影片
更多
2011-04-20
54 瀏覽
久不久都會經過田記，次次見到都有很多人排隊，而且佢標榜的龍蝦粥、魚粥等都好受歡迎（次次都見到好多人食），再加上曾經係雜誌見過佢D介紹；咁我同老公仲特登搵日早少少去，費事要等位……6:30就到了﹗其實6:30都已經開始要等位，不過我地好好彩，啱啱有人走先立即有位坐﹗大排檔格局，一坐低就叫了龍蝦粥、豉油王炒麵同沙薑雞腳，仲有支大藍妹添﹗龍蝦味白粥龍蝦粥好快就到，黎到的時候，窩粥仲滾緊的，感覺非常良好﹗先睇一睇，全窩得4舊龍蝦，得一舊係啖啖肉個隻；好啦，咁嘅價錢（好似係$68）係咁上下啦，算吧﹗咁開始食落口了﹗個龍蝦唔新鮮，D肉唔夠白，而且很散，當然啦，龍蝦唔新鮮，個粥都唔會好味﹗個粥底都唔夠綿，我相信可以再煲多一段時間先LOR，而且我相信佢唔係連埋D龍蝦一齊滾，所以龍蝦還龍蝦，粥還粥，只係錯誤地將兩樣嘢放埋一齊咁解﹗成件事就錯晒LOR﹗同埋，我以為日日賣龍蝦，又咁多人食，D龍蝦應該係新鮮啦，但原來又係錯﹗豉油王炒麵無聲無色地變左回鍋肉炒公仔麵？個炒麵等左好耐，追完又追，到最後佢攞左碟風馬牛不相及的回鍋肉炒公仔麵黎﹗我地同阿姐講，呢個唔係我地WOR，佢話唔知係咪落錯單，你如果冇問題就食埋佢啦
大排檔格局，一坐低就叫了龍蝦粥、豉油王炒麵同沙薑雞腳，仲有支大藍妹添﹗
龍蝦味白粥
龍蝦粥好快就到，黎到的時候，窩粥仲滾緊的，感覺非常良好﹗先睇一睇，全窩得4舊龍蝦，得一舊係啖啖肉個隻；好啦，咁嘅價錢（好似係$68）係咁上下啦，算吧﹗咁開始食落口了﹗個龍蝦唔新鮮，D肉唔夠白，而且很散，當然啦，龍蝦唔新鮮，個粥都唔會好味﹗個粥底都唔夠綿，我相信可以再煲多一段時間先LOR，而且我相信佢唔係連埋D龍蝦一齊滾，所以龍蝦還龍蝦，粥還粥，只係錯誤地將兩樣嘢放埋一齊咁解﹗成件事就錯晒LOR﹗同埋，我以為日日賣龍蝦，又咁多人食，D龍蝦應該係新鮮啦，但原來又係錯﹗
豉油王炒麵無聲無色地變左回鍋肉炒公仔麵？
個炒麵等左好耐，追完又追，到最後佢攞左碟風馬牛不相及的回鍋肉炒公仔麵黎﹗我地同阿姐講，呢個唔係我地WOR，佢話唔知係咪落錯單，你如果冇問題就食埋佢啦，價錢照收炒麵錢﹗咁……我地食埋LOR，嘩……油到呢，不如改叫回鍋肉油浸公仔麵啦，食完面個浸根本冇可能食到下面個D，成碟麵得3塊回鍋肉，佢都夠膽死收人好似$48一碟﹗
「走」沙薑雞腳
相信只有田記才會有獨家的「走」沙薑雞腳，食落去完全冇味，我又問阿姐攞碟沙薑先……佢話今日冇沙薑呀，D雞腳唔夠味？比D豉油你好唔好？我立時O左，你冇沙薑都夠膽賣沙薑雞腳？好嘢﹗
一路食都一路聽到D人催呢催路，又話成日漏單咁……而且價錢都唔係平，相信冇下次了﹗
張貼