甜點糖水坊 (已結業)

我以為自己腌尖即管打開OpenRice睇食評原來其他人都覺得難食今日叫左個芒果果系列芒果紅豆四色芋圓鮮草以為寫得芒果系列芒果先係重頭戲點知就比紅豆既甜味覆蓋左碗糖水既芒果果就食唔出d芋圓幾粒咁痴住我覺得自己似食緊咋喳糖水加芒果芋圓仙草😅

大家有無去過屯門碼頭幻愛橋？去之前，建議大家去附近兆禧食坊買甜品食，食完再行下碼頭！-鮮芒芋圓系列有鮮芒、椰汁西米、爆爆珠、小丸子同四色芋圓！鮮芒好鮮甜又多汁，而且又大件。四色芋圓好煙韌，煮得啱啱好，味道分別係地瓜味、紫薯味、芋頭味同抹茶味，抹茶味比較少有，味道都幾特別👍🏻加埋甜度剛好嘅椰汁西米，彈Q嘅小丸子，夾埋口感爆脆嘅爆爆珠，非常之match!-芒果糯米糍身為芒果控嘅我，仲有點埋呢個！好大件，糯米皮唔會太厚，入面包住一大件芒果，好juicy！香甜軟糯~唔洗入長洲都食到高質芒果糯米糍。-喳咋中式傳統甜品，同樣煮得出色！有多款豆類，非常足料，味道唔會太甜，可以健脾祛濕。加上湯圓，口感層次豐富。

知道佢開咗好耐，但成日經過都冇去試過，今日經過兆禧個陣突然之間好想食甜品，就貢咗入去睇下，都好多款下，最後揀咗鮮芒芋圓系列B4, 因為本人好鍾意食芋圓😂坐低等咗一陣間就有，又幾好食喎，有驚喜，啲芋圓又夠煙韌！食落去唔會一pat野咁，而且整體又唔太甜，好啱女仔食！服務態度都好好，店員會介紹下有咩係時令款同最多人揀嘅係邊幾款，選擇嚟講都算多野揀嘅，中式西式都有！今日見到人哋食桃膠黑糖個款，下次會再去幫襯！

試完依間糖水舖 真係忍唔住要比番個食評🙄早兩日叫咗個所謂「人氣紫薯芋頭西米露」見到啲紫薯芋頭大大嚿 以為都幾抵食。。點知一試 就中晒伏啦 食落口兩款都好難咬我直頭覺得佢係未熟透 仲要一啲味都冇紫薯食落仲有啲苦苦地 我懷疑佢係壞咗質感都好差 好奇怪 真係唔知自己食緊啲乜～三十幾蚊我都嫌比多你啦🤗🤗真係稱得上 數一數二最難食嘅甜品 可能芋圓味道好啲？我就唔知啦但試完依碗野 真係唔敢試其他🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️🤦🏻‍♀️

晌屯門住左三十年，未試過晌屯門食過咁差嘅糖水，無下次。明明可以用26蚊買薑糖水加湯丸，啲員工叫我買29蚊蕃薯糖水加15蚊湯丸，仲要得嗰四粒丁屎咁細嘅湯丸，啲蕃薯仲要煲到溶晒，變晒蕃薯蓉，我仲買左兩份，覺得極級受騙了。另外，碗楊枝甘露，啲柚子肉係苦嘅，應該係未試過啲柚子熟唔熟就用黎做糖水。我總共買左122蚊三碗糖水，覺得連22蚊都唔值，無下次，寧願行遠啲去美樂買，都無咁嬲。為左要比嬲嬲，我決定要儲夠200字。

屋企人隔一排就會去買糖水，而我地住兆禧，當然近近地去兆禧食坊，但其實每次食都有彈無讚又唔係平！今次買左芝麻糊紅豆沙。芝麻偏甜無咩芝麻味，更重要係入面有小丸子平時食糖水我都好鍾意食，但呢間既小丸子或者芋圓有時煮過火淋過頭，而今次係入面未熟透仲係硬🤮店都開咗咁耐，點解好似冇咩進步。之前食特價糖水感覺係糖溝好多水，一係芋圓涼粉但多涼粉，芋圓都幾粒仔。我都好希望屯門碼頭近近地有間好嘅糖水舖，好希望佢可以再大進步

3Q系列 《A8》大:$36 特大:$46仙草底+四色芋圓+小丸子任選兩款配料（請睇Menu ）：紅豆沙+爆爆珠仙草底：仙草凍做得柔軟，食落唔會厚實，幾清新，夏天食好清涼😍四色芋圓：口感好煙韌，煮得啱啱好，係比較chewy個種，唔會咬落好粉👍🏻 小丸子🍡：正常發揮比較失望係：紅豆沙同埋爆爆珠，加埋落去呢個甜品到超級甜😂原本淨係一個甜品應該食落好清新，但一加咗呢兩款配料嘅話令到小編覺得甜得滯😅所以如果唔係甜度愛好者嘅話，建議可以加蘆薈椰果嗰啲配料😃鮮芒🥭芋圓系列 《B4》大：$42 特大：$52鮮芒🥭+四色芋圓+仙草涼粉+蘆薈+小丸子🍡 （小編私心推介😋）鮮芒份量好足，差不多有半個😍而且好香甜，揀得幾靚😎仙草涼粉：呢款比較特別嘅係佢仲加咗一粒粒嘅涼粉，令到成個口感層次更加豐富😆蘆薈：原本小編以為蘆薈冇乜特別，但點知加落去有少少爽脆嘅口感之餘又有啲汁，可以中和返呢個甜品😗但整體來講呢兩碗芋圓，佢嘅配料全部都好多🥰份量超級足，淨係單單食一碗已經好似食咗一碗飯咁飽😂👍🏻芒果糯米糍 $16另一推介嘅係呢一款芒果糯米糍，佢真係拍得住長洲糯米糍👍🏻不過比長洲嗰款嘅厚少少咁多😂但同樣地芒果份量好足，

係兆禧食坊食完lunch就過咗隔離食呢間甜品俾大家睇吓個餐牌先 佢種類都幾多我就叫咗呢個佢會跟花奶 不過分開上入面嘅料都算多 不過唯一缺點我覺得佢唔夠凍🙈 通常台式芋圓都會有冰底或者有少小冰沙溝埋🤔 但係呢間就冇所以略嫌唔夠凍其他都冇乜問題 可能如果鍾情台式甜品嗰種甜嘅您會覺得淡口左啲🤨🤨芋圓同小丸子口感都唔錯😋整體上呢個糖水都比較清新

今晚食飯後，老公話想食糖水，知道附近商場開左一間新店，就點左3樣糖水，芒果西米露一般，芒果涼粉唔太甜，芒果甜，但最差係芝麻糊，芝麻糊非常差，甜到入唔到口，完全無芝麻味只得甜味。

這是我第二次光顧糖水舖，發覺menu跟上次不一樣，詢問後，原來負責人會不斷鑽研新的糖水款式，希望可以帶給食客新鮮感，很有心呵！今次試了芒果pancake 和紅豆沙+芝麻糊配竽圓，pancake皮好薄，cream好滑好香，芒果新鮮好甜，糖水不是太甜，很喜歡，竽圓Q彈，好好味 😋👍🏻老闆話下次再來試新糖水，即係我每次來都可試新野啦👏 臨走前買了清心丸馬碲綠豆爽、榴連pancake、椰汁和桂圓桃膠支裝回家慢慢歎😌

味道：⭐️⭐️⭐️⭐️⭐️❶四色芋圓仙草 $27呢個芋圓完全係我意料之外講真，一開始見到四色芋圓之後再喺OpenRice見到其中一款芋圓係綠色心諗，綠茶味？睇嚟應該好怪點知 食完之後將我呢個諗法完全顛倒左四色芋分別係地瓜味、紫薯味、芋頭味同綠茶味🟠🟣⚪️🟢 食材味道好突出 四款芋圓都非常煙韌😋完全拍得住一啲比較出名嘅芋圓店！另外仙草可以揀少甜！啱晒我呢啲每次叫嘢飲都會嗌少甜嘅人感覺又好似健康咗🤣🤣仙草同平時食開嘅好似一樣都係滑溜溜而且店主仲好細心咁問我哋使唔使加花奶落咗花奶有更加好味😋呢個係一個令我超級surprise嘅甜品❷ 四色芋圓西米露 🥥$24冰鎮既椰汁西米露 奶味濃郁 西米晶瑩剔透食完一啖又一啖都唔會覺得膩 消暑一流🌞另外隨手一勺都有幾多唔同顏色既芋圓🥄芋圓Max埋西米口感更加豐富又煙韌又q彈👅❸ 芒果班戟 $18每一份芒果班戟就有一大舊🥭食落同平時食開嘅芒果班戟都相似但有一樣值得加分！👀嘅就係佢嘅忌廉唔單止打得好滑而且仲帶有淡淡嘅芒果味🥭 而且主角芒果大大嚿頗甜甜多汁👍🏻芒果同忌廉嘅比例都做得非常好❹ 綠豆薏米水 $18食咗咁多甜品就好想飲番啲清淡嘅嘢🥛呢個綠豆薏米水就啱晒啦超足料嘅一

趁着放假嚟屯門碼頭周圍逛下，發現兆禧有個新開嘅food court，一入去就見到間好吸引嘅糖水舖。似乎係走街坊路線既糖水舖，岩哂住附近既人落嚟食宵夜。糖水既選擇都幾豐富😋望左一大輪，芒果同芋圓係招牌糖水，3Q系列就適合啲咩都想試少少既人揀。黑糖紅豆仙草配四色芋圓芋圓好煙韌，好有咬口但又唔會完全無味得個咬字。仙草滑嫩Q彈。紅豆煮到軟腍得泥又粒粒分明。黑糖既味道唔太出，但考慮到本身有紅豆同仙草，甜度會令芋圓既味更突出。整體來說，小店既糖水選擇豐富，都幾推薦食芋圓，真係幾唔錯。平時又開到凌晨十二點，想食宵夜的話呢度有好選擇🥳

平時都中意周圍食糖水既，lunch 見到呢間見未試過買黎番office食😅咁當然叫自己最鍾意嘅芒果西米露啦😍店員好有禮貌係要贊既👍👍👍外賣亦好細心咁將芒果，西米露同椰奶分開放都係要贊既👍👍👍好，品質方面！一打開就聞到好香芒果夠大亦都夠多，而家真係唔係間間都可以咁大塊🤷🏿‍♂️西米露份量亦都幾多下🤣所以食完好飽😅總括嚟講 我覺得性價比高既 由其而家疫情 大家都唔容易 所以大家有機會都幫襯下本地生意啦

十年都唔入一次屯門，誤打誤撞之下試了這一間有媽媽味道的糖水小店味道不是很甜的那一款，感受到她們是用心製作，性價比高！！圓肉桃膠很潤！秋涼天首選四色芋圓3Q很有台灣的味道，口感一流I haven't visit Tuen Mun for ten years. I tried this small sweets shop by accident. It felt like the taste of mother.The sweet doesn't taste very sweet. I feel that they are made with care and are cost-effective! !Round meat peach gumFirst choice for cool autumn daysFour color taro balls 3QVery Taiwanese taste, Yummy

平時冇寫食評，今次真係忍唔住，兆禧食坊新開，平時行過呢間見佢主打芋圓好想試，今日終於買左碗芋圓西米露(大碗size ) 返屋企試。。。一返到去睇到佢外觀，仲以為佢比錯齋西米露，再打開望望攪下，先見到芋圓係中間個底，真係好驚喜呀，因為d芋圓數埋10粒都冇-_-其實你新開都係做街坊生意，就唔好咁孤寒做衰自己做名啦。。你張傳單張圖同真實相差10倍，真係好意思咩(我知圖片只供參考), 但我叫杯芋圓奶茶都多芋圓過你啦！