田記食館 (已結業)

因為睇戲時已經食了不少小食所以跟友人都不太肚餓走著走著就看到這間小店就決定坐下食小小嘢吹下水白粥配炒面 大正大fit兩種味道配合一齊 中和了另外這樣的面炒得剛剛好味道很夠另外都點了一碟炒蜆$55有咁大碟確係抵食蜆完全無沙炒得入味

是夜去完馬灣食個Fine Dinner，又去青衣行左陣，又開始覺得餓餓地，立即去依間充滿港式風味嘅大牌檔食個夜宵兩人同行只叫咗煎雞翼，炒蟶子同生滾牛肉粥先嚟雞翼，本身期望不太大，誰不知食落不得了那在雞翼上散發椒鹽香味，加上雞翼不大亦不小，剛好一口一隻，一定要比讚佢每次去都必定要order再嚟炒蟶子，辣度適中 ，加上肉質肥美，絕對超值而且份量亦不似其他大牌檔，今次食到嘅係肉比殼多最後上枱嘅係生滾牛肉粥依個都非常好味道牛肉雖然醃得咸咗少少，但配上綿綿嘅粥底則令人食不停口

上一次去英記時路過, 見到此店有種種不同的龍蝦粥海鮮粥, 勾起了當年回祖國出差時經常品嚐的美味海鮮砂鍋粥, 這天奧海城龍紋身之後特意冒雨過來一試, 怎知一試"難忘"蒲坐下見到例牌的貼在四週的鱔稿"晚晚爆場"但是晚星期日九時許, 全店只得我們幾個客人, 真的有試過爆場嗎?!由於已吃過晚飯, 只點了幾個小炒及龍蝦粥(中)鑊氣不足炒得不夠香, 豉椒汁不夠惹味, 蜆肉不太新鮮, 淡而無味, 半數都有沙的, 劣等的豉椒炒蜆 這個上湯杞子浸斑塊算是比較中規中矩的一味, 上湯的味道不錯, 喝了兩碗但斑塊當然是急凍貨色, 又是淡淡的, 用筷子一夾上去就散掉了這一鍋中的龍蝦粥大慨有兩隻小龍蝦, 份量是足夠的, 小龍蝦亦從沒寄望有多少肉可以吃, 龍蝦味能滲透到粥裡去就滿足可惜整鍋粥的味道基本上跟白粥沒兩樣, 我要下大量胡椒粉去刺激味覺及食慾與其說龍蝦粥, 倒不如說這是跟龍蝦混在一起的白粥難吃嗎?! 要是炎1作白粥去吃感覺會好很多不知怎地腦海突然想到以下對話...我: 經理, 你地依到又話出名龍蝦粥既經: 係呀我: 淡架喎經: 係呀, 出名淡架囉

是晚到訪英記油渣麵之後, 意猶未盡, 女友推薦可以去舊英記對面既小食檔睇下有無野岩食睇左一輪, 由於已經打左底, 唔想再食D小炒之類喇, 早兩日又回憶起堂記美味既豬骨粥, 就係呢度買番碗番外賣番屋企試下唔知係唔係堂記既美味珠玉在前, 對呢一碗豬骨粥可能太嚴格喇?!但總之呢碗豬骨粥就係唔好味碗粥夠咸, 但完全唔係豬骨既咸味黎, 加上成碗粥都係冬菜, 真係咸上加咸不過碗粥只係索價十蚊, 當填飽左個肚就算啦下次黎開呢頭試多一次佢D小炒再多次機會佢, 粥就唔再試喇真係

下班跟同事們到大角咀夜宵,朋友帶路來田記,我還是首次光顧。朋友點了5道菜,粉絲扇貝,水煮魚雲,蒜茸九菜,魚肉豆卜還有炒蜆。粉絲扇貝~~初次品嚐,味道還不錯=)水煮魚雲~~辣是可接受的,略嫌魚雲份量少了些...蒜茸九菜~~很爽甜=)魚肉豆卜~~這是前菜XD味道還可以=)炒蜆~~這個我不知道長型的那些是否蟶子=W=有少許辣=)三人行剛到達還點了黃老吉三罐,朋友們飯後再各自多點一罐,結帳$351,每人$117。不過我喜歡這種街頭的環境=)可以坐在路旁邊看風景邊吞雲吐霧,剛巧下著雨,又可以賞雨,何樂而不為呢~?

又到星期五晚出動搵食嘅時候喇！今次嚟到呢間「田記」都係報紙推介所以嚟一試佢啲粥品！不過相比上次去過佐敦嘅「順德村」真係差好多，令人有點失望！首先環境方面，街坊食店格局，摺枱膠櫈，冇乜裝修，牆上寫滿小菜名，坐位唔多，但算係幾闊落，起碼唔會坐到背脊痴背脊！食物方面，唔單只可以食煲仔生滾粥，仲有小菜可以點，適隨尊便！呢晚我哋試咗佢三款粥品同兩款小菜：A) 粥品－－粥底好杰，鍋底啲粥杰到一舊舊咁痴晒底，但我覺得佢應該冇落味精，實在淡而無味，好似食冇落鹽嘅白粥咁，食咗三款粥都覺得冇分別！1) 龍蝦粥－－龍蝦唔多，而且殼多肉少，粥亦冇龍蝦味，但咁又唔怪得嘅，因為啲龍蝦本身都冇味！2) 石斑粥－－哇！呢個腥到我暈呀！ 又係骨多肉少，粥仍然是冇魚味的！3) 泥鯭粥－－呢款算係三款粥之中最有味嘅一款！稍為有啲泥鯭味，一碗有兩條小泥鯭，可能加了果皮絲，所以冇石斑粥咁腥！但都係果句：啲粥冇味囉！B) 小菜－－無意間叫了兩款都係炸嘢！小菜比起粥品好食好多！夠鑊氣，亦好味道，如果嚟食小菜我覺得可以再幫襯！1) 椒鹽鮮魷－－（太肚餓忘了影相）鮮魷夠厚身，炸粉亦唔厚，脆卜卜，又夠味道，夠香口，餸啤酒一流！2) 椒鹽

久不久都會經過田記，次次見到都有很多人排隊，而且佢標榜的龍蝦粥、魚粥等都好受歡迎（次次都見到好多人食），再加上曾經係雜誌見過佢D介紹；咁我同老公仲特登搵日早少少去，費事要等位……6:30就到了﹗其實6:30都已經開始要等位，不過我地好好彩，啱啱有人走先立即有位坐﹗大排檔格局，一坐低就叫了龍蝦粥、豉油王炒麵同沙薑雞腳，仲有支大藍妹添﹗龍蝦味白粥龍蝦粥好快就到，黎到的時候，窩粥仲滾緊的，感覺非常良好﹗先睇一睇，全窩得4舊龍蝦，得一舊係啖啖肉個隻；好啦，咁嘅價錢（好似係$68）係咁上下啦，算吧﹗咁開始食落口了﹗個龍蝦唔新鮮，D肉唔夠白，而且很散，當然啦，龍蝦唔新鮮，個粥都唔會好味﹗個粥底都唔夠綿，我相信可以再煲多一段時間先LOR，而且我相信佢唔係連埋D龍蝦一齊滾，所以龍蝦還龍蝦，粥還粥，只係錯誤地將兩樣嘢放埋一齊咁解﹗成件事就錯晒LOR﹗同埋，我以為日日賣龍蝦，又咁多人食，D龍蝦應該係新鮮啦，但原來又係錯﹗豉油王炒麵無聲無色地變左回鍋肉炒公仔麵？個炒麵等左好耐，追完又追，到最後佢攞左碟風馬牛不相及的回鍋肉炒公仔麵黎﹗我地同阿姐講，呢個唔係我地WOR，佢話唔知係咪落錯單，你如果冇問題就食埋佢啦