味嘅蛋糕比佢, 就係"豆"啦. 好老實講, 個蛋糕真係好岩我口味. 之前食開其他蛋糕, 美心又好, 東海堂又好, lady m 又好, 食頭個幾啖真係好好味, 但之後就會開始覺得有啲漏. 但係豆依個蛋糕就完全唔會. 一咬落去係好清新嘅豆乳香味, 之後入面嘅抹茶蛋糕同埋黑芝麻慕絲都係好香, 但唔會好甜, 成個口感綿軟輕盈, 入面亦會有煙韌的黑豆, 豐富返個口感. 簡單黎講, 真係好少食到個好味, 但又唔驚會漏嘅蛋糕. 我會比滿分哈哈. p.s. 不過我好肯定, 如果食慣大甜嘅朋友, 應該會覺得唔夠喉 

可以上網訂蛋糕其實係幾方便. 但 payment 就有點混淆, 個裝蛋糕做唔到信用卡折扣係無問題, 但是否只接受單一銀行既信用卡付款呢. 網站搵唔到答案🤔 唯有選現金交易. 職員準時到達交收.有禮有耐性👍🏻 蛋糕連冰包同保冷袋. 真係好細心. 下次訂購自備保冷袋仲有回贈添. 既可環保又有優惠雙贏👏🏻👏🏻蛋糕外型靚兩層色夠特別. 層次分明多重口感. 名牌寫得好靚.但略嫌蛋糕唔夠軟屬比較硬身, 紅桑子味好出. 下次想試下個裝蛋糕😋

常言道,生日每年僅有一次,何不大肆慶祝一番,然後每當生日,總是對生日蛋糕的問題感到煩惱,在雲雲眾糕中選出適合一群人口味的,著實不易,從朋友口中聽到這間糕餅店,很受時下新一代所歡迎,故而一試到貨時員工客氣禮貌,並耐心說明貨品內容,值得一讚。回到家中,打開包裝,看見的不只是蛋糕,而是固中的心機,我認知的蛋糕普遍為5-6層厚,而此蛋糕卻7-8層,可見其心思,蛋糕的設計亦頗有創意,絕非濫竽充數之作。言歸正傳,說到蛋糕的味道,本人十分滿意,我所選擇的口味以綠茶和巧克力為主,巧克力不會有膩口的感覺,淡淡的綠茶與巧克力的味道合在一起不會有絲毫突核之感,朋友們都大讚味道可口。如無意外應該會繼續幫襯。

從這裡訂太座嘅生日蛋糕已經是第二年了, 今次選了”儂”因為想吃巧克力蛋糕, 這是一個以巧克力牛油餅底, 冷凍時吃比較硬實, 巧克力濃度未算最高亦唔覺得苦, 但內藏丁點兒的酒香櫻桃碎要很用心品嚐才能感受得到, 酒香櫻桃碎跟裝飾用的那兩粒是同出一徹的成品, 不過蛋糕面那兩粒酒香櫻桃則完全令人陶醉其中,淺啡色焦糖白巧克力忌廉又是功力所在的地方, 有焦糖味再加上白巧克力通常都會過甜但這忌廉沒有! 整體味道平衡恰到好處只是如果蛋糕內的酒香櫻桃碎再多一倍可令人更感覺到主題又或者加一層櫻桃醬在任何一個層面上,將會更好效果, 但無論如何以現在的價位,論質素又是這樣的高真教人佩服的是那份堅持/ 誠意, 反觀現今大集團式流水作業式生產的蛋糕都收呢個價, 而那些稍為有名氣的café內賣的兩啖size甜點蛋糕, 郁下收客人$40以上, ****選擇瓜破是自己對那份堅持自我的支持! ****

話說兔小妹工作的公司，幾乎每到星期五，都會有各種理由派餅，為大家製造Happy Friday~ 今日，因有同事快要結婚，大派嫁女餅~ 換言之，又有好吃的~!這次的甜點，是來自一間叫 “瓜破” (Patisserie Uriwari)的網上餅店。盒子打開，賣相非常吸引!! 顏色鮮艷，造型還很別緻有特色~ 兔小妹三心兩意，每件都想試，就和同事開心分享~先試人氣的 “戀” ($36)。 由紅桑子慕絲所做的心型外層，包住香濃的朱古力忌廉。慕絲口感鬆軟，甜酸中帶有可可的醇香，忌廉中的朱古力脆脆依然香脆可口，感覺很light~抹茶控的兔小妹，又怎會放過另一大熱 “円” ($32) ~ 粒粒紅豆藏在清新的抹茶慕絲中，再淋上黑糖蜜，三者味道突出，但又不會互相爭搶風頭，配合得天衣無縫。再試另一個抹茶甜品 – 京 ($42) ~ 透明的小杯子裝著厚厚的抹茶白豆蓉，底下有脆香金寶粒，紅豆蓉和煎茶朱古力，就如一杯迷你芭菲，口感極富層次，唯略嫌味道有點偏甜。最後試新品 - 砂 suna ($38)。以黑糖啫喱和焙茶慕絲作底部，茶香中有點點的清甜味，口感幼滑細緻。上層的栗子蓉，淋上香味濃郁的黑芝麻醬，再灑上富日本

公眾假期去中環食生日飯，真係唔知買乜蛋糕好，因為紅日未必間間都開同就近食飯位置。之前都有見瓜破係openrice賣廣告，佢無門市，但有得送貨（指定地鐵站加$10），都係2百幾蚊個，買個東海堂都要呢個價錢。上網落單都好方便，第二日都有人打黎confirm order，到取貨日都有交帶打黎2次double confirm時間及取貨地點，重點係唔駛限住幾點前要過數去蛋糕店，可以取貨時先比現金。我揀左個Saki，有香梨慕絲 x 焦糖慕絲 x 香梨果凍 x 香梨果粒 x 玉桂蛋糕，個蛋糕外表好靚，白朱古力塊印滿可愛圖案，食落都好味，香梨層啖啖都有梨粒，而且中和左焦糖慕絲果層既甜，只係最底層既蛋糕有點鬆散，不過整體都好好，下次可以再試另一d蛋糕！

由去年至今年總共吃了兩次,AUG 2015“和” 論外型,顏色清新可愛, 成品也跟照片9成以上接近! 亦跟主題的”和”很貼題, 一見這簡潔純白外型很不聯想到”東洋”,Topping忌廉唧出的波波尺寸全部一致, 忌廉是超輕盈口感, 甜味近乎有與無之間, 德島和三盆慕思甜味偏淡口一點,但組織是剛好挺身不會一回室溫就開始潟身那種, 黑糖蜜寒天是一片輕輕的薄啫喱片,要嗒真個黑糖味可能要兩片先感覺到, 綠茶慕思有色亦有味, 可能同和三盆慕思的淡味成一對比, 放置最底的脆餅底一點也沒有輸給上層的慕思, 你是會感覺它那丁點的脆脆口感, 以這價位$250左右算是物超所值了!FEB 2016“真” 論外型算是有一點花款,亦嘗試以最真實嘅材料呈現眼前, 顏色選用了一個比較暖的一中間”灰”色, 但個人感覺灰同栗子的啡配合起來有點生硬, 而師傅的真實世界是否充滿了灰色那又是另一種演繹了!栗子忌廉跟朱古力慕思兩樣都可以平衡配合, 京都可可蜜食咗都唔知, 沒太大驚喜的一個栗子蛋糕, 但亦是完全合乎標準的一個蛋糕, 始終師傅手藝是屬於少有的超高,

聽聞最近火紅的是瓜破，網站的照片都拍得超美，選了好久，決定試一試「咲」！在地鐵站交收，店員笑容可掬，很有親切感，還有冰袋和冷凍包附上，非常細心☺️咲是香梨mousse/jelly/果肉/玉桂幾層疊成的，切開時層層分明，吃時卻融合得很和諧，清甜的梨香加上淡淡玉桂，最重要是甜度適中！在座的男士都讚好味！

Delivery is very on time! Thumbs up!Stored in a cool looking bag with ice. Packaging is so stylish! Plus plus!!This is a sake chocolate cake. Well the sake taste is not very strong. But the chocolate mousse inside is extremely rich. Except the cake bottom is a little bit soaggy. Will be better if it is a crunchy bottom.So many flavour available, will definitely order again next time!

二零一六年目標，搜羅好吃好正的，跟大家分享，充實寫文章的生活。今年拜年不頭痛，上年新年要買的都參差。今年吃過這家瓜破曲奇，思華說要加單，一口氣與教會的弟兄訂購十盒，遲些才取貨。有甚麼特別？味道是特別，至少咭仔介紹的素焚糖沒聽說過，玩味和風，最愛蜜柑紫薯。味道真實，紫薯是先牛油後出味，不是香精那種騙人刺鼻。是難得有心思，總好過原味朱古力，思華也這樣說。包裝也和風，喜愛很簡單，一切也配合很好。原本可以送一盒給素素姨姨，可惜已不在了。新一年，要習慣新開始。

媽咪不太喜吃甜食, 不喜吃cream, 鏡意夾好多水果, 連鎖個啲佢話無新意但是生日唔可以唔切蛋糕, 諗咗好耐, 醒起呢間網店, 就睇下有咩啱啦. 一click 入去就見到呢個紅當當的節日限定 "願", 睇介紹話一層柚子慕絲, 一層 現在好hit 的半熟芝士, 一層檸檬忌廉和白朱古力脆脆, 出邊都唔見有呢個 口味的甜品. 即訂, 星期日晚上下的 order, 星期一晚上已有 confirmation. 收到實物, 跟網上相片一樣. 咬一口, 先食到以為係好 soft , 好似流質的 New York cheesecake, 但沒有很漏的芝士味, 水果味較重, 係檸檬的果味, 嗒耐D, 有淡淡的柚子味係口腔內. 食多幾啖, 食到D脆卜卜, 可體會到另一種 口感, 蛋糕外, 食到D柚子皮, 原本好抗拒食到生果皮, 但D皮唔苦, 可接受. 成個蛋糕好 fresh, 很水果味的, 不太甜, 連阿媽都 like. 蛋糕上的裝飾是白朱古力, 可食, 但不突出,　無味, 可能我不喜歡 white chocolate.