留園雅敘

營業中

休息中

到十月這種時間相信大部分香港人都會開始係電話上看到各位朋友瘋狂share. 而本人是海鮮愛好者所以每年的大閘蟹時令當然也不會放過. 聽了很多年的留園雅敘真的是久仰大名.相信真正的大閘蟹的愛好者都聽過這間老字號. 好啦唔講咁多廢話先！留園雅敘的全蟹宴真係一個完美的大閘蟹盛宴. 菜色以一道道上的形式呈現給各位. 首先開始本人先叫了一些小菜因為朋友遲到...🙄但小菜味道算不錯，看到食材有挑選過.朋友到了蟹宴便開始了. 一開始先來了一個蒸蟹鉗. 味道清甜，冇骨 （其實講真，真係黎食為左唔需要自己拆蟹呢樣嘢😂🙈）其實之後有碟蟹腳肉炒菜但本人太餓 唔記得左影相...（餵食人的壞習慣）呢碟嘢就真係不得了..蟹膏分皮. 雖然膩到傻左但鍾意大閘蟹的朋友來說，這是通往天堂的天梯. (以心臟病形式）呢份蟹粉魚翅羹味道濃厚 足料啖啖肉. 冇得批評呢個蟹粉小籠包就真係hea左D冇咩蟹味 個陷好麻麻.最後來個蟹撈麵 真係確定了我呢一年都不要再食蟹.終結：味道不錯，大滿足， 但真係膩到爆.6/10

又到大閘蟹時候啦！雖然近排好多報導話🈶️好多冇牌大閘蟹出售，但如果去有信譽既店or餐廳應該放心d掛～另外唔好食咁多都唔會出事既今日小編去試呢間據說頗正宗既上海菜、小編和朋友2人叫左4+1甜品，包括時令蟹粉粉皮、雪菜毛豆百頁、糖醋魚塊、脆鱔、甜品係高力豆沙香蕉🍌總括味道不錯、頗正宗、當然冇ｏ係上海食咁濃味同埋好味啦，始終適合返香港人口味，小編我最愛都係蟹粉粉皮、雖然貴左d（400元）但值得一試、反而最難食既就係個雪菜毛豆百頁、d百頁處理得唔好、好苦，雪菜唔夠香脆鱔和糖醋魚塊都好味道，encore指數其實都高既，但小編我唔係話好like上海菜除左大閘蟹和蟹粉啦，所以我寧願去第二度再試下d蟹粉

留園搬左新舖 當然要返來幫襯。地方裝修新派 留住老班底服務 叫左幾樣食開的點心 頭盆 試試水準是否keep得住。脆鱔，海蜇頭，馬蘭頭，酸辣湯，嫩雞偎麵，蔥油餅，小籠包，樣樣野好滋味。脆鱔海蜇頭馬蘭頭酸辣湯微麵蔥油餅小籠包如果要細講滋味 真是一千字都不夠寫 總體來講 就是食到原味 又不過鹹 烹調到位 並見不到多餘的油脂平時不多愛 特色蔬菜的男友 竟然不放過馬蘭頭。下次要叫埋朋友一齊食松子魚，醃篤鮮 ，糯米炒蟹，熏魚，燻蛋

The food here is unforgettable, especially the crab roe rice noodle. The rice noodle and the crab leg veg comes as a set for $1980. The food here is authentic and I have been back 3-4 times already. This is the first time tasting the hairy crab and it did not disappoint. But that tall manager have a serious attitude problem. He doesn’t seems to want to be there. Ask him a question and you will made to feel like u r stupid. We spent $5000+ on dinner and saw that other table was offered fruit plat

This restaurant is super delicious. Coming from Shanghai, I must say a lot of the dishes taste very authentic. Would recommended the pork and vegetable wontons in soup. The jellyfish head with garlic and sesame oil, the shanghai hairy crab of course, and the pork ribs dipped in salt and pepper. The xiao long bao are okay but I've had better in HK. Overall I come here at least once a month if not more. Delicious and the staff all speak Shanghainese.

駱克道的博匯大廈，上回試了車氏粵菜軒，今次，去三樓試主打滬菜的「留園雅敘」。地方，著實舒適寬敞，頗為雅致，適合用餐歡敘。 兩位的商務午餐$248，可於餐單上任選兩款冷盤、兩款熱炒，還包白飯、例湯及甜品。 雞絲粉皮，雞絲口感不太嫩滑，粉皮也不夠細滑，花生醬香氣也稍遜。 蔥油海蜇皮，海蜇爽脆富咬口，調味適中，既有蔥油麻香，又不會過鹹，很不錯。 老火例湯，入口夠稠密，真材實料之作。 溏心蛋，雖賣相不佳，流心蛋黃夠溏心。吃一口，蛋白Q爽，蛋黃粘稠，然， 未夠入味也﹗ 小籠包，皮厚肉實汁不多，手工粗糙，敗筆至極﹗ 糖醋魚塊，把魚塊沾上薄漿炸至脆卜卜，再混入酸酸甜甜的糖醋、紅青椒絲和洋蔥同炒，甜酸味平衡，香口又惹味開胃，忍不住白飯就扒了一大碗伴吃。 同事喜歡惹味帶微辣的回鍋肉，誠然，辣味到位，薄切豬肉片又爽口細嫩，不肥不膩，頗適合下飯的一道菜。不過，菜多肉少，只有四五小塊豬肉也。 壓軸中式甜品，以數款雜豆和蓮子熬煮，食味紛陳，好吃就談不上了﹗

一家人到留園雅敍吃團年飯😋熏蛋🥚煙熏味十分濃郁，吃畢後整個口腔也濔漫著煙熏味😆溏心蛋黃做得非常好雞絲粉皮比起坊間的雞絲粉皮，這個比較「重口味」，麻醬味十分重和比較鹹。可能這才是真正的上海味😂熏魚上海菜中我一向最愛的都是熏魚！這個醬汁做得非常好！汁能掛在魚上，也不會過甜。魚也不會太多骨。絕對值得一試！小籠包算是比較舊式小籠包，皮比坊間的厚。肉汁十分豐富，不錯。生煎包我覺得這個比較普通。不過確實皮十分脆和肉十分入味。醉鴿花雕味道十分凸出，同時鴿味仍能保留，不會被花雕完全蓋過。鴿的肉質也十分嫩滑。香蕉高力豆沙必定要試！香蕉與高力豆沙十分配合，蛋白沒有油'益'味，豆沙也不會過甜。大力推介👍🏻👍🏻雖然我們沒有吃主食，但吃畢所有東西後都十分飽了。爸爸比較喜愛吃上海冷盤和小食，所以今次主力冷盤呢！希望下次再來試試其他主食。

留園雅敘，米芝蓮推介上海菜位於灣仔，週末都有八折 promotion。同父母週末午餐試左，結論……非常一般。叫左四樣嘢，家常豆腐，燻魚，煎黄魚，腌篤鲜。燻魚……味道ok 冷菜，甜帶有少少酒味。肉質可以，但我在其他地方食過更加好食嘅。家常豆腐……帶有少少宮保辣味同肉片一齊炒。但豆腐新鮮度唔係最新鮮嗰種滑同甜，加上肉片都係一般。總括唎講賣相同味道都一般。煎黄鱼……四個字，失敗之作。魚有少少腥，加上煎得唔夠火喉，唔好食。腌篤鲜……三個人食大約每人兩到三碗湯。湯味道ok，但唔夠鲜。竹筍無乜味，百頁仲未完全散開。一般。Overall, 有D失望，以佢地米芝蓮推介名氣。水準非常一般，極其量可以一試。比佢好味既上海菜大有人在。

朋友多次介绍這餐廳，但一直未有嘗試的衝動。好友飯局就决定會一會這有名食店😜一行6人，帶住2支红酒，1支香檳，點了以下菜式。**冷盤葱油海哲頭👍👍酒糟蛋👍👍鹽水鴨👍👍燻魚👍👍烤夫🖒蒜泥白肉粉皮燻乳鴿(需預訂)👍👍👍元蹄👍👍煎小黃魚👍👍👍清炒蝦仁👍👍奶油津白生煎包葱油餅👍👍煎八寶飯👍👍👍炸芝麻湯丸招牌海哲頭相當爽口。本來想叫招牌燻蛋，但已沽清，經理介绍酒糟蛋。味道有驚喜，糖心蛋王酒味濃郁，但蛋白卻能保持嫩滑😍。鹽水鴨肉質嫩滑不粗糙，很難得。燻乳鴿超正😋😋😋!!! 吃到不能停手。如茶壼般大小的元蹄，外表邪惡，但不能不吃，好淋滑😋😋。煎小黃魚，外皮脆但內裡魚肉嫩滑，連唔多吃魚的朋友都讚口不絕。其他菜式亦沒有令人失望，非常有水準。😚😚要特別一讚煎八寶飯，在香港不容易吃到。一般都只會蒸，不會煎。但煎的八寶飯真是不同凡響的好味。好有encore的衝動😉。整體食物有水準，已成為我最喜愛的上海菜餐廳。必定再來光顧✌

個晚同兩位朋友一齊去左灣仔駱克道既留園雅敘原來早排攞左粒米芝蓮星但其實無星之前都已經好多人食個晚早左到 但係之前張檯未還檯 所以係咪熟客都要等一陣前菜叫左個燻蛋兩隻 ($48) 同海蜇頭 ($120)當然好食啦 如果上海餐館呢兩樣野都做得唔好食 真係可以走人 另外叫左個小籠包 (4隻 $48)其實個小籠包就不過不失啦係其他餐廳食過更好食的 呢個就正常 包皮我覺得可以做薄少少我知道有些人喜歡厚皮 但個人覺得薄皮仲好食 又無咁飽是晚既主角就係 蟹膏炒粉皮 加 蟹腿扒蘭度 (共$1880)係... 價錢好似有少少貴 但絕對值得叫喜歡蟹膏既話 一定一試難忘大閘蟹既蟹膏撈埋粉皮度一齊食加少少醋又滑又一啖一啖既蟹膏 太開心啦!!!而蟹腿扒蘭度亦解決左好多懶拆蟹既人既問題通常食到第二第三隻 就已經覺得只想食膏唔食蟹肉呢度就唔會浪費蟹腳幫你拆好了 再配上蘭度 既方便又好食!所以話呢度菜一定要叫!而最後亦叫左碟火丁甜豆 ($250)好鮮甜 份量亦幾多 唔錯!雖然食物好好 但係要有心理準備始終呢度係傳統上海人打理熟客既招呼可能好些少 但唔好懷著超好服務既期望而唔係熟客 就預左服務麻麻... 唔好影響心情!

大閘蟹睇好過食，我那隻膏不多，也不算特別美味。跟餐的小籠包並非蟹皇小籠包，皮薄，肉尚算鮮味，可打八十分。小碟的前菜大多都不錯，特別是醉豬肚。鮑魚很一般，食過即忘！由於餐不算很飽肚，後加了生煎包和蔥油拌麵等包點麵食，想不到卻有驚喜！推薦蔥油拌麵，簡樸，味道卻到家。建議打算試留園雅敍的朋友不要選套餐，似乎散叫的都比較有質素！

今次完全冇影相。 根本唔想影。一行人8大人1bb 入坐靠牆的大枱。 由於本人早到關係，便詢問有關大閘蟹價錢，一位中年侍應可能見我食唔起，講了價錢後不斷想行左去，我再問幾重，完全求其答。 觀察後看來應該主要做熟客，隔離枱已有一對巴巴閉閉大大聲夫婦不斷話成日黎。我地叫了12位3680的菜單。 上菜快過快餐，令我地未食完一樣，第二樣已經凍晒，尤其素菜飽，食時係凍既。。。我已經向其中一位中年女侍應反應，當聽唔到。 食物質素普遍不差，但唔係好好，雖然座無虛席，唔憂做。 坐左個幾鐘，我爸爸叫一位中年男侍應加茶葉，佢大聲話佢要做左緊要事先，好難頂。 一餐為左慶祝我媽咪生日開心飯變得好不值。埋單$4300， 同一位中年男人收錢即刻態度變良好。。 放心，應該唔再幫襯。 順屬個人經驗，唔會建議大家唔好再幫襯。

We walked in for lunch, and the Liu Yuan Pavillion didn't like our looks, the way we dressed, or maybe my breath, but with 3/4 of the seats empty, they said "NO TABLE!"My thoughts ventured to being an Anglo American and not wanted.  Thus, be warned by this review.

同家人慶祝中秋節係一定要搵一間好食嘅餐廳啦！呢幾年有都嚟過幾次，食物水準保持。但係樓底有啲矮，裝修有啲舊。我哋食第二輪，全場爆滿，有幾張枱要擺到差唔多出門口。醉鴿肉味鮮甜，今次第一次試，花雕酒味好香醉蝦夠大隻，又彈牙，花雕酒味夠香啲粉皮煮得好淋好滑，鷄絲又多又滑，切得都幾大條，不過啲麻醬太濃郁，又點油。炸蝦伴松露抄河蝦- 未上枱已經聞到松露香味，河蝦細細粒夠爽脆，有鮮味，荷蘭豆一粒一粒喺囗裏面爆出，感覺好滿足。蛋白花雕蒸蟹-其實本身隻蟹已經好新鮮好多肉，啲蛋白索左啲花雕好香濃好滑！生煎飽個底剪得好夠脆，咬開啲肉汁會流出，爭啲俾佢辣到個嘴。㽞園泡飯，啲泡飯放咗入湯之後依然好脆，食嗰陣時大家都喺度諗呢個問題？煎入寶飯-家人好鍾意食糯米，佢哋話第二度食唔到煎寶飯，多數都係蒸嘅。味道良好剪得好香，不過實在太飽啦，雖然仲有紅豆餡喺中間，不過嗰啲車厘子唔係太吸引。總結：下次一定會再嚟！

第一次寫食評，我要先寫比我最愛食的上海菜！自小跟外婆住，每日都食正宗上海菜，長大後係外面食，始終都唔夠正宗。終於係留園雅敘搵到原始的味道。今日一行三人食普通晚飯，清清地，無大魚大肉。頭盤我地叫左葱油海蜇頭同燻蛋海蜇頭比海蜇爽，用葱油拌絕對係最正宗。夏天最好食呢個頭盤，涼浸浸，食起黎有陣陣麻油香。燻蛋應該係每枱都會點嘅菜，煙燻味濃配上溏心蛋黃，無論賣相定味道都無得輸！清炒蝦仁係我每次食上海菜必點菜式。無奈嘅係坊間的清炒蝦仁都好有問題，一係蝦勁大粒，一係就個玻璃獻厚到不得了。留園嘅清炒蝦仁使用河蝦，獻汁通透，一大啖咁食感覺超好。食起黎蝦仁又爽又新鮮。留園泡飯我絕對可以一個人食半窩，濃郁雞湯配上每粒都脆卜卜嘅飯，熱氣都要食。唔知點解d飯浸左湯都可以保持住脆口，有小小菜粒一齊食帶點清新。生煎包底部煎得香口，咬開左好多肉汁，而且包不會太厚，包同肉比例岩岩好。最後甜品香蕉高力豆沙外皮蛋香味重，咬開超多豆沙，䁔䁔的豆沙混合香蕉味，為整個晚飯畫上完美句號。**唔怕肥的我極力建議灑上超多砂糖，好正。食物無論用料，賣相，味道都非常好。環境舒適，座位寬闊，可以慢慢享受食物。服務亦不錯，定時有人加茶。店員都會