生記粥麵

營業中

休息中

在鰂魚湧有一間生記粥麵店它有很多不同的選擇不同的湯麵，粥品我較喜歡它的粥品十分魔鬼的豬潤粥， 我也不敢多吃， 但味道真的很好， 一碗生滾豬潤粥定可滿足你😁豬膶大大片滿滿在粥面， 見賣相已開心蔥絲薑絲加豉油， 是爽口豬潤粥的絕配。而這碗爽口的豬潤，粥香味美的生滾粥， 價錢更令你開心。 在下午茶時段點一碗袖珍豬潤粥， 可以減三蚊，因此價錢只需29元。但值得留意的是，它午飯時間會有十分多人排隊，因此如果大家能選擇的話，可以到下午茶時段兩點半之後，再去這間餐廳試試。

成日經過見到間粥店都咁多人排隊，今日就試下佢。叫左碗袖珍雞粥，一上台碗粥好熱好熱岩岩滾起，佢會比埋D鼓油薑蔥你去點雞/放入D粥到。D雞好滑，又吾多骨，最岩我呢D懶人，差吾多件件都啖啖肉。佢D雞都整得幾入味，其實吾洗點鼓油薑蔥都得，本身都夠鮮，絕對無雪雞既感覺。本身想試埋腸粉，但一碗袖珍都食飽，等下次，會再黎!

中環嘅生記粥麵都幾出名，而佢嘅分店喺鰂魚涌，都唔錯，值得一試。 就好似佢嘅總店咁，及第粥 總會附上一碗薑蔥醬油。 薑蔥切得非常幼細，吸收埋醬油嘅味道，夾埋啲粥入面嘅材料一齊食 ，係完美不過。 而且本人係非常之唔鍾意食薑，但係一食到呢一個薑蔥， 都可以接受，因為佢薑味唔算好辣，但係就好新鮮好脆， 蔥絲亦都非常新鮮，好香蔥味， 作為配菜都非常好食。而主角嘅粥底 ，食落非常香甜 ，有米味， 加埋唔同嘅材料，例如豬潤，豬心，豬肚，肉丸等， 加埋薑蔥是一齊食，真係好好味。至於油炸鬼都幾大條 ，點埋粥食嘅感覺唔錯。

侍應態度惡劣，不知所謂。收銀仲好野，人地叫外賣收完錢就叫人唔好企係門口，叫個客企開d，唔好阻住個門口。叫碗豬肝粥，豬肝唔好食，怪味，粥底冇味。叫碗雞粥，雞全是酒味，好明顯d雞要用大量酒辟味，點會新鮮。垃圾。

開始作感冒冇咩胃口，不過食得清淡都唔代表要食得差既。 對生記既生滾粥一直耳有所聞，見地點方便又開得夜，收工專程黎一試。夜晚8點近乎滿座，部分食材例如魚腩、油炸鬼等都將告售罄，迫不及待先落單。 本來想試試雙拼粥，但起碼$50既價位令我有少少卻步，最後揀左單拼馳名魚腩粥同鮮雞粥各一碗。阿姐好殷勤地問我鮮雞粥要唔要細碗，原來部分粥款可選袖珍版，會平十蚊左右。 老實講以我食量係想要正常size既，但見在場女士都叫袖珍款，騎虎難下惟有叫左碗細既，暗暗希望食埋小食會夠飽。見到手寫單據既價錢比餐牌所寫為低，先發現下午2點半後入座，粥品每碗照價減$3，即時抵食左唔少。鮮雞粥 ($29) 袖珍驚喜地發現袖珍版毫不袖珍，快將滿瀉既外型睇落甚至比正常份量多。 仔細比對下覺得分別在於袖珍版既碗口有少少彎，但容量差不多，見唔少伯伯單食一碗都夠飽，性價比奇高。生滾粥多數偏稀，但呢度既濃稠度絕對滿足到我呢個廣東粥愛好者。 粥底鮮甜帶雞鮮味，可能唔係帶骨既雞件，甜味相對冇咁濃，但以豬骨、瘦肉、瑤柱、腐竹等熬成，本身已經夠哂清甜。雞肉係大大件既鮮雞球，嫩滑彈牙，食到底都仲有好多塊，十分足料。最欣賞每款粥都配一碗薑蔥豉油

已经食左好幾年生記的生滚粥因為物價通脹由佢28一碗細粥食到現在32一碗， 價錢雖然加左，但唯一不變的就是粥的味道同食物的份量，仍然保持一貫的水準今次我叫返我最愛的口味魚片牛肉粥店員很貼心，拇指只會喺匙羹同碗之間的空隙托住碗粥然後拎過嚟比客人， 所以拇指不會掂到客人的食物。每碗粥都會有一份豉油+薑絲+蔥絲比客人,如果想要多份是需要加錢的粥底煲得好綿 牛肉囗感軟滑又不失牛味魚片太薄已經看得不出形狀不得不解釋一下為什麼他是我的最愛因為係生滾的過程牛肉的肉味已經同粥底混合再加上魚片的鮮甜味，吃每一口都是享受。其實我更加推介大家食牛肉魚尾粥，但由於份量太大每一次我都吃不完，浪費了。

自己一個人想食清啲，行過見到呢間多今食，就入左去食碗粥，舖頭都算大，枱與枱之間既距離算多（粥舖黎計），見佢啲粥有分 size, 咁我就叫左一碗細既豬潤粥，幾分鐘就有了，畢竟唔係繁忙時間，唔使等太耐，仲會有一個小碗既鼓油薑蔥，幾好 wor, 啲粥好熱，岩岩滾起咁，粥底好綿，味道唔太鹹，岩哂我口味，豬潤好高質，厚切而且爽，好好食，其實呢度既細碗等於其他舖頭正常份量，所以已經好夠飽，本身想試埋腸粉，腸怕都要下次喇

今日凍凍地又想食清野走左去鍘魚涌一帶搵食見到生記好多人咁就去試下位就唔係坐得太舒服而家個個地方都係咁叫左牛牛粥同豬潤粥一來仲有好多泡泡d粥熱辣辣食落去暖在心頭好希d粥食番以前舊時味道都好大碗我已經係小size大size我應該食唔落除左食粥我都叫左全世界最好食既腸粉滑滑地我叫左兩碟可惜油炸鬼就唔係新鮮整出來要凍食如果可以即場炸同食應該係件美好既事最後都試埋魚餅因為本人好鐘意食但可惜好鬼油唔覺太有魚味就是這樣

一家大細都病咗，諗住叫生記一大一小皮蛋瘦肉粥外賣。因為之前食過，知份量，諗住環保D，攞咗兩個細暖壺裝一碗大，再加一碗細外賣（屋企得2個細暖壺），寫低張紙，叫外傭姐姐去買。點知，姐姐返嚟得返一碗細外賣加其中一個暖壼有粥，但收據係一大一小嘅價錢！細碗外賣D粥仲多過暖壼D粥！其實目測都會見到暖壼比細外賣碗細，但真係無諗過會咁收＄！！！BTW, 之前個人經歷，個收銀態度離奇地差，原來OpenRice 有咁多人都有同感

我同老公搬左去康怡兩年幾，附近食肆越來越貴，唯有跳出太古，行遠少少，走落鰂魚涌搵食啦。有日經過生記粥麵，見入面咁多人，實無死，於是入去試下，一食就返唔到轉頭，每個星期想食粥，清清腸胃就去生記。老公只係病嘅時候先會食粥，所以佢去到通常都係食麵，但同樣好足料。基本上我地每次都會每人叫碗粥（女士們可以叫細碗，平d，三十幾蚊。圖中係細碗，份量都唔少）同埋麵。我最愛係豬膶肉丸粥，平時食豬膶都太老，好「鞋」口，生記嘅豬膶因爲生滾，剛剛好熟，好爽口，配埋碗薑蔥豉油，簡直一絕！肉丸大概有成6、7粒，粒粒都好大粒，食極都仲有，呢個價錢，咁嘅質素，咁嘅份量，真係冠絕鰂魚涌。老公叫貢丸墨丸麵，都唔係行貨，貢丸入面仲有d唐芹。墨丸夠彈牙，有墨魚味。每款丸成4、5粒，又係食到傻。我地每次仲會加碟油菜同混醬腸粉，好滿足！

因為粥舖喺公司付近食物水準又穩定所以間唔中都會幫襯每次都係魚腩粥食極都唔厭今日唔例外都買左個魚腩粥返公司食比錢果陣$43 加左價雖然係貴左但真係好正碗夠大碗魚腩都唔少喜歡食魚嘅朋友一定要試包你食過返尋味

午餐時間，也想要個窩心朋友伴著共進！一約就成事更是幸福！粥粉麵飯？定快餐？決定追索上次去錯粥店的故事！由公司一點出發去，幾分鐘就到了！看到店內客人滿滿。店外數人排隊，原來等外賣的。和朋友不到兩分鐘被安排入座了！坐位椅子有點壞掉了，大家要注意喔！點餐了！我立刻叫炸兩吧!但原來沒有的！朋友很快叫到油炸鬼加齋腸粉，說加起來就是炸兩！哈。油炸鬼$11。凍了及有點干身。齋腸粉$15。質地幼滑，熱辣椒。店員也細心詢問需要什麼醬料！再來白粥$11，沒有特別。煎鯪魚餅，加了香蔥，質地彈牙。炒米粉$15，加了肉碎，炸菜，椰菜絲，紅羅白絲。第一口起下材料豐富，但再吃感覺味道欠奉。飽飽了。本想好友覺得好食！原來大家也覺得名气過大了！反而我們也喜歡上次去錯的粥店！談心慢步回去！分享小事身邊事！聽到您說風吹來真舒服，我心情也歡欣！

和男朋友在屋企附近已經差不多餐餐食到嘔了，係諗唔到仲有咩好食之下靈機一觸，想到了食粥而男朋友食過一間覺的幾好食的，就是位於鰂魚涌呢間生記粥麵。我們趁佢未關門之前立即即興地走出去試。在八時多的時候，店入面都有唔少客人。但是仍然有空位的，所以的地不用排隊。坐低咗之後，我地好快就揀好要食咩，店員便為我們點餐。除了粥，我們還點了腸粉。啲醬吱得好靚好整齊，賣相十分吸引！味道亦與賣相一樣相當的好，腸粉十分幼滑，每一層皮都好薄，食落去柔軟又彈牙，口感及味道都做的十分好。登登登櫈，我的豬潤雞粥（小）＄36 終於到了啲百潤多到突哂出來，而且每一塊都好大舊同厚身。旁邊有佢比的豉油（影得唔清楚＞＜），加了薑和蔥，可以用來點雞同豬潤食嘅。豬潤每一舊都有返咁上下 size，份量十足。咬落去爽口，不會好像一啲店鋪的豬潤般太冧，食落去好快就溶哂咁。雞的話建議大家一定要點豉油，味道會提升到令一層次，亦能帶出鮮味。呢到啲雞應該新鮮雞，一點冰鮮的味道都冇，而且咬落嫩滑唔粗糙，非常好味除此之外，粥都做得十分好！綿綿的粥又夾雜住配料的味道，十分香同滑，口感也是厚身的～我好快就食完一碗了，感覺仲不夠喉添：）整體來說呢間粥係的食

今日無咩胃口，lunch 就決定清清地黎生記食翻碗粥。其實價錢唔算太平，但次次經過都見到咁多人食，就決定試下啦。果然一分錢一分貨呀！今次要左碗豬潤粥，從未喺街食過d咁大塊咁厚既豬潤，重點係好爽口！豬潤分量好多，每一啖粥都有。跟粥有一碗薑蔥豉油，將一半薑蔥絲放入粥到，另一半就用黎點豬潤。豬潤加上甜甜地既豉油更好味。個粥底本身都好綿滑，相信配其他配料都一樣好食！其實有時唔一定要病左先可以食粥吖，食到碗咁好食既粥都係一個享受！

今日lunch time 買左個魚腩粥外賣，12:30黎到都要排隊等位。夏天熱辣辣都有咁多人食粥食麵老實講粥舖我食過好幾間，我諗生記係我心目中排第一生記門口有好多相每次經過都好多人食，粥款式又多，果然係粥品專家每次幫襯都係魚腩粥，因為本身好鐘意食魚，碗粥又大碗同埋真係好多料簡直超級無敵，食極都唔厭$41就可以食到咁大碗粥，好抵總結: 粥就幫襯得多，會想試下佢嘅腸粉或粉麵