生記飯店 (已搬遷) 新店位置

由於在樓上鋪一直冇試，今次一行4個女仔可以食多幾樣嘢。午市有客飯，我們叫在3個再另叫其他，果然款款都非常出色。每人送碗例湯，木瓜魚湯，冇味精好好飲沙薑雞夠嫩滑蜜汁叉燒冇得輸通菜炒牛肉酸薑流心皮蛋清蒸班仔，火喉啱啱好招牌咕嚕肉

應該都好耐好耐無食過團餐喇，唔好話有無疫情，本身都鍾意自由行，極少跟團，就算呢一、兩年玩吓本地團，揀嘅都喺食自助餐或者兩人、四人一枱嘅西式餐套。今次跟咗個本地團遊吓港島呢邊啲特別地方，最後，就嚟到灣仔嘅「生記」食晏。 位處商廈嘅「生記」，佔兩層單位，一般茶客就會晌下層，我哋呢啲團體客，就安排晌上層，環境格局如啲舊式酒樓，無咩奢華裝修，樸樸實實，員工都喺上年紀嘅多，頗有老店嘅感覺。 雖然店家未摘星，不過，都喺多年嘅米芝蓮推介餐廳，所以，佢哋都專登放晒出嚟。之但喺，我個人搵食就從來都甚少睇「星」，都喺隨意咁啦。 講番個團餐，因為都無標明咩團體名，相信凡喺上嚟食團餐都喺呢個「懷舊粵菜體驗套餐」，有湯、有小炒、有炒麵及甜品。 子薑溏心皮蛋「生記」有好幾樣名物，差唔多嚟嘅客都會嗌，前菜嘅子薑皮蛋喺其一。粉紅嘅子薑醃得酸爽唔嗆喉，而皮蛋嘅溏心做得細膩，開開胃！  金沙脆魚皮邪惡嘅金沙脆魚皮又喺另一名物，睇佢炸得金黃，外層沾滿鹹蛋黃，口感沙沙，味道鹹香，膽固醇萬歲；而魚皮本身炸得香脆不膩，咬落咯咯聲，更唔會有咩油「益」味。招牌黃老太靚湯即喺咩？其實喺肉排煲老黃瓜，因為已由侍應分碗上，所以，嚟到已經喺

灣仔生記飯店係我定期要回味嘅餐廳之一，位置方便，有時即慶約朋友都唔駛咁難就地點。今日就一行三人又嚟翻尋味，嚟到大廈門口仍然放住米芝蓮推介嘅招牌今次星期五去到仍然好多客人，好彩仲有張檯但就要上二樓。今晚嚟到原本諗住一定叫焗魚腸，次次嚟都必食，但今次竟然話要預訂先有，有啲失望，咁唯有試吓新嘢啦。我哋叫咗份前菜炸魚皮、生炒骨、椒鹽鮮魷同豆鼓雞。炸魚皮(4/5)魚皮炸到好脆口，甚至有啲硬，但非常香口，送酒一流。生炒骨(4/5)平時食開咕嚕肉，亦都係生記招牌菜，今次試食生炒骨，認真講句，下次都係叫返咕嚕肉算，味道其實無咩分別，但啲肉質有唔同，啲排骨過咗火喉就有啲韌，都係咕嚕肉用梅頭好食啲椒鹽鮮魷(5/5)老實講，平時嚟生記真係好少食，朋友想叫啲炸嘢送酒就叫咗，估唔到炸得咁酥香，炸粉薄薄哋唔會成口脆漿，非常好味豆豉雞(5/5)平時炸子雞已經攞滿分💯，點知今日俾個侍應說一說叫咗豆豉雞簡直係一個昇華，雞肉油爆得啱啱好，雞肉非常滑身，豆豉味好出，下次嚟一定要再叫

七月嘅時候剛剛返到香港，又有朋友加拿大返香港探親，於是約埋一班朋友一齊去食飯，就揀咗呢間米芝連推介中菜老字號，我哋之前已經嚟過，食物水準好穩定，所以應該靠得住😊☘️咸蛋黃炸魚皮 - 炸得甘香酥脆，火候剛剛好唔會太燶，魚皮好薄唔會感覺好硬，絕對新鮮☘️蝦子柚皮 - 呢個菜真係好花功夫，柚皮蚊得好淋好入味，感覺入口即化，面頭舖滿蝦子好提鮮👍☘️炸子雞 - 呢個係佢哋招牌菜必點，皮脆肉嫩，我最鍾意，雖然近排減緊肥，但係個雞皮真係呢道菜嘅重點，所以都忍唔住食哂佢😋☘️梅菜蒸芥蘭 - 以前成日覺得呢味菜係老人家至喜歡，我一般都係叫比較惹味嘅炒菜，唔知點解今次食，覺得好好食，梅菜嘅咸味滲入芥蘭一齊食好入味，唔通我開始老咗😂☘️咕唠肉 - 呢個同生炒排骨一樣係我至愛，啖啖肉仲要酸甜酥脆，餸飯一流😋呢度啲員工全部都係老伙記，服務唔錯，我哋食完仲送咗糖水，overall 用餐體驗都好ok, 所以隔一段時間都會再嚟食😜

位於灣仔嘅生記飯店 都有好多年歷史 識食嘅人一定有聽過佢位置位於一棟大廈嘅1樓同2樓 雖然有少少隱蔽 不過認住門口個牌 就知喺邊度入啦家傳手磨生煎蓮藕餅 $128 - 嚟得呢度 點都要嗌佢嘅藕餅 😍 平時唔係好多酒樓有呢個餸嗌佢嘅蓮藕餅 面頭煎到好香脆 有淡淡的南乳味 同埋少少芫荽Overall 肥肉同瘦肉嘅比例啱啱好 唔會太乾 亦唔會太油梅菜菜心 $108 - 亦係呢度嘅名物之一 梅菜鹹鹹香香 係送飯恩物 食到停唔到口 平時唔鍾意食菜嘅人 都會不停夾呢個餸食完飯 侍應即刻送上甜品 白糖糕！好耐冇食過啦呢個係免費㗎 唔使錢 呢種香港傳統小食都已經唔係好多地方有得賣呢度做到味道適中 好清甜 雖然係甜品 竟然有啲消滯嘅感覺 😯成餐飯好開心好滿足 😋🍽 餐廳: 生記飯店🏠 地址: 灣仔軒尼詩道107-115號協生大廈1至2樓#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram

生記飯店聽聞好出名又有歷史的舊飯店一個星期前已經打電話book了位。一入門口見到的牌面和佈置已經知道是很舊式的飯店，舊式飯店一定有佢的生存價值我們點了好幾個餸，他們的湯有很多種選擇，這裏的湯真的很好味😋，飲落去唔覺得有味精味，真的是老火湯，一個字正好好喝鹽焗雞的皮顏色好靚有點金黃色，雞肉好滑唔太肥又唔瘦這裏的蓮藕餅也很出名大家必食，而且一疊有很多件跟住我哋都叫咗魷魚🦑👍🏻👍🏻和杞子豬潤食到尾聲還有傳統白糖糕😍送比我哋食

很久很久已沒有來生記，當老公通知我小叔要替女兒farewell訂在生記吃飯，我第一樣想到必食的便是泥鯭粥，那魚鮮味，真的沒有其他替代品。約了6時飯局，因為時間早的關係，不是太多人，但我們7時多走已是坐冇虛設，想必生記有一大班忠實粉絲。小叔預留一隻炸子雞，鷄味濃，皮脆肉嫩，美味。另外預訂的生抄骨，高水準之作。蓮藕餅，真的非常可口，必叫。不用說點了我最渴望的泥鯭肉丸粥，仍然鮮味，但個人比較喜歡以前的老式做法，原條泥鯭上。最後還點了醬燒牛肉骨，和梅菜菜心，牛肉骨也美味可口，但實在太飽了，不能多吃，菜心恰到好處，只是我個人比較喜歡是齋梅菜加菜心，生記這兒的做法是梅菜肉絲加菜心，不是我杯茶而已。四人飯局埋單千七，絕對是性價比超高，不愧是一間可以屹立飲食介多年的老店。

從前太平盛世，食友飯局一個接一個，盡情享樂的人生！近兩年，一個接一個的是 Farewell 飯聚，滿是不捨的離愁別緒！我們多久沒見？保守估計至少有一至兩年之久，正因為某位友人快要離開，連續兩個星期以飯局之名，珍惜彼此相聚的時光！多謝友人的安排，Farewell 飯聚設在灣仔「生記」，老實說已留意「生記」好一段日子，趁 Farewell 順便一嚐「生記」的懷舊菜式，我想是緣與玄的結合！菜單上少不了「生記」多款招牌菜，不過令我留下深刻印象的反而是幾款非掛在嘴邊的菜式。永遠認同不同口味、不同的思想意見，才讓這世界發放色彩！先來的是三款前菜。一見流心的皮蛋酸薑、粉紅的酸薑，水準配搭，開胃不已！咖喱螺肉令我想起柴灣的「財記」— 童年的美好回憶！「生記」的螺肉較圓大，咖喱味相對溫和，但也不失令人快樂的元素！發現魚皮的潮流由包裝小食轉移到食肆。「生記」的金沙魚皮也展現出即炸的誠意，加上鹹蛋黃的提味，香脆的誘惑也不存在好酒與非好酒之分，來一碟眾樂樂是理所當然！試過多家食店的魚皮，個人認為「生記」的金沙可以來得更邪惡，反正大家已豁出去了！邪惡過後是一股溫純的住家味道！煎得焦香金黃的香煎蓮藕餅，入口是鬆軟

同前輩食飯，對方指明要到灣仔生記。舊式粵菜格局，連伙記招呼都偏「舊式」，斟水斟到「呯拎啪冷」，但勝在菜式交到貨。枸杞浸豬潤 - 豬潤超厚身，咬落嫩滑夠味，一啲都唔腥，非常出色！另一味薑蔥桶蠔亦表現不俗，一碟四件蠔，份量唔多但勝在夠大隻，蠔有脆邊夠香口，咬到中間極肥美，蔥同薑就咁食都幾送飯。煎藕餅用嘅豬肉偏肥，咬落咸香有油份，加了馬蹄增加了口感。反而最期待嘅咕嚕肉就顯得平平無奇，教人失望。最後點了兩碗肉丸泥鯭粥，一入口嚐到咸咸米香，即刻喚起兒時在舊式粥店食嘅回憶，前輩說應是加了腐竹，我懷疑係加左皮蛋。甜品是附送的白糖糕，久違的兒時點心，微甜帶少少酸，吃的更多是回憶。

生記飯店💵 Hkd 100-300 一位晚飯推介指數 🥃🥃🥃🥃金沙脆魚皮生記炸物無得輸，脆口得黎一啲都吾油椒鹽海鮮魷對比起魚皮，我覺得魚皮更出色招牌古法鹽焗雞你會食到招牌，古法，鹽 三個味道馳名菠蘿生炒骨酸酸甜甜好好味懷舊蝦多士滿佈芝麻香，又係非常脆薑蔥美國桶蠔非常入味，唯獨吾係煲仔上，感覺差左少少野最後仲送咗份白糖糕俾我哋🤵🏻‍♂️好似標題咁講，佢的小炒同埋炸物真係贏幾條街，所以屹立喺灣仔咁多年係有原因

一整個季度，大家都在艱難中苦苦支撐。是，困境總會過去，但我又能捱到太陽再出來的日子嗎？「要活下去」，想「生」，就會有「機」。把自己多年受主顧們喜愛的菜式，變成放題「盡地一煲」，就是這坐擁多年「米記」稱譽老店的招數。最初反應淡靜，後來經媒體曝光，便引來不少初試的客人，也不乏忠粉撐場，總算有了成績。今天連假，便把補祝和預祝生日、母親節等一次過同慶 - 就四個人！我們甫安頓不久，已經有菜式上桌！不用點，送的：每人一隻新鮮炸起的乳鴿！四人中有兩位不吃，那我不客氣，多吃一隻了！熱騰騰的脆皮，咬落滿有肉汁，對餓著肚子到中午的我，真是及時的慰藉。除了乳鴿，放題還有幾款每人一份的菜式，包括羹湯和粥，把這些都吃完，您大概已飽了一半！接著是「當店自慢」、每枱必點的生炒排骨。既是一饗老饕的「名物」，評鑑的水準自然要提高一些。個人覺得若汁少一些、排骨炸得更脆身，效果會比較好。我心中的標竿，是原位於中環金華燒臘旁商廈樓上的革新會，其貌不揚、售賣兩餸一湯、白飯任裝的打工仔套餐，但做出連食慣好嘢、那天「紆尊降貴」陪我們同去的主管，都大讚「好食到耳仔郁」的生炒排骨！可惜金華現在已經消失，至於革新會，還是當日去吃飯那個

今晚同客食飯，佢想食得地道又夠鑊氣，於是就諗起之前曾經食過嘅生記枸杞豬潤～真係冇得輸枸杞獨有嘅味道加上爽彈豬潤，真係正到不得了。生磨煎蓮藕餅～蓮藕爽口，加上豬肉彈牙，再加上其他材料一齊煎，超有驚喜。蜆介鯪魚球～彈牙嘅魚球充滿魚香，吃得出是用純鯪魚肉打成，蜆介醬咸香惹味，令人食唔停口；不過，今次嘅魚球稍稍咸咗少少！生炒排骨夾咕嚕肉～脆漿頗薄且炸得夠脆，酸甜汁較得好味；咕嚕肉夠軟滑，但排骨就略嫌肉簿骨大。泥鯭肉丸粥～拆了肉的泥鯭混在軟綿的米粥中，每一口都鮮甜好好味，肉丸有咬口，跟魚粥竟十分相配。酥炸桶蠔～脆醬調得剛剛好，又薄又酥脆，內裏淡淡鮮甜蠔肉。白糖糕～清甜彈牙，略嫌帶點酸味。

菠蘿生炒骨 🍍 🐽 堪稱全港其中最好食嘅生炒骨之一，果然名不虛傳，必食推介！杏汁花膠豬肺湯 🥣做食療菜不容易，要核對屬性，整體不能偏寒，而食材配搭及美味度也一樣重要。正所謂以形補形，補腎益精，滑利關節及補肺。好味！上湯枸杞浸黃沙豬膶 🐷 豬膶是極具營養價值的食材，既可以補肝養血，又可滋潤肌膚。枸杞浮在湯上有如片片葉子，入口清淡，不膩！生滾泥鯭粥 🥣🐟 盛上原個砂窩，不添加雞精、味粉，泥鯭魚肉鮮甜，陳皮絲配合無間！📍生記飯店

睇咗電視介紹佢呢間懷舊飯店，打電話去訂位職員好好就會問我哋要唔要預留鹽焗雞或炸子雞，我哋就留咗半隻鹽焗雞，因為得兩個人，好想食炸子雞但炸子雞要全隻，我哋叫咗佢嘅招牌生炒骨，另外椒鹽魷魚，鹽焗雞非常好味道，好特別真係好好食，好滑好香，生炒骨真係要俾個大手指公佢，有人話佢啲嘢貴，當我自己食完我覺得係值比呢個價錢，真係出面第二度食唔到咁好廚藝，咁出色嘅舖頭真係希望佢繼續可以營業keep住，真係好難食到咁好味嘅生炒骨同鹽焗雞，我一直唔知乜嘢叫做念念不忘，好回味，食完好想再食，真係會好掛住，原來就係佢個鹽焗雞生炒骨，希望日後人多啲去食，可以叫多啲唔同懷舊菜式，師傅真係好掂👍👍👍👍👍

This traditional Chinese restaurant is squirreled away upstairs in a non-descript building in Wan Chai. They boast secret, traditional recipes passed down generations for premium, authentic Chinese cuisine. I was excited to taste their food as they say they insist on only the highest quality and freshest ingredients. Indeed, I was so impressed by the soft, juicy texture of the meat that's only possible when the meat is fresh. The signature, Sweet and Sour pork, was delightfully crispy on the out