甜點

營業中

休息中

今晚可以同老公食完晚飯後周圍行下，大食嘅我梗係行行下又肚餓啦，心思思想食下野，但老公又唔太想食咸野..我偏偏就唔想糖甜品，於是就諗到甜點啦。我叫左個芝士煙肉軍艦配蟹柳沙律：我認我真係好似食極唔夠咁，上次我又係比軍艦吸引住，不過個次係食芝士火腿，今次係煙肉。好多芝士係入面，煙肉都算多，加埋個法包黎食係一流，唯獨係個蟹柳沙律出左水...有d唔係咁好....我記得上次芝士火腿時佢入面有奇怪嘅千島汁同生菜一塊，唔知點解今次冇左，唔通係我記錯？跟我份軍艦會有飲品送，我揀左凍朱古力（難得凍飲唔洗加錢），但呢杯朱古力就甜左少少，等到d冰溶左少少溝淡左就剛剛好啦。我老公又叫返呢個士多啤梨脆方磚：因為佢係即整所以要等一陣，但可以食到好野又點會介意等個一陣呢？上到黎d包磚果然仲係熱嘅，又夠脆，再加上有蜜糖係面甜甜地好正、上面有球cookies and cream 雪糕加埋熱嘅磚食就好特別。食埋有少少酸味嘅士多啤梨可以中和返甜度。呢度仲有自助免費花茶飲，雖然係唔洗錢但質素都唔差，不過係唔夠熱姐。

友人很想食甜品, 見到呢間做緊85折, 都幾抵, 3個人點咗兩樣野, 一個係芒果涼粉, 有芒果的香甜,好好食, 冬天食好夠冰, 仲有兩粒雪米糍, 正呀, 36蚊.另外, 再點咗黑布甸窩夫, 賣相唔錯,布甸充滿濃郁的朱古力味,  甜度剛剛好. 43蚊一個, 如果多一塊窩夫仲正! 

同老公，我妹行完悅來就諗住食下糖水，就行到黎呢間試下，店舖小小，所以要等一陣先有位，一入到去就見到度寫住英式花茶任飲，係桃味嘅，好香嘅桃味但飲落就冇甜味嘅。我妹叫左個雪糕小丸子，雪糕係自己揀味嘅，我妹揀左cookies and cream ,芒果都算甜，小丸子偏硬，入面仲有西米露，仲有好多芒果汁。士多啤梨脆磚：都係cookies and cream嘅味，都幾多士多啤梨，個磚好脆，要等十分分鐘因爲係即整 所以先咁脆。個軍艦嘅法包有少少淋身，但個千島醬唔多夾，入面仲有芝士同芝士粉 個煙火腿係似m記嘅煙肉蛋漢堡，仲有2塊蕃茄同生菜。個沙律就有2條蟹柳，一粒車厘茄，粟米同生菜，仲特別係有椰果，呢樣就唔多夾啦。但一樣係用千島醬。埋單132蚊都唔算貴。不過有d員工就黑面，令人失望。

我同朋友佢地係荃灣食完飯未夠喉，決定去食埋個飯後甜品潤一潤😚😚荃灣咁多好野食，其實搵一間都唔難呀，不過難就難在於間間都可以咁多人既🤔🤔🤔最後我地就搵到去熊貓酒店個邊，搵到間新新地既甜品鋪，就一支箭行入去。呢間甜品鋪冇咩人，可能係位置遠左d，不過原來佢有好多野食架，唔單止有甜品，仲有正餐好似係意粉飯包呀等等⋯我地大家都要花d時間睇下個menu，因為真係好多選擇。睇完終於決定晒可以落單，落完單都好快有得食✌🏼黎到賣相一般啦，但係味道又出奇地好味喎，有驚喜呀👍🏻👍🏻👍🏻👍🏻要講下個榴槤豆腐花，冇諗過豆腐花配榴槤肉係咁夾既，而且佢用既榴槤咁arm又咁香甜喎，令人食完想再番尋味😋😋再想講下個榴槤班戟，佢個皮好薄，入面既cream既分量唔會over，撈埋榴槤肉好好味👍🏻👍🏻👍🏻👍🏻最抵既係仲配埋個雪糕球😋😋😋

約朋友傾計同食甜品～咁就係附近搵到尼間野～入到去見到好多人～不過咁岩我地唔洗等位就可以入去～不過入面好似比較迫左Ｄ，好難入到去。。。我見到餐牌都有好多選擇～咁我就選左有推介既黑布甸甜椰（凍）我朋友就叫左海底椰燉甜椰（熱）原來黑布甸＝朱古力，都幾好食呀～另外椰皇有椰子味，算不錯(有D食唔出)，朋友話佢果個都唔錯～整體冇咩野，都算有意外驚喜～因為可以食埋椰子入面Ｄ肉。。。。其實我地坐左咁耐都冇趕客，我覺得唔錯～可以再去幫襯～^0^～PS.冇加一....幾好呀~

今晚去荃湾見完客太晚了，随便找個小餐廳吃個晚餐，menu好多選擇但我好餓就叫了卡邦尼煙肉忌廉意粉，份量小了點，但整體都ok，意粉和忌廉的味道融合一起再伴上煙肉碎和蘑菇，咸咸地嘅味道特别开胃醒神，食飽飽之後哎左個小甜品。

之前食過兩次甜品，中規中矩無乜特別，今次試下熱食估唔到有驚喜：1）意式肉丸意粉，肉丸無乜特，「宜家」嗰啲囉，但個汁有驚喜，令到無乜特別既肉丸同意粉變得幾好味。2）千島海鮮薄餅，呢個好好味！餅底係穌皮，好正，上面有好多芝士，啱晒鍾意食芝士既人，不過海鮮多啲會好啲。3）菠蘿蘇打冰，伏！4）熱朱古力，大伏！5）益力多冰，無乜特別熱食係唔錯，但甜品就....

係屋企附近，地方光猛乾淨，餐牌好多嘢揀，中式糖水西式甜品……真係(睇落)冇得輸——雖然招牌設計似中資機構。餐牌一角有3款拿破崙：芒果、栗子、士多啤梨，點栗子，冇，士多啤梨實有啦。幾分鐘後上枱，呢個係超級簡化版：幾塊起酥皮之間唧兩行忌廉黐住，上面放4片士多啤梨，旁邊一球芒果雪糕，碟面用朱古力醬畫出花紋，手工OK。拿破崙理應脆卜卜一督就開，酥皮同忌廉一齊放入口。誰知督唔開不特止，仲要用盡方法使盡全力至壓得斷，中間嘅忌廉當然唧晒出黎。冇拿破崙應有嘅味道同質地，敢稱之為拿破崙！呢個係一次好差嘅體驗。

有一日同一個朋友經過甜點，覺得餐單幾吸引，就入咗去。個到有拉麵、烏冬、意粉、甜品等。我叫咗叉燒烏冬同夏威夷薄餅，友人叫咗肉醬長通粉，之後再叫咗侍應介紹嘅黃布甸甜椰。叉燒烏冬有幾塊叉燒、粟米、紫菜(當然有烏冬)，湯底都唔錯，無味精。肉醬長通粉同西餐廳差唔多，但係唔太貴。夏威夷薄餅長方形嘅，好好食。黃布甸甜椰上嘅「黃布甸」係凍蛋布甸，甜度適中，椰皇好新鮮，並係裏面加入啫喱，係其他大部份(唔肯定)舖頭冇嘅。甜點侍應嘅服務態度同食物賣相都好好，所以我推薦大家去食。(唔好意思，冇影到圖片)

眼見還是未到晚飯時間，於是便走到甜點食番個甜品先，先行來一個飯前甜品。甜點除了提供甜品，還提供其他主食，如午後及晚餐等，但是在下還是對於甜品有些興趣，故在甜品的餐牌上揀選。黑美人包括了朱古力奶凍，芒果，脆脆，椰汁及西米。奶凍幼滑而朱古力味道略為淡了口味，當中的椰汁都夠味道，西米都幾多的。整個甜品甜度適中，不太甜膩，剛好。芒果紫米露。跟之前的甜品一樣有芒果，但加上紫糯米及椰奶。芒果味不算很甜，有果香，糯米柔糯煙靭，加上椰奶，不錯，甜度適中也不甜膩。吃罷看看時間，又到晚飯時候，於是與友人會合。

下午時段，本來想帶朋友去木子吃甜品，可是三點還未開店，於是來試試這家在富麗開半年，從來未光顧的甜品店。我覺得我選錯食物了，我選的牛奶綿花冰用料比較普通，看到是玉米片和棉花糖的配搭就有點傻眼…朋友選的芒果西米反而不錯，芒果加足料。員工服務還是很周到的，不得不提他們還提供免費的花茶，吃完冰的再喝點暖暖的花茶，感覺很舒服。而且下午茶時段還有折扣，下次下午茶又多一個好選擇了。

朋友介紹, 荃灣悅華酒店斜對面, 開業不到半年的甜點店, 舖名簡約, 就是"甜點", 環境比一般大店舒適, 跟朋友各點了一份甜品, 分別是"士多啤利方磚"及"", 先說"士多啤利方磚" - 厚多士切粒加上士多啤利及雪糕以方磚砌成高塔上, 賣相不錯, 厚多士有香濃奶油味. "黃布甸甜椰" 因被店內大大相片吸引, 而且聽店員說這是他們的皇牌甜品, 以一向不太愛吃椰皇的我, 也試一客, 黃布甸是雞蛋布甸, 加上底下香濃椰汁Jelly, 味道清香濃郁, 可惜份量比較少, 滿足感不足, 但總體比一般甜品店水準稍高, 下次一定再試!

 Hearts 甜點 💥榮獲2015年度最難食甜品 食啲如同垃圾一樣嘅食物如同食屎般難受💩👎🏻叫左個雪糕芒果小丸子，材料同許留山嘅一樣嘅，但恐怖在於啲咩呢，都係芒果汁，都有芒果，但竟然唔係用芒果雪糕囉，唔用芒果雪糕都唔係問題嘅，但要用同芒果味夾既雪糕囉，反而用左最唔夾既曲奇味雪糕😑曲奇雪糕溶咗混入埋芒果汁內簡直極品😡令我最鍾情於嘅小丸子係最過分嘅，一開始我見佢咁多小丸子份量有一剎那係開心嘅，但小丸子粉味勁重之餘，係唔煙韌既，有啲硬我以為未煮熟😢而且，呢度啲窩夫質感非常之厚粉，口感超實在，根本似係食粉餅咁，所以細細份但其實已經足夠質飽你個肚。最令人傷心欲絕係雪糕，其實一份＄40幾既甜品價位中間，不平也不貴，但頂！人地啲窩夫起碼都叫有啲cream有啲水果粒咁做配料，呢個咩都無😡得2塊粉餅同3球cheap cheap雪糕，咁既價錢用cheap cheap雪糕毫無特色之餘，仲要比人感覺勁之無誠意和食水深😡

小倆口食完晚餐拍拖食甜品，由於晚餐食得有d飽，所以兩份食一個甜品，叫左個黃金粒粒加雪糕，個黃金粒粒應該係搽左牛油再去焗，好香好好味，再加上雪糕溶左，成個配搭好match，份量仲幾大份，2個人食岩岩好。環境仲要好舒服。

起初見食店裝修佈置以為係cafe，原來係甜品店，依日去開附近所以去試試，店員推介"黃布甸甜椰"($42)同牆上張相好唔同，果張個布甸係橙黃色，實際係奶黃色布甸口感唔算滑，味道唔突出下層甜椰反而好味，口感帶少少彈性，椰青味好香唔太甜"雪糕小丸子"($30)芒果肉有少少黑，小丸子糯米粉味好重，汁底都一般..較甜