甜

營業中

休息中

有時候比較多人需要等位但價錢實惠 性價比高🥰呢間絕對係多次回頭的甜品店- - - - - - - - - - - - - - - - - - - - 🐼焦糖脆脆香蕉吉士窩夫🧇大愛焦糖脆脆配埋香蕉都唔會太甜大大份夠兩個人食絕對需要encore🐼宇治抹茶麻糬窩夫窩夫中間夾住麻糬 配埋紅豆、雪糕三重滋味 😋 但呢個就有少少甜同埋比較飽肚😝不過都推介😎

今晚同太太做完嘢大概11:00 ，用外賣平台叫外賣自取方便係Oreo窩夫配奶茶雪糕加小食拼盤。平台顯示35分鐘。我哋都提早嗌定去到啱啱好35分鐘，仲要企喺門口吹風吹咗接近15分鐘先有得攞外賣。根據觀察舖頭入邊只有幾台客，而我太太企咗喺舖頭出邊接近5分鐘，揮埋手都冇人理。服務員都淨係喺度傾偈計。 諗住佢係廚房人手不夠，所以整唔切。攞咗外賣之後，立即打開窩夫同小食拼盤，薯格好明顯已經放到冧咗（一上車立即食），窩夫亦都腍啤啤。🥲非常失望，本來諗住辛苦咗一日，返到屋企附近食返個甜品之後返去瞓個靚覺。點知而家一肚氣。其實有冇人知？其實已經唔係第一次，每次都係因為用外賣平台叫都等得特別耐，同埋質素比較差。堂食或者現場叫外賣反而冇呢個問題。

朋友介紹屯門紅橋一間甜品店的梳乎厘班㦸好正，店名叫甜，是晚特別過黎試下，原來除左甜品，亦有鹹食同炸物小食，就試下佢先。七點來到，店員告知七點三先開門，ok啦去行一圈先返黎，點知七點四返到黎已有四枱客，乜個個都等開門咁誇張。⭐脆辣蜜糖芥末炸雞窩夫點了一份炸雞窩夫，炸雞已切件方便食，下層仲有滑蛋添，窩夫厚身富蛋香，外脆內軟🤤一份窩夫已經勁飽肚，開頭仲諗住當小食，而家直頭係主食黎添啦。⭐明太子煙三文魚窩夫朋友點咗明太子煙三文魚窩夫，呢份一樣係鹹食黎嘅。明太子醬同煙三文魚鮮味鹹香，下層同樣有滑蛋，包埋一齊當三文治咁食真係好正，好味又有口感🤤⭐黑白配黎甜品店又點可以唔食甜品呢，叫咗個黑白配，係仙草加oreo餅碎仲有曲奇雪糕，又香又甜，原來入面仲有珍珠同小丸子，煙煙韌韌，正喎😋⭐甘露豆花朋友點咗個甘露豆花，就係楊枝甘露加豆腐花，望落顏色比較淡，但食落芒果味同柚子味都好重，仲有滑滑嫩嫩嘅豆腐花，甜中帶酸，又係正嘢黎😍⭐炸燒賣見隔離個炸物拼盤好香，我哋又加咗份炸燒賣，炸起上嚟脆卜卜，一份好似有12粒，好飽🤣本身黎係諗住食梳乎厘班戟，點知店員話今日冇，有少少失望添，唯有下次再嚟試啦。

📍 甜{屯門}食完飯，一定要食甜品🍮今日就嚟到屯門人氣店，出晒名好多港女打卡亦都好多人士慕名揸車而黎既糖水店其實依間舖頭仲要喺我屋企樓下，真係超級方便！就算揸車出面都有少量錶位可以泊，不過就先到先得啦！✨ 榴太（椰汁，豆腐花，榴槤肉，雪燕，椰果）呢一款甜品真係成Pat榴槤肉，但係我哋就將椰汁底轉咗做明治牛奶底🥛另外仲加咗女士最愛桃膠，下面仲有豆腐花，鍾意食榴槤嘅你必定要嗌，因為一上枱已經超大浸榴槤味，仲有一筆起都有成大嚿榴槤肉，真係滿足晒食榴槤嘅你🩷✨ 壹號（芒果汁底.西米.芒果、桃膠.椰果）雖然本身材料已經夠晒多，但係貪心嘅我都另外加咗兩款寒天晶球+仙草，一飲落去都已經係好大嘅口感，全部都係我最鍾意食嘅配料，平時出去飲一杯珍珠奶茶都未必可以淡淡食到自己鍾意嘅配料，而且仲有新鮮嘅芒果肉，仲要係新鮮芒果汁底，極力推介❤️❤️❤️❤️✨ 檸檬百香果乳酸茶酸酸甜甜好適合，任何季節飲🥤而且仲有檸檬香，啱啱食完晚餐，飲少少檸檬嘅嘢都會特別消滯！✨ 西瓜汁冇添加任何糖或者水，係真材實料嘅西瓜汁🍉本人十分推介，十分like 👍👍👍

紅橋咁多間糖水，今次試咗呢間852homie// Tiramisu 疏乎厘😚 $85 // 疏乎里入口即融 好正好fluffy ☁️夾埋佢個牛奶雪糕🍧正! 仲要唔會太甜 有啲酒味😍絕對係相當親民!!// 宇治抹茶窩夫🍵🧇配豆腐雪糕🍨$75 // 茶味好濃🥹個窩夫都幾香茶味 🥰整體偏苦~豆腐雪糕就正正常常🤣

呢晚夜媽媽突然肚餓，無意中發現呢間位於屯門既新開小店「852 Homie」。呢間餐廳座落於屯門井財街，店舖細細但好受歡迎，去到要排一陣隊先入得去。不過絕對值得等，入面有唔少驚喜！第一印象，Menu設計非常有特色，手寫字體好靚，睇落去有親切感，亦可以自選唔同款式既食物，好啱鐘意嘗試新野既人。店內環境雖然簡約，但氣氛輕鬆，而且光線充足，坐得舒服。小店主打既輕食同甜品尤其出色，真係一個不錯既宵夜選擇。榛子朱古力棉花糖梳乎厘 🍫 呢款梳乎厘一上枱就好吸引，蓬鬆既梳乎厘上面鋪滿咗一層香濃既榛子朱古力，加埋棉花糖，賣相打卡一流。味道上，梳乎厘蛋香好重，質地柔軟，食落去好有層次感。榛子朱古力既甜度剛好，唔會過甜，加上棉花糖既口感再配搭意大利軟雪糕，成個甜品變得更加豐富。Homie炸物拼盤 🍗 呢個炸物拼盤好適合幾個朋友一齊Share。拼盤入面有炸雞翼、燒賣同埋薯格，全部都炸得外脆內嫩，唔會太油膩，入口仍然保持到香脆既口感，真係好啱配埋飲品食。青蘋果荔枝綠茶 🍏🍵 點咗呢杯青蘋果荔枝綠茶做餐後飲品，味道清新解膩。青蘋果既酸味同荔枝既甜味配搭得幾好，茶底唔會過份苦澀，反而有淡淡既果香味，非常清爽，完美中

呢間屯門嘅甜品每次嚟都排長龍，今日周末嚟都唔例外。食左幾次都係必叫梳乎厘，不過我哋就想試吓每次都叫唔同款式之前食過阿華田同埋曲奇，今次就試吓榛子朱古力棉花糖。兩份疏乎厘淋上榛子同埋杏仁，仲有軟雪糕，疏乎厘超級出色，蛋香味濃厚必食之選！每次都叫呢個拼盤，貪佢乜都有炸物新鮮出爐超級正，我最鍾意食薯格同燒賣。都做到外脆內軟嘅效果，而且燒賣入邊嘅魚肉好香。啲雞翼對我嚟講就有啲辣，因為我係完全食唔到辣。即刻叫咗杯青蘋果荔枝茶解渴，冇特別改甜度，但味道啱啱好唔會超甜，底下仲有椰果目標係試晒咁多隻味嘅疏乎厘！

果邊甜品鋪不嬲都好多人等，同埋小店細細，夜晚想嚟食可能要等下，似乎翻枱率比較慢，因為好多人嗌招牌嘅疏乎厘，疏乎厘即整都要等一等，所以要比啲耐性店舖無咩裝修，不過乾淨光猛，同其他甜品鋪差唔多，位置都係小小迫泰國珍珠奶茶疏乎厘 平時見到珍珠奶茶嘅product都覺得伏，今次見係泰奶就比次機會佢2大舊震震震疏乎厘好吸引，鬆軟得嚟聞到蛋香，泰奶醬比較甜，珍珠有咬口，配埋意大利雪糕可以中和返甜度，忌廉亦好軟滑☺️可以回訪喔

係屯門食糖水，通常都會諗到去紅橋，貪佢個邊選擇多今次去到見到近天橋呢間未食過嘅‘甜’睇完menu不錯 有窩夫有梳乎厘pancake仲有其他創意類甜品幾特別終是最後決定叫咗個小食拼盤 加 焦糖香蕉窩夫小食拼盤份量都算多 炸到熱辣辣雞翼係微辣好惹味 每款小食都好岩胃口焦糖香蕉窩夫連焦糖脆餅雪糕焦糖脆脆好香口 未食都流口水窩夫上仲有搽咗吉士醬 連埋香蕉一齊超夾價錢唔算太貴 會再返頭試埋其他味嘅窩夫～同埋其他類型嘅甜品！

回頭度🍪8.5/10｜人均消費💰~$50-100-🤍宇治抺茶麻糬窩夫 $66窩夫咬落外脆內軟🧇內餡都都有唔少麻糬而且窩夫本身抺茶味都好濃🍵唔係單靠抺茶粉舖面抺茶奶蓋醬都好好食🤤仲有白玉紅豆🫘同蕨餅🍡做配料雪糕就揀咗玄米茶味 味道幾清新特別味道🌕🌕🌕🌕🌗-🤍Oreo梳乎厘班㦸 $70梳乎厘比起平時食開嘅空氣感重有種食緊布甸嘅感覺🥞好軟熟且蛋香好重🍳都有唔少Oreo碎舖面🍪略嫌太多cream同塊Oreo太淋下次想試招牌阿華田味😋味道🌕🌕🌕🌕🌑-整體味道🌕🌕🌕🌕🌗抵食🌕🌕🌕🌕🌑

作為屯門牛，已經幫襯咗無數次！次次同朋友去食都一定係食疏乎厘同埋窩夫🤤 最推介疏乎厘，因為真係做出空氣感，亦有多種配搭，比起出面九龍港島嘅餐廳真係十分之性價比高👏🏻店員服務態度良好，亦係我堅持幫襯嘅原因。

成日去屯門虹橋嗰邊食飯但竟然仲有間咁好食嘅甜品小店未去過！？📍焦糖脆皮香蕉梳乎厘班戟 配意大利軟雪糕（$75）必食疏乎厘班戟，面層灑滿焦糖脆脆，Pancake口感軟熟鬆軟 #動l ，偏濃蛋香味；脆皮香蕉超好食，黐住厚厚嘅焦糖，唔太甜口感好正；雪糕都好香滑📍女仕恩物 · 暖笠笠 #麥麥樂 ($32)麥精、西米、紅豆、桃膠、珍珠 - 味道唔太甜，感覺好滿足⚡️見到隔籬枱個waffle成塊面咁大，下次要晚餐只食三成飽再去試

💫榛子朱古力棉花糖疏乎厘班戟以為會係成個疏乎厘都係榛子朱古力味🤔 或者有啲真嘅榛子朱古力喺上面😹 不過點知得醬🥲 食嘅第一啖已經覺得唔得🤢 入面好似未煮熟咁樣… 都仲係比較液體嘅狀態😖 牛奶味雪糕一啲奶味都冇😵‍💫 好水💦 食咗幾啖真係覺得頂唔順…-💫宇治抹茶麻糬窩夫窩夫系列絕對推介！抹茶味好重～ 而且入面仲有麻糬🤤 個口感即刻豐富咗🤩 加埋個醬成個抹茶味更加濃🫶🏻 身為抹茶控嘅我超級鍾意❤️ 而且窩夫外脆內軟😽 配埋紅豆同蕨餅配料簡直係超級豐富👍🏻-💫 Tiramisu窩夫呢個都係外脆內軟～ 呢個係朱古力味窩夫加Tiramisu醬🙈 Tiramisu醬好濃但唔會話太苦👍🏻 朱古力味配上Tiramisu真係超級夾🥹 兩個窩夫都係嗌咗豆腐味雪糕🍦 淡淡嘅豆腐味可以幫手解膩🎉 推薦！-總括而言疏乎厘系列我係唔推介嘅😖 但亦有可能只係咁啱我個份係咁或者唔啱我口味🥹 不過我之後都唔敢再嗌啦😢 窩夫就絕對推薦嘅👍🏻 下次去都會再嗌窩夫🤤-整體評價：🌟🌟🌟(疏乎厘真係大大影響🥹)

依家周圍窩夫賣到成100$up一份,講緊其實係夾餅質素。呢間甜品舖大約$70有一份份量好大份，味道不錯。平日經過都會食encore左幾次。 個個Bailey sauce幾正，窩夫鬆軟。,

俾朋友介紹咗嚟食，喺門口已經見到店內坐滿晒人，好熱鬧，生意唔錯。嗌咗梳乎里班戟__泰國珍珠奶茶 ($68)梳乎里搖一搖，DuangDuang咁樣嘅，一匙羹不落去，就可以感受到梳乎里充滿泡沫感嘅texture，略帶濕潤，一啖食落去，梳乎里會喺口入邊慢慢溶化，口感細膩，好似雲一樣咁輕盈。一啖班戟一啖奶茶味cream，一啖珍珠，珍珠qq地，煙韌，幾有趙口，三種不同口感同時在舌尖上遊走，口感豐富。不過自己就略嫌有啲蛋腥味，食到後面會有少少膩、滯。