影片
附加資料
https://www.instagram.com/jeonpo_meatshop/
營業時間
今日營業
11:30 - 15:30
17:00 - 00:00
星期一至日
11:30 - 15:30
17:00 - 00:00
以上資料只供參考, 請與餐廳確認詳情
279 瀏覽
韓藉小姪兒話咁快就十九歲啦，原來依照韓國法例，成人要等到十九歲生日嗰年嘅一月一日先可以合法地飲酒酒（即比香港遲），XO爸B每年都會為其慶生，今年就試試人氣韓燒店「田浦食肉」，一於飲個暢快！入夜後，位於灣仔聯發街上嘅餐店尤其光亮突出，弊在抽氣喉向住街，室外室內嘅油煙味都一樣咁勁。食客進場前，歡迎先自取圍裙。用餐大堂一眼睇哂，餐枱排得都幾密，最入位置為廚房區域。椅櫈有啲矮，唔係咁舒服，設計勝在揭開後有足夠空間儲存隨身物。每位席上擺有自用餐具。四頁中、英、韓對照嘅餐牌簡單易明。店內嘅服務生大多為外籍人，其中主要為韓國人，識講韓文溝通自然容易啲，不過就唔見傳聞中嘅靚仔oppa們；唔識講韓文的話，點菜都係填紙仔方便啲。落單後，哥哥仔迅即呈上多款韓式前菜及調味。食韓燒由壽星仔話事，飲清爽易入口嘅韓國米酒（$120/樽）。大蔥煎餅（$148）：第一味先上嘅煎餅內含足量嘅大蔥，無奈油份過高，煎得唔夠香脆乾身，食落成口油同好腍，唔係咁啱細佬口味。特選套餐 SB（$1,200；1,150g烤牛排骨 + 五花肉 + 牛五花肉 + 烤豬皮）：乜都想試啲又唔想傷神，所以就揀咗個最多肉嘅套餐。原來啲肉均由服務生代為燒煮，唔洗郁手真係好！燒好咗嘅肉肉都會放喺碟上等客人自己夾黎食，當中烤牛排骨最富肉汁，敗筆在於剪成方磚嘅牛肉厚韌難咬，食完牙胶堅攰！個烤爐設計都幾得意，邊燒啲油同渣會流落個紙杯位入面。牛五花肉雖然切得夠薄，可惜脂肪多，而且燒得又燶又肥膩，完全唔掂呀！理應肥瘦均勻嘅五花肉明顯唔夠肥，煮到熟透後又硬又嚡又乾。據餐牌所描述，套餐其實應該仲有個烤豬皮，因深感食物質素實在麻麻，結果都係決定放棄問。海鮮豆腐湯（$78）：滾住上嘅海鮮豆腐湯正常香辣但好咸，另外豆腐明顯遠比海鮮份量多。水冷麵（$88）：長壽麵要咗姪仔最愛嘅韓式冷麵，半透明嘅麵條煙韌彈牙，撈入大量醋汁可一解燒肉嘅膩滯，係成餐飯最美味嘅一道。灣仔韓式菜館「田浦食肉」就好似間有瓦遮頭嘅大排檔咁，服務生雖有幫忙燒煮食物，但態度並非特別友善，加上燒肉質量偏低，價格仲一啲都唔平，小肥唔會返轉頭囉！
繼續閱讀
灣仔田浦食肉（Jeonpo Meat Shop）位於莊士敦道，是一家正宗韓式燒肉店，由韓國人主理，店內韓風濃厚，牆上韓文招牌和韓籍店員營造地道街頭燒肉氛圍。晚飯時段，燒肉香氣四溢，人聲鼎沸，氣氛熱鬧非凡。點了招牌烤豬肉套餐、水冷麵和真露啤酒。套餐包含厚切豬腩和豬頸肉，店員細心代烤，火候拿捏精準，肉質嫩滑多汁，炭香撲鼻，裹上生菜和韓式辣醬，味道層次豐富。雞蛋羹軟滑如雲，帶芝士粟米香，絕對是意外驚喜。小菜五款份量足，泡菜爽脆開胃，令人回味。水冷麵湯底酸甜清爽，麵條彈牙，完美解燒肉油膩感。真露啤酒冰涼順喉，微甜清爽，與燒肉的濃香形成絕配，韓式燒肉體驗瞬間升級！服務親切高效，店員忙而不亂，燒肉剪好即上，細節到位。環境乾淨，抽風系統優秀，食完唔會滿身油煙味。食材質素高，性價比合理。唯一小缺點是晚市旺場需等位，建議提前訂座。總括而言，田浦食肉是灣仔韓燒愛好者的必訪之地，燒肉配真露，滋味無窮，絕對值得一試！
繼續閱讀
同朋友約左食飯大約19.45到門口跟住個男侍應第一句問韓文話幾位但無聽清跟住又即刻唔耐煩咁反問booking？？！跟住就話等30分鐘 跟住叫佢show個booking比我睇就勁寸 我五知野食係咪好食但態度差到咁10分鐘我都唔等同埋門前都有一排位置無人坐就算有booking都可以商量早d還檯？
繼續閱讀
晚上6點多已經很多人，晚一點有機會要排隊，每一桌都有店員幫忙烤肉，不怕會烤過火～～我們點了烤牛肉套餐，價錢不算特別平，但肉質量確實不錯，烤一下已經聞到牛肉濃香，三個人吃的肉量剛剛好，店員還會把前菜放上去燒，讓菜式的變化更大～另外追加了烤肉必吃的雞蛋羹，他們家的也太澎拜了😂雞蛋都要掉下來，不過雞蛋味濃郁，而且口感很滑，吃得很滿足😌唯一可惜就是座位都比較靠近，以及吃完烤肉味蠻強的😂
繼續閱讀
於2024年12月30日 ，繼續慶祝我的生日之旅。在這個特別的日子，我告訴朋友我想享用燒肉，他立刻傳來了田浦食肉的預訂信息，心中不禁暗自喜悅。雖然我之前已經品嚐過幾次田浦的燒肉，但都滿期待。這次我來到了油麻地分店，與我之前造訪的荔枝角店相比，這裏的肉不是oppa在面前燒肉，是他們先燒好再端上桌。五花肉 🐷 每一片五花肉都擁有焦脆的金黃色外表，脆如燒味，包裹著香濃的脂肪。肥瘦相間的肉質，讓人一口咬下去，滿嘴的香氣無法抗拒。烤排骨 🐄 每件牛肉都飽滿多汁，外脆內軟，甜美的口感讓人回味無窮。搭配他們提供的配菜，不僅能解膩，還能讓人盡情享用更多美味。特別是最後的牛骨邊肉，再次烤制後，更是香脆可口，牛肉的鮮香愈加濃郁。泡菜煎餅 🫓 即使我平時不太愛煎餅，這次的泡菜煎餅也讓我驚喜。外脆內軟，泡菜的份量剛好，為整頓餐點增添了豐富的層次感。水冷麵 🍜上次去韓國時竟然忘記品嚐水冷麵，這次終於得以補上。搭配黃芥辣與醋，酸甜的滋味讓人開胃，為整餐畫上完美的句號。總體而言，田浦食肉的用餐體驗再次令我滿意，期待下次再來品嚐更多美味！
繼續閱讀
您可能會有興趣的...