甘味讚岐手打烏冬

營業中

休息中

今天到銅鑼灣逛街，剛好想吃蕃茄湯底的食物，就選擇了甘味讚岐手打烏冬店。.可能因為平日的關係，人流不多，不用輪候即可入座。在餐牌上點了一個薄切肥牛蕃茄烏冬，朋友就選擇了照燒雞扒手打烏冬。.蕃茄湯底味道濃郁，但略嫌微酸，肥牛生熟的情況剛剛好，配上番茄湯底，簡直絕配。讚岐烏冬爽口彈牙👍🏻👍🏻👍🏻，一人份量剛剛好。.朋友點的照燒雞扒配上燒汁👍🏻👍🏻👍🏻,雞扒亦煎得香脆。雖然烏冬湯底一般，沒有特別之處，但雞扒賣相和味道亦可加分。

一直以來教十分鍾情於蕃茄湯底，今日同埋寶寶出街，佢地餐廳有提供bb櫈就入左黎食喇。店員好快就拎左bb櫈比我地，同時提醒我地可以把餐枱移近寶寶，防止寶寶跌落地，十分貼心。我點左牛肉蕃茄湯烏冬牛肉唔會太過肥，唔會太過韌，剛剛好。湯底唔會太酸，味道剛剛好。餐廳環境都唔錯，枱與枱之間唔會太擠迫，空間感好足夠。

8:00入座8:05order我地兩個人叫左煎餃子芝士年糕比目魚烏冬雞扒烏冬炸魷魚鬚煎餃子唔熱嘅，同埋作為一個日式餐廳佢冇辣椒油⋯⋯炸魷魚鬚港式茶樓用萬年油炸好食過佢D粉好硬冇香味芝士年糕係cream cheese...不過okay既雞扒烏冬的雞扒勁雪藏味到最後比目魚烏冬，8:25都仲未出現，我朋友個雞扒烏冬已經食完執埋走追左佢一次都八點半都仲未見到，佢話比目魚要耐啲8:30同佢講取消，佢就話俾夢雨要燒所以要耐D叫我比2分鐘佢，之後到咗我又唔覺得有啲咩咁驚為天人需要整咁耐，啲肉都幾鞋呢間野可以永久blacklist

農曆新年前莉莉子當然繼續又行街又食飯銅鑼灣晚市時段每間餐廳都大排長龍，都唔知揀邊間最好🙄 口淡淡既莉莉子決定要食返d酸味味既野，最後就揀左主打濃郁番茄烏冬既「甘味」啦一入餐廳，莉莉子就俾佢既眼花繚亂既餐牌嚇親，感覺太多選擇🤦🏻‍♂️唔知選邊款好，最後揀左番茄雞扒烏冬同墨魚餅沙律。番茄雞扒烏冬味道當然仍然非常好味，烏冬真係超級彈牙，而且由於番茄湯底好濃郁關係，齋食烏冬同湯已經覺得好夠啦最後陪上好脆口既雞扒，真係100分滿足至於墨魚餅沙律，配搭既千島醬非常惹味，莉莉子食極都未停到口，更加更加重要既係$40蚊但沙律份量好多嫁，兩個人都夠哂皮

今日係宜家買野買耐左，行到友人都收工了！行得耐腳仔又軟又肚餓，所以友人就話唔好行咁遠啦，過去對面皇室堡揾食啦入夜天氣有少少凍，我又無著䄛，真係好想食又熱又有湯既野食LOOK一LOOK OPENRICE就決定去食甘味啦其實幾年前有一排我都好熱愛去甘味。因為當時未咁HIT食讚歧烏冬，邊似得依家係超級市場都有得買烏冬呀我唔係一個會為左揾食而捐窿捐啦OR靠飲食雜誌去揾食既人黎，所以甘味呢類既連鎖店就好岩我胃口啦唔知係咪晚市既緣故，今晚既甘味好少人，大把位㨂。而且餐廳無播歌，只係一D客人既傾計聲，十分寧靜。銅鑼灣咁嘈，仲以為D 餐廳都會有好多人TIM！咁安靜既餐廳同友人傾計都方便D。今日我同友人都叫左蕃茄烏冬， 佢叫左吉列豬扒蕃茄烏冬，我就叫左麵豉雞扒蕃茄烏冬因為晚市無餐既緣故，所以係無跟餐野飲的。不過有部份特價壽司同埋小食，仲有優惠價配飲品首先上既係友人既吉列豬扒，因為太肚餓啦所以我偷食左一舊吉列豬扒岩岩先炸起，好熱好辣口！不過呢個豬扒炸得有D乾，D 炸漿同邊邊位炸得有D 乾同埋豬肉既香味唔夠吉列豬扒既質素好普通，我唔會特別推介。相反麵豉雞扒就好好味，我會推介大家去食麵豉雞扒好香麵豉既味道，不

去完工展會，係附近近近地食d野。自從屯門間甘味執左，我就無再食過喇，今次嚟皇室堡就想試下喇。叫左雞扒手打讚歧烏冬，雞扒另上，食落唔係好熱，我就浸佢落湯等佢熱返d。雞扒皮煎香左，肉都好滑，而且五舊都幾厚，夠曬數蕃茄湯好似太多茄膏，酸得濟烏冬仍然係好彈好好味天氣乾我係咁飲茶，店員好好，自動自覺，一見我飲兩啖就幫我加，加左四五次，我都唔好意思再飲

抵食得黎又好味既日本餐廳🍴上次同fd黎食 嗌左幾樣主食同埋小食 全部都整得唔錯🥰🥰-自己就嗌左個蕃茄🍅湯底烏冬跟炸豬扒 個湯底都勁濃勁香蕃茄味🥰🥰 炸豬扒就不過不失啦🥳-而朋友們就嗌左牛肉飯 鰻魚飯同埋軟殼蟹便當 可能隔離飯香既關係啦🤣 覺得佢地嗰d好食d🥺🥺 鰻魚飯同牛肉飯都整得幾入味 軟殼蟹便當嗰隻蟹仲好大隻添🙈🦀 而且佢價錢都幾抵食👍🏻 嗌埋啲小食同朋友share 又可以食到好多嘢又唔貴gdgd🤘🏻🤘🏻-

星期六銅鑼灣下晝睇完醫生，對我呢個九龍人嚟講難得過到海冇理由咁快走嘅，死都行夠同食埋晚飯先走啦！同朋友食飽咗下午茶，到差唔多九點冇理由唔食晚飯嘅，行到皇室堡，間間食肆都要等位，上到樓，呢度同隔離兩三間冇人排，就揀咗呢間。橫掂九龍區食過都唔錯又耐冇食同朋友真係唔多餓，於是叫咗一碗烏冬，一個小食，同一碟壽司就算 (加$15有杯嘢飲㗎！不過只限叫一次)首先杯飲品到，我朋友飲嘅，巨峰提子梳打，我本身對對隻提子冇好感，不過都啜咗啖，好香提子味，唔假，梳打都好夠氣。我朋友讚嘅！再嚟小食，係雞軟骨，好熱，炸得剛剛好，因為佢話係黑椒嘅，所以好香，但唔辣！好味。跟住係個烏冬，蕃茄湯底吉列豬扒烏冬，個湯底超濃，我覺得好飲過尖沙咀某餐室嗰個，酸酸地，勁開胃。塊豬扒炸到好熱，好脆口，好正。加埋個烏冬唔冧，真係好得！最後嚟就係碟壽司，雜錦壽司，有兩隻我同個朋友都唔知係咩嚟，請原諒我哋孤陋寡聞，不過食落幾好味，件件都細細舊，一啖放哂落口，醋味剛剛好，魚都算新鮮，OK啦！我哋想再叫甜品，一嚟個胃冇位裝，二嚟人哋收十點冇時間，只好下次再食啦！

今日朋友想食麵，上網搵左這間餐廳無太多人，好快搵到位套餐好多選擇，唔知食什麼好啦蕃茄豬軟骨手打鳥冬（$62）好難食啊，豬軟骨非常鹹，直情用鹽煮熟蕃茄湯汁帶酸，鳥冬滾熟完全唔入味食到三種味道打晒架，邊食邊生氣，超級想投訴，普通茶餐廳都好食過它我有俾朋友試，佢都話好唔掂啊麵豉燒雞扒蕃茄湯手打鳥冬 （$60）雞扒香脆但好大陣雪藏味，鳥冬滑但淡麻辣湯雞串鍋燒手打鳥冬（$60）雞串系香，但湯汁混合魚湯味，朋友覺得難食，又麻辣又腥味有餐飲送，可以加小食

滄海遺珠！原來有幾次的飲食經歷未同大家分享，便從甘味開始吧！在年頭1月左右，記得同朋友剛好在銅鑼灣辦完事，見大家都肚餓了，便在皇室堡覓食，見很多食店門外很多人等位，我們只想醫肚，發現甘味有位，便決定入內食飯了！其實，雖然有位，但也差不多坐無虛席了！看見餐牌，價錢在銅鑼灣來說算是可以接受。朋友病剛好，於是叫了個鰻魚柳川讚岐烏龍$72；我叫了麵豉燒雞扒蕃茄湯讚岐烏冬$62（兩個都是不包飲品，但有茶供應）。先是朋友的鰻魚柳川讚岐烏龍端來，大家滿以為$72鰻魚烏冬，應該是分開另上，但原來只得數片很薄的鰻魚在烏冬上？！朋友請了一片給我吃，口感只屬一般，心裡很為朋友不值！但到我的麵豉燒雞扒番茄湯讚岐烏冬上桌，只是相差$10，但我的雞扒是一碟另上，而且蕃茄烏冬也很大碗，味道和口感很正宗，不算差呀！但始終朋友的鰻魚烏冬為何又少？口感又差？還要比我的貴呢？真的耐人尋味？

去完維園睇燈飾 又要係銅鑼灣覓食 夜晚8點半左右 大部分餐廳都唔係太需要等位 見到有甘味 中等價錢 就入左去食🤓吉列豬扒讚岐手打烏冬 $58本來想嘗試蕃茄湯底 不過想清淡啲 就揀左清湯！ 清湯都好夠味 食到用魚淆制 亦都唔會太咸！ 烏冬普普通通 不過都好彈牙 有咬口！ 反而吉列豬扒就出左事😭 炸得太厚粉 而且一咬落去成口油 同埋都偏乾身 如果選擇其他配料會更好 份量方面 都算岩岩好！ 價錢方面 係銅鑼灣夜晚覓食 我諗呢個價錢應該都算係唔太貴既餐廳！

環境3分：正常日式麵店格局，舖位大又唔迫，正常三分。衛生3分：地方幾乾淨，餐具响曬枱自己拎，有紙巾任用，都係正常三分。服務3分：人人都係填紙落單，全餐零對話，哥仔快手快腳，正常三分。味道1分：1)     個讚岐手打烏冬呢就好彈牙，但係個湯淡某某，要扣一分。2)     壽司拼盤有八件，份量就有，但係質量就麻麻至極，最正常竟然係個假蟹柳，舊吞拿魚同蝦最唔好食，帶子同三文魚都過得去啦，但一定唔畀得高分。3)     個麵豉湯咸到呢，加水都沖唔淡，再扣多分。抵食1分：七十幾蚊食個壽司烏冬午餐本嚟就算正常價，但係唔好食到唔想返轉頭，一定唔抵食。

曾經講過不再食甘味，因為對上嘅經歷都不是那麼好，今日因爲其他地方都多人，唯獨佢唔洗等位，所以都冇計。今次分別叫左牛肉鍋燒烏冬同滑蛋猪扒撈烏冬。先講前者，哇個師傅睇黎好忙，忙到連調味嘅時間都冇，先飲啖湯，完全冇味，最後要落豉油至於d牛肉，一黎肥肉略多，二黎好韌，整體一個字，差！烏冬就正常。而至於後者，唉，前後2樣野食相差成15分鐘先上枱，點搞呀！我知撈或多或少都有湯或水，但似乎真係多左d。猪扒同烏冬都尚算可以，不過已經彌補唔到！甘味，唉，真係冇下次了，怕！PS. 有個男員工不停上錯野，記錯枱號。

今日終於考完試，所以要食飯慶祝，朋友特別推介甘味，就特登黎左銅鑼灣午市套餐選擇幾多，有烏冬、壽司、刺身飯等等，附送餐飲雞扒番茄烏冬$56甘味既番茄烏冬好出名，算係招牌菜用上讚歧烏冬，有彈性又滑，番茄湯濃雞扒煎得香脆，剪成小塊易入口，肉質軟嫩，又唔會太油膩烏冬配壽司拼盤＄68有吞拿魚、三文魚、帶子、蟹棒、加州卷等等，算幾鮮甜，但壽司飯略為鬆散角切魚生飯＄68有多款魚生，包括吞拿魚、三文魚、貝類，配上青瓜、玉子同紫菜算係幾豐富，都幾新鮮，配料分量亦頗多，都幾滿意！

係中央圖書館聽完講座後,行過黎搵食.. 大家都想輕食,. 因為都夜喇. 8點幾. 搵到呢間望落唔錯, 就入左黎~都好多野揀~~~ 選擇困難症又出現~15,16 咁最後揀左一牛一雞既蕃茄湯SET DINNER~牛扒都算唔錯, 係日式既牛扒STYLE~有燒汁咁~ 唔會乾~個湯底唔錯, 超濃~~~ 係我中意既味呀!!同埋烏冬都唔係頹烏冬黎既~~~ 真係日本STYLE 滑滑烏冬~雞扒較乾身, 不過就燒到個皮好脆~好香口~~~平平地都可以一戰, 同埋我地都係第2ROUND 先黎到, 唔會有人等位. 我地都坐左好耐係度吹水~~~ 正呀!!!因為一個個卡位, 私隱度充足~