影片
港鐵油麻地站 A2 出口, 步行約7分鐘
繼續閱讀
營業時間
星期一至日
15:00 - 00:00
公眾假期
15:00 - 00:00
公眾假期前夕
15:00 - 00:00
以上資料只供參考, 請與餐廳確認詳情
相關文章
宜家既中式糖水店真係越黎黎少,今日行過油麻地呢邊見到有間新開既中式糖水店叫糖甜水咁得意就入左去食碗糖水順便當食個tea!佢地既餐牌都設計得好特別,有種傳既學生時代習作格仔簿既感覺.桃膠桂圓杞子桃膠份量好多！每啖都食到大量桃膠,養顏滋潤.桃膠入口彈牙充滿一陣膠原感.紅棗大大粒又夠香,整體香甜又帶住好潤既感覺,女士啱晒！牛奶四重奏由最底既燉奶再配上雪燕,芋圓同桃膠,整碗糖水真係超級豐富！燉奶香滑而且充滿奶香,芋圓好Q韌綿糯,當中蕃薯圓最香！雪燕配上椰汁後更香滑爽口.再加上彈牙既桃膠令整碗四重奏既口感更豐富.
繼續閱讀
標題係總結。第一次食到咁難食 & 變壞 既糖水。一行五人玩咗成日，出黎旺角諗住食埋糖水就散Band 。去到廣華街有好幾間糖水舖，間間都有人喺門口等緊位，咁岩見到呢間唔使等位，我哋就衝入去。門口其實得四個位，但係我哋五個人，都好欣賞店員即刻幫我哋搵多張凳，所以我哋即時可以入座。👍🏻👍🏻我哋每人叫咗一樣嘢，總共五樣。首先楊枝甘露好似芒果布甸咁傑😵💫😵💫😵💫😵💫第二叫咗兩溝，黑芝麻加紅豆沙，朋友食食吓話唔對路，點解好似酸酸地，同店員講聲之後，店員話可能紅豆沙酸咗。😐😐我哋估計係中式糖水，比較少人叫放得太耐變壞🫤🫤🫤😑第三碗係叫咗凍嘅仙草四重奏朋友話呢碗嘢係唔凍嘅，桃膠亦都洗唔乾淨，中間勁癡牙，同平時嗰啲唔同🫠🤔第四碗係熱牛奶四重奏，首先碗嘢只可以話係室溫，都唔熱嘅，食到一半啲燉奶亦都好溜，朋友話完全唔想食。第五碗係椰汁桃膠雪燕，另外四碗上晒，4位朋友食晒都未有😵💫🤧等都唔想食。嚟到之後啲椰汁好似水咁浠！係咪溝水 ？仲有啲塗膠亦都係有同樣嘅問題，搞到中間係黐牙，而且酸酸苦苦，好奇怪。五碗唔好食嘅糖水，盛惠$222 🥴🥴🥴
繼續閱讀
第一次寫食評，皆因食到太難食的糖水！芝麻餬：糖加水加攪拌左的芝麻，完全不合水準，我自己煮仲好食多多聲。面頭仲有層水綠豆沙：太甜，煮唔開，一舊舊正評大多是水份，餐牌唔update，以為有合桃露先黎試下（但係有都應該好難食），點知點餐先知無店內無裝潢，無服務，只係開得夜先吸引到人幫襯。但如果唔再改善品質，應該做唔耐。朋友表示越食越失望，比錢買難受，只係唔想浪費先勉強食，真攞命！肯肯定好評都是買來的，怎麼可以接受到這樣品質和味道的糖水，初哥都唔會煮成咁。仲要$31碗，真係送比我都要。一定無下次！！
繼續閱讀
估唔到第一次OpenRice食評係要為左呢間「零負評」糖水而打……可能我見識少，第一次食腐竹糖水係「糖水」加腐竹碎，無豆香味，而且甜到傻，芋圓口感亦偏硬兼無乜味。另一碗燉奶更食到懷疑人生，質感硬到食硬豆腐咁（個面仲有層好似魚膠片咁嘅皮），奶味亦怪，食一半已無法再放入口，陣味留係口腔度係會令人作悶。星期六夜晚9點去到等左半個鐘左右先入座，而且好多糖水都已經賣晒，唔知我哋係咪就係咁不幸，食左最難食嘅兩款……
繼續閱讀
旺角廣華街除左以「槍街」見稱外，當中亦都有數間糖水店，晚飯過後總會見到人龍，今次見呢間「甜水」有我最愛既仙草系列，入去試下先 店舖很細，只有幾張枱，可以容納10個人到，地方簡潔乾淨，用QR code落單，等左一陣就有啦芒芒仙草碗配芋圓芒果果肉比我想像多，超甜🥰，仙草嫩滑微甜，略嫌唔夠凍，芋圓煙煙韌韌，好有口感芒芒仙草配茶凍呢碗就係芋圓轉了桂花烏龍茶凍，桂花烏龍味濃郁清香，茶凍爽口，芒果都係好甜，茶凍同仙草口感都好夾兩款甜品我都覺得好高水準，飯後甜品一流，推介
繼續閱讀