生記粥店

營業中

休息中

當天在別處看到別人吃粥+炸兩，很想吃🤤，於是就去吃了✌🏻這麼冷的天氣，吃碗熱騰騰的粥，最好不過🫰🏻本身同伴不加醬，我說這樣吃才是🤌🏻炸兩要加芝麻、甜醬、花生醬炒麵要加甜醬、辣醬紅磡這間分店跟油麻地分店，應該是同一間但應該與上環那間不一樣吧(?)上環那間的魚粥鮮味再出一點，而且會另外有薑蔥豉油碟來點魚吃我自己要求額外碗仔，就可以點豉油吃😋Anyway, 很抵食，可以再來🤍 想食咸糭 隨時都有得食 2個人吃到飽，只是HK$89豆漿不算便宜，HK$15

每次同阿媽經過，都必定幫襯呢間老字號粥店，而家真係買少見少。粥店地方唔大，但乾淨企理，頂頭吊住一隻隻粽，甚有風味。炸両炸両外層的腸粉皮又薄又滑，內層酥脆，加上甜辣醬同芝麻醬食，口感酥脆多汁，十分美味。魚片粥熱辣辣的魚片粥送上枱，有魚肉的鮮美和粥的柔軟的口感，加上蔥花、薑絲同蔬菜，既暖胃又健康。鹹肉糭糯米賦予了鹹肉糭獨特的黏滑口感，而鹹肉的鹹香味道則與米的甜味形成了美妙的對比。這個粽內餡豐富，是我的最愛。

近排有啲熱氣想搵下粥食, 經過街市見到呢間粥舖, D裝修一睇就知道係老舖, 我一向都鍾情老商店所以就入去試下，叫咗個艇仔粥， 表面睇艇仔粥平平無期，但內裏其實都幾多餸，粥底軟綿綿，係用明火煲嘅粥底，唔係磨出嚟嗰啲，傳統煮法係好味啲 😋

我發覺紅磡似乎好似無咩傳統粥面檔，而我雖然唔係年紀好大，但係唔知點解我特別忠情傳統粥麵檔，所以成日都覺得紅磡揾唔到粥麵檔而有d可惜，但係原來有間粥麵檔係紅磡街市隔離，去街市買餸一直無留意到😂應該係我去買餸既時候太專心要揀咩新鮮食材就無睇到😂d炒面几好味，雖然係普通炒面白粥，但係唔知點解我自己整就整唔到粥麵檔既味道！d腸粉都几滑，好耐無食即拉齋腸，食到好滿足！白粥腸粉炒面依個組合我覺得係早餐既回憶組合，以前小朋友一有得食就好興奮！

紅磡舊式粥店天氣凍早餐想食粥，就去左生記粥店叫了皮蛋瘦肉粥和炸兩粥在店一直煲的，外賣到office 15分鐘還是暖的，d瘦肉好好味。 炸兩好大份，2個人食先得另外店內重係用銅煲的，好懷舊

真係好難得見到懷舊老字號粥店，一次過買咗好多款回家慢慢歎👇🏽齋腸好滑，好味！叉燒腸一樣好食。最愛豉油王炒麵，好有傳統味道。油炸鬼一睇就知在店自己炸，不是入貨，所以好脆好新鮮，唔係唔配粥食丫👇🏽滑牛皮蛋粥，個粥底好綿，好好食🤭加埋皮蛋牛肉的原味，連胡椒粉都不用落😬艇仔粥好足料，兩款粥都好味😋最鐘意支持小店，喜歡他們的堅持和獨有味道，不是連鎖店的單一味🙃呢個店牆上的餐牌好有懷舊風味，性價比高，好貼地的親民街坊價，會繼續幫襯😊

附近有家粥店昨晚喝過酒第二天除了要狂灌水就是會對濕 熱東西有慾望所以點了一碗豬紅碎牛粥 $21他們還有紅綠豆沙聽說最近的情況人們應該多吃綠豆沙不過在下怕涼所以最後還是只點了一碗粥加點胡椒粉粥會更香濃只是質素就普普通通並沒有什麼特別之處不好吃 也不會難吃就是普普通通的一餐擺了而在粥店 有一個很大的優勢就是很快雖然在下會吃得慢但完成整個進食從進店到離店所用時間就只有20分鐘左右可以省下很多時間做自己事但理所當然這些街坊粥店別妄想會有任何良好招呼吧..吃完自行離去就好

相信好多紅磡街坊都識「生記粥店」之前經常在此區工作，都會去食碗粥。難得今日又黎開，加上天氣凍凍地真係最啱食粥暖胃。見六點前禁堂食，咋咋淋食咗先白粥 $11齋腸 $11 白粥超綿，米香突出，夠厚身，肯定夠飽肚。齋腸 大大碟，腸粉拉得幾滑，加埋豉油、麻醬、甜醬和超多芝麻，抵食好食，庶民之選。$22 埋單已經覺得超滿足。

叫左豬潤雞粥、齋腸、凍豆漿豬潤雞粥話哂都叫做生滾粥，理論上應該要D時間先起到。點知等左3分鐘左右就上菜。可惜粥同豬潤、雞件嘅味道完全分開‧，冇將豬潤、雞件嘅肉汁融入粥水到。簡單講，食果淡粥， 就只有白粥味。不過好嘅係雞件去左骨，夠方便安心品賞。齋腸就正常貨式 但唔夠熱豆漿就冇乜豆味。不過紅磡區粥店，食過幾次大概都係依個水準。

紅磡美食系列 （三）舊式傳統粥鋪而家真係買少見少，係紅磡呢間已經開了幾十年，雖然係而家嚟講，係衞生，清潔方面未能達到大家要求，好似大型連所店咁，但對於我個人嚟講，我係接受到，最重要嘅係係味道方面，佢真係好食嘅👍👍其實唔洗我講，紅磡街坊都會知，早上，中午都超多人，連外賣都嘅人都源源不絕。😱😱😱@生記粥店地址：紅磡差館里3號及弟粥 （生滾粥）80分入到去，會見到一大煲粥底，如果你叫生滾粥，佢會係粥底攞起大約一碗粥嘅份量，再去另一個爐頭，加入生嘅材料，大火滾熟，真係真真正正嘅生滾粥。👍👍👍我最鐘意就係及弟粥，因為材料十分多，有豬肚，粉腸，肉丸，最正就係豬肝，佢滾到啱啱好，又唔會過老，好爽口，豬肝嘅汁液融合埋粥底入面，令到成碗粥更昇華。😋😋😋油炸鬼 （油條）85分每日新鮮炸唔停，好受歡迎，所以成日都食到熱辣辣嘅油炸鬼。😍😍😍炒麵 70分其實佢炒得係好食，好爽口，但美中不足嘅係味精重手咗少少，食完會比較口渴。😀😀😀腸粉 75分都係嘅叫即整，佢唔會同其他大型連鎖店咁以晶瑩剔透同滑為主，佢係注重米香，口感煙煙靭靭，反而我鐘意。😃😃😃另外，牛脷酥，鹹肉粽同其他即叫即整腸粉都好好味，大家可以去試下。😚😚

到紅磡老字號粥店吃午餐，我 order 咗碎牛粥和炸兩，同行友人點了豬紅碎牛粥及腸粉！ 粥底很綿滑充滿米香，炸兩皮薄而包裹着的油炸鬼相當香脆，腸粉則非常幼滑，而且價錢很實惠！唯一美中不足之處，就只是沒有提供飲品，老店實力真的不是連鎖經營的粥麵店可相比！ 😋😋😋

公司附近最近粥檔只得一家，內籠老店裝潢，侍應阿嬸們尚算招乎周到，笑容滿面，但負責煮野兩位阿嬸似乎笑容欠奉，表情黑黑地。管理勁混亂，成日錯單漏單，有待改進。因為懶唔想行太遠，貪近貪快，唯有再次生記。雖然生記出品麻麻，係依幾條街唯一一間粥舖，午飯時間仍然客似雲來呢！阿嬸們貫徹始終待客態度十分冷淡，黑口黑面，目無表情，居然找錢時將硬幣掟落我隻手掌度，係咪想死呀！過份到離晒譜。幫襯多年，只試過有一次見白頭阿嬸極親民好相與，熱情禮貌招待食客，心情大好乍。幸好還有一位肥姐，為人有善有衝勁有活力敬業樂業，有禮有笑容，比白頭冬菇嬸好多倍。師傅經常心不在弦，不用心聆聽，我要走蔥呀 ﹗侍應阿嬸絕對有講走蔥。此粥店習慣只唱單，不會寫單，經常都出錯食物，多年陋習係要改架。生記職員習慣只唱單，絕對不會寫任何單，所以我碗粥一次兩次再次無限輪迴無走蔥囉﹗已講十萬次我走蔥咯，已多次無理會，真係火到黎 ﹗將蔥掉晒落檯面，您地慢慢清理啦！搞到我要花時間挑落檯，您地要花間間清理，係咪雙輸呀！終於發現問題所在，何解每次什麼粥都淡茂茂呢？原來係泡粥，不是生滾粥！只是執好熟料再面頭倒上熱白粥，熟料成舊沉係底，粥還粥、料還料，沒有

住紅磡的人都應該會認識生記，除了已開業多年，也正正在紅磡街市旁所以常常經過。星期日是個下雨天，中午仍然座無虛席，而且有源源不絕的外賣客人。幸好翻檯也很快所以剛好有兩個位。叫了豬膶滑牛粥、炸両、米粉和一杯豆槳，才六十元已經令我們有個超飽的午餐了。最喜歡是這裡的粥底，不像有些店舖似是加了生粉水的質地。偏稀的口感，但很綿滑，所以每次無論算那款生滾粥也不會失望。見店員不斷在炸油炸鬼，想必炸両也是非常新鮮，腸粉皮尚算幼薄，所以也是我經常會外賣回家吃的早餐。這天堂食固然口感更好！炒米粉倒是第一次點。炒得還算乾身。味道有點清淡，但知道粥店的炒粉麵就是要人加喜歡的醬汁啦。重要是才十元已經大大碟，經濟實惠。當然，老店的環境當然是差一點，要搭檯、辣醬的樽也有點黏黏的。不過，老店就是有它的吸引力，所以也經常會來這裡吃！

鐘意吃粥，每去一個地方，都想找附近美味的粥店試食。今次朋友介紹了一間紅墈粥店，於是便急速一試。這是一間老式粥店，所以座位不算寬敞，但也算舒服。揀了我至愛的魚片豬潤粥，粥很綿很綿，而且非常鮮甜，豬潤很滑很彈牙，配上魚片，真是甜入心頭，難怪店內吸引這麽多老家來吃。粥不算大碗，所以一定要叫多個炒面或炸兩吃，油炸鬼很騷香，配粥真的一流，但炸兩就一般般，沒太大特色。誠意推薦老的豬潤粥。

日日都三十幾度天氣超熱無咩胃口，口淡淡學媽咪講去食個弼先，上次同事教食個個菜乾豬骨粥$19係餐牌上無既，問下姐姐真係有就加多個炒米粉$10，加埋先$29，真係糧尾恩物啊！菜乾豬骨粥$19清熱下火，菜乾香味好濃,價錢平但用料一D都唔少，豬骨都好入味，粥底亦好棉食完碗粥都好夠飽，但都要食埋個炒米粉，米粉用左好多銀芽一齊炒香，真係大滿足最鐘意醬料任加，甜醬、辣醬、麻醬…落幾多除你鐘意，但我就覺得本身已經好夠味道唔洗落咁多再去調味