甜甜地 (已搬遷) 新店位置

裝修很特別像一間很歐陸式的香港人的家但就係唔似食肆不過無所謂好食就得啦晚餐雞翼炒烏冬三只蒜香炸雞翼配雜菜炒烏冬雞翼炸得來都算厚肉也不乾癟餐牌上莫名奇妙地在旁特別加上「加汁+$2」即係明知唔夠汁啦無屈服既我最終都認同加兩蚊係會好尐份量不算好多但係深知有甜品跟尾加上熱辣辣所以還算合理飲品可以換中式糖水要了凍綠豆沙店如其名真係甜甜地但唔太夠沙以糖水舖來說只是合格反而小小一個芒果布丁更為impressed真係有果肉配埋花奶非常好總括來說相當抵食招呼不是滿分但主動已是不俗望著牆上店主與周潤發還有ekids tommy合照多大的對比啊真是無限感慨路是自己走出來架也是自己丟所以說無時無刻都要珍惜自己的前程

與女友到這兒吃午餐。十二點九，八成滿，多為女生。我點了「生菜鯪魚球蝦籽麵」（$38），女友點了「薑粒雜菜蛋炒飯」（$40）。跟甜品和冷熱飲品。魚球麵：鯪魚球過軟，唔好味；蝦籽麵係普通貨。好一段。炒飯：份量少，女生份量而已；配料（如：雜茵、甘筍、菜蔬…）比米飯多；炒得唔油膩；味道亦OK。甜品係迷你布甸，有草莓味和豆腐味。豆腐味好比較好味，好比飲緊豆漿，正！草莓味較普通但都唔差。飲品：我們都選了凍奶茶，OK 喎。

準時放工，跑去這兒買幾個「凍芒果布丁」（$20 / 個）作今晚的飯後甜品。上週跟女友來這兒吃晚飯，試過那跟餐的甜品（迷你版芒果布丁），被那大塊果肉和滑滑質地吸引。廿蚊一個，體積比坊間的細小，我五啖就食晒！這兒的布丁幾滑，果肉比別家大片，無怪比較貴。我覺得軟硬適中，但老媽覺得魚膠粉下得兇，有吃果凍的質感，唔夠鬆軟…云云！See！這就是所謂的「各有口味」！另，店家熱情有禮，情切盛懇。

行黎行去成日唔係太原街就sogo，一於行遠d，過埋修頓球場去朝聖覓食，會一會芒滋滋。行到過黎先知，原來譚臣道仲未行完，真係大鄉理。。。嘩！成$30一碟得個四舊，今個禮拜唔洗指意出街食飯。不過若果有料o既，咁$30蚊都值o既。芒滋滋以整條芒果糯米皮包住芒果醬同芒果肉，並非獨立包裝，食o既時候有雙重口感；糯米皮真係好糯，甚布有d過lum，就咁用叉一壓落去就分得開，可以考慮再QQ一d(台灣叫煙韌做QQ )；芒果勁正，一咬落去有股久違了的芒果清香，而且包甜，唔似黃X珍or X珍珍個d咁酸咪咪。印象中初次跟芒滋滋邂逅應該是係元朗o既B仔涼粉，煙韌適中，不過呢度o既芒果香好多，而家好似仲有餘韻。

新開不久的項目出現問題，心情敗壞。早些下班，同女友來這兒吃晚飯。時約六點四，店無客人，兩位主（煮）持人熱情招呼。一路食到八點，巳經全場八成滿。雖然巳過六點，但店主都被女友點下午茶餐（$26），而我就點了份晚餐（$48），最後叫咗桶豆腐花（$24），埋單$98。好坐好味唔貴。因為心情超沮喪，連女友份三文治係什麼餡都沒有問。依稀記得係經過烘烤的，餡可能係碎蛋或者吞拿魚沙拉！？（Sorry，女友，無細心留意！）味道應該唔錯，因為她沒有抱怨。餐飲，她選了熱奶茶，係茶包紅茶，唯奶唔夠，好深色，要另外要求加奶。剛剛在公司跟同事爭論項目，心裡惱怒萬分，萬分肚餓，於是來客碟頭飯晚餐！是「芒果白汁豬扒飯」，有兩大片香煎豬扒，醃得入味，煎得香口惹味，芒果細粒甜甜地，配上濃稠適中的白汁，相當下飯。結果我成碟清晒。附送甜品「芒果布丁」，超多芒果肉，係好好味，質地亦一流。餐飲的「凍檸檬茶」中規中舉。難得女友意猶未盡，建議點份「原桶薑汁豆腐花（多薑）」（$24），見圖。等約廿分鐘，好滑，無豆味，薑的香味好濃。這桶豆花其實係在一個金屬器皿撞出來，再原盤放入木桶裡而已。足兩中碗份量，約五佰毫升容積而已。食到底部，質地

要落灣仔搵公仔佬畫點東西，吃完辣蝦麵又未夠鐘，在他公司附近見到這間甜品店，見有個甜品下午茶餐，有炸雞翼有芒果糯米滋仲有杯果汁，似乎幾抵，姑且試試。先吃芒果糯米滋，聲稱是這裡的招牌食品。芒果幾夠份量又香甜，忌廉不多，反而適合個人口味，加上糯米皮煙韌，果然是不錯；木瓜汁雖然顏色曖昧，但飲落都算真材實料，不會過甜，加埋兩隻新鮮炸起的雞翼，28蚊都算幾抵食。侍應姐姐好熱心的介紹，服務唔錯。在灣仔區要找有水準的西式甜品不易，如果做得好，應該是不愁客路的。

好香芝麻味，賣相好別緻，一桶的份量其實夠兩個人食．$22真係抵．不過就要預左等耐ｄ，大概要15分鐘，因為話係即撞的．不過我之前幫襯過食燉奶，都係要等好耐．燉奶味道就都ok，唔係好甜，不過就唔夠滑．

Been here a few times. The food is okay and price very reasonable. What I want to mention is that the service really needs improvement as they always miss some items and we need to chase them up. They really need to devise a system to take orders quickly and accurately.

見到雜誌介紹甜品,俾佢的芒果糯米同寛條麵吸引，今晚專登搵埋朋友仔去試～食左個木桶北菇雞飯（＄３５），都幾得意，兩個人ｓｈａｒｅ每人都有兩碗多．送甜品同飲品．甜品個布甸好滑，ｄ芒果汁好香，哂我呢ｄ芒果狂熱分子．甜品我地要左綠豆沙，無咩特別．跟住就食主菜～芒果糯米～（＄３０／４件），個樣己經好吸引，ｄ芒果好大件好新鮮，中間仲夾多層奶皇，層次感豐富，感覺好幸福好滿足～再叫多個榴槤飄香（＄２５），我個ｆｄ勁鐘意榴槤，而我都ｏｋ，但唔係狂熱果隻．但食落，好香呀！仲有榴槤肉同西柚肉，好ｍａｔｃｈ～推介大家試呢個！值得一提的係，個環境格局好舒服．我星期六晚去，人都唔太多，有ｄ吊扇，雀籠等．．幾古典ｆｅｅｌ．有個老板娘同一個ｗａｉｔｒｅｓｓ，多人起上唻可能會唔夠人，但今晚就好，好ｒｅｌａｘ．同埋幾有家的感覺，附近又比較靜，好似自成一角咁．唔錯！價錢又合理，但款式可以再多ｄ，我都會推介朋友唻～

星期六下午相約好友前來午餐小聚。朋友來過兩次, 食物果然值得推介。我點了奇異黑椒牛仔骨天使面，她選的是香芒白汁豬扒飯。天使面有點名不符實，只是較平時幼一點點的意大利面，並不是真的angel hair，但煮得也算剛剛好，反正味道也差不遠，算了。醬汁很好，黑椒味濃，配以奇異果肉，酸酸的很醒胃。牛仔骨是整塊上，肉夠"林"，卻有肉味，不錯！每份餐均配甜品，是日的是呈金魚狀的杏仁豆腐布丁，有杏仁味但不太甜，芒果醬不太有味，但整體不錯！非常嚴重的美中不足是這裡的飲品......首先免費的普洱茶比"暖"還要涼一點，我以為是頭一杯預先沖好，可能較涼，快快喝光，待侍應姐姐添飲......可惜，還是涼的。朋友已經告誡這裡的餐飲不濟......她試過咖啡奶茶和檸水都不只"不美味"，而是"難喝"......我們這次一起試熱檸茶，希望好吧。喝了一口，二人對望又呆住了。像喝苦茶......真的很想告訴他們，就只差這麼一點點，令這一餐不很圓滿。只要飲品"及格"的話，我會加推這地方呢。

環境幾好，套餐基本在五十左右，甜品也都是二三十。我叫咗招牌“香芒糯米糍”（30），可能因為是午飯時間，別的桌的飯一份份的上，糯米糍卻總不見蹤影。因為唔喺很忙，所以只有一兩個店員前前後後跑來跑去。一個店員抱歉地話糯米糍要等五分鐘。反正我累了，正好喝著普洱茶休息一下。等了大約兩個字，甜品還沒做好，我開始有點不耐煩時，一個店員送了一份香芒豆花布甸（見圖）俾我。其實我覺得呢個布甸比後來的糯米糍還好味呢~豆花布甸絲滑細膩無比，有淡淡的甜味，而且豆味唔喺很重（這個正啱我口味~），本身便已幾好食，再配上香香的芒果醬……Yum~ 最後糯米糍終於好了，雖然用叉子吃著唔喺幾方便，但味道值得一贊。外面的糯米糍好軟糯，裏面的芒果也好新鮮。一口咬落，清甜的芒果汁從綿柔的糯米糍裏溢出來，那滋味，真讓人感動。服務員的態度也都非常好和善，讓我食嘅心裏甜滋滋的~

原來呢間野係九龍城福佬村道個邊搬黎ｏ既．．．唔怪之得ｄ我係九龍城個邊食甜品同呢度好似一樣啦～原來搬左黎．．．呢日我同男朋友去食晚飯．．我地叫左一個餐同埋幾個甜品黎食下↓【香芒白汁豬扒天使麵】＄５１　”有埋野飲有又埋布甸仔食“都ｏｋ啦－ｄ麵好爽,d豬扒都幾林架.d汁加埋mango肉《都幾好味喔》【香芒糯米糍】＄３０有四件喎－層皮好軟林林．ｄ芒果冇巾唔似出面個ｄ糯米糍咁有巾ｏ既．．又加埋ｄ奶皇．．好好味丫．．同！九龍城真係一模一樣冇變過！！！正

好好食喎!! 睇到個師父落足心機lar. 聽老板講個師父好勁, 以前是D大酒店做大廚架. 仲有個老板娘好nice, 佢如有時間同你傾好多好笑野!

After 書展, we went here for a late dinner. Since we already ate in 書展, we only ordered a set dinner: angel hair + today's pudding + coffee / tea1.白汁芒果豬扒天使麵:6分, pros: 白汁+ 芒果, cons: 豬扒(over-fried) + 天使麵, taste of angel hair was no good, only the sauce saved it.2.芝麻布甸:7分, 淡淡芝麻味, pretty good taste.3.木桶豆腐花:8分, 幾滑, very big 木桶for me to finish, finally, 文迪needed to help me to finish it.Service: absolutely needed improvement, their attitudes were good, but only they could not provide good service! Ther

此店的其中一款主打- 芒果糯米糍($30/4件):糯米皮煙韌，但不是平日的白色，而是黃色。糯米皮內先包入mango cream (或custard)，然後再包入鮮mango件。這配搭很心思，而且有多重口感，不太甜，唔錯。