留座 (已結業)

前幾日放假同朋友嚟開大坑，食完飯見到呢間糖水舖，諗住食番個飯後甜品有個happy ending ，點知又失望又勞氣😡我哋嗌左個秘製楊枝甘露、綠豆沙加湯圓同招牌仙草冰。楊枝甘露啲芒果超酸，上面有幾粒粉紅色嘅丸子，味道怪異🤢你話有咬口，佢就得幾粒迷你丸子，咬唔到啲咩，但浸怪味就係口到揮之不去🤧唔知點解楊枝甘露會有啲咁嘅嘢係到，定呢啲就係所謂嘅「秘製」？綠豆沙湯圓仲失望！加12蚊得3粒湯圓，仲要係利x湯圓都算。個綠豆沙係杰撻撻，聞落臭臭地，食咗一啖成碗放棄😪入面仲有幾粒清心丸都唔想試啦😵‍💫唯一放得入口係仙草冰，味道正常，但個外賣盒就好唔掂，一開就流哂啲糖水出嚟，抹都抹餐死😅食物差之餘，店員態度仲差😒有個瘦瘦地嘅女人，唔知係員工定老闆，語氣差到好似我哋爭佢錢咁，粗聲粗氣！或者人哋生意好到唔志在我哋呢單生意啦🤷🏼但我哋就真係唔會再幫襯啦！

不知不覺成為左小店既熟客，雖然當初係被老闆開店既理念吸引而專程黎試，但老實講唔係因為小店既糖水真係好食就唔可能一直幫襯其實本人好少食糖水，加上出面好多糖水都好甜（就算買手搖飲品嗌少甜我都覺得偏甜）。小店既糖水對我黎講就係岩岩好嚐到少少甜味既程度，而今次就嗌咗芒果西米露。芒果肉一啲都唔遜色，有芒果甜香、唔酸亦冇渣，而且仲有一啲芒果冰沙，加埋西米一齊食口感幾豐富。另外今次老闆推介試試佢地親手製作既清心丸，本人留意到入面有桂花，咬落去偏向煙韌，有啖啖桂花味而唔甜。而且老闆標榜冇加任何化學材料製作，可以食得安心。而我個人覺得稍微不足既係椰奶味唔係好夠，以及糖水如果再凍些少就更好。但整體而言都幾滿意，而且睇住老闆整每一份糖水都好有心機。最後建議小店將來可以引入更多芒果種類，例如台灣愛文芒甚至係黑香芒果。 

冇嘢做揸架車落大坑，諗住買個糖水眾所周知已經冇堂食，淨係可以叫外賣叫咗一個芒果班cake，白芝麻糊，芋泥芋圓西米露。芒果班cake普通正常，冇乜特別白芝麻糊出事，冇芝麻味都算，食落口好似啲糊仔咁，我唔知自己食緊糖水定係BB食物，仲有少少苦味個西米露，啲芋頭嘢冇味，個糖水有少少椰汁味香港經濟咁差，已經有好多飲食舖頭唔開，或者執笠，都係想外出買個外賣幫助一下香港經濟，但係啲嘢食落口咁難食，咁中伏，叫人點再幫襯

祝大家冬至快樂🧣一家人齊齊整整過節🥰今日嘅溫度終於有番啲過冬天嘅感覺，食完團年飯，食番碗熱笠笠嘅湯丸，或者傳統中式台式嘅甜品絕對不能少，若果你係銅鑼灣天后呢頭附近，就介紹你入黎大坑幫襯下呢間新開無耐嘅小店💛舖頭細細不設堂食，但不論內外都可以見到佢地不同嘅良心佈置。講到佢地嘅招牌就非招牌鮮草冰同埋秘製楊枝甘露莫屬。🍧招牌鮮草冰 $➍➎喜歡台式甜品嘅一定唔會未試過鮮草冰。欣賞佢地嘅冰底喺我外賣拎到番去食嘅15分鐘內都未溶，番到去食仲係啖啖冰👍🏻蓋頂有2球分別用芋頭同紫薯打成嘅芋泥同紫薯泥，夠哂有心同特別。芋圓三色為主，以芋頭，蕃薯同紫薯製作，佢地嘅岀品較結實煙韌有口感，粒粒真材實料。再配搭少有嘅粒粒爽口寒天，同埋滑一滑涼浸浸嘅鮮草凍，多重口感多重滋味👍🏻👍🏻下次再黎要試埋佢嘅秘製楊枝甘露😍📍留座 大坑京街6號地下A號舖

路過買曲奇，走圍睇下有乜食，見到呢間甜品，試新嘢。合桃露加湯圓，香芋西米露加湯圓，芒果西米露。真心，好難食😮‍💨 倒咗！合桃似沖劑，又淡又稀，西米露無乜味。新店黎講，帶比食客咁深刻既印象，真係祝你生意興隆。

普遍甜品選擇比以前多了，而且也開店更定時。甜品水準保持中上，份量但细了很多。Hope the shop keep up with the good work but not compensate the quality. 加油

11:30pm落到街都仲有糖水食係一件好幸福嘅事。哩碗楊枝甘露十分出色，我都係第一次食加有乳酪嘅楊枝甘露，口感非常滑，仲令到成碗糖水冇咁滯。唯一覺得如果可以用低糖乳酪就更完美。另一驚喜係上面幾粒玫瑰清香小丸子，非常煙韌，我見着老闆娘係即場搓即場煮，咁有誠意得唔得㗎 ？

💛行過原本想食上一手，但見轉左手佢地試業中，就試下，結果一d都無失望！嗌左芒果班戟，招牌仙草冰，牛奶布甸同水蜜桃沙冰，全部看似簡單但手工野！芒果班戟就足料，芒果夠香而且皮夠煙韌😆仙草冰就每樣都好夾，芋泥，紅豆比較甜少少，芋圓（應該係自己整！）仙草就少甜，唔會食到太濟☺️牛奶布甸一定要食！無誇張，佢地用既牛奶係出面絕對無呢隻香味！係一放入口就食到既牛奶香！大推！！水蜜桃沙冰就真係有水蜜桃味😜樣唔靚但好味！