田記魚蛋牛腩專門店 (碧街)

營業中

休息中

,幾星期前第一次去堂食兩公婆叫咗兩碗魚蛋粉覺得魚蛋是好食的，於是叫外賣魚蛋和魚片各半斤回家，這次我望佢秤是足秤的。昨天第二次從將軍澳出開街專程去嗰度買外賣一樣魚蛋魚片和一盒淨牛雜，佢哋叫我出門口等所以冇望住佢哋秤，回家後牛雜冇問題，但發覺魚片吾足秤欠一兩都算，但魚蛋放落手感到好輕原來欠三兩就過份咗，做生意咁做邊有回頭客呀！你要咁做生意就冇下次，以後都吾會再來！

之前都有朋友推介話田記個崩沙腩好食，但成日都經油麻地落地鐵都經過，但都行過沒意慾幫襯，今日突然想食牛腩就想起去試一次吧！因為老友話好食，咁就一叫就叫個最正的招牌崩沙腩，如果連貴的招牌都唔好食咁就無下次囉！一上枱好大碗WOR，仲有成七件有一定厚度的崩沙腩，每件都筋腩相間，仲要我呢碗係中間肉不算厚反而兩層筋膜佔了一半，應該是接近爽腩那邊的部位來的，睇落都已經唔錯。先飲啖湯，足料有牛骨味但又不會太咸，再食崩沙腩，筋位都炆得夠軟但中間的肉又不會淋到散，師傅炆煮的火喉都掌握很好👍佢用的河粉都是比較薄身滑溜的唔係求其入D普通貨來賣。尤於我鐘意香辣，就加D潮洲辣油，加左D牛腩仲更好食，而佢最值得一讚的是崩沙腩河會有多兩件腩汁煮過的蘿蔔，食到個口感覺很膠就可食啖蘿白清清個味覺，吃完成碗都唔會話好油好漏的感覺，四十幾蚊有碗咁的質素崩沙腩河，真係超值，呢間一定有下次！

以下為真實對話：👱🏼‍♀️：你食咩？👩🏻‍🦱：牛腩河👱🏼‍♀️：河粉好油架 唔得呀 食米粉啦你👩🏻‍🦱：河粉好食啲呀 又唔係成日食！👱🏼‍♀️：河粉真係好油！！卡路里、熱量、膽固醇又高，你一定唔可以食⋯⋯⋯⋯⋯⋯⋯（下刪二十字）👩🏻‍🦱：⋯⋯咁米粉囉👱🏼‍♀️：嗌碟菜好唔好？👩🏻‍🦱：好呀好呀👱🏼‍♀️：但碟菜要走油走蠔油架喎👩🏻‍🦱：😑咁邊到好食喎⋯⋯👱🏼‍♀️：😒其實走左都好有味，因為佢都係返果煲湯去恰，我地宜家係食菜既營養，唔係食調味料⋯⋯⋯⋯⋯⋯⋯⋯（下刪五十字）👩🏻‍🦱：你話事呀🙂我有理由相信娘親唔會再同我出去食嘢🤣▪️牛丸牛腩米 $43▪️牛腩米 $36▪️生菜 $15聽講田記牛腩好出名，食過覺得還好啦😮‍💨牛腩附送少少筋膜位？定肥膏位？我唔識當然丟晒😌有啲牛腩夠晒稔又入味，有啲差啲比較乾同柴，但份量足係真既，好似食極都有🤣勁掛住潮州牛丸，所以order左雙拼🥰呢到既牛丸都有驚喜，一粒粒氣孔入邊都充滿油份，超juicy勁肥仔又好彈，接近家鄉既味道～～～～～

有2間分店,今次試埋呢一間,上次食牛腩今次食魚蛋魚片頭仲有雲吞水餃標明全魚肉打成,同平時食既魚蛋有唔同口感,無咁爽身同彈牙,明顯粉少好多口感嫩而滑,魚味濃鮮甜有肉汁,唔會好爽口但好食,仲配菜底,$30抵食另外試埋每日新鮮包既水餃雲吞,可雙拼配粉麵雲吞薄皮而嫩,餡料飽滿,有蝦同豬肉,幾好食唔重口,蝦身爽甜水餃夠脆,皮又薄,夠大隻,餡料多,木耳絲加埋肉餡好豐富加凍飲加菜都唔洗100蚊,好抵食田記魚蛋牛腩專門店油麻地碧街45號地下C1號舖

田記係朋友介紹話網上FB關注組見到話牛腩好好食，我上次外賣過崩沙牛腩返屋企，食完對佢念念不忘，所以特登再去。不過今次竟然冇崩牛腩，雖然有少少失落，但當然坑腩都照殺。同崩沙腩一樣，坑腩既牛味好濃郁，炆得夠稔夠入味，仲有佢既牛腩份量係好多架，為左食哂啲牛腩，我一定唔會叫河粉😆另外，魚蛋都可以一試既，不過油菜芥蘭灼得有啲稔，唔好咁稔會好啲。我期待緊下次去會有崩沙腩🥰坑腩魚蛋米油菜芥蘭另一個重點係田記喺正油麻地隔離，真係超級方便

經常都會經過這附近，不過多數會去食忠記粥、村爺爺湯飯、或者去創興放題。今日約咗人去睇樓，又經過附近，仲未食嘢，仲有少少時間，就拿拿林入去食碗麵。見有崩沙腩就叫碗崩沙腩麵試下，可能約咗人唔想人哋等，等咗成十分鐘先有得食，覺得出品真係好慢，感覺唔良好。講番出品，通常我都係食麵先，免得啲麵浸到林曬，沒有鹼水味，少少彈牙，都算中上；再到牛腩，都幾失望，崩沙腩都冇乜嘢崩沙(根膜)，仲有牛腩拍到好薄才切，又太過林，失望；最後個湯，唔夠牛骨味，又冇乜大地魚味，中規中矩。四十幾蚊，價錢唔平，亦唔算貴，都唔係幾抵；去潮x城食，又平啲，又好食，呢度會比下去。匆匆忙忙，忘記影相

今日好遲先放工，同同事苦惱緊食咩之際，經過一間潮式粉面專門店，主打係食牛腩，見到鋪頭入面都有不少人，感覺應該會幾好食，於是就去試吓啦！睇完餐牌發覺原來都幾多嘢食，除咗牛腩之外，佢仲有崩沙腩，牛肚牛肺等等嘅牛雜。我哋點左淨牛丸，牛雜河粉同魚蛋河加紫菜。估唔到佢嘅份量係咁多！正宗淨牛丸爽口彈牙，而且好大粒😍😍😍牛雜河粉湯底加咗濃濃嘅腩汁，飲到停唔到口，而且佢牛雜嘅份量都好多，每一樣都好食！魚蛋河加紫菜同樣都係好大碗，魚蛋同魚角都好爽口，飲完個湯都唔會覺得口渴。估唔到呢間舖頭嘅食物樣樣都好高質，下次想食牛腩一定會返嚟呢度🤤🤤🤤

食出原始港式味道，濃郁軟腍吃出舊日傳統，款色選擇吸引、菜餚製作多樣主打既賣點麵食水準無論(腩汁湯底、味道、質感)大碗即使單拼/雙拼餸價錢划算迎合不受階層人士歡迎!「牛魔王粗」炆至入味鮮嫩且合愛吃牛愛嗜者必食，驚喜一絕以半肥瘦部位包含(牛肚、肺、腩、根、腸、膀)挺多份量濃濃充斥、肥美豐富油香散發令整碗不失所望保留啖啖煙韌滑口彈牙自家足料不鬆散紮實脹卜卜「雲吞幼麵」，鮮蝦與豬肉味鮮比例極匹配不容錯過，粒粒皮薄通透配上麵底共進回味無窮融合埋炸魚皮伴一起的確好不錯

【高質魚蛋牛魔王粉麵】食過第二間分店，今次食發現餐牌係有啲唔同，但都大同小異～呢間嘅特色係穩打穩扎大大碗又性價比超高，女仔真係可能食唔晒一碗😆😆😆今次試左牛雜撈麵，牛三寶湯河，淨叫雙丸同紫菜湯😍😍其實叫得太多，兩個人差啲食唔晒，但係$150有交易，真心抵！牛雜有驚喜，肉質口感一流；牛三寶同以前食過一樣水準都幾高；反而要提雙丸，魚蛋係百份百魚肉日日新鮮打出嚟嘅，牛丸超彈牙多汁，絕對必試！紫菜湯好飲又多紫菜，都係CP 值之選👍🏻

與朋友吃過快吃飯，粉麵當然是最方便快捷之選。田記正正在油麻地 地鐵站a出口 ，方便之選。一吃之下，更覺是認真用心做牛腩的麵店。崩沙牛腩飯 57坑腩筋多，帶點點膏脂，腩身燜得夠軟稔，香滑入味，咬落肉質鬆化，跟的白蘿蔔超級匹配，湯汁清甜。 加埋一大滲入大量腩汁的白飯，無得彈。而且仲送多碗紫菜湯, 正~秘製牛雜河36湯底牛味濃郁，牛什燜得夠稔，香滑入味，牛肚燜得夠稔，牛腸 清潔得乾淨 ，牛肺燜得好軟稔帶有肉味。河粉滑身粉量多，抵食。淨水餃 3232蚊有5大隻，水餃包得飽滿，木耳蝦鮮筍爽，咬落啖啖滿足。配搭幾條 鮮綠的西生菜，輕怡之選。芥蘭15新鮮嫰綠，啖淡清甜。跟餐加7蚊可配熱奶茶 凍檸茶 ，抵飲啦！

今天去MK登打士入貨, 特地在YMT出閘. 在出口地面看到玻璃窗後熱辣辣的牛腩牛雜, 十分吸引, 所以先在此午餐! 就座後, 點了久違的牛雜河... 即是餐牌的牛魔皇河, 有牛腩牛肚牛腸牛蒡牛肺牛筋.    註 : 並非所有牛腩牛雜店都會提供牛肺呢!     可是自己牙齒問題, 要避開太韌的食物, 所以要求走牛肚, 但要多牛肺囉!  而職員又真係肯多牛肺走肚, 實在太好了!!!   牛魔王河粉    大碗走牛肚的牛魔王呈上來了!    視覺: 滿滿一碗, 先點算各部位.  牛肺X7, 牛筋X3, 牛腩X5, 牛腸X2, 牛蒡X1  一匙蔥花搭淺啡色的湯底. 而河粉都被牛雜掩没了!   手感:  撥開各款牛雜, 就來到澱粉質~河粉也!   雖然大碗有足夠深度, 但河粉份量很多, 湯底的浮力不足以承托大量河粉, 導致河粉沉底, 壓至實篤篤, 難以夾起.  對於要求大件又抵食的消費者是好事!       口感&味道: 牛筋在長期熬煮後已經變得軟綿綿又粘口了!  牛肺的支氣管和小支氣管都帶有白色軟骨, 只要避開軟骨位, 就可以嚐到軟綿綿的牛肺.久久未有嚐過牛肺了, 真是令人懷念的味道.    

夜晚想食啲粉麵，隨便就㨂左呢間。Openrice望下，原來佢啲牛腩都幾多好評。我哋叫左個牛魔王同魚三寶黎試：個牛魔王呢，好多料，有牛腸，牛肚，牛腩，牛筋，牛膀... 仲有啲唔知叫咩😛，好豐富，牛腩牛味重，又夠腍，牛筋呢就偏膠質，個人覺得質感都唔錯，牛腩同內臟都入味，牛腸唔錯，可惜得一舊，如果鍾意食牛雜牛腩就唔好錯過。魚三寶呢，還好，魚蛋爽口彈牙，食到魚味😛另外兩款就無咩驚喜，但都ok。食物價錢大眾化，河粉份量好多，一定夠飽。好食夠飽又抵食😬👍🏼

假期前夕，一於決定買外賣返屋企食🥣一出油麻地鐵站就見到呢一間餐廳外邊大大個餐牌，主要做麵食丶魚蛋丶牛腩等等價錢都不貴，普通一碗麵都係大概30多元咁就一於買淨牛三寶同淨魚三寶侍應招呼好好，好快已經攞返屋企❤️淨牛三寶份量超級多！ 分別有牛腩丶牛筋同牛肚牛腩非常爽滑 有牛味 ～ 半肥瘦嗰啲最正！牛筋軟軟林林的 好好食🤩牛肚就好爽口彈牙 淨牛三寶仲附送左蘿蔔～索滿醬汁 又冇根～ 非常好吃😚淨魚三寶分別有魚蛋丶魚片頭和魚皮餃～魚皮餃是汕頭魚皮餃 分量充足 餃皮好好食 魚蛋和魚片 真材實料 非常彈牙好吃🥰再加上清甜嘅湯底 ❤️簡單而好吃的晚餐！😋

今日點幾行過油麻地，見到呢間鋪入面仲好多人，又有朋友最鍾意既牛腩，當然要入去試下😆同朋友兩個人叫左一個崩沙牛腩河粉，牛魔王米粉，一碟菜同兩杯嘢飲，食到好滿足😋-牛魔王米粉牛魔王有齊牛腩、牛肚、牛筋、牛腸、牛蒡同牛肺，可以一次過滿足曬所有願望🤤🤤而且米粉份量都非常多，食完好飽😛湯底落左濃濃既腩汁，飲落係好濃既牛肉香味-崩沙牛腩牛腩有8，9件，每件都唔算細擺滿成個碗～牛腩肥瘦各半，食落夠軟諗，有種入口融化既感覺。蘿蔔吸曬腩汁既精華，非常入味😋-腐乳通菜通菜份量都唔算少，兩個人share就岩岩好😙-總體而言，咁既質數同份量加上價錢相宜，性價比非常高，鍾意食牛腩既朋友一定唔可以錯過😆-📍田記魚蛋牛腩專門店地址：碧街45號地下C1號鋪

最近有好多唔同食物既關注組，沙牛，拉麵，牛腩等等，見到牛腩牛雜關注組有人推介呢度既崩沙腩非常好食，咁啱去油麻地，又見到openrice其他食家都有讚無彈，咁就因利成便，去試下啦！下午1245，直入，仲有兩張吉枱， 由於之前已經睇過關注組既推介，所以一去到，就可以叫推介食物。崩沙腩同牛腩，果然無失望，好冧，不過唔係食過最好味！個湯都ok，飲完無口乾；反而，魚三寶有驚喜，魚餃我本身麻麻地，但係魚旦同炸魚⻆就非常彈牙極爽口，比牛更加出色！