甜心鮮果園

營業中

休息中

炒冰: 好好奇什麼是炒冰, 原來不是炒出來的, 而是一塊冰磚!!! 凍冰冰的,真的很消暑! 味道就一般啦。雜果jelly: 大大碗幾抵食, 亦足料, 我們叫老闆拿整罐淡奶, 他們都肯, haha, 味道ok廚竹雞蛋糖水: 裡面真的有一整隻烚蛋! 不過腐竹還腐竹 , 糖水還糖水, 證明火候不足芒果腸粉: 椰汁腸粉, 茫果做餡, 大大碟, 芒果份量亦足, 味道ok

吃過午餐或晚飯，總會或多或少想吃個糖水或者甜品，尤其吃過煎炸香口食物，總會吃個滋潤糖水潤一潤，但是今天午餐沒有吃煎炸食物，不用吃滋潤糖水，但是卻來一個甜品，或者是透心涼的消暑方法。走到元朗另一邊，亦是覓食的好地方，在元朗廣場再行過一點，有間不起眼的甜品店－甜心鮮果園，在下經常都會行到那邊，卻不發覺有間甜品店，這甜品店以鮮果做的甜品作招來，於是入內試試。店子不大，卻有兩個舖位，入內時剛好有幾枱食客，於是在下想都不想就點了一客芒果卷，亦即是芒果腸粉呢！不消一會，芒果卷便送上來，碟上共有三條芒果卷，並已經平均切好一粒粒，粉皮上加上了芒果汁。吃一口用蒟蒻做的粉皮不硬，煙靭度適中，粉皮包下的芒果肉，酸甜度適中，不會太甜或太酸，味道中規中矩啦，不會特別好吃。在下沒有點炒冰，原因就是怕吃了後，凍到頭到痛埋，哈哈！

食飽飽搵甜品,朋友話呢間野出名到爆,就試試叫左個芒果炒冰,腸粉炒冰係一舊長方形的物體,筆落去好似雪芭,入口即溶,有甜甜的芒果味,但我最不喜歡甜野所以覺得一般,如果可以做番酸少少先似芒果味(可能佢D芒果太靚)腸粉一樣,比較甜,粉皮應是用椰汁做,我最驚是椰,所以有D灰(口味問題)值得一試!但不合我口味

食完個雞煲已經很飽，但因為濃味，就想食下d 清新既野去中和一下。叫左個生果拼盤及芒果炒冰。大概係太口渴，個小小既生果盤就極速掃哂，個炒冰先來...本身想整成生果炒冰架麻!依家始終唔係芒果既季節...(除左澳洲芒!!! 但小店又點會用到澳洲芒呢....都係呂宋芒)所以呢...芒果味都唔係好重既，作為中和之前食既濃味雞煲，算係咁架喇!

芒果炒冰:$30一個芒果長方形嘅東西攪到我好想試下，佢上面放左三粒西瓜，好得意！吃落去粉粉地，D芒果甜甜地，有D似雪條!香蕉炒冰:$30顏色冇芒果禁吸引，不過都好有香蕉味，但係都係芒果好味!

同一班親戚去食甜品,好耐冇食過喱間,出名係炒冰呀。芒果炒冰,好耐冇食呀,睇落好似舊香梘,食落口感好軟滑,幾有芒果味,好透心涼呀。榴槤炒冰,比較細舊既,有薯片伴食,可能因為裝飾既,好香榴槤味呀,口感一樣咁好軟滑,...幾好食。芒果腸粉,腸粉夠滑,芒果又夠甜唔錯呀。蛋糕,睇圖以為好大個,實際上好細呀,係普通既cream cake,隻兔子好攪笑,味道一般呀。夏天食真係好正呀。

一班朋友心長水遠來到元朗，帶他們去吃炒冰。之前看甜姐兒介紹，已心思思想來試，現在終於有機會了甜心鮮果園在元朗廣場通往西鐵站的天橋底下，門外有一大塊炒冰招牌，不難發現。原先我以為可以見到師傅炒冰的過程(類似HOLLY BROWN炒雪糕)，誰知工場是不開放的，不過可以聽到炒的聲音。點了兩款芒果名物，阿姐上糖水十分快，坐下落單不久，就速速上桌：１.芒果炒冰：外形像一個磚頭，上面放了三粒西瓜粒，顏色鮮艷，賣相吸引！質地看來結實，吃落粉粉的，倒像是吃雪芭。每口都像是喝芒果汁，不過不太酸，甜甜滑滑的，稱不上很美味，但一試無坊。份量不大，$30在元朗區不算抵食。２.芒果腸粉：芒果腸粉反而份量十足。芒果腸粉以蒟蒻和椰汁製成腸粉皮，每一條腸粉都包有厚厚的芒果肉，再淋上芒果汁，吃落啖啖肉，入口盡是芒果味，正！P　而芒果十分香甜，一點酸味也沒有，來貨新鮮。而我最欣賞其腸粉皮，質感不是其他甜品店般煙韌，但個人更喜歡它夠薄身和夠滑溜的質感，入口更有濃濃的椰香，確實是驚喜之作會再來試其他甜品吧

2月4日, 食完大榮華, 就去埋我地今日最後一站, 食甜品! 涼粉已經out咗, 要講近期元朗最熱爆嘅甜品, 一定係電視都有介紹嘅炒冰~ 嚟到呢間甜心, 喺路邊開晒d枱枱櫈櫈, 好有風味~ 凍冰冰食個炒冰, 透心涼!::: 榴槤炒冰 ::: $38招牌主打嘅榴槤炒冰整到好似個月餅咁, 伴碟除咗有士多啤梨同西瓜之外仲有四塊薯片~ 好搞笑! 榴槤炒冰因為炒過, 所以質地相當軟滑~ 榴槤味好香, 但又唔會好漏, 甜度都自然適中. 其實炒冰配生果係好正常, 但配薯片食味道就唔係咁夾, 不過軟滑嘅炒冰同脆卜卜嘅薯片兩種唔同口感都幾得意~::: 芒果炒冰 ::: $30芒果炒冰嘅份量足足有榴槤炒冰嘅一倍, 成舊番梘咁, 再加埋西瓜粒, 色彩光鮮, 唔食得都睇得~ 食落其實幾似食刨冰, 沙沙地咁, 但係質地更加結實, 可以一路食住一路維持住一個固體樣~ 芒果味好豐富, 幾啱我口味, 甜甜地加上少少酸味, 西瓜嘅清甜味亦可以混和番芒果嘅濃郁味~ 一路食住個冰凍炒冰, 一路食風, 夏天食就非常一流, 但係冬天就唔好喇…炒冰就真係夠晒創意, 賣相仲非常豐富, 睇嚟佢地可以用呢個招牌菜keep住生意興隆,

位置頗偏僻, 在元朗廣場通往西鐵站的天橋底下, 但看見門外大大隻炒冰字引起我注意. 是炒冰不是沙冰, 今天終於可以一試~由於我們是外賣老闆細心問我們大約多少時間會進食, 我想了想剛剛晚餐太飽了我說一個鐘後吧. 他多次叮囑我們緊記要放在冰櫃內, 差不多取出來時需要解凍一會兒.不過我們太心急直接在冰櫃內取出即食, 一打開發泡膠盒時實在太香榴槤味了, 有少許生果點綴並不出奇,但奇在有品客薯片..哈哈~味道真是不錯又不會太甜, 雖然我們沒有解凍但我覺得不太硬是剛剛好的, 感覺像雪芭似的. 但會否吸引我再吃呢, 如果說味道我想我會再來一次回味回味, 但一想起價錢要四十大元實在令人卻步......因為四十元可以買了一個細碼榴槤了, 不需要吃副產品, 雖然說是特別的炒冰, 但實在是太貴太貴了~~~~~~~~~

難得去到元朗當然要試下個度先有GE特式甜品！！天橋底下的炒冰！一行3人食完晚餐就去咗呢度食甜品一行入店入面就聽到個師傅不停炒野的聲音即刻叫咗三個炒冰share黎食芒果係我最愛當然會叫一個芒果炒冰LA！一拮落去個種粉粉地的感覺好得意食落去好甜好香的芒果味！男朋友就叫咗個香蕉炒冰好霸道的香蕉味！食完之後芒果味就被比下去了。。。朋友仔就叫咗個榴蓮炒冰我本身唔食榴蓮GE但係都膽粗粗去食E！食落個感覺都幾好WO連唔食榴蓮的我都肯食呢個榴蓮炒冰真係不得了總括黎講真係好有特式未食過GE真係要試下！

中秋美食之旅第三站,目標甜品店是天橋底的甜心鮮果園!難得到來,當然要食坊間難以試到的炒冰!友人點了芒果腸粉,我貪心地點了士多啤梨芒果炒冰.炒冰打頭陣先送上了!長長方方的,如像芒果色磚頭的一條長東西送到我眼前!一匙舀下去,粉粉的又正正是沙冰的質感但又不似綿綿冰般邊吃邊溶,色水雖不似是混了士多啤梨,但每一口都有咬到士多啤梨籽的,芒果味中滲出淡口士多啤梨味.看來單點芒果味會比較好吧!再來就是大大碟份量十足的芒果腸粉!價錢與坊間一般甜品店稍貴數塊錢,但份量多出足足一倍!內涵更是充實!所有芒果肉全部都逼爆了每一條腸粉!沒有混入忌廉充數!感覺實在!腸粉皮椰汁味香,軟滑兼而有之!配合果香,份量都重量級的芒果肉,實在是又平又靚的好出品!

好耐無食啦！心血來潮想食甜品，普通糖水我又唔鐘意，所以諗起呢間，叫左個芒果腸粉，雖然叫腸粉，不過個樣我覺得似炸兩多d好開心，完全可以滿足晒我！而且呢們甜品好如味，個皮係椰青味架！

飯後, 住元朗既朋友仔介紹食炒冰, 第一次聽呢樣野, 一頭問號呀!去到點左個芒果炒冰, 十分好奇點樣整, 於是走左去睇佢炒, 覺得好神奇好快就有得食, 個樣好得意, 長長方方咁, 但係比西瓜就有D失望, 如果比返芒果會開心好多!其實佢係好似雪巴咁, 而我又唔係咁鍾意食雪巴, 口感問題, 所以就覺得麻麻地啦, 唔會特登去食, 不過味道方面係好味架! 好濃既芒果味~

呢晚打邊爐, 朋友仔話想食糖水, 就帶左佢地黎試...今次又試左新野, 包括:香蕉炒冰芒果卷 (芒果腸粉)食味係咁....香蕉炒冰 - 推推~哇!! 好鬼死大....磚!!! 蕉味勁濃, 真係好似食緊香蕉, 讚!只係....佢既外觀就....有點兒....醜陋 芒果卷 (芒果腸粉) - 麻麻地~椰汁外皮包住芒果肉, 外皮好滑, 唔錯!可惜椰汁味太淡......近乎無~芒果肉好甜美, 讚!下次又再試其他

呢晚同男友仔 + 2 位朋友仔食飽飯飯之後, 路過左呢間...糖水店~八卦望望餐牌, 咦!? 炒~~~~~~冰!!?好奇心之下, 雖然飽到死死下都要一試...哈哈 XD竟然有我最愛既.....榴槤!! 諗都唔使諗啦~一於就試下榴槤炒冰啦...lol等左 5 分鐘左右, 有得食嚕~一個o者喱杯 size 既倒模, 白雪雪中帶點微微既黃色...望落似乎無咩特別 @_@配上 4 粒西瓜波波伴碟....原本睇落無咩問題只係......果 4 片.....九唔搭八既薯片, 有點兒........ = =!話說回頭!望落無咩特別既冰冰....估唔到, 一切開既時候......哇!! 香濃既榴槤味一湧而出, 香耶~~~~響見唔到有榴槤肉既情況下, 真係估唔到佢個榴槤味竟然咁濃, 讚!!冰冰 size 唔大, 1 個人o岩o岩好.... ^v^愛榴槤者誠意推介~