生記飯店 (已搬遷) 新店位置

屹立灣仔40多年既「生記飯店」超級聞名加上作為多年榮獲米芝蓮推介食肆之一你冇食過都一定要聽過佢地既口號「經典味道，古法製造」已經令人食指大動同屋企嘅長輩提起我打算今年試下生記飯店既賀年手工菜唔係講笑佢哋個個都好興奮話有食過呢間懷舊老字號係信心保證見佢地咁開心就梗係要試試🧧賀年傳統手工菜．【金雞報喜 🐣($1,188）】因為生記其中一道招牌經典菜係古法鹽焗雞而呢道新年限定既可謂鹽焗雞嘅「農曆新年變奏進階班」咁當然要滿足下家人想食懷舊菜既癮 😛價錢聽落唔平但係食過就會覺得～超～值～👍🏻首先叫得手工菜真係唔係間間餐廳都賣仲要做得咁好傳統製法既懷舊粵菜買少見少平時係屋企更加無可以做得出黎而呢道金雞報喜以原隻雞皮蒸釀手打鮮蝦膠齋聽做法已經覺得好複雜手打鮮蝦膠彈牙而且索哂味連配菜都勁入味食唔停口整道菜式有超級三十塊而每塊都用大量🦐製造真材實材鮮味非常不在話下低脂高蛋白質營養價值極高老少咸宜仲另外附送鮮味獻汁整道菜式色香味俱全值得係農曆新年慰勞屋企人食餐正既

就黎到新年啦😍 大家諗好去邊度食團年飯未呢？🥳 不過出面疫情咁嚴重，今年小編屋企決定係屋企叫外賣🥡新年一於食好啲🤩今次預先訂左呢間餐廳嘅佛跳牆，同屋企人開開心心過肥年🧧無諗過原來餐廳會原盅送上，更顯其高貴氣派😍八仙拱照佛跳牆（$498/盅）呢個佛跳牆果然係真材實料🥰鮑蔘翅肚樣樣齊🤤包括有日本遼參、花膠、鮑魚、魚翅、瑤柱、螺頭、花膠、蹄筋等多種名貴食材，用料非常豐富🤩 一打開蓋即刻聞到陣陣嘅香味，湯頭濃郁而且充滿鮮香😚 鮑魚口感煙韌彈牙，食落啖啖鮮味又多汁😋 花膠同遼參炆到軟腍入味🥳 家人都讚不絕口🥰餐廳仲有多款賀年菜式，仲會提供原煲外賣煲仔菜到會服務，有興趣記得要提早預訂！🥳-⁣生記 (灣仔)📍灣仔軒尼詩道107-115號協生大廈1至2樓抵食指數：😚😚😚😚😚😚😚/10⁣舔舔脷程度：😋😋😋😋😋😋😋😋/10

疫情之下，就連米芝蓮食府都推出午餐飯盒，小人先後兩次試過，深感不俗；故此其後一天到餐館堂食。午餐有7款選擇，連飯連湯，友人最愛肉餅，所以小人先要榨菜肉餅飯。這個肉餅厲害之處是無需額外的豉油，本身已夠味，佐飯超正。小人另選了黑椒牛肉炒烏冬。老實說，牛肉不算多，幸而尚厚而有肉味。至於烏冬很滑，黑椒下得重手，香氣強勁偏辣。兩次跟餐的都是龍脷葉湯，湯內發現紅蘿蔔、南北杏、無花果等等食材，獨獨不見有肉，果真是個清湯。堂食那次點了鹽焗雞半隻、蝦籽山筋豆腐及蝦籽柚皮。鹽焗雞雞肉很滑，不會很肥，鹹淡適中。山筋豆腐的蝦籽味很濃。至於蝦籽柚皮相當厚身，汁液滲進柚皮裏去，滋味甚佳。不愧為米芝蓮食府，食物水準甚高。

天寒地凍，最好便是吃個熱辣辣的煲仔菜，灣仔老字號生記飯店最近就推出三款家鄉煲仔菜，分別是原煲懷舊花菇扣大鵝掌、原煲蝦子柚皮扣大海參、只取純腩無骨位的新鮮黑草羊腩煲，還有入口即溶令人一試傾心的原煲客家甜梅菜扣肉，全部熱辣辣的原煲奉上，即使是外賣都是原煲的送上，保持食物的質素。還有這裡的招牌菜鹽焗雞及菠蘿生炒骨都是堂食及外賣必選。老闆特地推出震撼價$98的花膠鮑魚撈飯，內有紅燒花膠一片及吉品鮑魚兩隻，好味指數爆晒燈。生記第二代掌舵黃立人先生，作為老細的他有時間也會親自送外賣，真是親力親為。最值一提的是生記第二代掌舵黃立人先生，由於由小到大除了在加拿大讀書那7年外，所有時間都是在店內，凡事也會親力親為，連送外賣也有機會見到他，若果他真的是送到府上，真是恭喜你，他會給食客驚喜，每次不同，真是估你唔到呀！原煲懷舊花菇扣大鵝掌，足料又夠味，那大鵝掌扣得好入味，真是好味到無得彈。原煲客家甜梅菜扣肉，甜梅菜餸飯一流，那扣肉又腍好夠味，入口即溶，好邪惡呀!但超愛。老細不計成本只取純腩無骨位的新鮮黑草羊腩煲，肉嫩無比，新鮮草羊的皮更是亮點，必試，好味指數爆晒燈。這裡的招牌美食菠蘿生炒骨，只能講句一定要點選

星記係灣仔地鋪上樓既酒樓, 望落外觀有d殘舊, 似舊式茶樓咁既樣。一行四位, 唔洗諗啦 一人諗一個餸搞掂落完單職員就會比一大兜湯自己裝既, 份量都夠飲, 一人可以飲到兩碗魚肉釀豆腐: 通常出面食依個釀豆腐都係煎完再淋個汁係面, 但依個係成碟蒸出黎. 味道相對會比較淡d, 鐘意清淡d既朋友可以試下古嚕肉: 我覺得個肉炸得唔夠脆, 食落去有d淋蒸水蛋: 依碟水蛋蒸得好滑, 真係係屋企蒸唔到咁滑既蛋。不過幾十蚊一個餸, 食蒸蛋又好似有d唔低其他兩個餸都冇咩特別, 一般般總結: 唔算係非常高質既小菜 不過不失咁啦

屹立灣仔區40年，多年榮獲米芝蓮推介食肆之一的生記飯店，是晚在尋回往惜味道 。平日的晚上，較早的時間在沒有預先訂座的情況下，四人輕鬆入座。我們點了招牌古法鹽焗雞半隻$195，椒鹽鮮油$128，梅菜肉碎蒸菜心（走肉碎）$105，中式牛柳$148。鹽焗雞好味到冇得輸；椒鹽鮮魷香脆無比，只是好像碎了一些，如果換成細一點的碟子，視覺感會好啲；另外因為我自己不食豬肉，所以梅菜蒸菜心便走了肉碎，感覺都好有趣，但可能還是有肉碎會配合多一些；中式牛柳是以前的味道，不過我對牛肉嘅要求會高一點，還是用了多一點的梳打粉。在大家還是要減食飯麵嘅前提下，我們還是叫了三碗白飯，因為這等菜式，不吃飯配合是不行的。下次我一定要試一試那個蝦多士，因為八件的份量（$268）比起半隻招牌雞還要貴得多，所以下次一定要會一會佢！

一行五人，三日前預訂左江南百花雞，要先落訂$1000，順便預留埋花雕蛋蒸龍蝦、蝦子油皮和泥鯭肉丸粥。八點入坐時服務員細心安排，加單嗌左必食嘅蓮藕餅、生炒骨，可惜枸杞豬潤已經賣晒，有點失望，叫咗椒鹽鮮魷，都係唔錯嘅選擇。經典菜式水準依然，蒸龍蝦要求用蛋白蒸，好睇好食，服務員推介將龍蝦頭起肉做個炒飯，其實有泥鯭粥都唔想嗌飯㗎啦，不過又唔想嘥咗個蝦頭，所以都嗌左一個小份量嘅炒飯，估唔到個炒飯仲出色過蒸龍蝦！第一次食江南百花雞，有點兒期待，可惜本人唔係太好雞皮，而呢道菜主要係蝦膠上面有塊雞皮，再加上期望過高，所以反而有一點兒失望，其他第一次嚟嘅朋友，都食得非常開心。順帶一提，前幾日都去咗荃灣嗰間生記，同灣仔呢間真係冇得比。

#簡簡單單 嘅 #食材 足以令人回味，菜式做得太過花巧，反而冇咗原有嘅味道🤤 呢晚 #飲食兵團 又再出動，#那些年 嘅味道真係 #別有一番風味🤩#生記飯店 比 #小秘書 第一個感覺就係 #好熱 同好熱🥵 大熱天時居然壞冷氣... 不過一場嚟到又冇理由走咁掃興👉🏻👈🏻 好在 #老闆 都好識做，即刻搵人落去買 #汽水 為大家消消氣😅 古語有云 #心靜自然涼🎐 圍埋吹吓水，唔覺唔覺又真係唔係太熱啫😅講明 #想當年，當然要試吓啲平時好少機會食嘅嘢... 不過講到 #點菜，梗係我哋嘅 #組長 最 #稱職😆 #焗魚腸、#煎藕餅... 呢類 #菜式 雖然唔需要咩貴價食材，不過真係要 #老師傅 嘅手工先至 #做得到、#做得好👍🏻今晚我最鍾意嘅係 #金沙脆魚皮，#咸旦黃 不多不少咁鎖喺魚皮上面，即炸即食嘅口感零舍不同🤤 仲有當然唔少得 #生記 #馳名 嘅 #泥鯭粥，師傅將 #泥鯭魚 拆肉，放入一啲 #果皮、#豬肉丸 嚟做陪襯，一啲都唔腥，入口仲有種鮮甜嘅味道... 果然無介紹錯🤩臨走 #老闆 仲請我哋食 #白糖糕 做 #甜品，我諗住帶少少俾媽媽試吓，點知最後拎咗一

4個同事食Lunch , 提議過來生記試下！反正無乜idea 食乜好，試下囉。🤣🤣第一次上來，我以為係飲茶，中式茶樓格局，原來係叫餸食飯。🤣🤣 我地叫左個4人set , 可揀3個菜，同有幾碟must have 既餸，包括叉燒，都幾大件，又唔太肥，好食！👍🏻仲有個菜呢個真係好甜，雖然係炒生菜，不過唔知點解啲生菜好甜，好好食，係油左少少（唔通係好食秘訣😅😅),仲有一個酸蘿蔔，呢個都唔錯，仲好大碟，其後食得太多開始有少少反胃😥。至於自選餸方面，我地叫左蕃茄炒蛋，呢個幾好食，但薑太多了，搶左啲蕃茄味！咕嚕魚，好食，唔油，酸甜啱啱好！👍🏻👍🏻 仲有個粉絲蝦米，因為我唔食蝦米所以都無掂過。🤣🤣😜😜😜 個set 無包飯，一碗好似要$18 , 食完大家大概$110/head ..... 其實佢應該跟飯會好啲！🙄🤣最後有白糖糕送俾我地，酸嘅，我唔鍾意囉！😥😥😥

長輩生日想揀一間真係有粵菜味道不是食物工場製作食材嘅餐廳又要香港區其實都好難搵....又要價錢實惠 忽然想起年多冇去嘅灣仔生記真係香港原味道老夥記我哋一入到去有一份香港人嘅情懷 真係冇去一陣他都認得出我媽媽...今晚去食特別嘅手工菜1. 江南百花雞到到今天也回味無窮 夥記話師傅用兩根本新鮮蝦打蝦膠釀入新鮮肥計真係足料2. 花雕雞油龍蝦蒸蛋堅用了堅用新鮮龍蝦3. 金錢蟹盒哋就食得津津有味因為我怕肥所以食咗半嚿 我唔係炸嘢嘅fans4. 龍蝦伊麵係我呢世人食過最料嘅但係師傅話一定要食呢個餐先有平時係冇嘅唯一不足嘅就係杯茶係夠太熱 但係能夠體諒嘅因為現在人手可能短缺而且只限一半客人入座下次會再同朋友去一定食豉油王蝦 同泥鯭粥希望多啲選擇喺甜品方便 因為 我很喜歡中式甜品

今日嚟咗灣仔食lunch, 慶祝妹妹畢業🎓. 叫咗個四人餐再加蝦子柚皮. 今日例湯粟米蘿蔔煲豬骨. 好潤. 每道餸菜都好有水準. 鹹蛋蒸肉餅送飯一流.唯一投訴係蘿蔔牛筋腩的蘿蔔未淋. 我個人最鍾意就係蝦子柚皮. 呢啲懷舊餸唔係周圍都有得食. 食食下飯, 仲撞到譚玉瑛姐姐來拍攝 😊

Casual weekday dinner having simple dishes. Ordered their famous dishes including pork liver in gouji soup, and fish congee. There was 白糖糕 for dessert. The congee is worth a try and the egg yolk fish skin was tasty. The rest of the food was okay.

位處於灣仔修頓球場對面的生記，歷史悠久，由以前在莊士敦道即近灣仔街市口搬至上址已經若干年了。佈置不花巧，一般飯店格局，家庭小菜式。之前已經試過很多款菜式，水準很高，所以成為聚餐的一個重要選擇。這裡有很多必食菜，多不勝數，有前菜酸薑皮蛋，主菜泥鯭粥、煎藕餅、枸杞豬潤、鹽焗雞、薑蔥蠔、梅菜蒸菜心⋯⋯今趟時值年節，也到此一遊。叫了一隻鹽焗雞，蓮藕豬腳、薑蔥魚雲、髪菜好市、果皮蒸鮑魚、上湯豆苗、枸杞豬潤、菠蘿生炒骨，再配白飯。鹽焗雞皮脆肉嫩，有雞味；魚雲配薑蔥味道，煎得香口，骨薄脆香；最正仍然是枸杞豬潤，大大片，爽口無渣，每次少不了這道菜；髮菜蠔豉及鮑魚仔只是應節食物，固然是一般貨式。要一提是上次吃的薑蔥蠔，超正，肥大肉厚，一啖咬落去，蠔味滿溢。飯後贈送的白糖糕也是焦點，煙靭有嚼勁。是晚一餐平均價約三百蚊一位，若以家常便飯固然略貴，但水準之上，確不能錯過。

每年同朋友食團年飯，都會來生記，因為食物水準高，好少會失手。椒鹽鮮魷: 炸得條條分明，金金黃黃，非常香脆惹味。枸杞豬潤: 豬潤又爽又滑，片片都大大件，枸杞湯清甜。蜆蚧牛肉: 蜆蚧味濃郁，味道非常特出。鹽焗雞半隻: 雞肉極之嫩滑，肉質鮮美。錦鹵雲吞: 隻隻都炸得又大又脆，配上特製既甜酸汁用料極為豐富，有大蝦，豬肉，叉燒，三色椒等，非常特別，而且酸酸甜甜，非常開胃。梅菜蒸菜心: 菜心又青又嫰，本身已夠鮮甜，配合埋甜梅菜一齊蒸，味道非常之夾。三色蒸水蛋: 水蛋蒸得非常細滑，餸飯一流。香煎藕餅: 份量不少，煎得香脆可口，但仍保存到肉汁同豬肉既鮮味，非常好食。

生記好似一直都系粵菜入邊口碑唔錯，都有段時間某過去食咯。今晚就同爸爸媽咪一起去食個晚飯。點左幾個比較平常噶粵菜，鹽焗雞、生炒骨、三色蒸水蛋。鹽焗雞外脆裡嫩，仲系熟悉噶味道，水準某跌。生炒骨酸酸甜甜好開胃，三色蒸水蛋體落去賣相其實唔算好，滴醬油有點多，但系食落去就唔同了，雖然醬油多，但唔會好鹹，滴蛋噶火候岩岩好，唔會蒸得太老。以後都會經常過來食嘎。