田記魚蛋牛腩專門店 (碧街)

營業中

休息中

今日和朋友行運動舖，發現不少運動鞋品牌都大減價中，是時候要振興經濟。行到油麻地，開始有點餓，忽然想吃碗雲吞麵，上網找到這麵舖。坐低聞到牛腩香，就改選餐牌上推介的嘻嘻！ ❨崩沙牛坑腩米粉❩ 帶少少肥脂牛肉，横向紋理，帶點咬口之餘，竟有腍軟效果👍🏻。湯底清透有肉味，不似傳統店舖嘅啡色，唔會有八角桂皮味道，米粉軟度ok, 伴住牛腩湯食，無得輸，幾好味還有無渣白蘿蔔，正。招牌多人點的❨牛腩河❩,牛肉味蠻香濃，有饞勁。河粉同米粉原理相同，伴牛腩湯食，無得輸，而且這店的河粉中幼身，軟滑。😋❨淨水餃❩ 五隻頗大的餃子，有筍香與木耳咬口，又有大隻蝦，ok唔錯。❨芥蘭菜❩ 一d 菜渣都無，夠嫩。我們懶醒加腩汁，點知不太濃味，雖然淡口了一點，但仍感好食。😋見都餐牌有❨凍檸啡❩, 好飲㗎咩？反正跟麵只需加$9, 即管試試。咖啡少甜走奶，再加幾片檸檬，微甘中帶點酸，居然幾好飲播。

好耐無食牛腩粉，突然勾起食癮，即刻諗起之前油麻地站一出個間粉麵店，出名食牛腩及魚旦。崩沙牛腩河粉：河粉很滑，即使浸著腩湯食到最後都唔會腍到夾唔起，牛腩真係無得頂，半肥瘦既腩肉炆至嫩腍，入口鬆化，牛肉味濃郁。淨魚三寶：有魚旦、片頭及魚皮餃，魚旦及片頭有魚香之餘又彈牙。另外再加了個炸魚皮，入口香脆又鬆化，而且唔會落太多調味，浸湯食一流。最後還外賣了一個水餃炸醬粗比OT中既老婆，老婆話水餃餡好足料，雲耳同筍爽脆，而且蝦仁新鮮。

放工懶煮飯，同老豆去了附近簡簡單單食碗粉就算。平時最仲意幫襯這間田記魚蛋牛腩麵店，有名你叫魚蛋牛腩，當然係主打啦！餐廳推介必食牛魔王粗麵，有牛腩、牛肺、牛膀、牛筋，十分豐富，牛腩炆得夠腍，腩汁夠香有牛油脂，牛筋入口溶化，牛膀比腍滑，粗麵彈牙。魚蛋河粉湯底帶魚鮮甜，河粉爽滑又唔會腍到散開，魚蛋真係有魚肉香，非常彈牙爽口。另外再加多個淨雲吞，雲吞一口一粒，有大地魚湯香味，蝦肉新鮮爽口，餡料亦都唔會太多豬油膏。

同朋友油麻地附近食飯 揀咗呢間出名食牛腩 傳統雲吞麵店來講呢間都算好乾淨 座位都算寬躺 我哋叫咗幾樣嘢食牛魔王米粉-呢個米粉不得了 有牛雜牛肚牛腩 滿足晒鍾意食牛嘅人 加埋腩汁呢個米粉真係一百分雲吞麵-雲吞大大粒 餡料豐富 而且個麵都好好食 湯底唔會太淡泰濃味 剛剛好崩沙牛腩-呢個崩沙牛腩冇得輸 脂肪比例平均 非常淋稔入味 我哋一件接一件完全食到停唔到 正呀凍檸茶-食牛腩麵一定係配凍檸茶好爽油菜-叫多咗個生菜 好好食 食咗咁多肉 平衡一下營養

喺油麻地地鐵站一出就輕鬆到達田記，入到黎幾年全場爆滿，所以喺門口等咗一陣位，勝在呢度流量夠快，等咗大概5分鐘就可以坐低，呢度叫粉麵只係需要加$7就一杯凍飲，價錢合理其實喺九龍區來講呢個價錢真係超抵食，河粉分量多，仲要有咁多舊牛腩，少有牛腩一啲都唔鞋，性價比非常高牛雜就有牛肚、牛蒡、牛腸，份量都真係幾多最後我哋仲忍唔住試埋呢度嘅魚蛋同埋水餃添，全部要淨送嘅話都會加埋生菜係個底度，咁就可以慳返叫碟油菜啦

上星期五放工去左油麻地買野，準備搭地鐵陣打算買埋外賣反去食；就去了田記魚蛋牛腩專門店。金錢牛肚麵 $36 幼麵：金錢牛肚切得比較幼而易於咀嚼，味道好入味，吾覺un口。另外，幼麵好彈牙；另需加多７蚊就可以加多個麵底，令人更加飽肚啊！至於湯底甜甜地，吾會好似滾水啊！雙拼 鮮蝦雲吞 $7：麵類同樣可加７蚊轉雙拼。鮮蝦雲吞雖然吾算大粒，但入面依然有完整既蝦隻同少許豬肉；口感爽口，味道鮮味。崩沙牛腩河粉$45：湯底濃郁而不會過鹹，崩沙牛腩好林又入味，而且冇根，咁正既湯底配易索湯既河粉，超正！下次要encorn！雙拼 汕頭魚皮餃 $7：魚皮餃足料飽滿，餡料甜甜的，口感彈牙，令人讚口不絕！凍豆漿 $7：微甜有豆香，邊食濃郁湯底粉麵食，吾錯！淨爽口牛丸 $35：本人最愛牛丸當然要order！牛丸粒粒大小相同，份量好足。口感果然爽口又彈牙，牛香味道濃郁，大愛！

健身中心終於重開，可以約朋友下班做運動了😍因為時間緊迫，只打算在附近隨意吃一碗麵，誰知道竟然有驚喜！找到好吃又平價的牛肉麵了😋其實餐牌有很多選擇，除了牛肉也有雲吞和丸類，只是我和同事都是妥妥的牛魔王，所以我們都目標明確地選了牛肉麵😆首先要讚一讚定價，現在還吃到$50以下的麵真是良心價了，難得的是還很足料，湯底也很濃郁👍🏻牛三寶河粉$48牛三寶分別是牛腩、牛肚和牛筋，一樣香甜但有三種口感，吃著非常滿足☺️如果想更邪惡一些，可以選擇牛魔王河粉，就可以連牛雜一起吃了😏 崩沙牛腩河粉$45崩沙腩位於牛的橫隔膜附近，所以有一層薄膜和膠質包住，食落煙靭爽口😋吃貨都知道這是牛腩最矜貴的部分，所以真係好抵食😎生菜$15食肉獸也需要補充蔬菜，不解釋😂檸樂$18本來就愛喝可樂，添加檸檬會沒那麼甜，味道更清新一點，心理上減少致肥的罪惡感🙊兩款牛肉麵的水準都很高，好味又抵食，值得一試！

-今日同大家介紹既係👇🏻 《田記魚蛋牛腩專門店》🍢睇開我嘅食評就知道其實我係好少食類似中式粉面、但如果我出post介紹得就一定係好食😎🐮牛魔王河粉 （$58）有牛雜、牛腩、牛筋、牛腸、牛肺、金錢肚、好入味！牛腩肥瘦適中！炆得好淋！！牛筋勁gel咀！！🤤最誇張嘅係份量勁多！好彩醒目減左麵底🤭 $58真係好抵！🥩牛雜拼魚蛋河粉 （$52）同行既朋友仔就叫左拼魚蛋！試左佢一粒！勁彈牙！加埋佢自家製既辣椒油！簡直冇得頂😎男仔食都覺得份量夠晒大份！🐟炸魚皮 （$15）食粉面一定要叫炸魚皮啦！浸埋落啲湯度食 一個字正！呢間既炸魚皮都夠晒香脆😏🥬腐乳通菜 （$15）好鍾意食腐乳嘅我見到簡直心心眼！因為佢呢個腐乳嘅份量差唔多湯浸咁🤩而且我鍾意個腐乳係偏甜😏唔好曬啲汁可以拎埋黎點下牛雜🤓呢間一定要去試呀！性價比超高！地方又就腳！油麻地A1出口一出就係！

今日喺油麻地附近做嘢見到有間粉麵店就買外賣返屋企慢慢嘆同埋佢喺正油麻地碧街地鐵站出口嗰個位幾方便😝😝😝😝叫咗個崩沙腩河粉 $46可以分湯加一蚊咁就唔怕淋左個崩沙腩好似係限定好在今日買時仲有真係幾好味喎😈😈😈😈另外叫咗個炸醬麵 $34味道好濃郁🍜🍜🍜🍜淨雲吞 $33推介呢間啲雲吞好好味仲要一碗入邊有好多粒好抵食另外叫咗個魚三寶 $37除咗件魚三寶入邊仲有好多菜叫咗咁多樣嘢都係$151抵呀

牛腩一直是我的最愛，不過在香港，不容易找到一間美味的牛腩專門店，所以非常留意已牛腩命名的店舖，今天便來到其中一間品嚐。崩沙牛腩湯河$45，崩沙腩的筋位，軟腍中帶點煙靭，果然是店內的名物，非常值得推薦。河粉份量十足，比其他店的分量多1.5倍，吃完一碗粉麵，男仕都會覺得飽腹。凍檸茶跟餐加$7，茶味十足，檸檬的份量也很多，是一杯正宗的港式凍檸茶。凍鴛鴦跟餐加$7 ，咖啡和奶茶的味道均衡，非常適合個人的口味。牛魔王河粉$58，牛腩的油脂，非常可口，肉質軟腍，除了牛腩之外，還有牛筋、牛肚、牛蒡、牛肺和牛腸，其中以牛腸最為肥美甘香。油菜$15，芥蘭烹煮得比較軟身，沒有過硬。

<油麻地好味粉麵店>🍜油麻地a1 出口側邊呢間田記 係一間十分唔錯既粉麵檔。 好多張細圓枱同長枱 通常客人唔係外賣就食一陣就走 主要係麵 河 牛腩 魚蛋之類既食物 整體質素都好味 👍🏻🍴炸魚皮15 蚊🔥🐟炸魚皮好香脆 咸度適中 一咬落去脆卜卜 . 放落麵 或者紫菜湯都好正🍴鳳城水餃河32 蚊🥟加左腩汁個湯底好夠香同牛腩味 水餃應該係自已包 入面豬肉 juicy加 d爽口既木耳🐖 水餃皮夠爽滑 河粉份量多 都好爽口 落 d自家炒既辣椒油都好好味🌶️🍴牛魔王飯 70 蚊🐂份量有牛雜牛腩牛筋牛腩 juicy d肉帶少少粉身口感 好入味 牛筋夠彈牙👍🏻 牛雜有牛腸 金錢肚 牛肺 都好入味 夠哂啖啖肉 加 d辣椒油撈飯夠哂好味🌶️🍴生菜 15 蚊🥬生菜抵食 份量好多 生菜新鮮 juicy加 d蠔油好味#生菜 #粉麵 #牛雜 #牛腩 #牛肚 #金錢肚 #牛肺 #水餃 #炸魚皮 #水餃Score 平均分< 7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍

淨食@田記魚蛋牛腩專門店 Mr Tin HK Cuisine油麻地碧街45號地下C1號舖Shop C1, G/F, 45 Pitt Street, Yau Ma Tei麵食在香港好COMMON, 唔想食港式碟頭飯時, 我會叫上一碗粉麵, 仲幾抵食, 岩曬女仔胃口唔會太大, 份量岩岩好架。淨食水餃$32 , 一碗有6粒, 內餡係蝦同半肥瘦豬肉, 撈埋一齊彈牙有蝦香, 又有豬肉架口感。皮薄煮好後半透明大大隻, 我都習慣蘸辣油同醋一齊食, 更加滋味。$15 油菜, 好難都好難有菜食, 點都要平衡一下啦。全走就更健康, 因我覺得蠔油太濃味白蘿蔔好腍又入味,個湯勁好飲$7紫菜湯由細宦大都愛飲, 簡單已有紫菜鮮甜味道, 飲完個身好暖又飽肚。小店更抵食架!

近日天氣悶熱，唔想買餸煮飯，但因疫情關係食店有限聚令，又不可以全家外出晚膳。女兒知道油麻地有間叫田記魚蛋牛腩專門店，說之前食過牛腩好好食，叫我放工去買外賣回家做晚餐。從餐牌上都有不少選擇，粉麵飯都有，食物可自由配搭，單拼雙拼都可以，飲品配主食還有優惠！金牌牛腩幼麵：餐牌寫是銷量第一，當然不用錯過，牛腩質感濃稠，炆得腍滑入味，肥美可口的牛腩入口帶鮮濃牛味，幼麵爽口，湯底鮮甜，加入腩汁味道更香更濃！金錢牛肚幼麵：金錢肚炆得好入味，口感軟嫩彈牙！鮮蝦雲吞幼麵：大小適中的雲吞皮薄餡鮮，每粒都有爽口的鮮蝦，鮮味十足的豬肉，與爽口彈牙的幼麵添些醋一起食，更添美味！魚三寶河粉：三寳是魚旦、魚片頭、魚皮餃。魚旦和魚片頭食得出是用新鮮魚肉打成，肉質鮮味彈牙。大隻的魚皮餃是魚肉的皮，豬肉的餡 ，彈牙有滋味，而且入口爽滑。，河粉滑溜。加7蚊就有一枝健康有益的豆漿，豆味香濃，不會太甜。

近來都習慣了買外賣，就在晚市重新開放前一晚我又去了位於油麻地地鐵出口附近的「田記魚蛋牛腩專門店」買外賣回家跟老公邊吃邊看電視。這裡的牛雜出名，每位食客都好像為了吃牛雜而來；那我都要試試，所以一飯一麵配牛的。《牛魔王粗麵 $58》麵條可自選，我配了粗麵。腩汁湯底分開放一碗，細心，很香濃，濃郁得底部有很多精華；而牛魔王配料多，都滿滿的，有牛腩、牛肚、牛筋、牛腸、牛肺，全部都炆得嫩稔入味，完全不會韌，牙力不好的我都覺得很易咀嚼，好吃！《牛三寶飯(牛腩牛肚牛筋) $60》同樣地，牛腩、牛肚、牛筋都是入味稔嫩，飯的軟硬剛好亦夠新鮮，倒上了我的腩汁湯底味道更佳！《芥蘭 $15》鮮嫩沒渣。《自家製炸魚皮 $15》是店舖自家製炸的魚皮，大包香脆，又不會太厚硬，浸上腩汁湯底很好吃。

🔸湯蘿蔔 $15🔸鮮蝦雲吞河粉 $32🔸加拼魚蛋 $7🔸淨祕製牛雜 $95-今晚收工路過好耐冇食嘅港式粉麵，一於買返屋企做晚餐啦。揀咗一碗河粉，雲吞拼白魚蛋，雲吞細細粒一啖一粒，白魚蛋好有魚味。另外跟粉麵可以另加$15一碗湯蘿蔔，白蘿蔔非常入味，一咬就散，仲要唔苦同埋冇筋，好正啊！因為疫情關係，已經好耐冇出去掃街食街頭小食啦，所以就再叫多一份祕製牛雜，牛汁極香，牛雜份量都幾多，同男朋友兩個人一齊食一份都食到好飽吖！