申記上海美食

營業中

休息中

下午五六點鐘，喺元朗行過申記上海美食，有少少肚餓，就買一塊蔥油餅食，七蚊好抵食，都幾大塊下！食落都好韌，一啲都唔脆，真係咬到牙骹都軟，愈食愈攰，愈食愈多油！終於成口都係油！感覺真係好差！亦都真係唔好食！唔明點解咁多人排隊買嚟食！唔通未食過好食嘅蔥油餅！雖然唔想寫衰啲小店，但係佢嘅蔥油餅質量真係比較差，希望除咗蔥油餅之外，其他嘅生煎包、煎餃子等等，會好食吧！至於蔥油餅真係一啲都唔好食！我到一半真係揼咗佢！

上次偶然經過這間不起眼的小店買了一片葱油餅，試完之後番尋味，味道完全係我兒時，媽媽常常在一些上海手工小店，外賣即日新鲜搓完即煎的葱油餅味道,這種一家人一脚踢的小店巳買小見小，隨而代之的是無靈魂而又貴價的連鎖餐廳，食完一次巳沒下次。今次專程為葱油餅而再來，當然要試埋煎牛肉包和生煎包良心價~葱油餅$7生煎包$6煎牛肉飽$7菜肉包$7饅頭$5葱油餅 ~ $7厚薄適中，雖然葱不多，但加了白芝麻，味道非常香口，滿口都是的食材的原味道，兒時回憶返哂嚟生煎包和牛肉包的外觀一模一樣，正常size,不大不小生煎包~ $6肉有彈性，沒有雪藏味，配上椰肉攪均的豬肉，包外皮也非常軟熟,底部煎至乾脆，好味煎牛肉包~ $7一大嚿牛肉饀，抵食超值食後感這些小店巳買小見小，在銅鑼灣區或大型超市買一件$15以上，味道也是一般般，元朗這間仍然死守，靠的就是實力和好味道，我們一定要用行動支持，不要等到它關門時才在最後1日一窩蜂咁去排幾個鐘幫襯

今日試左3樣野 ：1️⃣ 鍋貼 （$4/個）鍋貼絕對係皮薄餡靚，睇相都睇到個皮真係好薄，個皮呢就一個少少脆另一個完全唔脆，水準有啲唔穩定，餡係椰菜豬肉餡，菜肉比例係37左右，肉唔會太肥，非常滿足！雖然個皮唔係幾夠脆，但都值得回購～2️⃣ 牛肉餅（$6/個）入面既餡係洋蔥牛肉，調味適中唔會太咸又夠惹味，個底係唔脆既，同鍋貼一樣都係餡好食過皮，但都值得一試！3️⃣ 黑豆漿 （$7/枝）個豆漿正正常常，冇咩特別，糖算係落得少～呢度冇位坐，我買完直接喺隔黎企喺度食，見到呢度都幾多人經過會順便買一買，亦都可以就咁單買一粒鍋貼，睇黎呢間舖頭都幾受街坊歡迎～

今日下午5:30左右喺附近大榮華酒樓工作完畢，預備搭的士返沙田屋企之際，喺附近走了幾轉，見到這間裝修簡單但睇落很乾淨的上海式包點外賣店，忍唔住買咗四款包點，包括上海蔥油大餅、生煎鍋貼、生煎包&生煎牛肉包，攞到返屋企仲熱嘅！一於當晚餐食！我極力推介生煎蔥油大餅及生煎牛肉餅：生煎蔥油大餅質感食落冇得頂，充斥着蔥嘅香味及鮮甜味，而且唔油膩，比起之前喺上環一間外賣店買的好很多。生煎牛肉包啲牛肉餡好正，包的皮全部都係一樣的，都好味！但係加埋個正嘅餡料當然覺得特別好食啦！不過我已經唔記得咗幾多錢了！我買多咗一個生煎牛肉餅俾朋友，五件餅食加埋$27。

家姐朋友介紹, 家姐話全部點心都好好食, 點知我星期日去到摸門釘! 🥺死心不息的我幾日後再去!😤.雖然我係北方人, 但係平時都好少食鍋貼🥟, 總覺得好油膩🤔, 皮又厚都唔知有乜咁好食😒! 不過既然家姐話超讚咁就試試啦! 😌一家外賣小店, 只有6款包點賣, 我喜愛佢夠專! 👍果然一試難忘🤤🤤, 皮薄餡靚, 係我喺香港食過皮最薄的鍋貼! 🥟肉餡多汁嫩滑 🥬椰菜爽口! 食落完全唔油膩, 可見煎餃功夫了得! 👍🥟生煎包, 包身唔算厚都幾鬆軟, 餡料同鍋貼一樣! 總結: 如果底部再煎燶少少會更香脆!😎

元朗上海點心店唔多,某網站介紹呢到鍋貼好食,由於本人呢期懷舊,想就回兒時得窩貼味道,所以就去試,就像其實覺得自己已經好努力,有時希望有人同我說係白費心,唔好再試一樣,等我可以放棄不再嘗試,可惜仍未可開口,今次來到呢到,只有外賣,簡單我是主打鍋貼,上海包點,豆漿,就小試了鍋貼和牛肉飽,鍋貼有白菜加入豬肉,有少許肉汁幾香,但皮底不夠脆,但都合格,只是仍差一點,牛肉飽反而好出色,料用了洋蔥和牛肉,十分野味,包有煎得有點香脆,唔錯,總結簡單,價錢平,味道唔錯,但仍是要努力尋找,不是呢到味道