生興麵包西餅

營業中

休息中

其實呢間包舖，我經常經過，但咁多年都未試過入去買包。我剩知次次經過，有時老闆會派下包俾老人家，每日旁晚時分就做特價，10蚊一大袋面包。但由於本人對面包真係冇咩興趣，對中式蒸包興趣大d，所以咁多年都未幫襯過。但自從某日係youtube 見到米紙有個特輯係講蛋撻既，深水埗有好幾間性價比高既蛋撻，其中一間就係生興啦。原來我居然日日經過都未食過，所以決定出去買黎試下。因為我地呢d平民，對點樣分蛋撻靚唔靚真係唔識，剩知食落口好唔好食姐，但睇完米紙之後，嘉賓有分析過個蛋撻點為之靚同性價比高之後。一試，又真係wor，就算個蛋撻唔係岩岩新鮮出爐，但都食得出個酥皮係夠脆同多層次既，另外，呢度既蛋撻唔係死甜果隻，係一開始有d咸味之後再到甜味，係有分層次。另外，今次我仲試左個熱狗，茶餐廳熱狗就食得多，面包舖既熱狗真係少見。咬落個包係鬆軟過茶記既熱狗好多，腸仔配埋新鮮既青瓜同蕃茄仲有適量既沙律醬，,又真係好味wor🫨性價比高👍蛋撻 $4熱狗 $8

哩間麵包舖食左好多年，正式良心企業，個包大大個，波羅，雞尾，提子麥包都係2.5/個，$6-3個，超低。肉鬆紫菜包都係$4.5，一般出面有d麵包舖賣得便而又大個同常回出現中間空心，發粉太多，而距地無哩個情況。三文治（火腿留心蛋，餐肉蛋）都係$9-10，仲要日日新鮮。每到下午3點左右老細仲會送包去老人院，有時候會派包比露宿者，真係好好一個老細。

哩間麵包舖開左超耐，我小學已經食距包做早餐，紫菜肉鬆包都係$4.5，腸子包大大個都係$4，椰絲奶油都係4.5，超好味，波羅雞尾包$3，$5/2個，仲要經常出爐，老闆經常下午茶時間送包附近老人院，有部份窮人經常幫襯距，距都會收便距地，有次有視障伯伯買左幾個包，距順路扶住距帶距翻富昌，一路距地有講有笑，真係好有心老闆，加油，社會正需要好似你甘人去感染社會。所以我都經常叫屋企人多多同距買包，雖然需要行多幾步，但都值得

平日比較少來這邊，但是其實如果乘車到南昌，再走到上班的工作地點，其實也挺方便，路過便一時試這間麵包店。唔好係返工時間食飯，吃個麵包也倒可以。那如果吃兩個麵包呢？有人煮米粉呢？吃一頓飯不行，但是淥麵呢？吃米粉算不算輕盈，如果個米粉加兩粒魚蛋呢？三粒呢？沙律腸仔，沒甚麼特別，但不太肥膩，味道還好，正正常常。試一試蛋撻，看看是否如上面食評所述那麼好吃，結果發現蛋撻也不太熱哄，蛋味不算非常濃郁，味道僅屬一般。蛋味算香，如果新鮮出爐熱吃蛋撻必定更上一層樓。吞拿魚包，內容不少，外皮較乾，內容的吞拿魚挺多的，沒摻雜其他材料。熱狗，味道也相當不錯，也是一般的腸仔、青瓜、蕃茄，沙律醬不少。這間麵包舖最出色嘅地方，就是它的麵包很明顯是實心的，而且真材實料，吃得飽飽的。一次，進行了特別任務之後，因為非常之匆忙，而制度又不容許你在公司吃午餐，唯有，應該說「只好」買麵包及蛋撻回公司，然之後遲一點才分開來吃，令人看來好像沒有吃東西一樣。算吧，反正繼續自己在暗室裏頹廢也沒用，倒不如吃多點特別的東西，在枯燥乏味的生活裏，吃點特別的滿足一下自己更好。

成為第一個寫食評既人喇!點解一間咁好食既蛋撻都冇人識欣賞嫁!!!!生興係我經常光顧的西餅店,佢沒有豪華裝潢, 沒有新穎款式是一間街坊式的西餅店, 老闆是夫婦拍擋sell 真誠同溫馨~言歸正傳喇,每一次搭西鐵(南昌站)行經生興的話一定會幫襯兩件蛋撻佢既蛋撻只有曲奇底, 任何時候食佢既蛋撻都係熱辣辣蛋汁一定係脹卜卜!!真材實料夠老實!食落去唔會太甜, 又唔會冇味蛋撻同蛋撻底既比例剛剛好唔會話曲奇底太厚太多蛋汁多得又唔會漏出黎放在手上好像拿住一小杯水,要小心翼翼咁食下呢杯水。