留座 (已結業)

不知不覺成為左小店既熟客，雖然當初係被老闆開店既理念吸引而專程黎試，但老實講唔係因為小店既糖水真係好食就唔可能一直幫襯其實本人好少食糖水，加上出面好多糖水都好甜（就算買手搖飲品嗌少甜我都覺得偏甜）。小店既糖水對我黎講就係岩岩好嚐到少少甜味既程度，而今次就嗌咗芒果西米露。芒果肉一啲都唔遜色，有芒果甜香、唔酸亦冇渣，而且仲有一啲芒果冰沙，加埋西米一齊食口感幾豐富。另外今次老闆推介試試佢地親手製作既清心丸，本人留意到入面有桂花，咬落去偏向煙韌，有啖啖桂花味而唔甜。而且老闆標榜冇加任何化學材料製作，可以食得安心。而我個人覺得稍微不足既係椰奶味唔係好夠，以及糖水如果再凍些少就更好。但整體而言都幾滿意，而且睇住老闆整每一份糖水都好有心機。最後建議小店將來可以引入更多芒果種類，例如台灣愛文芒甚至係黑香芒果。