生煎包點心專門店

營業中

休息中

食物味道係好的，全都大大件好味。不過內部環境例如玻璃窗、地下等真的需要大清潔，比較污糟。最滿意是叉燒包，其他店的包多數癡牙，叉燒一係肥膏多一係醬汁太多，這兒完全無這些問題，是很高質的叉燒包。鮮蝦春卷即叫即炸，非常香脆，蝦仁彈牙新鮮。金銀蛋浸時蔬就最抵食，大堆頭，食唔晒。反而那個招牌生煎菜肉包就普通，外皮較厚，包底不脆，菜肉餡普通，它用小鍋上枱，鍋底鋪滿洋葱條，這些洋蔥應該只係為了防癡底，食唔到的，因為大生又無味。

門面和裝修簡陋，環境唔係好乾淨，但點心的確好食。❤蠔皇叉燒包：我認為叉燒包可以打抵生煎包成為這兒的招牌，叉燒包皮非常優質，鬆軟得來不黏牙，內餡有足夠叉燒而不會只得一大堆醬汁，而且調味恰到好處不會過鹹。這叉燒包是必吃的。❤蟹籽鮮蝦燒賣皇：豬肉和鮮蝦比例恰當，而且好新鮮，好吃。❤椰香煎甜薄𦉘：甜薄𦉘不是常見的點心，它新鮮煎製，外皮香軟，內裏全是花生、椰絲和砂糖，喜歡甜點的不要錯過。❤生煎蓮藕餅：三大塊好抵食，又係即叫即煎，煎得香口，切成小粒的蓮藕爽口，與豬肉非常合襯。上湯金銀蛋浸時蔬：以多取勝，菜芯苗堆到成座山，味道ok，略嫌皮蛋和鹹蛋不足。蛋黃蓮蓉包：這間點心店的蛋好矜貴，整個蓮蓉包只得一小角比指甲還小的蛋黃，雖然包皮好靚，蓮蓉香軟，但下次唔會叫。6款點心大部份都好吃。

服務態度勁差！亂！價錢係實惠，不過都唔想俾錢買難受！！冇下次！事件：今日同屋企人一齊諗住去幫襯，去到拎籌之後，被告知前面有五張枱，我同屋企人就企喺樓梯側邊，或喺門口等候。係等候的過程中，發現有幾檯客人打尖，明明比我哋仲要晏來，籌號亦都排喺我哋後邊，見到職員喺度執枱就乘機坐落去。令我最憤怒的係：職員冇阻止，亦冇要求出示籌號！！！！！難道職員唔知道出邊有好多人喺度等嗌籌咩？咁即係點呀？黑人問號跟住我就搵職員理論，有個女人行埋嚟，係做收銀&樓面類，我認得佢，問佢點解唔跟籌號嗌檯，佢竟然答我唔知道，真係搞笑了試問間餐廳點解要派籌？？返到屋企特登打篇野出嚟，係因為我真係好嬲！如果大家想去幫襯，就要做足心理準備，祝你們好運

間中路過或搭車經過時，都留意到店內坐滿客人，閒日放假，便決定來試試。環境當然不能與酒樓比較，但這裡的出品的確不錯，而且有些款式已買少見少了，不用加一，茶錢$6一位，性價比高！招牌生煎菜肉飽 - 貴為招牌點心，就當然要點來試試，煲仔菜的擺盤，蔥段與洋蔥香到連隔離枱都聞到！生煎包底煎得香脆，包內仍然有肉汁，可以一試。蟹籽鮮蝦燒賣皇 - 足料，大粒！鮮蝦彈牙，好味！干蒸牛肉 - 這款是我的最愛，又是近乎絕種的點心，牛肉味濃古法馬拉糕- 質感鬆軟，份量大，每人吃一件已很飽，要打包，真的已經很少見！鮮蝦沙律春卷 - 以往在酒席中很常見的一道菜，炸得很脆口，春卷皮內包著椰香煎甜薄撐 - 推介！餡料很多！椰絲、花生、芝麻，色香味俱全，很回味！

胖侶對飲茶食點心有情意結，所以我地成日周圍試下邊間好食。今次黎到呢間街坊小店，食客多數係老人家或couple。先黎個招牌生煎菜肉包，用鐵煲上熱辣辣，配埋生洋葱一齊食，好有風味，只可惜個皮有啲啲厚，如果薄返啲更好。蟹籽鮮蝦燒賣皇，大大粒，豬肉彈牙口感豐富，加上蟹籽，好食。香芋鴨腳扎係胖侶點既，芋頭好粉，鴨腳好入味。最有驚喜係薑汁糕， 薑味超濃，感覺好養生，我最鍾意。整體黎講: - 食物質素唔差。- 環境一般, 始終做街坊生意。

物美價廉生煎包。有舊式風味，而且最緊要竟然蒸排骨，粉粉地，鬆軟非常岩我心水呀！抵食。傳統茶樓模式。所以行過路過全部街坊生意兼且多數阿婆阿叔老人家聚集地，禮拜六日就多有family組合或者年輕情侶組合。生煎包三個好大個。等服務生上台之後記得叫埋少少醋，平時可能小籠包先比醋，如果試一試生煎包更正！系招牌無錯。兩個人一起share剛剛好。價錢買單請看截圖。兩個人早餐加埋茶錢100.元有找仲要飽肚。環境黎講差少少，但美食不容錯過呢？

環境：正常點心店環境，冷氣足夠，我哋兩個人坐四人枱所以都幾闊落，但我覺得四個人坐就有啲迫。食物：點心又大份又足料，黑椒牛肚非常入味，但芋頭代替蘿蔔覺得唔係咁夾。蝦餃皮薄餡多，成隻蝦有多喺入面，但蝦味唔算濃郁，唯有口感搭救。燒賣嗌咗兩種，蝦子燒賣同埋鵪鶉燒賣，同樣餡料十足，粒燒賣成兩吋高。潮州粉果外皮偏厚，如果有多啲豬肉碎同埋冬菇就好啦。服務：人唔算多，所以一舉手都有侍應哥哥睇到，但紙巾要收$3😅價錢：一句講晒，大件夾抵食😋總評：點心種類多元化，味道唔算好突出，但勝在份量夠大，絕對係一個街坊晚飯好選擇👍

今天黃昏來到西灣河, 誰知又肚餓了! 看到那大大的招牌<生煎包>, 就來試一試. 職員安排就座後, 先看餐牌. 茶位6蚊!!!!!! 另外,  發現餐牌打錯字.........   <包>是指麵包, 奶皇包, 叉燒包的包, 而<飽>是形容詞, 是肚餓的相反.點選二款美食, 自職員交單, 然後等了約廿分鐘, 腸粉先來到.   豬膶腸粉   餐廳標榜使用<自家磨腸粉漿>, 又剛好發現豬膶, 所以一試. 熱辣辣的豬膶腸粉, 我來也!    腸粉色澤帶黃, 每塊較厚身, 但粘度煙韌度OK, 不易拉破, 以筷子分件時, 要多點手力. 先嚐豬膶, 豬膶爽脆, 但酒味較重. 整體感覺不錯.   招牌生煎菜肉包    以金屬鍋呈上! 三件生煎包, 下方以青蔥和洋蔥墊底, 金屬鍋邊也是溫暖的. 可能是生煎包和鍋的熱力, 部份青蔥已變軟. 先來一口, 皮料很煙韌, 而餡料很熱, 只能先咬一小口. 椰菜豬肉餡鮮甜, 餡料釋出的精華, 都滲至皮料邊緣, 變得糊糊的. 只有即點即造的包點, 才會出現這糊糊的邊界. 不過真是很熱. 由於自己喜歡食蔥,

天氣轉涼，週日的晚餐，和家人來此食煲仔飯，因為此家的煲仔飯多選擇，還有即叫即做的各種點心，街坊生意，價格也相對實惠。今天我們5個人叫了一份招牌生煎包，4個雙拼煲仔飯和6樣飲茶點心，每個煲仔飯都配一碟唐生菜煲仔飯一：滑雞+油鴨脾煲仔飯二，臘腸+咸魚煲仔飯三：田雞+臘味煲仔飯四：梅菜肉餅+黃鱔6樣傳統點心：- 黑椒牛肚- 豉汁鳳爪- 豉汁排骨- 鲜虾肠粉- 鲮鱼球-咸水饺一份招牌生煎包，其實就是菜肉飽稍微雙面煎一下，沒什麼特別，價格不平喔...唔抵食得7788時，侍應主動端來5碗紅豆沙，當餐後甜品🍮了...街坊幫襯的多，偏年紀大的，總聽到高談闊論的，呼朋喚友的...我們食完，立即買單：

日日食粥好悶， 老公決定落街買外賣點心食， 街坊一致好評， 一於買來試試。由於是即叫即蒸既關係， 所以等左25分鐘左右， 真心有D耐。🥢蜜汁叉燒腸 $23即叫即蒸， 皮偏厚但口感尚算滑， 蜜汁叉燒頗惹味。🥢蟹籽鮮蝦燒賣皇（左） $26燒賣大大粒， 啖啖肉， 有口感我鍾意。🥢鮮竹牛肉球 （右）$22一份有4粒， 比平時酒樓多，肉很軟稔但欠牛肉味。🥢豉汁蒸鳳爪 （右） $21鳳爪入味軟腍，幾惹味。🥢四寶雞扎 （左）$28足料雞扎， 腐皮包住火腿、 芋頭、豬皮、雞件全部厚身大大件。

我第一次光顧這間點心店。之前一直都想試一試。因為我本人很喜歡吃點心。但因工作忙碌的關係，無法約朋友慢慢品茗。所以經常都係一個人去點心尊門店食一盅兩件就足夠。但因本人從小家貧。所以食點心的選擇都偏向價廉路線。西灣河這附近有很多外賣點心店。這確實係一件對不太喜歡食西餐的朋友的一個好選擇。因為香港對食都好多元化。說回經歷：今日有時間，所以就來到這裡光顧試味。一入門口發覺還要上幾級樓梯才到食堂。這樣就會更保障消費者的私密唔會被打擾。上到去其實食客唔多。老人家會比較多。這個是香港中式餐飲的慣性。年輕一輩多要求快。所以這種點心店未必適合年輕人口味。今次點了二款食物。因為今天是星期日，所以每款食物其實都要加一蚊，才是正確價錢。老實講句我覺得價錢係偏高。雖然唔需要收加一，但如果食物價錢唔平。其實都係羊毛出在羊身上。唔找排骨飯很高質。飯底夠多。姐姐會主動問你要唔要豉油，豉油很好味，唔會太咸。排骨和鳳爪都唔少，一個人食剛剛好。$27都算正常價俾某些點心更平。值得一試。但食完後發覺唔係太夠。所以點多一款，本人喜歡食腐皮卷。所以就試一試。不過我很後悔。今次吃了接近$60蚊。一個人來說都唔算平。何況這裡只是街坊

I went to this restaurant with my baby. All staffs are very kind and helpful. I ordered 5 dishes and one tea for 137$. It’s affordable price. All food are great . Especially “鮮蝦菜苗餃” and “蟹粉鮮蝦焼焼売” are the best! I’ll definitely order again😚😚😚

雖然以生煎包做賣點，不過我哋選擇佢嘅原因係“抵食”，係喺呢一帶來講，適合一家老幼，平得來又食得飽嘅好選擇。呢間嘅點心最令人羨慕嘅 係大大件，材料充足，出爐熱辣辣，各位要小心睇熱呀～燒賣與茶杯嘅對比圖，入面嘅鮮蝦都係大大粒。小籠包嘅水準麻麻，剛上檯就要趁熱夾，如果唔係黏住張紙就會爆開食唔到啲湯汁精華。珍珠雞嘅size就比較迷你，入面嘅鹹有蛋黃、瘦肉雞肉同菇，香口。蝦餃都係大大粒，其他都係一般貨色。叉燒腸係即叫即整，叉燒淋身，粉皮滑身，配埋豉油味道剛剛好。蒸飯嘅份量亦不俗。呢個韭菜餃每次都會叫，啲湯都好甜，特別係個水餃，好大粒，入面有韭菜瘦肉。一個匙羹都裝唔晒一粒水餃除咗以上咁多冇乜特別嘅點心菜式，間舖仲有手工嘢，傳統嘅炸蛋散都係即叫即製，香脆又懷舊。

今日早上11時去港島區工作的時候路經呢間標榜腸粉是用自製腸粉漿做的及招牌菜是生煎包，忍唔住手入嚟買咗四個點心外賣飛的士攞返沙田：1. 招牌生煎包 $25 ，餡料主要有椰菜同豬肉，味道唔錯，但係手工粗糙，仍很大，煎得不夠香。2. 素翅灌湯餃 $27，餡料味道鮮美，素翅在湯中，不過啲湯有啲肥。3. 叉燒腸粉 $22，雖然標榜係自己磨嘅米漿做，但係冇香米嘅香味，質感亦都不夠滑，不過不失。4. 蒸糯米包 $23，外貌是用黃色的燒賣皮做外皮，個樣都好似一向以前小時候食開的，入面啲糯米飯都夠味，不過又係好似粗糙左啲，大到嗰個燒賣皮都差啲包唔晒。由於真係要搭的士攞返沙田，每個外賣盒一蚊，總共$4。不過在等候點心的時候，我見到最多人叫的反而是蜆芥鯪魚球、鹹魚肉餅飯和煎蘿蔔糕，有機會再去試埋。

今天早上來到了 生煎包專門店 點心選擇超多超過 二十款以上 最喜歡他們的傳統點心生煎包也是一個不錯的推介價廉物美只可惜店員服務態度差 四人撐枱腳 也不過是二百元內 有 傳統點心嘅風味 酒樓级嘅水準