生物鍾石磨腸粉

營業中

休息中

價格便宜，一份腸粉帶豆漿才23元。食物的味道也十分好，點的豬肉蛋腸，豬肉的分量很多幾乎每一口都有豬肉。其次腸粉的靈魂醬汁也不錯，有很重的香菇的香，個人覺得醬汁裡面應該還下了點陳皮。而豆漿是最喜歡的，豆漿現磨也不會覺得甜，很香。十分好評！！！店裡的老闆娘待客也熱情。唯一不太好是店鋪裡面的空調很小，夏天還是覺得熱。（也有可能是一大早去，店鋪空調剛打開的緣故）香港太多價格高昂又不好吃的店了，難得遇到這麼符合心意的，一定大力支持一下。

大厨朋友推介的小店。行開深水埗，可以嚟呢度試試，地點很方便，易找。名符其實的小店。下面幾張照片，已列出了所有可提供的選擇。先試下師兄推荐的炒米粉。的確唔錯。是不是頂級好，我就唔敢講了。祗能說，以這個價錢，是非常好。炒米粉 + 豆浆：$39。米粉是幼條的。米粉是現場即炒的。炒得很乾，碟底唔見有油。配料有肉碎，火腿，雞蛋，椰菜絲。味道不咸。爱濃味的可以自行加酱料。再試試腸粉。我叫了猪肉牛肉双拼腸粉，走雞蛋。因為炒米粉已經食咗蛋。櫃筒腸粉，那就是潮州風格的腸粉。會加生菜與加雞蛋。一般是不捲的，就是說，成塊粉皮上碟，又稱皺皮腸粉。但我這一碟卻是有捲起的腸粉。這裡是用豉油的。不要奇怪我這樣說，因為在深圳的腸粉，最差的一點是酱汁，用自己調的汁，暧昧而且冇味。我倒寧願他用豉油。但豉油最好要加些水加點糖煮一下，减少咸味。呢度的腸粉很细滑，不錯。猪肉比牛肉做得好。

超級好味！有「屋企」嘅味道 😝健康得黎 牛肉味又夠濃！仲要$23 送埋新鮮豆漿 抵食到傻！最估唔到係 淨係一碟都夠飽😋本身仲打算要去食串燒.......腸粉嘅皮好薄，正宗嘅皮薄餡靚😝蛋同埋牛肉夾埋一齊爆餡料到傻仲要落左西芹定唔個芹菜（？）清新得黎同牛肉味好夾！！！平時走青嘅我都中意🤣👍🏻店鋪雖然係小店但乾淨企理，坐得舒服店員服務好好👍🏻抵讚總結黎講，係一間令人有驚喜嘅小店！一定會回頭！下次試埋個牛肉餅😝

自從在國內接觸過潮式腸粉，亦即係摺摺腸粉，或正式的名字，石磨腸粉。使深深地愛上了這一種雖不滑，但米香味十足的腸粉。以前，只能在國內的街邊檔食，後來香港多左新移民，亦把這一種腸粉帶落黎香港了。而且，好多地方都有得食。這天，我同太太就係深水埗，食西九龍中心既 food court 食到悶了，就看看街鋪有甚麼好食，而就在黃金商場對面馬路，有這一間《生物鍾石磨腸粉》，我們見佢平靚正，又啱大家口味，就決定試一試。看見價錢，已經知道這兒可真是基層市民的恩物呀。$22 一個腸粉餐，包埋一杯豆漿，可真是抵食。而且，出品還是大大份的，我想多叫一份牛肉餅，食完一份半腸粉之後，已經再食唔落野。我點的，是牛肉蛋腸粉。膠粉，先包著一層不算薄的蛋，再卷著味道香香的蔥花碎牛肉。這可以說是以傳統港式腸粉既餡料同份量去製作的石磨腸粉，锸料夠，味道也特別香，口感也非常之煙韌。給女兒食的，是叉燒蛋腸粉。這一種腸粉，好多時都會夾一整條菜在內，吃入口昤更有層次。同樣，加了蛋令到這腸粉升華了，不過，菜好似多過叉燒，吃起來沒那麼滿足。太太食的，是粟米蛋腸粉，是一個真正以雞蛋同菜為主的腸粉。因為有粟米，吃起來是份外的香甜，亦因為有菜

💪🏻 豬肉蛋腸粉 + 豆漿（$23）腸粉嘅米漿係係舖內用機器即磨即製，非常新鮮😍 腸粉食落感覺厚實，亦夠滑身，唔會淋pat pat，但腸粉皮唔算薄皮。餡料都非常充足，有滿滿嘅豬肉碎、雞蛋、生菜碎，食落非常飽肚😋，而且有生菜嘅爽脆，食落口感豐富。不過餡料調味較少，要靠豉油/辣油等去增加味道。豆漿係室溫，唔凍，而且有一些怪味道🧐，不太推薦，但因為跟餐送，所以一試無妨。整體性價比超高，因為真係太平了😍 味道：6.5/10性價比：10/10 食住瘦指數：💪🏻💪🏻💪🏻💪🏻/5

深水埗真係有好多唔同嘅美食,要搵一間抵食又好食嘅真係唔容易.係黃金商場附近,見到這間門口寫住大大隻字,生物鐘石磨腸粉.牛肉腸粉加豆漿($23).真係好抵食.腸粉配料有牛肉、雞蛋和芫茜.腸粉用石磨做出來的,好滑又有米香,加埋雞蛋,芫茜碎.分量唔少,配上特製醬汁,好好食.正宗手打牛肉餅湯($23).牛肉餅睇唔出咁好食,咬落好煙韌,湯底有香濃嘅胡椒味,超好食.開放式廚房.可以睇到一部好大嘅豆漿機,新鮮豆漿係自己做,不是外邊叫返來的.

深水埗有幾間石磨腸粉，呢間唔係開左好耐，但每次經過都見到有人等緊外賣。今晚唔知食咩，咁就俾個機會我試下呢間石磨腸粉。佢門口大大個牌寫住$23蚊送豆漿，好抵食！今次叫左叉燒蛋腸粉+鮮蝦蛋腸粉+手打牛肉餅(湯)。石磨腸粉即叫即整，所以舖裡面都坐左幾枱客等緊，另外都幾多人叫外賣。腸粉入面加左蛋同少量生菜絲，入口有米香，口感滑溜，而且叉燒份量足，配埋佢個豉油同辣椒油，好好食。蝦腸相比下無咁好食，下次會想試埋牛肉腸～至於個手打牛肉餅(湯)，個牛肉餅有少少牛根，食落好彈牙，湯底味道都唔錯，佢仲加左d芫茜，喜歡茜既朋友唔好錯過。送嘅豆漿個豆味好濃，唔會水汪汪，飲到底仲見到d豆渣，証明真係自家新鮮磨製。咁既價錢有咁高既質素，絕對係平價首選！

今日，我地去完西九文化中心野餐之後，就黎到呢間新店開餐，比我樓下石磨腸粉便宜$5，鮮蝦雞蛋腸粉$23送豆漿一杯，豆漿足料，我在家也是這樣磨的，有渣未隔。腸粉好滑但太軟，易碎，要想辦法改善一下，份量夠大！

原來深水埗有間健康又好食嘅石磨腸粉🥰經過見到堂食有位 於是我就坐低食，鋪面比較細，大概等4-5張二人枱。腸粉係即叫即整，不過都唔會要等好耐👍🏼試左雞蛋豬肉腸，原來仲有豆腐送😝唔錯石磨腸粉食落口感都滑，下次試下其他味先🥰見到隔離枱食炒米粉幾正🤣

深水埗果然係平民美食天堂 呢間新開嘅石磨腸粉抵食之餘 味道都唔錯👍🏼即叫即做 非常熱辣辣雖然石磨腸粉表面皺皺的 但入口滑溜 食落有米香 加埋雞蛋 生菜絲 口感味道更豐富😌豉油亦唔會太鹹 無蓋過肉嘅鮮味 廿幾蚊已經有腸粉又有豆漿 性價比高豆漿唔會太甜 飲到底見到豆渣 證明係自家磨製🤭豬肉蛋腸粉+豆漿 $22粟米蛋腸粉+豆漿 $22 兩款配料都幾多 每啖都食到 豬肉粒新鮮 粟米就清甜手打牛肉餅湯 $22牛肉餅味道好似平時嘅牛丸 口感彈牙 個湯飲落有芫荽香 清清地幾舒服🫶🏻

平時經開深水埗呢間石磨腸粉都想試下，今日老公突然話想食腸粉，我就即時諗起呢間舖可以試下。 呢間舖唔算好大，有幾張檯仔，不過食飯時間都好多人坐爆晒，唯有外賣啦。 呢度個廚房係開放式，可以睇到入面嘅情況，環境都好乾淨衛生，職員都會戴手套。腸粉真係石磨㗎，見到有部石磨機即場磨完再即刻蒸，保證新鮮熱辣辣。用純米磨成漿，絕無添加製成👍。 腸粉都有幾款，今次揀嘅係牛肉蛋腸粉，餡料都幾多，腸粉都算滑，牛肉新鮮嫩滑。 除咗腸粉之外，都有啲飯麵等，方便午飯時可以買飯盒。見好多人食路邊炒米粉，我都唔輸蝕。老公就揀咗個秘制牛筋膜腩飯。路邊炒米粉材料好多，有蛋、甘筍絲🥕、椰菜絲、肉絲，炒得好夠鑊氣，而且唔會太油膩。牛筋膜腩飯雖然唔係好多牛腩，但係勝咗夠稔夠入味，仲要加咗少少指天椒，辣得過癮，送飯一流🤤。 以上食物奉送豆漿，啲豆漿係自家磨製，熱嘅，豆味香濃，最重要無咩糖，啱晒追求健康人士，腸粉配豆漿，perfect呀😋！

去深水埗黃金商場附近， 行到攰攰哋， 見到這間門口大大個字，腸粉$22包豆漿，新鮮豬肉牛肉，即刻入內試下醫肚及歇下腳，最佳之選， 餐廳裝修好新淨， 侍應做事快手快腳。鮮蝦蛋腸粉 + 豆漿 $22叉燒蛋腸粉 + 豆漿 $22鮮蝦食落好新鮮彈牙， 叉燒好味， 腸粉 + 雞蛋夠滑。新鮮嘅腸粉 + 豆漿套餐 $22， 去邊度有咁抵食，下次去開深水埗再去幫襯下， 佢嘅牛肉腸粉最多人食。# 生物鍾石磨腸粉# 深水埗欽州街41-45號地下

今日要去深水埗長沙灣政府合署，順便去深水埗掃吓街先，剛剛食完一個甜品，經過黃金商場嘅麥當勞，正對面見到一間叫做生物鍾石磨腸粉，大大隻字，又吸引咗我去試下，$22送豆漿，真係好平，開放式廚房，你可以睇到啲原材料新唔新鮮，仲見到一部好大嘅豆漿機，豆漿係自己做，唔係出邊叫返嚟，新鮮👍生物鍾？唔明咩意思😅店舖唔算很大，一邊廚房一邊枱$22仲有一杯豆漿送，有半樽咁多，唔係細紙杯，甜度適中，杯豆漿都值$10啦，腸粉即做，我點左鮮蝦蛋腸粉 ，有生菜，蛋和蝦，用料足，下次去開深水埗再食下其他腸，好抵食👍

薄滑正！推薦好質！可以一試試！！！！！！！！！！！！！！！！！！！！！！！！！！！！！！

早陣子經過看到這間腸粉店，就被這個店名所吸引，看了一下價錢也不貴，就今天中午來吃一下，秘制牛筋膜腩飯（38元）味道是柱侯的，燉煮得非常入味和鬆化，吃起來牛味香濃，而且因為是用上了牛筋膜和牛腩，一次過能吃到兩款不同的口感，一個是嫩滑，一個是有肉感的！而且整體的份量也不少，全是肉！叉燒蛋腸粉（22元）可以看到旁邊有石磨的，所以腸粉非常新鮮，粉漿調配得很好，吃起來很嫩很滑又有米香！配上香濃的叉燒和店員特製的醬汁，吃起來鹹香中帶點甜，非常惹味！