甜甜地 (已搬遷) 新店位置

灣仔區真係無乜邊幾間食甜品，鵝頸橋果間係超唔掂，態度又差，呢間係我誠意推介架１）皇后布甸～有ｄ奶油响面超香超滑，非試不可２）蜜瓜汁～ｏｋ

第二次黎食, 上次試左個薑汁豆腐花~好滑好薑~今次叫左個"木桶杏仁豆腐花"都唔錯好勁杏仁味~但係就唔夠上次食咁滑~份量都少左好多~

吃完榮興, 順路的經過這裏, 甜品癮又起!之次食過芝麻豆腐花. 今次試別的!媽子愛吃榴槤, 點了個榴槤飄香. 另我要了皇后布甸(如圖)! 榴槤飄香只係椰汁西米+一點西柚+(唯一)一舊榴槤肉. 好少料, 整碗甜品是稀稀的! 唯一可讚的是那舊榴槤, 的確夠香夠美味! 我的皇后布甸相當平時的焗西米布甸, 只是內餡由蓮蓉/豆沙變奶黃. 根據老豆的豐富經驗, 說這個布甸的吉士焗得過火, 帶點鞋; 而內裏的奶皇則算滑身, 或者是為著焗奶皇的火喉而令外圍的焗得過了火吧!每款甜品盛惠$25, 以這味道, 價錢是偏貴啦! 這裏不會是吃甜品的首選!

I have tried the 芒果糯米糍 ($30) for 4 pieces, but found out one dark bristle on one of the piece. The waitress give another dish to replace mine and explain to why there are bristles leave on 糯米糍 . it's one of the tool need to use to make that dessert, quality of that brush is not good .. bla bla bla....Generally, the taste of dessert is good but expensive.

加班至九點半，蹓躂到電車路，走入譚臣道，好累！三冠王、華南都不是休息的好地方，於是選了「甜甜地」！大雨關係，相當狼狽，店主正在熱情招待兩位朋友，店家小妹熱情招呼我，既為我扣好那縮骨雨傘，又給我紙巾印去雨水，給我杯熱茶。相當貼心。食客只有我一個，是因為大雨關係？還是飯市跟宵夜之間的間場時間關係？不得而知。呆呆的望著那不甚吸引的文字餐牌，店家小妹親切介紹我試試Pasta Dinner（$56），就試試！即製關係，等了約十分鐘，碟頭意粉「鮮果沙律汁配煎雞扒及天使麵」便端來。天使就沒啥特別，只要不糊糊的便行。那煎雞扒不不油膩但很juicy，醃料恰當剛好，師傅係有D 技術。那個‘鮮果沙律汁’唔錯，這個汁濃稠適宜，甜酸剛好，跟煎雞扒配合到。係餐的還有迷你馳名的‘草莓豆漿布丁’和餐飲。那布丁質地討好，絕不是橡皮魚膠貨色！若不是突然跑入來一大群附近教會的人，吵鬧擾攘，我會再hea 多陣。翌日，外出開會後，回公司前到這兒hea 陣先。點了份茶餐（$28），附兩件‘馳名的’芒果糯米糍、以及果汁（選了木瓜汁），味道唔錯，惜價錢略貴！

本來諗住同男朋友去麵包樹度食..點知七點半佢就拉左一半閘...無得食lu...灣仔有咩食我真係唔熟..剩係去過一次甜甜地..咁唯有再去返啦..我要左一個香芒白汁天使麵..男朋友要左燒汁茄子牛扒天使麵..落單無耐有個呀姐又走過黎問我地食唔食甜品...好hardsell咁叫我地點芒果糯米滋..但除返開$7.5一件...值得嗎？d野食到左o個時男朋友話佢o個個好好味...我o個個ok la...食食下個呀姐又返黎同我地講佢地雞扒好好食..我地就話下次去試啦...到左叫野飲...我吸取上次教訓..叫汽水..之後佢又話加錢又話加檸檬..佢點話點好啦...唔知點解我對佢地咁hardsell態度有少少反感...好似逼我食佢d野比多d錢咁...但佢一個餐都要成50幾蚊...佢地價錢係咪有需要調整一下呢...如果成日咁食法我好易破產!

第一次去~~~到門口,阿姐好落力介紹餐廳!but唔知點解冇乜客仔(可能位置問題+星期六夜晚)食了香芒白汁豬扒(豬扒好淋好香,D汁雖然冇乜芒味,但個白汁整得十分不錯,唔會好似其他店咁衰,好似用D忌濂湯整濃D就算咁!重有叫左個木桶薑汁豆腐花又熱又好味!!整體有75分~~好過去連鎖餐廳!

聽大家在網上評論後覺得幾特別,去到會有個staff介紹,叫了個即撞豆花,即撞雲石豆花(即芝麻)和一個芒果糯米糍,先評論糯米糍,皮不夠煙韌,芒果肉唔夠新鮮,可以不吃!豆花很滑,不過豆味唔夠,但幾特別,一試無妨.

今日上網睇到呢間甜甜地ge食評..個個都讚好wo..所以晚上返屋企食完飯就同男友去試下啦..因為我地都住係附近..入到去..老闆娘問我地係咪第1次黎..我話係..因為上網見到人地介紹..我仲話我地住係附近..佢話我地住咁近要多d去食..仲好熱情咁介紹tim..我男友食果個係用豆腐花+芒果整成ge魚..我食果個係皇后布丁..男友食果個豆腐花好滑又唔太"溜"...我果個就係焗ge..又唔燶之餘都唔太"溜"又香又好口感..食完之後仲take away 1份"豆腐花魚"比男友媽媽..老闆娘話下次可以試下佢ge晚餐..返到屋企男友媽媽都話唔錯...下次可以再去過^^~

就算是我，也有東西會不吃。而亦有一些東西，是沒有興趣吃，燕窩就是其中一樣。自小家窮，當然沒有能力吃。到長大了，又怎樣也不相信其有何神效，沒有什麼動力去付高一點的價錢去買去吃。是晚吃團年，轉了來這裡吃甜品，望著幾頁紙的餐牌鬧著玩，忽然又有興趣吃吃燕窩，就要一両如何？聲稱一両的燕窩放在熱燉奶上，比想像中有睇頭。燕窩沒有什麼味道，燉奶反而幾滑又不太甜，是不錯。其他朋友的甜品，良莠不齊，評語好壞參半；Oli 的紅綠，她說太甜；雪怡的麻蓉湯丸給錯了奶皇；藍月的木桶豆腐花又滑又有豆香，對辦，而baby 的雲石豆花，異曲同工；專兄的紫貝天葵，他說OK，但吃過的人都說不OK ；惡男的芒果河粉，照例分埋比人都有剩，吃不完。我的燕窩燉奶，索價44蚊，是貴一點，不過就吃得好開心。好開心，還不足夠？再祝各位朋友金豬年身體健康，萬事勝意。

原本想食靠得住靚粥,但可惜佢今天做冬收4點,所以改去這次選。在門口看餐牌時,似是老闆娘的女子很落力向我們游說,真喺幾hard sell架。例如"我哋d天使麵做得好好,你一定滿意。豬扒呀,雞扒都做得好好食架"。心想這個世界邊有一定ga,已經將期望降低,因平日聴唔少這類型(一定得,唔會有問題ga喎,放心喎)的承諾,通常都喺over committed叫咗:1)茄汁什菌天使麵套餐-茄汁什菌天使麵: 天使麵真如老闆娘所言又滑又爽,但個茄汁個味就假咗少少,有d敷衍-小芒果布甸: 一般-drink揀咗生磨合桃糊: 一般,直覺唔似100%生磨2)芒果糯米糍質感好軟,不甜,外是橙色糯米皮包住custard cream+芒果肉,再撒椰絲。不過味道未見突出/character,無嘜香甜味,因芒果唔甜,好flat,一般3)原味木桶豆腐花真喺好滑,到底都唔會"鞋",不過豆味唔濃每道菜做到一半合格,另一半唔得。真喺要比多d誠意出嚟先得

今日無約人食晏，漫無目的咁行到譚臣道試依一間鋪頭。印象中依個鋪位成日轉手，於是抱住一試無妨的心態入內。餐牌比較簡陋，款式其實唔多，只係將幾種同幾種麵搭搭去。我最後揀香芒汁雞扒意粉，份量同味道都還可以，不過五十蚊都係略嫌貴，甜品布甸只屬一般，而飲品真係唔係好得，一杯凍檸茶既無檸味又無茶味，糖槳又落極都唔甜。儘管店內樓面只有兩個職員，但可能因為家庭式經營，所以都顯得很賣力。午市此食肆只係不過不失，下次我會考慮夜晚食甜品。

前排同男友& his frds去美食展..6點入場開始食..十點close都未試勻晒..雖然飽飽地但想正正常常食返餐..之前又上黎見到甜甜地好似唔錯咁..所以專承去試埋..個地點都幾偏僻下..對於我呢d一年剩係去灣仔兩三次ge人黎講真係要靠地鐵ge地圖幫手...我地o個晚叫左一個白汁芒果豬扒天使麵、窩蛋牛肉飯同埋木桶豆腐花...豆腐花ge木桶size比我想像中細..但唔緊要啦...味道唔錯...白汁芒果豬扒天使麵真係幾好食......天使麵撈埋d白汁真係好正...但唔明點解要整熱d芒果..搞到食熱芒果好似怪怪地...但豬扒有兩大塊..好入味都好好食...呢個白汁芒果豬扒天使麵可以一試...而個窩蛋牛肉飯記憶中都係用木桶上...雞蛋同牛肉都好滑...食完想再食..最後跟餐送左一個芒果布甸同埋一個芒果豆腐布甸...我食左個芒果布甸..雖然我無食個芒果豆腐布甸但聽朋友講唔錯！呢一餐最唔掂係飲品...同其他食評所講ge一樣..我叫左杯凍奶茶..一飲落去..嘩..我飲到奶味飲到茶味但我飲唔到奶茶味..朋友叫左杯熱咖啡...睇佢個表情都知唔係好得...如果可以改善到飲品方面ge質素就perfect

又是飯後甜品時間，還記得這裡有間吃甜品的。老闆娘熱心招待，又不停推介，於是點了：1)芒果糯米滋經老闆娘強烈推介，於是點這個本店招牌甜品，糯米滋十分煙韌，一點也不硬，依然軟軟的很易入口，不過差在芒果不夠新鮮，肉色瘀深，味道很淡，有點失望。2)薑汁豆腐花即叫即做的豆腐花，加上懷舊的小型木桶和鐵匹，真的很有吃豆花的味道，果然是新鮮熱辣，未有出水，口感超滑，生怕一不小心會從唇邊掉出來，食落有薑味，但不太重，水份少了點，多點水份易入口，值得一試。算是不錯的甜品店，豆腐花的確好，有驚喜！

今日黎灣仔出席展覽會lunch時間周圍都好多人見呢間環境幾舒服而且仲有位加上有位姐姐好落力咁推介又黎試下三個人都係要左姐姐推介既香芒白汁豬扒天使麵($48)跟餐有凍檸茶同布甸白汁賣相麻麻似足茶餐廳出品但食落味道ok芒果肉甜但只係略為加少少o係豬扒上面令賣相靚d天使麵雖然只係白烚但加埋d白汁食又唔錯有骨豬扒有兩大片煎得唔算好油而且醃得幾入味仲要唔韌係幾好有少少椰菜同一件炸薯粒做伴菜,ok見到在場唔少食客都係order呢個食完都覺得無介紹錯跟餐仲送布甸做甜品都o岩既呢度平日主打係甜品嘛以為default係豆漿布甸但原來可以request轉芒果布甸架!豆漿布甸細細個每個都用左唔同款既模造成加上旁邊放左少少芒果汁點綴賣相即時加分唔太甜又幾滑咁簡單既食物黎講算幾好不過講真真係幾貴雖然椅子係坐得幾舒服但檯與檯之間太迫喇p.s.由於食完餐飯後成個下午都好口渴所以味道要扣一分